Thursday, January 7, 2016

NCA နှင့် ပြည်တွင်းငြိမ်းချမ်းရေး


နိဒါန်း
-----
မြန်မာပြည်သည် ပင်လုံသဘောတူညီချက်မှတဆင့် ၁၉၄၈ ခုနှစ်၊ ဇန်န၀ါရီလ (၄)ရက်နေ့တွင် ဗြိတိသျှ နယ်ချဲ့တို့လက်အောက်မှ လွတ်လပ်ရေး ရရှိပြီးနောက် ပြည်တွင်းစစ်ကြီးမှာလည်း အတူဒွန်တွဲပါလာခဲ့သည်။ ခေတ်အဆက်ဆက်အုပ်စိုးသူများသည် ပြည်တွင်းစစ် ရပ်စဲရေးအတွက် ပင်လုံသဘောတူညီချက်ကို မျက်ကွယ်ပြုပြီး ကြိုးပမ်းလုပ်ဆောင်ခဲ့ကြခြင်းကြောင့် ယနေ့ထိတိုင် အောင်မြင်မှုမရရှိပဲ စစ်ပွဲ၏အနိဌာရုံများနှင့် ယင်း၏ဆိုးကျိုးများကို လူမျိုးစုံပြည်သူလူထုတရပ်လုံးအနေဖြင့် ခံစားနေကြရသည်။ ဤကဲ့သို့ဖြစ်ရှိနေသော အခြေခံနိုင်ငံရေး အကြောင်း တရားများကို လျစ်လျူရှုကာ အုပ်စိုးသူအာဏာရှင်များအနေဖြင့် နိုင်ငံရေးပြဿနာကို စစ်ရေးနည်းဖြင့် အင်အားသုံး ဖြေရှင်းလျှက်ရှိနေဆဲပင်ဖြစ်သည်။ 
၂၀၁၀ ရွေးကောက်ပွဲလွန် ဦးသိန်းစိန်ကြံ့ဖွံ့အစိုးရအနေဖြင့် နိုင်ငံရေးဆွေးနွေးပွဲလုပ်ပေးမည်ဟု ပြောဆိုကာ အပစ်အခတ်ရပ်စဲရေးကို ကမ်းလှမ်းလာခဲ့သည်။ အဆိုပါကမ်းလှမ်းမှုကို တိုင်းရင်းသားလက်နက်ကိုင်တော်လှန်ရေး အဖွဲ့အစည်းအသီးသီးမှလည်း သတိဖြင့် ကြိုဆိုခဲ့ကြသည်။ 

UNFC – UPWC ဆွေးနွေးပွဲများဖြစ်စဉ် 
------------------------------------------
အပစ်အခတ်ရပ်စဲရေးမှတဆင့် နိုင်ငံရေးဆွေးနွေးပွဲများသို့ တက်လှမ်းနိုင်ရန်အတွက် ၂၀၁၁ ခုနှစ်၊ သြဂုတ်လ (၁၈)ရက်နေ့တွင် ဦးသိန်းစိန်အနေဖြင့် ငြိမ်းချမ်းရေး ကမ်းလှမ်းဖိတ်ခေါ်ခဲ့သည်။ အစိုးရတပ်မတော်အနေဖြင့် တိုင်းရင်းသားနယ်မြေဒေသများသို့ ကျူးကျော်ဝင်ရောက်ကာ ထိုးစစ်ဆင်နေသည်ဖြစ်၍ ဦးသိန်းစိန်အစိုးရအနေဖြင့် တစ်နိုင်ငံလုံးအပစ်အခတ်ရပ်စဲကြောင်း ကြေညာရန်နှင့် UNFC အနေဖြင့် အတူတကွ ဆွေးနွေးညှိနှိုင်းရန် ၂၀၁၁ ခုနှစ် အတွင်း အကြိမ်ကြိမ်တုန့်ပြန်ခဲ့သည်။ တဆက်တည်းတွင် လူထုခေါင်းဆောင် ဒေါ်အောင်ဆန်းစုကြည်အနေဖြင့် ပြည်တွင်းစစ်ကို အင်အားသုံးမဖြေရှင်းပဲ ငြိမ်ချမ်းစွာအဖြေရှာကြရန် နှစ်ဘက်စလုံးသို့ တိုက်တွန်းထားသော ၂၀၁၁ ခုနှစ်၊ ဇူလိုင်လ(၂၈)ရက်နေ့စွဲဖြင့် အိပ်ဖွင့်ပေးစာအား လက်ခံကြိုဆို၍ နုိုင်ငံရေးအရတွေ့ဆုံဆွေးနွေးအဖြေရှာနိုင်ရန် ၂၀၁၁ ခုနှစ်၊ သြဂုတ်လ(၅) ရက်နေ့တွင် UNFC အနေဖြင့် ပြန်ကြားခဲ့သည်။ 

သို့ရာတွင် ဦးသိန်းစိန်အစိုးရ၏ ပြည်ထောင်စုငြိမ်းချမ်းရေးဖော်ဆောင်ရေးလုပ်ငန်းကော်မတီ (UPWC) အနေဖြင့် တစ်ဖွဲ့ချင်းစီအနေဖြင့်သာ အပစ်အခတ်ရပ်စဲရေးကို ပြည်နယ်-ပြည်ထောင်စု အဆင့်(၂)ဆင့် သတ်မှတ်၍ ၂၀၁၁-၂၀၁၂ ခုနှစ်များတွင် လုပ်ဆောင်ခဲ့သည်။ အဆိုပါ နှစ်ဘက်အပစ်အခတ်ရပ်စဲရေးသဘောတူညီချက်များ လက်မှတ်ရေးထိုးရာတွင် ထိတွေ့ပစ်ခတ်တိုက်ခိုက်မှုရှိနေသော တိုင်းရင်းသားလက်နက်ကိုင်တော်လှန်ရေး အဖွဲ့ အစည်း(EAO)များနှင့် ထိတွေ့ပစ်ခတ်တိုက်ခိုက်မှု မရှိသော EAO များအားလုံးကို အကျုံးဝင်မှုရှိစွာ လုပ်ဆောင်ခဲ့ သည်။ သို့ရာတွင် နှစ်ဘက်သဘောတူညီမှုလက်မှတ်ရေးထိုးပြီးသော်လည်း တိုက်ပွဲများမှာ စဉ်ဆက်မပြတ် ဆက်လက်ဖြစ်ပွားလျှက်ရှိနေသည်။ 

၂၀၁၂ ခုနှစ် နှောင်းပိုင်းတွင် UPWC မှ UNFC နှင့် အလွတ်သဘော လာရောက်တွေ့ဆုံဆွေးနွေးမှုများ ရှိလာ ခဲ့သည်။ ၂၀၁၃ ခုနှစ်၊ ဖေဖော်ဝါရီလတွင် UNFC နှင့် UPWC တို့ကြား နိုင်ငံရေးဆွေးနွေးမှုဆိုင်ရာမူဘောင် အကြိုနိုင်ငံရေးဆွေးနွေးပွဲကို ထိုင်းနိုင်ငံ၊ ချင်းမိုင်မြို့တွင် စတင်ပြုလုပ်ခဲ့ကြသည်။ 

ထိုမှတဆင့် နှစ်ဘက်နည်းပညာအထောက်အကူပြုအဖွဲ့များကြား အလွတ်သဘော လေးကြိမ်ခန့် တွေ့ဆုံ ဆွေးနွေးခဲ့ကြရသည်။

ဒုတိယအကြိမ် မူဘောင်ဆိုင်ရာအကြိုနိုင်ငံရေးဆွေးနွေးပွဲကို ၂၀၁၃ ခုနှစ်၊ စက်တင်ဘာလတွင် ထိုင်းနိုင်ငံ၊ ချင်းမိုင်မြို့၌ပင် UNFC နှင့် UPWC တို့ကြား ထပ်မံပြုလုပ်ခဲ့ကြသည်။ ဒုတိယအကြိမ်တွေ့ဆုံမှုတွင် UNFC အဖွဲ့ဝင် မဟုတ်သောအဖွဲ့အစည်းများကိုလည်း ဖိတ်ကြားပြီး (UNFC +) မူဖြင့် အတူတကွ ပါဝင်တက်ရောက် စေခဲ့ပါသည်။ ထိုအထဲတွင် ရခိုင်ပြည်လွတ်မြောက်ရေးပါတီ(ALP)အား UNFC ၏ ပူးတွဲကိုယ်စားလှယ်အဖွဲ့ဝင်အနေဖြင့် လည်းကောင်း၊ မြန်မာနိုင်ငံလုံးဆိုင်ရာကျောင်သားများဒီမိုကတစ်တပ်ဦး(ABSDF)အား လေ့လာသူအနေဖြင့် လည်းကောင်း ဖိတ်ခေါ်၍ ပါဝင်တက်ရောက်စေခဲ့သည်။ ထို့ပြင် ပြည်တွင်းမှ တိုင်းရင်းသားနိုင်ငံရေးပါတီများကို လွှမ်းခြုံမှုရှိသော အဓိကတိုင်းရင်းသားမဟာမိတ်အဖွဲ့အစည်းနှစ်ခုဖြစ်သော ၁၉၉၀ ရွေးကောက်ပွဲပါတီများ တပ်ပေါင်းစု ဖြစ်သည့် “စည်းလုံးညီညွတ်သောတိုင်းရင်းသားလူမျိုးများမဟာမိတ်အဖွဲ့(UNA)” နှင့် ၂၀၁၀ ရွေးကောက်ပွဲ နိုင်ငံရေး ပါတီများတပ်ပေါင်းစုဖြစ်သည့် “ညီနောင်တိုင်းရင်းသားပါတီများဖက်ဒရေးရှင်း(NBF)” တို့မှ လေ့လာသူ ကိုယ်စားလှယ် (၂)ဦးကျစီကို ဖိတ်ခေါ်ခဲ့သည်။ ဒေါ်အောင်ဆန်းစုကြည်ကိုလည်း မြန်မာ့ဒီမိုကရေစီခေါင်းဆောင်တစ်ဦးအနေဖြင့် အနာဂတ်နုိုင်ငံရေးဆွေးနွေးပွဲဖြစ်စဉ်တွင် အထောက်အကူပြုနိုင်စေရန်ရည်ရွယ်၍ လေ့လာသူအနေဖြင့် တက်ရောက် နိုင်ရန် ဖိတ်ကြားခဲ့သည်။ သို့ရာတွင် ဒေါ်အောင်ဆန်းစုကြည်နှင့် NBF မှ ကိုယ်စားလှယ်များ တက်ရောက် နုိုင်ခြင်း မရှိခဲ့ချေ။ 

ဒုတိယအကြိမ် အကြိုနိုင်ငံရေးဆွေးနွေးပွဲတွင် UPWC အနေဖြင့် အပစ်ခတ်ရပ်စဲရေးကို ဦးစွာလက်မှတ် ရေးထိုးရန်အတွက် ထပ်မံတောင်းဆိုလာခဲ့ပြန်သည်။ လက်မှတ်ရေးထိုးရန်အတွက် UNFC ၏ ရပ်တည်ချက်မှာ တိုင်းရင်းသားလက်နက်ကိုင်တော်လှန်ရေးအဖွဲ့အစည်းအများစုမှာ (ပြည်နယ်-ပြည်ထောင်စု)အဆင့် လက်မှတ်ရေးထိုး ပြီးဖြစ်၍ နိုင်ငံရေးမူဘောင်မှတဆင့် နိုင်ငံရေးဆွေးနွေးပွဲသို့ တက်လှမ်းကြရန် တန်ပြန်အဆိုပြုခဲ့သည်။ ပြည်နယ်-ပြည်ထောင်စုအဆင့်လက်မှတ်ရေးထိုးပြီး အဖွဲ့အစည်းများအနေဖြင့် မည်ကဲ့သို့သော အပစ်အခတ်ရပ်စဲရေး သဘောတူညီချက်မျိုးကုို လက်မှတ်ရေးထိုးရမည်နည်းဟု မေးခွန်းထုတ်ခဲ့ကြရသည်။ UPWC ဘက်မှ တုန့်ပြန် ဖြေကြားသည်မှာ ပြည်နယ်-ပြည်ထောင်စုအဆင့် လက်မှတ်ရေးထိုးပြီးသည်များကို ထပ်မံအတည်ပြုကြောင်းအပြင် နောက်ထပ်အချက်(၂)ချက်ကို ထည့်သွင်းလိုက်ရုံသာဖြစ်သည်။ အဆိုပါနှစ်ချက်မှာ - 

၁။ နိုင်ငံရေးမူဘောင် ရေးဆွဲမည်
၂။ နိုင်ငံရေးဆွေးနွေးပွဲ ကျင်းပမည် တို့ဖြစ်သည်။ 

အပြန်အလှန်ညှိနှိုင်းများမှု အဆင်မပြေသဖြင့် ဒုတိယအကြိမ်အကြိုနုိုင်ငံရေးဆွေးနွေးပွဲမှာ ပထမအကြိမ်တွင် ကတိပြု ထားသည့်အတိုင်း လာရောက်တွေ့ဆုံခြင်းဖြစ်ပြီး၊ UNFC ၏ မူဘောင်အား လက်ခံရယူရန်ဟုသာ တုန့်ပြန်၍ UNFC-UPWC တွေ့ဆုံဆွေးနွေးမှုဖြစ်စဉ်အား ဆက်လက်ညှိနှိုင်းခြင်းမရှိတော့ပဲ UPWC ဘက်မှ ရပ်တန့်လိုက်ပါတော့သည်။ 

NCCT – UPWC ဆွေးနွေးပွဲများဖြစ်စဉ်
------------------------------------------
တိုင်းရင်းသားလက်နက်ကိုင်တော်လှန်ရေးအဖွဲ့အစည်းများအနေဖြင့် ၂၀၁၃ ခုနှစ်၊ အောက်တိုဘာလကုန် နိုဝင်ဘာလဆန်းထိ KIO ဌာနချုပ် လိုင်ဇာမြို့တွင် ကွန်ဖရင့်အနေဖြင့် စုဆုံ၍ တွေ့ဆုံဆွေးနွေးရေးအတွက် ဆက်လက် နည်းလမ်းရှာဖွေခဲ့ကြသည်။ ထိုမှတဆင့် ဦးသိန်းစိန်အစိုးရအဖွဲ့က တောင်းဆိုသော အပစ်အခတ်ရပ်စဲရေးကို ဦးစွာ လုပ်ဆောင်ပြီး အဆင့်ဆင့်သော နိုင်ငံရေးဆွေးနွေးရေးဖြစ်စဉ်အား ချဉ်းကပ်ကြရန် လိုင်ဇာသဘောတူညီချက်ကို ဖန်တီးခဲ့ကြသည်။ အဆိုပါသဘောတူညီချက်ကို အကောင်အထည်ဖော်ရန်အတွက် တစ်နိုင်ငံလုံးအပစ်အခတ် ရပ်စဲရေးဆိုင်ရာညှိနှိုင်းရေးအဖွဲ့ (NCCT) ကို ဖော်ထုတ်ခဲ့ကြရသည်။ NCCT သည် တိုင်းရင်းသားအချင်းချင်းကြားတွင် တန်းတူရေးကို အခြေခံ၍ တစ်ဖွဲ့ (၁)ဦးကျစီဖြင့် အဖွဲ့အစည်း(၁၆)ဖွဲ့မှ ကိုယ်စားလှယ်(၁၆)ဦးဖြင့် အောက်ပါအတိုင်း ဖွဲ့စည်းခဲ့သည်။ 

စဉ် NCCT အဖွဲ့ဝင်အဖွဲ့အစည်းများ
၁။ ကချင်လွတ်လပ်ရေးအဖွဲ့ (KIO)
၂။ ကရင်အမျိုးသားအစည်းအရုံး (KNU)
၃။ ကရင်နီအမျိုးသားတိုးတက်ရေးပါတီ (KNPP)
၎။ မွန်ပြည်သစ်ပါတီ (NMSP)
၅။ ရှမ်းပြည်တိုးတက်ရေးပါတီ (SSPP)
၆။ ချင်းအမျိုးသားတပ်ဦး (CNF)
၇။ ပအိုဝ်အမျိုးသားလွတ်မြောက်ရေးအဖွဲ့ချုပ် (PNLO)
၈။ ပလောင်ပြည်နယ်လွတ်မြောက်ရေးတပ်ဦး (PSLF)
၉။ ကရင်အမျိုးသားဒီမိုကရေစီအကျိုးပြုတပ်မတော် (DKBA)
၁၀။ ကရင်အမျိုးသားအစည်းအရုံး (ငြိမ်းချမ်းရေးကောင်စီ) (K-PC)
၁၁။ ရခိုင်ပြည်လွတ်မြောက်ရေးပါတီ (ALP)
၁၂။ ရခိုင်ပြည်အမျိုးသားကောင်စီ (ANC)
၁၃။ ရက္ခိုင့်တပ်မတော် (AA)
၁၄။ လားဟူဒီမိုကရက်တစ်သမဂ္ဂ (LDU)
၁၅။ “၀” အမျိုးသားအဖွဲ့ချုပ် (WNO)
၁၆။ မြန်မာအမျိုးသားဒီမိုကရက်တစ်မဟာမိတ်တပ်မ တော် (MNDAA)

၂၀၁၃ ခုနှစ်၊ နိုဝင်ဘာလ(၄)ရက်နေ့တွင် ကချင်ပြည်နယ်၊ မြစ်ကြီးနားမြို့မှ စတင်၍ လိုင်ဇာသဘောတူညီ ချက်ကို အခြေခံကာ NCCT အနေဖြင့် UPWC နှင့် ဆွေးနွေးညှိနှိုင်းလာခဲ့သည်။ အဆိုပါ ပထမဆုံးအကြိမ် NCCT-UPWC မြစ်ကြီးနားဆွေးနွေးပွဲ၌ တပ်မတော်ကိုယ်စားလှယ်များဘက်မှ ကြိုတင်ပြင်ဆင်လာသော လက်မှတ်ရေး ထိုးရန် စာချုပ်မူကြမ်းကို ၀ှက်ဖဲအနေဖြင့် ဖော်ထုတ်ပြ၍ အဆိုပြုခဲ့သည်။ အဆိုပါမူကြမ်းမှာ တိုင်းရင်းသား လက်နက်ကိုင်တော်လှန်ရေးအဖွဲ့အစည်းများမှ ပြင်ဆင်ထားသော နိုင်ငံရေးဆွေးနွေးပွဲဆိုင်ရာမူဘောင်ထဲမှ လိုအပ် သည်များကို ဆွဲထုတ်၍ ၎င်းတို့လိုလားသောအချက်များဖြင့် ပေါင်းစပ်ထားခြင်းပင်ဖြစ်သည်။ အဆိုပါ မြစ်ကြီးနား ဆွေးနွေးပွဲတွင် NCCT အနေဖြင့် လိုင်ဇာသဘောတူညီချက် (၁၁)ချက်ကို စာချုပ်အဖြစ်ပြုစုရန် လိုအပ်နေသေးသည့် အတွက် ဆွေးနွေးပွဲကို နောက်တစ်ကြိမ် ထပ်မံညှိနှိုင်းကြရန် နှစ်ဘက်သဘောတူညီမှုဖြင့် ပြီးဆုံးခဲ့သည်။

ထို့နောက် ၂၀၁၄ ခုနှစ်၊ ဇန်န၀ါရီလ(၂၀)ရက်မှ(၂၅)ရက်နေ့တို့တွင် KNU အုပ်ချုပ်နယ်မြေ လော်ခီးလာ ဒေသ၌ တိုင်းရင်းသားလက်နက်ကိုင်တော်လှန်ရေးအဖွဲ့အစည်းများ၏ ပထမအကြိမ် လော်ခီးလာကွန်ဖရင့်ကို ကျင်းပ ပြုလုပ်၍ NCCT ၏ တန်ပြန်အဆိုပြုမူအဖြစ် စာချုပ်မူကြမ်းတစ်စောင်အား အတည်ပြုဖန်တီးယူခဲ့ကြသည်။ အဆိုပါ စာချုပ်မူကြမ်းမှာ အတိုင်းအတာတစ်ခုထိ ရေးဆွဲပြီးဖြစ်သော နိုင်ငံရေးဆွေးနွေးမှုဆုိုင်ရာမူဘောင်မှ လိုအပ်သော အစိတ်အပိုင်းများကို ဆွဲထုတ်၍ စစ်ဘက်ဆိုင်ရာကိစ္စရပ်တို့ကိုပေါင်းစပ်ပြုစုထားခြင်းပင်ဖြစ်သည်။ (၂၉ - ၁ - ၂၀၁၄) ရက်နေ့တွင် အဆိုပါစာချုပ်မူကြမ်းကို UPWC မှ ဦးအောင်မင်း ဦးဆောင်သောအဖွဲ့က ချင်းမိုင်သို့လာရောက်ကာ တရားဝင် လက်ခံယူသွားခဲ့သည်။ နောက်ပိုင်းတွင် အဆိုပါစာချုပ်မှာ စာသားများဖောင်းပွ၍ ထူလွန်းသည်၊ ကျစ်လစ် အောင် ပြန်လုပ်ပေးပါဟု အဆိုပြု၍ ထပ်မံညှိနှိုင်းခဲ့ကြရသည်။ နှစ်ဘက်ဆက်လက်ညှိနှိုင်းကြလေ “သူ့မူ ၊ ကိုယ့်မူ” ရပ်တည်ချက် ခိုင်မာလာကြလေ ဖြစ်လာရာ မည်သို့မှ ခရီးမရောက်မည်ကို ကြိုမြင်၍ တစ်မူတည်းထားရှိပြီး အပြန်အလှန် ညှိနှိုင်းကြရန် သဘောထားတရပ် ချမှတ်ကာ ကြိုးပမ်းလုပ်ဆောင်ခဲ့ကြသည်။ ဤသို့ဖြင့် Single Text အယူအဆပေါ်ထွက်လာခဲ့ပြီး ရှေ့သို့ ဆက်လက်ချီတက်ခဲ့ကြသည်။ UPWC ဘက်မှ အဆိုပါသဘောထား အယူအဆ အား လက်ခံသောကြောင့် NCA Single Text မူကြမ်း ထွက်ပေါ်လာခဲ့သည်။ 

သို့ရာတွင် အဆိုပါမူကြမ်းညှိနှိုင်းမှုမှာလည်း အဆင်ပြောချောမွေ့ခဲ့ကြသည် မဟုတ်ပါ။ ဆွေးနွေးပွဲကာလ အတွင်း တဖက်၏မြေပြင်စစ်ဆင်ရေးများ ရှိနေခြင်းကြောင့် နှစ်ဘက်အကြား သံသယနှင့် မယုံကြည်မှုများမှာ ရှေ့ဆက်ရန်အတွက် အဖုအထစ်များ ဖြစ်ခဲ့ကြရသည်။ လက်ရှိအချိန်ထိလည်း ယင်းသံသယနှင့် မယုံကြည်မှုတို့အပြင် နှစ်ဘက်သဘောတူညီမှု (Bilateral Agreement) များကို လိုက်နာမှု မရှိခြင်းကြောင့် သဘောတူညီမှုအဆင့်သို့ တက်လှမ်းနိုင်ကြခြင်း မရှိသေးပေ။ 

အဆိုပါအကြောင်းရင်းခံအချက်များကြောင့် မူလက ရပ်တည်ချက်သဘောထားမှာ - (၁) နှစ်ဘက်သြဇာ လွှမ်းမိုးမှုမရှိသော တတိယကြားနိုင်ငံတစ်နေရာတွင် ဆွေးနွေးရန်၊ (၂) နိုင်ငံတကာမှ တတိယကြားလူ ပါဝင်စေ့စပ် မှုဖြင့် ဆွေးနွေးညှိနှိုင်းရန် တို့ဖြစ်သည်။ သို့ရာတွင် အစိုးရဘက်က အဆိုပါအချက်များကို တောက်လျောက် ငြင်းပယ် ခဲ့သောကြောင့် စေ့စပ်ညှိနှိုင်းအဖြေရှာရေးလမ်းစဉ်ကို လိုလားမှုရှိကြောင်း ပြသသည့်အနေဖြင့် ပြည်တွင်းသို့ သွားရောက် တွေ့ဆုံဆွေးနွေးရန် သဘောထား ပြန်လည်ချမှတ်ခဲ့သည်။ 

NCCT-UPWC တရားဝင်ဆွေးနွေးပွဲကို (၇)ကြိမ်မြောက်ထိ တစ်နှစ်ကျော်ကြာ ပြုလုပ်ခဲ့ရသော်လည်း NCA ကို အပြီးသတ်နိုင်ခြင်း မရှိခဲ့ပေ။ ထို့ကြောင့် ၂၀၁၅ ခုနှစ်၊ ဇွန်လတွင် လော်ခီးလာထိပ်သီးအစည်းအဝေးကို ထပ်မံခေါ်ယူကျင်းပ၍ အဆင့်မြင့်ညှိနှိုင်းရေးကိုယ်စားလှယ်အဖွဲ့ (Senior Delegation – SD) ဖြင့် ဆက်လက် ကြိုးပမ်းကြရန်နှင့် NCCT အဖွဲ့ဝင်များအားလုံးပါဝင်မှ NCA ကို လက်မှတ်ရေးထိုးရန် အချက်တို့ကို သဘောထား ချမှတ်ခဲ့ကြသည်။ SD ၏ စုဖွဲ့ပုံမှာ အောက်ပါအတိုင်း ဖြစ်သည်။ 

စဉ် SD အဖွဲ့ဝင်အဖွဲ့အစည်းများ
၁။ ကချင်လွတ်လပ်ရေးအဖွဲ့ (KIO)
၂။ ကရင်အမျိုးသားအစည်းအရုံး (KNU)
၃။ ကရင်နီအမျိုးသားတိုးတက်ရေးပါတီ (KNPP)
၎။ မွန်ပြည်သစ်ပါတီ (NMSP)
၅။ ရှမ်းပြည်တိုးတက်ရေးပါတီ (SSPP)
၆။ ချင်းအမျိုးသားတပ်ဦး (CNF)
၇။ ပအိုဝ်အမျိုးသားလွတ်မြောက်ရေးအဖွဲ့ချုပ် (PNLO)
၈။ ပလောင်ပြည်နယ်လွတ်မြောက်ရေးတပ်ဦး (PSLF)
၉။ ကရင်အမျိုးသားဒီမိုကရေစီအကျိုးပြုတပ်မတော် (DKBA)
၁၀။ ကရင်အမျိုးသားအစည်းအရုံး (ငြိမ်းချမ်းရေးကောင်စီ) (K-PC)
၁၁။ ရခိုင်ပြည်လွတ်မြောက်ရေးပါတီ (ALP)
၁၂။ ရခိုင်ပြည်အမျိုးသားကောင်စီ (ANC)
၁၃။ ရက္ခိုင့်တပ်မတော် (AA)
၁၄။ လားဟူဒီမိုကရက်တစ်သမဂ္ဂ (LDU)
၁၅။ “၀” အမျိုးသားအဖွဲ့ချုပ် (WNO)
၁၆။ မြန်မာအမျိုးသားဒီမိုကရက်တစ်မဟာမိတ်တပ်မ တော် (MNDAA)
၁၇။ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) 

SD – UPWC တရားဝင် ဆွေးနွေးပွဲများကို နှစ်ကြိမ်တိုင်တိုင် ပြုလုပ်ခဲ့ရကာ (၉)ကြိမ်မြောက် NCA ဆွေးနွေးပွဲ အရောက် ၂၀၁၅ ခုနှစ်၊ သြဂုတ်လ(၇)ရက်နေ့တွင် NCA မူကြမ်းကို မတင်မကျ အဆုံးသတ်ခဲ့ရသည်။ NCA မူကြမ်းတွင် ပုဒ်မပေါင်း (၃၃)ခုထိ ရှိသည်။ ထုိုအထဲမှ ပုဒ်မ(၃၃)မှာ လက်မှတ်ရေးထိုးသူများအခန်းကဏ္ဍဖြစ်ပြီး စာချုပ်နှင့်တိုက်ရိုက်မဆိုင်သကဲ့သို့ ခြွင်းချက်အဖြစ်ချန်လှစ်ကာ အစိုးရမှ အလျင်စလို အတည်ပြုသွားခဲ့သည်။ လက်မှတ်ရေးထိုးသူများအခန်းကဏ္ဍတွင် အစိုးရအနေဖြင့် NCCT ထဲမှ အောက်ပါအဖွဲ့ဝင်(၆)ဖွဲ့ကို လက်ခံ အသိအမှတ် ပြုခြင်း မရှိပေ။ 

၁။ ရခိုင်ပြည်အမျိုးသားကောင်စီ (ANC)
၂။ ရက္ခိုင့်တပ်မတော် (AA)
၃။ လားဟူဒီမိုကရက်တစ်သမဂ္ဂ (LDU)
၎။ “၀” အမျိုးသားအဖွဲ့ချုပ် (WNO) 
၅။ မြန်မာအမျိုးသားဒီမိုကရက်တစ်မဟာမိတ်တပ်မတော် (MNDAA)
၆။ ပလောင်ပြည်နယ်လွတ်မြောက်ရေးတပ်ဦး (PSLF) 

သို့ရာတွင် EAO များ၏ ရပ်တည်ချက်မှာ NCA စာချုပ်ပါ ပုဒ်မအားလုံးသဘောတူညီမှ NCA အတည်ဖြစ် မည်ဟု အယူအဆဖြင့် ရပ်တည်ခဲ့သည်။ ၂၀၁၅ ခုနှစ်၊ ဇူလိုင်လနှင့် သြဂုတ်လတို့တွင် EAO ထိပ်သီးခေါင်းဆောင်များ အစည်းအဝေးခေါ်ယူ၍ သမ္မတ၊ ကာကွယ်ရေးဦးစီးချုပ်တို့နှင့် တိုက်ရိုက်တွေ့ဆုံကာ အားလုံးပါဝင်မှုရှိရေး နည်းလမ်း ရှာကြံရန် ဆုံးဖြတ်ခဲ့ကြသည်။ နည်းလမ်းများအဖြစ် လက်မှတ်ရေးထိုးခွင့်မပြုသော အဖွဲ့အစည်းများကို စစ်ရေး၊ နိုင်ငံရေး၊ လူမှုရေးအာမခံချက်များ အပြည့်အ၀ ပေးရေးတို့ပင် ဖြစ်သည်။ 

၂၀၁၅ ခု၊ စက်တင်ဘာလ(၉)ရက်နေ့တွင် ထိပ်သီးခေါင်းဆောင်(၅)ဦးနှင့်အတူ SD ခေါင်းဆောင်များ(၃)ဦး နေပြည်တော်သို့ သွားရောက်ညှိနှိုင်းခဲ့ကြသည်။ သို့ရာတွင် ကာကွယ်ရေးဦးစီးချုပ်နှင့် တွေ့ဆုံရန်အခွင့်အလမ်း မရရှိခဲ့ပေ။ သမ္မတနှင့်သာ တွေ့ဆုံခွင့်ရရှိခဲ့ပြီး ၎င်းတို့အသိအမှတ်မပြုသော NCCT အဖွဲ့ဝင်(၆)ဖွဲ့နှင့်ပတ်သက်၍ မိမိတုို့ တောင်းဆိုသောအာမခံများအပေါ် တိကျသေချာသည့်အဖြေ မရရှိခဲ့ပေ။ 

ထို့နောက် ၂၀၁၅ ခု၊ စက်တင်ဘာလတွင် EAO ထိပ်သီးခေါင်းဆောင်များအစည်းအဝေးကို ပြန်လည်ခေါ်ယူ၍ NCA လက်မှတ်ရေးထိုးရေး၊ မရေးထိုးရေးနှင့် ပတ်သက်၍ ရပ်တည်ချက်သဘောထားကို ချမှတ်ခဲ့သည်။ UNFC အနေဖြင့် လိုင်ဇာ၊ လော်ခီးလာကွန်ဖရင့်နှင့် ထိပ်သီးခေါင်းဆောင်များအစည်းအဝေးတို့တွင် ချမှတ်ခဲ့သည့် အားလုံး ပါဝင်ရေးမူအတိုင်း ဆက်လက်ကိုင်စွဲသွားရန် ရပ်တည်ခဲ့သည်။ သုိ့ရာတွင် လက်မှတ်ရေးထိုးလိုသော အဖွဲ့အစည်း များမှ တဖွဲ့ချင်းစီ၏ သဘောထားအရဟု သတ်မှတ်ပြီး လိုင်ဇာ၊ လော်ခီလာကွန်ဖရင့်များတွင် ချမှတ်ထားခဲ့ကြသော အားလုံးပါဝင်ရေးသဘောတူညီချက်များမှ သွယ်ဖီသွားခဲ့ကြသည်။ 

နိဂုံး
---
ထို့ကြောင့် ယနေ့ရလဒ်အနေဖြင့် ၂၀၁၅ ခုနှစ်၊ နိုဝင်ဘာလ(၈)ရက်နေ့တွင် EAO (၈)ဖွဲ့ နှင့် အစိုးရကြား လက်မှတ်ရေးထိုးထားသော NCA ဖြစ်လာခဲ့ရသည်။ NCA ရှိ ပုဒ်မ(၂-ဃ)အရ အားလုံးအတူတကွ ပါဝင်လက်မှတ် ရေးထိုးရန်ဆိုသည့်အချက်နှင့်လည်း ကိုက်ညီမှုမရှိပဲ NCA ဆိုသည့်အနှစ်သာရမှာ ပျက်ပြယ်သွားခဲ့ရသည်။ ယင်းအပေါ်အခြေခံ၍ ဖြစ်တည်လာသော နုိုင်ငံရေးဆွေးနွေးရေးမူဘောင်နှင့် ပြည်ထောင်စုငြိမ်းချမ်းရေးညီလာခံ ဆိုသည်မှာလည်း အားလုံးပါဝင်မှုကို မဖော်ဆောင်နိုင်သ၍ အနှစ်သာရကင်းမဲ့နေဦးမည်သာ ဖြစ်သည်။

တဘက်တွင် ထိုးစစ်ဆင်နေပြီး တဖက်တွင် ငြိမ်းချမ်းရေးဆွေးနွေးပွဲလုပ်ပြနေမှုသည် တိုင်းပြည်၏ စစ်မှန် တရားမျှတ၍ဂုဏ်သိက္ခာရှိသောငြိမ်ရေးမဟုတ်ပေ။ ဤအခြေအနေအောက်တွင် ဒီမိုကရေစီလည်း မထွန်းကားနုိုင် သလို စစ်မှန်သောဖက်ဒရယ်ပြည်ထောင်စုကိုလည်း တည်ဆောင်နိုင်ကြမည် မဟုတ်ပါကြောင်း သုံးသပ်တင်ပြ လိုက်ရပေသည်။ 

0 comments: