Saturday, September 10, 2016

ဖွင့်မလား ပိတ်မလား သူတို့နှစ်ဦးပဲ သိမယ် (ဒီဆေးက နည်းနည်းခါးမယ်နော်)



ဒီအကြောင်း ဘယ်သူကမှ ဆက်မပြောတော့လို့ မိမိက အမုန်းခံပြီး ပြောလိုက်ပါအုံးမယ်။ မြန်မာစစ်တပ်က အမျိုးသားပြန်လည်သင့်မြတ်ရေးကို ဗမာမှုပြုရေးနဲ့၊ ထာဝရငြိမ်းချမ်းရေးကို လက်နက်ချရေးနဲ့ အဓိပ္ပါယ်ဖွင့်ဆိုနေတဲ့အချိန်မှာ မြန်မာနိုင်ငံမှာ စီ်းပွားရေးပိတ်ဆို့မှုကို ပြန်ဖွင့်ဖို့ နိုင်ငံတော်အတိုင်ပင်ခံပုဂ္ဂိုလ်က အသည်းအသန် ကြိုးစားတော့မှာ ဖြစ်တယ်။ အမှန်မှာ မြန်မာနိုင်ငံရေးမှာ စစ်တပ်က အပိုင်စီးလို့ ရအောင် နာဂစ်ဖွဲ့စည်းပုံမှာ အတိအလင်း ရေးဆွဲထားပါလျက်နဲ့ မြန်မာနိုင်ငံမှာ ဒီမိုကရေစီအရ ရွေးကောက်တင်မြှောက်လိုက်တဲ့ အစိုးရ ရှိနေပြီလို့ ဆိုခြင်းမှာ လုံးဝမှားယွင်းပါတယ်။

နာဂစ်ဖွဲ့စည်းပုံမှာ ပါတဲ့ ဒီအချက်တွေကို သင်လေ့လာကြည့်ပါ။ ဒါမှပဲ ဒီတိုင်းပြည်ကို ဘယ်သူက နောက်ကွယ်ကနေ အုပ်ချုပ်နေသလဲ သိနိုင်မှာပါ။

(၁) အမျိုးသားကာကွယ်ရေးနဲ့ လုံခြုံရေးကောင်စီ

အမျိုးသားကာကွယ်ရေးနဲ့ လုံခြုံရေးကောင်စီကို ၂၀၀၈ နာဂစ်ဖွဲ့စည်းပုံအခြေခံဥပဒေ ပုဒ်မ ၂၀၁ နဲ့ ဖွဲ့စည်းပါတယ်။ ဒီကာလုံမှာ အရပ်သား(၅)ဦးနဲ့ စစ်တပ်က (၆)ဦး ခန့်ပါတယ်။ အခုဆိုရင် သမ္မတတစ်ဦး၊ ဒုသမ္မတတစ်ဦး၊ ပြည်သူ့လွှတ်တော်ဥက္ကဋ္ဌတစ်ဦး၊ အမျိုးသားလွှတ်တော်ဥက္ကဋ္ဌတစ်ဦးနဲ့ နိုင်ငံခြားရေးဝန်ကြီးဌာနက ဝန်ကြီးတစ်ဦးဟာ အရပ်သားအစိုးရက ရတဲ့ ဝေစု ဖြစ်တယ်။ ဘာရွေးကောက်ပွဲမှ မဝင်ဘဲ စစ်တပ်က အလိုအလျောက်ရမဲ့ ဝေစုကတော့ ကာကွယ်ရေးဦးစီးချုပ်၊ ဒုကာကွယ်ရေးဦးစီးချုပ်၊ ဒုသမ္မတ၊ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီးတို့ဖြစ်တယ်။ မြန်မာနိုင်ငံကို အမှန်တကယ်အုပ်ချုပ်နေသူမှာ ကာလုံအဖွဲ့ပဲ ဖြစ်ပါတယ်။

စစ်တပ်ဦးဆောင်တဲ့ ကာလုံကို ပုဒ်မ ၃၄၀ အရ "တပ်မတော်သည် အမျိုးသားကာကွယ်ရေးနှင့်လုံခြုံရေးကောင်စီ၏ သဘောတူညီမှုဖြင့် နိုင်ငံရေးလုံခြုံရေးနှင့်ကာကွယ်ရေးတွင် ပြည်သူတစ်ရပ်လုံးပါဝင်ရေးအတွက် စီမံခွင့်ရှိသည်"လို့ ဆိုပါတယ်။ ကာလုံကို ဦးဆောင်နေသူကလည်း ကာချုပ်ပဲ ဖြစ်လို့ ကာချုပ်က ကာချုပ်ကိုပဲ "မင်းလုပ်ချင်ရာ လုပ်ပေတော့"လို့ ကိုယ့်ဟာနဲ့ကိုယ် ပါမစ်ပေးလိုက်ခြင်းပဲ ဖြစ်တယ်။ ဒီမှာ ပါတဲ့ ပြည်သူတစ်ရပ်လုံး ပါဝင်ရေးဆိုတဲ့စကားဟာ အင်မတန်မှ အန္တရာယ်များပါတယ်။

ပိုရီစရာကောင်းတာက ပုဒ်မ ၃၄၂ မှာ " ကာလုံ၏ အဆိုပြုထောက်ခံချက်ဖြင့် ကာချုပ်ကို ခန့်အပ်တာဝန်ပေးရမည်" ဖော်ပြထားခြင်းပဲ ဖြစ်တယ်။ အဆိုပါလုပ်ချင်ရာလုပ်လို့ ရတဲ့ ကာချုပ်ကို ဘယ်သူက ခန့်သလဲလို့ မေးကြည့်တဲ့အခါ သူ့ဟာသူ ခန့်လိုက်တယ်ဆိုတဲ့ အဖြေကို ရတယ်။ အရူးတစ်ယောက်တောင် ကာချုပ် ဖြစ်ပြီး ဒီတိုင်းပြည်မှာ လုပ်ချင်ရာလုပ်လို့ ရနေတဲ့အနေအထားပါ။

ပုဒ်မ ၄၁၀၊ ပုဒ်မ ၄၁၁၊ ပုဒ်မ ၄၁၂ တို့အရ " နိုင်ငံတော်တစ်နေရာရာတွင် အုပ်ချုပ်ရေးဆိုင်ရာလုပ်ငန်းများကို အခြေခံဥပဒေနဲ့အညီ ဆောင်ရွက်နိုင်စွမ်းမရှိလျှင် သမ္မတသည် ကာလုံနှင့် ညှိနှိုင်းပြီး အရေးပေါ်အခြေအနေ ကျေညာနိုင်သည်၊ ထိုကာလအတွင်း နိုင်ငံသားတို့၏ မူလအခွင့်အရေးများကို ရပ်တန့်ထားနိုင်သည်၊ ကာလုံအစည်းအဝေးတွင် ကာချုပ်နှင့် ကာချုပ်ခန့်အပ်ထားသော အခြားသုံးဦးတက်ရောက်လျှင် အခြားသူများ အစည်းအဝေး မတက်ရောက်နိုင်လျှင်လည်း ဆုံးဖြတ်ချက်ချနိုင်သည်"ဆိုပြီး ပါရှိတယ်။ ဒါဟာ နာဂစ်ဖွဲ့စည်းပုံကို လက်ခံရင် လက်ခံပါ၊ လက်မခံရင် အာဏာသိမ်းစရာတောင် မလိုဘူး၊ သမ္မတကို လာအပ်ခိုင်းလို့ ရတဲ့အနေအထားပါ။ ပုဒ်မ ၄၁၇ (ဂ)အရ အာဏာကို တစ်နှစ် လွှဲထားလို့ ရတယ်၊ ပုဒ်မ ၄၃၁ အရ ကာချုပ်က သမ္မတအမည်ကိုပါ အလွဲသုံးစားလုပ်ပြီး နိုင်ငံတော်အာဏာကို အသုံးပြုပိုင်ခွင့် ရရှိထားတယ်။ ပုဒ်မ ၄၃၂ အရ ကာချုပ်နဲ့စစ်တပ်က အရေးပေါ်အခြေအနေမှာ ဘာပဲလုပ်လုပ် တရားစွဲလို့ မရဘူးဆိုတော့ ကုန်ပါပြီ။

(၂) ကာကွယ်ရေးဦးစီးချုပ်နဲ့ အခွင့်အာဏာများ

ပုဒ်မ ၃၄၂ အရ တပ်မတော်ကာကွယ်ရေးဦးစီးချုပ်ကို ကာလုံကနေ အဆိုပြုရကြောင်း ရေးခဲ့ပါတယ်။ ဒါပေမဲ့ သူ့ကို သမ္မတက ခန့်ပေးရကြောင်း ပါရှိတယ်။ အမှန်မှာ သမ္မတမှာ ကာလုံကို ငြင်းနိုင်တဲ့ အခွင့်အရေး မရှိပါ။ ဒါကြောင့် ကာလုံလုပ်ငန်းစဉ်ဆိုတာ ကာချုပ်ရဲ့ လုပ်ငန်းစဉ်များသာ ဖြစ်ပါတယ်။ ဒါ့အပြင် အုပ်ချုပ်ရေး၊ ဥပဒေပြုရေးနဲ့ တရားစီရင်ရေးမှာလည်းပဲ ကာချုပ်က ချုပ်ကိုင်ထားကြောင်းကို အောက်ပါအတိုင်း သိရှိနိုင်ပါတယ်။

ပုဒ်မ ၁၄ အရ လွှတ်တော်အသီးသီးမှာ တာဝန်ထမ်းဆောင်ဖို့ တပ်မတော်သားကိုယ်စားလှယ် (၂၅)ရာခိုင်နှုန်းကို စေလွှတ်နိုင်တယ်။ ပုဒ်မ ၁၇ (ခ)အရ ပြည်ထောင်စု၊ ပြည်နယ် အုပ်ချုပ်ရေးအဆင့်ဆင့်မှာ ကာကွယ်ရေးဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာဝန်ကြီးတွေကို ကာချုပ်ကပဲ အမည်စာရင်းတင်သွင်းရတယ်။ ပုဒ်မ ၂၀ အရ တပ်မတော်ကို ကာချုပ်က ပိုင်ပြီး တပ်ပိုင်းဆိုင်ရာကိစ္စတွေကို သီးခြားလွတ်လပ်စွာ ဆောင်ရွက်ပိုင်ခွင့် ရှိတယ်။ တပ်မတော်က ဖွဲ့စည်းပုံအခြေခံဥပဒေကို ကာကွယ်ရမဲ့တာဝန်ကိုလည်း ယူထားတယ်။ ဒါဟာ သူတို့စိတ်ကြိုက်ရေးဆွဲထားတဲ့ ဖွဲ့စည်းပုံကို ပြင်လို့မရအောင် မောင်ပိုင်စီးထားတာပါ။ ပုဒ်မ ၄၀ (ဂ)မှာ ဖွဲ့စည်းပုံအရ အာဏာကို လိုသလို သုံးစွဲခွင့်ပြုတယ်။ ပုဒ်မ ၆၀ (ခ) (ဂ)အရ ဒုသမ္မတတစ်ဦးကို ရွေးချယ်ပိုင်ခွင့်ရတယ်။ ပုဒ်မ ၂၃၂ (ခ)အရ ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးတွေကို အမည်စာရင်းတင်သွင်းလို့ ရတယ်။ ပုဒ်မ ၂၆၂ (က)အရ  ပြည်နယ်နဲ့တိုင်းဝန်ကြီးချုပ်တွေက ကာကွယ်ရေးနဲ့ လုံခြုံရေးတာဝန်အတွက် ကာချုပ်ဆီက လူတောင်းရမယ်။ ပုဒ်မ ၂၆၄ (က)အရ သမ္မတက တပ်မတော်နဲ့ ပတ်သက်မျှဝန်ထမ်းအရေးတွေကို အခြားနဲ့မတိုင်ပင်ရ၊ ကာချုပ်နဲ့သာ တိုင်ပင်ရမယ်။ ပုဒ်မ ၂၈၅ အရ သမ္မတက နေပြည်တော်ကောင်စီဝင်များကိုလည်း ကာချုပ်ဆီက တောင်းခံရမယ်။ နေပြည်တော်အုပ်ချုပ်ရေးကိုလည်း ဆုပ်ကိုင်ထားတယ်။ တပ်မတော်စစ်တရားရုံးနဲ့ ပတ်သက်ရင် ကာချုပ်ရဲ့ ဆုံးဖြတ်ချက်ဟာ အပြီးအပြတ်အတည်ဖြစ်တယ်။  ပုဒ်မ ၄၂၀ အရ အရေးပေါ်အခြေအနေမှာ ကာချုပ်က နိုင်ငံသားတွေရဲ့ မူလအခွင့်အရေးကို ရုပ်သိမ်းပိုင်ခွင့် ရှိတယ်။ ပုဒ်မ ၄၂၁၊ ၄၂၅ အရ အရေးပေါ်အခြေအနေ စစ်အုပ်ချုပ်ရေးကို မူလ (၁)နှစ်အပြင် (၆)လ နှစ်ကြိမ် ထပ်တိုးနိုင်တယ်။

(၃) သမ္မတအာဏာများဟာ မဆိုစလောက်သာ

သမ္မတကိုတောင် ပြည်သူတို့က တိုက်ရိုက်ရွေးချယ်ရတာ မဟုတ်ပါ။ စစ်တပ်က ၂၅ ရာခိုင်နှုန်းပါတဲ့ ပြည်သူ့လွှတ်တော်က တစ်ဦး၊ အမျိုးသားလွှတ်တော်က တစ်ဦးနဲ့ စစ်တပ်က တစ်ဦး သမ္မတလောင်းကို အမည်စာရင်း တင်သွင်းရမယ်။ ဒါဟာ ပုဒ်မ ၆၀ အရပါ။ ဒီ(၃)ဦးကနေ သမ္မတတစ်ဦး၊ ဒုသမ္မတနှစ်ဦးကို ပြည်ထောင်စုလွှတ်တော်က ရွေးချယ်ပေးရမှာ ဖြစ်တယ်။ ဒီနေရာမှာ သမ္မတကို အခွင့်အာဏာ ဘယ်လောက်ပေးထားသလဲ ကြည့်ရအောင်ပါ။

ပုဒ်မ ပုဒ်မ ၂၀၂ အရ စစ်တပ်ကြိုးကိုင်ထားတဲ့ အုပ်ချုပ်ရေးဆိုင်ရာဝန်ကြီးဌာန(၃)ခုက လွဲရင် ဖွံ့ဖြိုးရေးဆိုင်ရာ ကျန်ဝန်ကြီးဌာနတွေကို လိုအပ်သလို ဖွဲ့စည်းနိုင်တယ်။ ပုဒ်မ ၂၀၄ အရ လွတ်ငြိမ်းချမ်းသာခွင့်ကိုတော့ ကိုယ်တိုင်ကိုယ်ကျ မပေးနိုင်၊ ကာလုံ/ကာချုပ်သဘောတူညီချက်၊ ထောက်ခံချက်နဲ့သာ လုပ်နိုင်တယ်။ ပုဒ်မ ၂၀၅ အရ ဘာဂုဏ်မှ မပေးထားတဲ့ သမ္မတကို ဂုဏ်ထူးဆောင်ဘွဲ့များ ချီးမြှင့်ခွင့်ပေးတယ်။ ပုဒ်မ ၂၀၈ အရ နိုင်ငံတော်ဝန်ထမ်းများကို ခန့်အပ်လို့ ရတယ်။ ဒါပေမဲ့ ပုဒ်မ ၂၆၄ အရ စစ်တပ်နဲ့ ပတ်သက်တဲ့ ဝန်ထမ်းတွေကို မထိရ။ ပုဒ်မ ၂၀၇ အရ သံတမန်များကို ခန့်အပ်ခြင်း၊ လက်ခံခြင်းပြုနိုင်တယ်။ ပုဒ်မ ၂၀၉ အရ နိုင်ငံတကာသဘောတူစာချုပ်များကို ချုပ်ဆိုနိုင်၊ ပယ်ဖျက်နိုင်တယ်။ ဒီတစ်ခုကတော့ မဆိုးဘူး။ ပုဒ်မ ၂၁၀ အရ တိုင်းပြည်နဲ့လွှတ်တော်ကို အခါအားလျော်စွာ မိန့်ခွန်းပြောကြားပိုင်ခွင့် ရှိတယ်။ ဒီလောက်ပါပဲ။ 

ဒီတော့ ကာလုံတာဝန်နဲ့ ကာချုပ်တာဝန်နှစ်ခုကို နှိုင်းကြည့်ရင် အတူတူပဲဖြစ်ကြောင်း တွေ့နိုင်တယ်။ တကယ်လို့ ဒေါ်စုက သမ္မတ ဖြစ်ခဲ့ရင်တောင် အရင်က သန်းရွှေနဲ့ ခင်ညွန့်ဆက်ဆံရေးပုံစံမျိုးပါပဲ။ မင်းအောင်လှိုင်ကို သွားမေးကြည့်ပါ။ မြန်မာနိုင်ငံကို သူပဲ ကြိုးကိုင်အုပ်ချုပ်နေကြောင်း မပြောပေမဲ့ သူမပါရင်မရဘူးလို့ ပြောပါလိမ့်မယ်။ ဒေါ်စုကတော့ နိုင်ငံတော်အတိုင်ပင်ခံပုဂ္ဂိုလ်အဖြစ်နဲ့ လူမြင်ကွင်းမှာ အာဏာရှိသယောင် ရှိပေမဲ့ တကယ့်တကယ်မှာ ဘာအာဏာမှ မရှိပါ။ ဒီရာထူးက သမ္မတနဲ့နိုင်ငံတော်ကြားက ကွာဟချက်ကို စစ်တပ်အကျိုးစီးပွားကို မထိခိုက်စေဘဲ ဒေါ်စုအတွက် အခန်းကဏ္ဍတစ်ခုကို ဖော်ထုတ်ပြီး တီထွင်ထားတဲ့ ရာထူးပါပဲ။ ဘာပဲပြောပြော ဖွဲ့စည်းပုံအရ သမ္မတထက် အာဏာမရှိဘူး။

အခု မြန်မာနိုင်ငံကို သံလက်သီးနဲ့ အုပ်ချုပ်ခဲ့တဲ့ စစ်တပ်ဟာ လက်အိပ်စွပ်ပြီး အုပ်ချုပ်နည်း ပြောင်းရုံပဲ ရှိပါတယ်။ ကြားခံပါတီတစ်ခုကနေ တိုင်းပြည်ကို အုပ်ချုပ်တာပဲ ရှိတယ်။ နာဂစ်ဖွဲ့စည်းပုံအရ နိုင်ငံဖွံ့ဖြိုးရေးကိုလည်း ဂရုစိုက်စရာမရှိဘူးဆိုတော့ စစ်တပ်အတွက် စစ်အစိုးရလက်ထက်နဲ့ စာရင် သက်တောင့်သက်သာ ရှိတယ်။ ဒီလိုအခြေအနေမျိုးမှာ စစ်တပ်ရဲ့ အုပ်ချုပ်ရေးကို အနယ်ကျအောင် လုပ်ပြရုံနဲ့ ဥရောပနဲ့ အမေရိကန်ပြည်ထောင်စုတို့က စီးပွားရေးပိတ်ဆို့မှုကို ရုပ်သိမ်းရအောင် ခေါင်းမမဲ့သင့်ပါ။ လောလောဆယ်မှာ ဆက်ပိတ်မလား၊ ဖွင့်ပေးရမလား ဒေါ်စုအပေါ်မှာ မူတည်ပါလိမ့်မယ်။ ဝါရှင်တန်နဲ့ ဆွေးနွေးတဲ့အခါ ဒေါ်စုက ဆက်ပိတ်ထားအုံးလို့ ပြောရင် အမေရိကန်က ဆက်ပိတ်ထားပါ့မယ်။ ဒေါ်စုက ဖွင့်ပေးပါတော့လို့ ပြောရင် အမေရိကန်က နဂိုကတည်းက ဖွင့်ပေးချင်နေတာ ဖြစ်လို့ ဖွင့်ပေးပါလိမ့်မယ်။ မြန်မာစစ်တပ်အလိုကျ ပြောလေ့၊ ရေးလေ့ ရှိတဲ့ ပါမောက္ခ ဒေးဗစ်စတိန်းဘာ့ဂ်ကတော့ ဖွင့်ပေးဖို့ ပြောနေပါတယ်။ ဒီပါမောက္ခကတော့ မူမမှန်နေတာ ကြာလှပါပြီ။ ဒါပေမဲ့ ဖွင့်လိုက်ရင် ဘယ်သူကို အကျိုးပိုရှိစေမလဲ မိမိတို့က သိကြပေမဲ့ ဖွင့်မလား၊ ပိတ်မလားကိုတော့ ဒေါ်စုနဲ့ အိုဘာမားတို့ပဲ သိပါလိမ့်မယ်။ ပြည်တွင်းမှာ ကျန်ရှိနေတဲ့ စစ်တပ်လော်ဘီတွေကတော့ ဒုံးကျည်တည်ဆောက်ဖို့အကြောင်း ရေးနေကြပါပြီ။ မြန်မာနိုင်ငံတိုးတက်မှာကို ဘယ်အိမ်နီးချင်းကမှ ကြိုက်မှာမဟုတ်ဘူးလို့ လော်ပေးနေပါပြီ။ သိရအောင်ပါ။

U Ravika

0 comments: