Wednesday, November 26, 2014

PSLF/TNLAမှ ကျေးဇူးမှတ်တမ်းတင်ခြင်း



မြန်မာ့တပ်မတော်မှ ရည်ရွယ်ချက်ရှိရှိ ဖြင့်ပစ်ခတ်လိုက်သည့် လက်နက်ကြီးကြောင့် ၁၉ ရက် နိုဝင်ဘာ လ ၂၀၁၄ ခုနှစ်တွင် ကျဆုံးခဲ့ရသည့် တိုင်းရင်းသား လက်နက်ကိုင် တော်လှန်ရေးအဖွဲ့အစည်းများမှ မဟာမိတ် ရဲဘော် အရာရှိလောင်းများနှင့် အတူ မိမိတို့ P.S.L.F/T.N.L.A အရာရှိလောင်းများ အတွက် ရည်စူးပြီး မြန်မာပြည် အနယ်အနယ်အရပ်ရပ်တွင် ရက်လည် ဆွမ်းသွတ် အလှူဒါနပြုလုပ် အမျှတမ်းဝေခြင်း၊ ဘာသာ ပေါင်းစုံ ဆုတောင်းပွဲ များပြုလုပ်ခြင်း၊ အနက်ရောင် လှုပ်ရှားမှုများပြုလုပ်ခြင်း စသဖြင့် တိုင်းရင်းသား စည်းလုံး ညီညွတ်မှုကို ဖော်ထုတ်ပြသပြီး မြန်မာ့တပ်မတော်၏ အကြမ်းဖက် လုပ်ရပ်များကို လက်မခံကြောင်း ရဲဝံ့ပြတ်သားစွာ ဆောင်ရွက်ခဲ့ကြသည့် မြန်မာနိုင်ငံ အနယ်နယ် အရပ်ရပ်ရှိ တိုင်းရင်းသား မိဘညီအစ်ကို မောင်နှမများ အားလုံးကို မိမိတို့ P.S.L.F/T.N.L.A မှ အထူး ကျေးဇူးတင်ရှိကြောင်း မှတ်တမ်းပြုအပ်ပါသည်။

အမျိုးသားလွတ်မြောက်ရေးအတွက် အသက်ပေးလှူခဲ့သည့် အရာရှိလောင်း များအား ဂုဏ်ပြုခြင်းနှင့် အတူ တိုင်းရင်းသား မိဘပြည်သူများနှင့် အစဉ် လက်တွဲကာ အမှန်တကယ်ငြိမ်းချမ်းသာယာသော ဖက်ဒရယ် ပြည်ထောင်စုနိုင်ငံ တည်ဆောက်နိုင်သည်အထိ ကြိုးပမ်းဆောင်ရွက်သွားမည်ဖြစ်ကြောင်း ထပ်လောင်း ကတိပြုအပ်ပါသည်။


ဗဟိုကော်မတီ
ပလောင်ပြည်နယ်လွတ်မြောက်ရေးတပ်ဦး
တအာင်းအမျိုးသားလွတ်မြောက်ရေးတပ်မတော်
P.S.L.F/T.N.L.A

Sunday, November 23, 2014

၂၀၁၄ခုနှစ် နိုဝင်ဘာလ ၁၉ရက်နေ့တွင် လုပ်ကြံခြင်းခံရသော တအာင်းဗိုလ်လောင်းများအား ဝမ်းနည်းခြင်းအထိမ်းအမှတ် အခမ်းအနား ကို လားရှိုးရှိ တအာင်းဒေသခံများကျင်းပပြုလုပ်။

ညီညွတ်သောတိုင်းရင်းသားများအဖွဲ့အစည်း AUN-Japan နိုင်ငံရေးဆွေးနွေးပွဲ အခမ်းအနား


ညီညွတ်သောတိုင်းရင်းသားများအဖွဲ့အစည်း AUN-Japan နိုင်ငံရေးဆွေးနွေးပွဲ အခမ်းအနားကို Kumin Katsudou Suishinka, မှာ ယနေ့ နေ့လည်မှာ ကျင်းပခဲ့ကြပြီး အတူတကွ စုပေါင်းလှုပ်ရှားမည့် ရှေ့လုပ်ငန်းစဉ်များတို့ကို ဆွေးနွေးခဲ့ကြကြောင်းနှင် ယခုလ ၁၉ရက်နေ့ ကချင်လွတ်လပ်ရေးတပ်မတော် (KIA) ၏ ဗိုလ်သင်တန်းကျောင်းကို ၁၀၅ မမအမြောက်ဆံဖြင့် ရည်ရွယ်ချက်ရှိရှိ အစိုးရစစ်တပ်၏ ပစ်ခတ်သည့်အပေါ် ရှုတ်ချကန့်ကွက်ကြောင်း၊ သင်တန်းကျောင်း တက်ရောက်ပြီး ကျဆုံးသွားကြသည့် တိုင်းရင်းသား ဗိုလ်လောင်းကျောင်းသားတို့အတွက် ဆုတောင်းသည့် အခမ်းနားအစီအစဉ်ကိုပါ ကျင်းပခဲ့ကြောင်း သိရှိရပါသည်။

AUN-Japan

ကျင်းပရေးကော်မတီ စတုတ္ထအကြိမ် ညှိနှိုင်းစည်းဝေးမှတ်တမ်း။

၈၈ ကျောင်းသားခေါင်းဆောင် ကိုမင်းကိုနိုင် ၊ ကိုဂျင်မီ နှင့်
ဂျပန်နိုင်ငံရောက် မြန်မာနိုင်ငံသားများတွေ့ဆုံပွဲ ဖြစ်မြောက်ရေး အတွက် ကျင်းပရေးကော်မတီ
စတုတ္ထအကြိမ် ညှိနှိုင်းစည်းဝေးမှတ်တမ်း။

ယနေ့ MPC ရုံးရှေ့ ရပ်သံမှတ်တမ်း


(MPC) ရုံးခန်းရှေ့မှာ ငြိမ်းချမ်းရေး လိုလားသူ လူငယ်များ လွမ်းသူပန်းခွေ၊ ပန်းစည်းချတဲ့ လှုပ်ရှားမှု







နိုဝင်ဘာလ ၁၉ ရက်တွင် တပ်မတော်မှ လက်နက်ကြီးဖြင့် ပစ်ခတ်မှုကြောင့် လိုင်ဇာမြို့ အနီးရှိ KIA ဗိုလ်သင်တန်းကျောင်းတွင် သင်တန်းတက်နေသော တိုင်းရင်းသား လက်နက်ကိုင် အဖွဲ့အစည်းများမှ လူငယ် ဗိုလ်လောင်းစုစုပေါင်း(၂၃)ဦး သေဆုံးခဲ့ပြီး(၂၀)ခန့် ဒဏ်ရာရရှိခဲ့တယ်။ ကျဆုံးသွားခဲ့တဲ့ တိုင်းရင်းသား လက်နက်ကိုင်အဖွဲ့အစည်းများမှ အရာရှိငယ်များ အတွက်သူတို့ရဲ့ မိသားစုများ၊ ကိုယ်စားပြုအဖွဲ့အစည်းများ၊ သူငယ်ချင်းမိတ်ဆွေ များနှင့်ထပ်တူထပ်မျှ ဝမ်းနည်းကြောင်း ထုတ်ဖော်ပြသရန်နဲ့ ငြိမ်းချမ်းရေးလုပ်ငန်းများအတွက် အပျက်သဘောဆောင်တဲ့ တပ်မတော်၏လုပ်ရပ်ကို ကန့်ကွက်သည့်အနေဖြင့် မြန်မာနိုင်ငံ ငြိမ်းချမ်းရေး ပြန်လည်ထူထောင်ရေး လုပ်ငန်းဗဟိုဌာန (MPC) ရုံးခန်း ရှေ့မှာ လွမ်းသူပန်းခွေ၊ ပန်းစည်းချတဲ့ လှုပ်ရှားမှုတစ်ခုကို ငြိမ်းချမ်းရေး လိုလားသူ လူငယ်များနှင့် တက်ကြွ လှုပ်ရှားသူများက ယနေ့ မနက်ပိုင်းက လုပ်ဆောင်ခဲ့တယ်လို့ သိရပါတယ်။


Author /photo ကြည်နူး


Wednesday, November 19, 2014

အစိုးရစစ်တပ် ပစ်ခတ်မှုကြောင့် ကေအိုင်အေ ဗိုလ်လောင်း ၂၀ ကျဆုံး

 အစိုးရ တပ်၏ လက်နက်ကြီး ပစ်ခတ်မှုကြောင့် သေဆုံးခဲ့ရသည်း KIA တပ်မှ ဗိုလ်လောင်း များအား တွေ့ရစဉ်
အစိုးရ တပ်၏ လက်နက်ကြီး ပစ်ခတ်မှုကြောင့် သေဆုံးခဲ့ရသည်း KIA တပ်မှ ဗိုလ်လောင်း များအား တွေ့ရစဥ
ကချင်ပြည်နယ် ခယာဘွမ် အခြေစိုက် အစိုးရတပ်မတော် ခြေမြန်တပ်ရင်း ၃၈၉ က လိုင်ဇာအရှေ့ဘက် ဝေကြိုင်ဘွမ်မှာရှိတဲ့ ကချင်လွတ်မြောက်ရေးတပ်မတော် (ကေအိုင်အေ)ရဲ့ အရာရှိ ဗိုလ်သင်တန်းကျောင်းကို ပစ်ခတ်တဲ့ အတွက် အရာရှိ သင်တန်း သား ၂၀ ကျဆုံးပြီး ၁၆ ဦး ဒဏ်ရာရသွားတယ်လို့ ကေအိုင်အေက ဒီဗွီဘီကို အတည်ပြု ပြောပါတယ်။

ဒီကနေ့မွန်းလွဲ ၁၂ နာရီခွဲအချိန်က ပစ်ခတ်မှုကြောင့် စစ်ရေးပြကွင်းမှာ စစ်ရေး လေ့ကျင်နေတဲ့ အရာရှိငယ် သင်တန်းသားတွေ သေဆုံးဒဏ်ရာရခဲ့တာဖြစ်ပြီး ဒဏ်ရာရသူတွေကို ဆေးရုံကို ပို့ဆောင် ကုသခဲ့သလို ဒဏ်ရာ အခြေအနေ အသေးစိတ်ကို မသိရသေးဘူးလို့ ကေအိုင်အေ ပြောခွင့်ရ ဦးလနန်က ပြောပါတယ်။
“ဒါကတော့ ရည်ရွယ်ချက်ရှိရှိ လုပ်တဲ့ဖြစ်စဉ်ပါ။ ဘာကြောင့်လဲဆိုတော့ ဒီနေ့မနက် ဖြစ်စဉ်မှာ လည်း တိုက်ပွဲဖြစ်တာလည်း အဲဒီဒေသတလျှောက်မှာ၊ ၈ နာရီခွဲ ၉ နာရီမှာဖြစ်တဲ့ မိနစ် ၂၀ တိုက်ပွဲဟာလည်း ဗိုလ်လောင်းသင်တန်းရဲ့ မိုင် ၆ မိုင်လောက်ရှိတဲ့နေရာမှာ တိုက်ပွဲဖြစ်တယ်။ တိုက်ပွဲ ဖြစ်တဲ့နေရာမှာ ကန်တောင်ရွာကနေ လက်နက်ကြီးပစ်ကူပေးသေးတယ်။ ၁၂ နာရီ ၃၆ မိနစ်လောက်မှာ ခယာဘွမ်က နေပြီးတော့ ကျနော်တို့ ဗိုလ်သင်တန်းကျောင်းကို ပစ်မှတ်ကို တိကျသေချာအောင် ချိန်ပြီး ပစ်ခတ်တာပါ။ အဲဒါကြောင့် စစ်ရေးပြကွင်းမှာ လေ့ကျင့်နေတုန်း သွားပြီးတော့ ထိမှန်တဲ့ အတွက်ကြောင့် ကျနော်တို့ဘက်က တော်တော်လေး အထိအခိုက် အကျအဆုံးများတယ် ”လို့ ဦးလနန်က ပြောပါတယ်။

ဒီနေ့မနက် ၄ နာရီ ပတ်ဝန်းကျင်မှာ ဟူပင်ဒေသ အနီးမှာ ကေအိုင်အေ တပ်ရင်း ၂၆ နဲ့ အစိုးရ ခြေလျင်တပ်ရင်း ခလရ ၆ တို့ တိုက်ပွဲ ဖြစ်ပွားခဲ့သလို ၈ နာရီပတ်ဝန်းကျင်မှာလည်း ကေအိုင်အေ ဗဟိုဌာနချုပ်ရဲ့ အထက်မှာရှိတဲ့ တပ်စခန်းတချို့ကို ခြေမြန်တပ်ရင်း ၃၈၄ က ၀င်ရောက်တိုက်ခိုက် ခဲ့သလို ခမရ ၃၉၀ ကနေပြီး ကန်ဒေါင်ယောင် ကေအိုင်အေစခန်းကို ၀င်တိုက်ခိုက်ခဲ့တယ်လို့ သူက ပြောပါတယ်။

ခယာဘွမ်ဟာ ၂၀၁၂ ခုနှစ် တိုက်ပွဲပြင်းပြင်းထန်ထန် ဖြစ်ပွားပြီးတဲ့နောက် အစိုးရက လေယာဉ်နဲ့ တိုက်ခိုက်သိမ်း ယူသွားတဲ့ တောင်ကုန်းဖြစ်သလို ဝေကြိုင်ဘွမ်နဲ့ ကီလိုမီတာ အနည်းငယ်သာ ကွာဝေးတဲ့နေရာမှာရှိတာပါ။

ဒီပစ်ခတ်မှုနဲ့ပတ်သက်ပြီး ကုလသမဂ္ဂရဲ့ မြန်မာနိုင်ငံဆိုင်ရာ အထူးအကြံပေးနဲ့ အပစ်အခတ် ရပ်စဲရေးမှာ ပါဝင်တဲ့ အဖွဲ့တွေကိုလည်း အကြောင်းကြားထားပြီး အပစ်ခတ်ရပ်စဲရေး ဆွေးနွေးပွဲ တွေအပေါ် ထိခိုက်မှု ရှိမရှိ ပြောဖို့ စောသေးတယ်လို့ ကေအိုင်အေက ပြောပါတယ်။

Copy from - DVB