Monday, March 28, 2016

ပန်ခမ်း ဆွေးနွေးပွဲ ထုတ်ပြန်ကြေညာချက်

ပန်ခမ်း ဆွေးနွေးပွဲ ထုတ်ပြန်ကြေညာချက်

28,3,2016

UWSA,ခေါ် "ဝ"ပြည်သွေးစည်းညီညွှတ်
ရေးတပ်မတော် ဌာနချုပ် ပန်ဆန်းတွင်( ၃)ရက်ကြာ ကျင်းပပြုလုပ်သောတိုင်းရင်း
သားလက်နက်ကိုင်တော်လှန်ရေး အဖွဲ့
အစည်း ခေါင်းဆောင်များ ပန်ခမ်း အစည်းအဝေး ထုတ်ပြန်ကြေငြာချက်

၂၀၁၆ ခုနှစ် မတ်လ ၂၈ ရက်၊

Sunday, March 27, 2016

တိုင်းရင်းသားတို့ခင်းကျင်းရမဲ့ နိုင်ငံရေးနည်းပရိယာယ်


အပစ်ရပ်တိုင်းရင်းသားများနဲ့ အပစ်မရပ်ရသေးတဲ့ တိုင်းရင်းသားများ တွေ့ဆုံပွဲတစ်ရပ်ကို ဇင်းမယ်မြို့မှာ ဒီကနေ့ တွေ့ဆုံကြဖို့ ရှိတယ်။ ဒါဟာ ကောင်းမွန်တဲ့ တွေ့ဆုံမှုတစ်ရပ် ဖြစ်ပါတယ်။ အခြားအရေးကြီးတဲ့ တွေ့ဆုံမှုတစ်ရပ်မှာ ဝဒေသပန်ဆန်းမှာပါ။ အပစ်မရပ်ရသေးတဲ့ အဖွဲ့(၇)ဖွဲ့က အစိုးရသစ်နဲ့ ငြိမ်းခမ်းရေးကိစ္စ၊ RCSS နဲ့ TNLA ကိစ္စတွေကို သီးခြားဆွေးနွေးနေပါတယ်။ မြောက်ပိုင်းတပ်မတော်များပဲ တွေ့ဆုံကြမှာဖြစ်လို့ ထူးဆန်းတဲ့ တွေ့ဆုံမှုတစ်ခုပါ။ တိုင်းရင်းသားအားလုံးတစ်သံထဲထွက်ဖို့ အရေးကြီးတယ်ဆိုတာ အားလုံးနားလည်ထားကြဖို့ လိုမယ်။

KNU အထွေထွေအတွင်းရေးမှူး ဖဒိုကွယ်ထူးဝင်းနဲ့ ပအိုဝ်းဥက္ကဋ္ဌခွန်မြင့်ထွန်းတို့က NCA ကို ပြန်ဆွေးနွေးစရာမလိုတော့ဘူး၊ ကျန်သေးတဲ့အဖွဲ့တွေ ပါဝင်လာရေးပဲ ကြိုးစားရမယ်လို့ ထပ်ခါတလဲလဲ ပြောနေပါတယ်။ ကိုးကန့်၊ တအာင်းနဲ့ အခြားအဖွဲ့တွေ ပါဝင်လာဖို့အရေးဟာ မအလအပေါ်မှာ မူတည်ပါတယ်။ သူတို့ကို မအလလက်ခံဖို့ ဖျောင်းဖျရပါအုံးမယ်။ သူတို့ကို လက်ခံတာနဲ့ပဲ နိုင်ငံရေးဆွေးနွေးပွဲတွေကို ကျင်းပလို့ ရပါပြီ။ နိုင်ငံရေးမူဘောင်တွေနဲ့ ပတ်သက်ပြီး အပြောင်းအလဲအနည်းငယ် ရှိနိုင်တယ်လို့ NLD က ပြောခဲ့သလို ပြည်ထောင်စုငြိမ်းချမ်းရေးညီလာခံကို ပူးတွဲကျင်းပခဲ့တဲ့ အဖွဲ့(၈)ဖွဲ့ကလည်း ဒါကို မငြင်းပါ။

သမ္မတသစ်ဦးထင်ကျော်၊ အမျိုးသားလွှတ်တော်ဒုဥက္ကဌ ဦးအေးသာအောင်နဲ့ NLD နာယကဦးတင်ဦးတို့ကလည်း ပြည်တွင်းငြိမ်းချမ်းရေးကို ဦးစားပေးမယ်လို့ ကတိပြုထားပြီဖြစ်တယ်။ ဒီကြားထဲမှာ NLD နဲ့ ANP တို့က အစိုးရဖွဲ့စည်းရေးနဲ့ ပြဿနာဖြေရှင်းရေးတို့အတွက် ပူးပေါင်းဆောင်ရွက်ကြဖို့ သဘောတူညီခဲ့ကြပါတယ်။ ဒါပေမဲ့ SNLD ကတော့ ရှမ်းပြည်အစိုးရမှာတောင် ရာထူးမယူဘဲ ဖက်ဒရယ်ပြည်ထောင်စုပေါ်ထွန်းရေးအတွက် ငြိမ်းချမ်းရေးနဲ့ ဖွဲ့စည်းပုံပြင်ရေးကိုပဲ အားသွန်ခွန်စိုက် လုပ်မယ်လို့ ဒီကနေ့ ပြောကြားသွားတယ်။ ဒါပေမဲ့ လွှတ်တော်မှာ ရောက်နေတဲ့ အမတ်များကိုတော့ NLD နဲ့ ပူးပေါင်းဆောင်ရွက်ကြဖို့ ညွန်ကြားထားပြီဖြစ်ကြောင်း သိရတယ်။

အခု NLD ပါတီက တိုင်းနဲ့ ပြည်နယ်(၁၄)ခုမှာ သူ့ပါတီဝင်ကိုပဲ ဝန်ကြီးချုပ်ခန့်အပ်မဲ့သဘောကို တွေ့ရပါတယ်။ လက်ရှိဖွဲ့စည်းပုံအရ NLD ကို တားဆီးလို့ မရပါ။ NLD မှာ လုပ်ပိုင်ခွင့်အပြည့်ရှိနေပါတယ်။ မိမိတို့အနေနဲ့ ဒီကိစ္စနဲ့ ပတ်သက်ပြီး NLD ကို ဖိအားပေးမနေတော့ဘဲ ပြည်တွင်းငြိမ်းချမ်းရေးနဲ့ ဖွဲ့စည်းပုံပြင်ရေးမှာပဲ အာရုံထားကြဖို့ လိုအပ်နေပြီလို့ တွက်မိပါတယ်။ NLD အစိုးရရဲ့ အုပ်ချုပ်ရေးကို အနှောင့်အယှက် မဖြစ်စေတဲ့ လှုပ်ရှားမှုများကို စည်းချက်ညီညီနဲ့ လုပ်ကြဖို့ လိုပါ့မယ်။ အထူးသဖြင့် ပါတီခေါင်းဆောင်များဟာ NLD အစိုးရမှာ မပါသေးဘဲ ဖြစ်လာမဲ့ နိုင်ငံရေးဆွေးနွေးပွဲတွေမှာ ထဲထဲဝင်ဝင် ဆွေးနွေးလို့ ရအောင် လွတ်လွတ်လပ်လပ်နဲ့ ပြင်ဆင်ထားကြဖို့ လိုမယ်လို့ တွက်မိပါတယ်။

၁။ အပစ်မရပ်ရသေးတဲ့ UNFC နဲ့ အပစ်ရပ်ပြီးသားတိုင်းရင်းသားများအနေနဲ့ တူညီတဲ့ ဘုံရန်မှန်းချက်တွေကို ပြန်စုစည်းကြဖို့ လိုပါ့မယ်။ အမြင်နဲ့အယူအဆ ကွဲပြားစေမဲ့ လုပ်ရပ်များကို စတင်ရှောင်ရှားကြဖို့ အချိန်တန်ပါပြီ။ အစွဲနဲ့ ပြောတဲ့စကား၊ အုပ်စုစိတ်နဲ့ ပြောတဲ့စကားတွေကို အထူးရှောင်ရှားသင့်နေပါပြီ။ နောက်ပြီး တိုင်းရင်းသားအားလုံး သဘောတူညီထားမှုကို လှို့ဝှက်အဆင့်မဟုတ်ရင် ပြည်သူလူထုတွေကို အသိပေးဖို့ ကောင်းပါတယ်။

၂။ ပြည်တွင်းတိုင်းရင်းသားနိုင်ငံရေးပါတီများဟာ တကွဲတပြားဖြစ်နေလို့ မရတော့ပါ။ ကရင်မှာ ကရင်နိုင်ငံရေးပါတီတစ်ခုပဲ ရှိသင့်သလို မွန်မှာလည်း မွန်နိုင်ငံရေးပါတီတစ်ခုပဲ ထားရှိသင့်ပါတယ်။ ရှမ်းမှာလည်းပဲ မကွဲကြပါနဲ့။ NBF နဲ့ UNA တို့အနေနဲ့ ပူးတွဲဆောင်ရွက်နိုင်တဲ့ နည်းလမ်းတွေကို ရှာကြံဖို့ သင့်တော်နေပါပြီ။ နိုင်ငံရေးဆွေးနွေးပွဲတွေ ကျင်းပတဲ့အခါ တိုင်းရင်းသားရပ်ဝန်းကနေ အသံနှစ်မျိုး ထွက်နေလို့ မဖြစ်ပါဘူး။

၃။ NLD အစိုးရဟာ တိုင်းရင်းသားလူမျိုးများအတွက် အဟန့်အတား မဟုတ်ပါဘူး။ ပြည်ခိုင်ဖြိုးပါတီဟာ လောလောဆယ်မှာ အင်စတီကျူးရှင်းပျောက်နေပါတယ်။ ဒါကို သူတို့အဖတ်ပြန်မဆယ်နိုင်ခဲ့ရင် တစညလို ဖြစ်သွားနိုင်ပါတယ်။ တစ်ချိန်ချိန်မှာ သူရရွှေမန်းနဲ့ သူရအောင်ကိုတို့က ပြည်ခိုင်ဖြိုးပါတီကို ပြန်လည်ဦးဆောင်ကြဖို့ ရှိပါလိမ့်မယ်။ သူတို့က NLD အရိပ်ကို မခိုလှုံဘဲ ပြည်သူတို့လက်ခံမှာမဟုတ်ဘူးလို့ သိရှိနားလည်ခဲ့ကြပါပြီ။ ဒါကြောင့် တိုင်းရင်းသားလူမျိုးများအနေနဲ့ NLD အစိုးရကို မဲပေးခဲ့ကြတာနဲ့အညီ NLD အစိုးရရဲ့ အုပ်ချုပ်ရေးယန္တရားလည်ပတ်ဖို့အတွက် ကူညီပေးနိုင်သလောက် ကူညီပေးသင့်ပေမဲ့ NLD အစိုးရမှာ ထဲထဲဝင်ဝင် ပါဝင်ဖို့ကိုတော့ သိပ်ပြီးတော့ မတိုက်တွန်းသေးပါ။ ဥပဒေပြုရေးမှာပဲ ထဲထဲဝင်ဝင် ပါစေချင်ပါတယ်။

၁။ တိုင်းရင်းသားအင်အားစုအားလုံး စုစည်းနိုင်ရေး၊
၂။ တိုင်းရင်းသားဆိုင်ရာအင်စတီကျူးရှင်းတစ်ရပ် ပီပီပြင်ပြင် ပေါ်ထွန်းရေး၊
၃။ ၈၈ မျိုးဆက် စတဲ့ တက်ကြွလှုပ်ရှားသူများနဲ့ နီးနီးကပ်ကပ် ပူးပေါင်းဆောင်ရွက်ရေး၊
၎။ NLD အစိုးရခင်းကျင်းမဲ့ နိုင်ငံရေးဆွေးနွေးပွဲများကို အမိအရဆုပ်ကိုင်ရေး
တို့ဖြစ်ပါတယ်။ ဒါပေမဲ့ နိုင်ငံရေးမူဘောင်ကို ရေးဆွဲတဲ့အခါမှာ

၁။ စစ်တပ်၊ အစိုးရနဲ့ လွှတ်တော်တို့ဟာ တစ်အုပ်စုထဲ ရှိနေသင့်ပါတယ်။
၂။ တိုင်းရင်းသားအင်အားစုတွေဟာ တစ်အုပ်စုထဲ ရှိနေသင့်ပါတယ်။
၃။ နိုင်ငံရေးပါတီများဟာ တစ်အုပ်စုထဲ ရှိနေသင့်ပါတယ်။

ဒါဟာ UNFC မူ ဖြစ်တယ်။

မိမိသဘောအရဆိုခဲ့ရင်-
၁။ NLD အစိုးရ
၂။ စစ်တပ်နဲ့
၃။ တိုင်းရင်းသားလက်နက်ကိုင်အဖွဲ့အစည်းတွေ အရင်ဆွေးနွေးရမှာ ဖြစ်တယ်။ ပြည်ထောင်စုညီလာခံကျမှပဲ အားလုံးကို ဖိတ်ခေါ်သင့်ပါကြောင်း။
 

U Ravika

Friday, March 4, 2016

တပ်မတော်ကြောင့် နိုင်ငံစည်းလုံးတည်ငြိမ်မှုမရှိခဲ့ပါ။

တိုင်းပြည်ရဲ့ ဒီမိုကရေစီက “နုနယ်” အားနည်း အထိအခိုက်မခံသေးဘဲ “နိုင်ငံရေး ၀ရုန်းသုန်း ကား” အခြေအနေထဲကို အလွယ်တကူ ကျရောက်သွားနိုင်တာကြောင့် နိုင်ငံရေးမှာ စောင့်ရှောက်ပေးသူ၊ စီမံခန့်ခွဲသူဆိုတဲ့ အခန်းကဏ္ဍကို ဆက်လက်ယူထားဖို့လိုကြောင်း မြန်မာတပ်မတော်ဘက်က ပြောနေပါတယ်။

“အတိတ်သမိုင်းအရ မိမိတိုင်းပြည်အပေါ် သစ္စာမဲ့မှု၊ ပြည်ပနိုင်ငံအပေါ် သစ္စာခံမှု၊ တပ်မတော်အပေါ် သစ္စာမဲ့မှုများကြောင့် နိုင်ငံ့အရေးကိစ္စများတွင် များစွာရှုပ်ထွေးခဲ့ကြောင်း” ဗိုလ်ချုပ်မှူးကြီး မင်းအောင်လှိုင်က မကြားသေးခင်က ပြောဆိုသွားပါ တယ်။ ထိုသို့ ထပ်မံ မဖြစ်လာစေရေးအတွက် ဖွဲ့စည်းပုံအခြေခံဥပဒေတွင် သတ်မှတ်ချက်အချို့ ထည့်သွင်းထားခြင်းဖြစ် ကြောင်းလည်း ဖြည့်စွက်ပြောဆိုသွားပါတယ်။

တည်ငြိမ်မှု၊ စည်းလုံးညီညွတ်မှု၊ အချုပ်အခြာအာဏာ တည်တံ့ခိုင်မြဲမှုနဲ့ ပြည်ထောင်စုမပြိုကွဲရေးတိုို့အတွက် တပ်မတော်က နိုင်ငံရေးကို ချုပ်ကိုင်ထားဖို့ လိုအပ်ကြောင်းကို ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောဆိုထားသလို ရာထူးကနေ စွန့်ခွာရတော့မယ့် သမ္မတ ဦးသိန်းစိန်ကလည်း ထုတ်ဖော်ပြောဆိုထားပါတယ်။

မြန်မာ့နိုင်ငံရေး အသွင်ကူးပြောင်းမှုမှာ တည်ငြိမ်ချောမွေ့မှုရှိတာနဲ့ အာရပ်နွေဦးတိုင်းပြည်တွေမှာ တည်ငြိမ်မှုမရှိတာတွေ၊ ပရမ်းပတာနိုင်မှုတွေနဲ့ နိုင်ငံပြိုကွဲပျက်စီးမှုတွေအကြောင်းကို ဦးသိန်းစိန်နဲ့ ကာချုပ်မင်းအောင်လှိုင်တို့က နှိုင်းယှဉ် ပြောဆိုပါတယ်။

ဒီတော့ တည်ငြိမ်ခိုင်မာတဲ့ နိုင်ငံတော်တခုမှာ ဘယ်လို စရိုက်လက္ခဏာတွေ ရှိကြသလဲဆိုတာ မေးခွန်းထုတ်ကြည့်ပါမယ်။

“ခိုင်မာအားကောင်းတဲ့ နိုင်ငံတော်တွေဆိုတာကတော့ နယ်မြေပိုင်နက်အားလုံးနဲ့ လူဦးရေတခုလုံးအပေါ်မှာ သြဇာ လွှမ်းမိုးနိုင်ရပါမယ်။ ဆိုလိုတာကတော့ တိုင်းပြည် စည်းလုံးညီညွတ်မှုကို ထိန်းထားနိုင်ရပါမယ်။ ပြည်တွင်းပဋိပက္ခတွေ မဖြစ်အောင် ကာကွယ်နိုင် ဒါမှမဟုတ် ခွဲထွက်မှုတွေ မဖြစ်အောင် ကာကွယ်နိုင်ရပြီး တရားဝင်မှုရှိ နေရပါမယ်။ အများပြည်သူအတွက် ၀န်ဆောင်မှုတွေ ပေးအပ်နိုင်ပြီး ပြည်သူတွေရဲ့ လိုအင်ဆန္ဒတွေကို တုံ့ပြန် ဖြည့်ဆည်း ပေးနိုင်ရပါမယ်” လို့ ၂၀၀၅ ခုနှစ် အောက်တိုဘာလထုတ် ဒီမိုကရေစီဂျာနယ်မှာ J-P. Faguet နဲ့ A. Fox, C. Pöschl တို့ ရေးသားတဲ့ ဆောင်းပါး “Decentralizing for a Deeper, More Supple Democracy” ထဲမှာ ပြောထားပါတယ်။

အဲဒီ အဓိပ္ပာယ်ဖွင့်ဆိုချက်အတိုင်း မြန်မာနိုင်ငံမှာ လာပြီး တိုင်းတာကြည့်လိုက်မယ်ဆိုရင် တပ်မတော်က ထိန်းချုပ်ထားပြီး အုပ်ချုပ်ခံနေရတဲ့ နိုင်ငံက ပညာရှင်တွေပြောခဲ့သလို ဘက်ပေါင်းစုံမှာ ဆိုးဆိုးရွားရွား ချို့ယွင်းပျက်စီးနေတာကို သွားတွေ့ ရပါတယ်။

တပ်မတော်က တိုင်းပြည်နယ်မြေပိုင်နက်အားလုံး အပေါ်မှာနဲ့ လူဦးရေတခုလုံးအပေါ်မှာ အာဏာသက်ရောက်နိုင်ဖို့ ဆယ်စုနှစ်ပေါင်းများစွာ ကြိုးစားခဲ့ပေမယ့် အခုအချိန်ထိတော့ မအောင်မြင်သေးပါ။ ပဋိပက္ခတွေ၊ ဒုက္ခခံစားရမှုတွေ၊ ပစ္စည်းဥစ္စာပျက်စီးဆုံးရှုံးမှုတွေနဲ့ ဖွံ့ဖြိုးတိုးတက်မှု နောက်ကျတာတွေပဲ ဖြစ်ပေါ်လာခဲ့ပါတယ်။

တိုင်းရင်းသား စည်းလုံးညီညွတ်မှုရှိအောင် ထိန်းသိမ်းစောင့်ရှောက်ပေးနေတယ်လို့ မြန်မာတပ်မတော်က ကြွေးကြော်ပါတယ်။ ဒါပေမယ့် တကယ်လက်တွေ့မှာတော့ ဆန့်ကျင်ဘက်ပါ။ ဗဟိုချုပ်ကိုင်မှုကို အင်အားသုံး ဖော်ဆောင်တည်ဆောက်ခဲ့ပြီး တပြည်ထောင်စနစ်ကို အတင်းအကျပ် ဖော်ဆောင်ခဲ့ပေမယ့် အမှန်တကယ် လုပ်ဆောင်ခဲ့တာကတော့ ဗမာလူမျိုး ကြီးစိုး လွှမ်းမိုးရေးပါ။ အောင်မြင်မှုလည်း မရခဲ့ပါ။ ဒါပေမယ့် အဲဒီလိုလုပ်ဆောင်ခဲ့တဲ့ မြန်မာ့တပ်မတော်ကြောင့်ပဲ နိုင်ငံ တော်ကို မထောက်ခံချင်တဲ့ အုပ်စုတွေ အများအပြားက ထင်ထင်ရှားရှား ပေါ်ပေါက်လာခဲ့ပါတယ်။

မြန်မာနိုင်ငံသားတွေက သူတို့တွေရဲ့ လိုလားဆန္ဒတွေကို ထုတ်ဖော်ခွင့်ရတဲ့ အခါတိုင်း တပ်မတော်နဲ့ သူ့ရဲ့အစွယ်အပွား ပါတီတွေကို ပြတ်ပြတ်သားသား တခဲနက် ဆန့်ကျင် မဲပေးခဲ့ကြပါတယ်။ ဒါကို ကြည့်ခြင်းအားဖြင့် တပ်မတော်မှာရှိတဲ့ တရားဝင်မှု၊ တရားနည်းလမ်းကျမှုက အလွန်တရာ နည်းပါးတာကို သွားတွေ့ရမှာပါ။ တပ်မတော်ရဲ့ ချုပ်ကိုင်ခြင်းကိုခံရတဲ့ နိုင်ငံတော်က အများပြည်သူဝန်ဆောင်မှုတွေကို ပေးအပ်တဲ့နေရာမှာ ပြည်သူတွေရဲ့ လိုလားချက်တွေကို တုံ့ပြန် ဖြည့်ဆည်းပေးတဲ့နေရာမှာ ဆိုးဆိုးရွားရွား ညံ့ဖျင်းပါတယ်။

ဦးသိန်းစိန် သမ္မတသက်တမ်းအတွင်းမှာတော့ စစ်တပ်မဟာဗျူဟာသမားတွေက စစ်နိုင်ဖို့အတွက် ငြိမ်းချမ်းရေးကို အသုံးချနေသလို ရှိနေခဲ့ပါတယ်။ ဗဟိုအစိုးရအတွက် တရားဝင်မှု၊ တရားနည်းလမ်းကျမှုတွေ ပိုမိုများပြားလာပြီး တိုင်းရင်းသား လက်နက်ကိုင်အဖွဲ့တွေရဲ့ တရားဝင်မှုကို အားနည်းသွားအောင် ငြိမ်းချမ်းရေး စေ့စပ်ညှိနှိုင်းမှုတွေကို အသုံးချနေခဲ့ပါတယ်။
တိုင်းရင်းသားတွေရဲ့ နယ်မြေပိုင်နက်တွေထဲကို တမိုင်ပြီး တမိုင် စိတ်ရှည်လက်ရှည်နဲ့ စနစ်တကျ တိုးချဲ့နေရာယူလာနိုင်ပြီး တိုင်းရင်းသားလက်နက်ကိုင်အဖွဲ့တွေကို ချည်ပြီးတုပ်ပြီးဖြစ်အောင် တိုင်းရင်းသားအဖွဲ့တွေကို အပစ်ရပ်စာချုပ်လက်မှတ် ထိုးဖို့ တိုက်တွန်းနားချတာ ဒါမှမဟုတ် အကျပ်ကိုင်တာတွေ လုပ်ဆောင်ပါတယ်။

တိုးချဲ့နေရာယူတဲ့အခါ တပ်မတော်က တပ်ရင်းတပ်ဖွဲ့တွေ ကိုယ်တိုင် တိုက်ရိုက်လုပ်ဆောင်တာ ဖြစ်သလို ပြည်သူ့စစ်အဖွဲ့ တွေကနေ တဆင့် သွယ်ဝိုက်လုပ်ဆောင်တာလည်း ဖြစ်ပါတယ်။  အဲဒီလို နယ်မြေတိုးချဲ့တဲ့အခါ ပိုမိုလွယ်လွယ်ကူကူ ထိ ထိရောက်ရောက် ဖြစ်အောင် တိုင်းရင်းသားဒေသတွေမှာ မြန်မာ့တပ်မတော်နဲ့ အစိုးရက ဖွံ့ဖြိုးရေးတွေ ကြိုးစားလုပ်ဆောင် ပေးပါတယ်။ စည်းရုံးသိမ်းသွင်းတာ၊ လာဘ်ထိုးတာ အကျင့်ပျက်ခြစားတာတွေဖြစ်အောင် လုပ်ဆောင်ပြီး တပ်မတော်နဲ့ အစိုးရက သူတို့ရဲ့ အမြင့်မားဆုံးရည်မှန်းချက်ကို အောင်မြင်အောင် ကြိုးစားပါတယ်။

အမြင့်မားဆုံးရည်မှန်းချက် ဆိုတာကတော့ တိုင်းရင်းသားလက်နက်ကိုင်အဖွဲ့တွေကို အင်အားကုန်ခန်းသွားအောင်၊ သူတို့ နယ်မြေတွေကို ကျဉ်းမြောင်းအောင် လုပ်ပြီး ထိန်းချုပ်ဖို့ပါ။ ရလဒ်တွေကတော့ ဦးသိန်းစိန် သမ္မတအဖြစ် တာဝန် မထမ်းဆောင်ခင်ကထက် သူ့ရဲ့သမ္မတသက်တမ်းအတွင်းမှာ ပဋိပက္ခတွေ ပိုများလာတာပါ။

ဒါကြောင့်မို့ ပြည်တွင်းနဲ့ နိုင်ငံတကာ ငြိမ်းချမ်းရေး လုပ်ငန်းထဲမှာ ပါဝင်နေသူတွေ၊ အတုအယောင် ငြိမ်းချမ်းရေးလုပ်ငန်းစဉ်ကနေ ဖန်တီးပေးထားတဲ့ ၀ါဒဖြန့်ချိကြေညာမှုတွေကို ကျော်လွန်ပြီး မြင်အောင်ကြည့်ဖို့ အချိန်တန်ပါပြီ။ ပဋိပက္ခတွေက နည်းပါးသွားတာ မဟုတ်ဘဲ ပိုများလာတယ်ဆိုတာကိုလည်း ၀န်ခံအသိအမှတ်ပြုဖို့ အချိန်တန်ပါပြီ။

စေ့စပ်ဆွေးနွေးလိုက်၊ နယ်မြေကျူးကျော်လိုက်၊ ငြိမ်းချမ်းရေးဆွေးနွေးလိုက် စနစ်တကျဖိအားပေးမှုတွေကို ဆက်လုပ် လိုက်ဆိုတဲ့ နည်းဗျူဟာတွေကိုသာ မြန်မာ့တပ်မတော်က ဆက်ပြီးကျင့်သုံးနေမယ်ဆိုရင် ငြိမ်းချမ်းရေး ရလာမှာ မဟုတ်ဘဲ ဒီမိုကရေစီနည်းကျ ရွေးကောက်တင်မြှောက်ခံထားရတဲ့ အစိုးရပဲ အားနည်းသွားမှာ ဖြစ်ပါတယ်။

မြန်မာ့တပ်မတော်မှာ ၂၀၀၈ ဖွဲ့စည်းပုံအခြေခံဥပဒေကနေ ပေးအပ်ထားတဲ့ လုပ်ပုိုင်ခွင့်အာဏာတွေရော၊ အခြေအနေအရ ရရှိထားတဲ့ အာဏာတွေပါ အများကြီးရှိနေပါတယ်။ ဒီမိုကရေစီနည်းကျ ရွေးကောက်တင်မြှောက်ခံထားရတဲ့ အစိုးရကလည်း တခြားရွေးချယ်စရာ နည်းလမ်းမရှိဘဲ မတူညီတဲ့ စနစ် ၂ ခု ဒွန်တွဲနေတဲ့ အုပ်ချုပ်ရေးကို လက်ခံထားရပါတယ်။ မတူညီတဲ့ စနစ်၂ ခု ဆိုတာမှာ တခုက ပြည်သူ့ဆန္ဒနဲ့ အညီ ပေါ်လာတဲ့ ဒီမိုကရေစီစနစ်ဖြစ်ပြီး နောက်တခုကတော့ ၂၀၀၈ ဖွဲ့ စည်းပုံအခြေခံ ဥပဒေကနေ ချမှတ်ပေးထားတဲ့ မြန်မာ့တပ်မတော်က ကြိုးကိုင်တဲ့ နိုင်ငံရေးစနစ်ပါ။

ဒါပေမယ့် တဖက်နဲ့တဖက် လက်တွေ့မှာ အာဏာတွေ အပြန်အလှန် တည်ဆောက်ထားပုံရှိနေပေမယ့်လည်း အခြေအနေကို နားလည်သဘောပေါက်နိုင်ပါတယ်။ မြန်မာ့တပ်မတော်က တိုင်းပြည် တည်ငြိမ်မှု ရှိအောင်နဲ့ တိုင်းပြည်အင်အားတောင့်တင်းအောင် ထိန်းသိမ်းစောင့်ရှောက်ပေး နေသူ မဟုတ်ပါ။ အမျိုးသားအမှတ်လက္ခဏာ တည်ဆောက်ရာမှာနဲ့ နိုင်ငံတည်ဆောက်ရာမှာ ရှုံးနိမ့်ထားတဲ့ သမိုင်း ကြောင်း သူ့မှာ ရှိပါတယ်။

တပ်မတော်က နိုင်ငံရေးမှာ ပါဝင်လွှမ်းမိုးထားနိုင်ဖို့ သူ့ကိုယ်သူ နေရာပေး ခန့်အပ်နေခြင်းကလည်း အမျိုးသား အမှတ်လက္ခဏာ တည်ဆောက်ရေးနဲ့ နိုင်ငံတည်ဆောက်ရေးတွေ မအောင်မြင်အောင် ဟန့်တားထားတဲ့ အဓိက အခက်အခဲ ဖြစ်နေဦးမှာပါ။


သတင်းရင်းမြစ်- ဧရာဝတီ