Thursday, November 19, 2015

#ပြောင်းလဲချိန်တန်ပြီ VS #ဘာကိုပြောင်းလဲရမှာလဲ



ကြံ့ခိုင်ရေးပါတီ အကြီးအကျယ်ရှုံးနိမ့်သွားရစေတဲ့ အဓိကတာဝန်ရှိသူကတော့ ပါတီဥက္ကဌ သမ္မတဦးသိန်းစိန်ပဲဖြစ်ပါတယ်..

တကယ်တော့ သူဟာ တိုင်းပြည်အပြောင်းအလဲကို ပထမဆုံးဦးဆောင်ခွင့်ရခဲ့တဲ့အပြင် တကယ် စွမ်းဆောင်ရည် ရှိမယ်ဆိုရင် တိုင်းပြည်ကို စိတ်တိုင်းကျ ပြောင်းလဲနိုင်ခွင့်ရခဲ့ တယ်.. ၅ နှစ် ဆိုတဲ့ လုံလောက်တဲ့ အချိန်အတိုင်းအတာတစ်ခုကို ရခဲ့တယ်.. ...

ဒါပေမဲ့ သူဟာ အဟောင်းထဲက အစစ်အမှန်ရုန်းမထွက်နိုင်ခဲ့ဘူး ... အပေါ်ယံ အပြောင်းအလဲတွေကြားမှာ သာနေခဲ့တယ်.. နောက် သူ့ရဲ့မဟာအမှားက ဒေါ်အောင်ဆန်းစုကြည်ကို ပူးပေါင်းဆောင်ရွက်ဖို့ မကြိုးစားပဲ ရုပ်ပြ သက်သက်ထားပြီး အတွင်းကို ဝင်မလာနိုင်အောင် ဖယ်ထုတ်ဖို့သာ အားထုတ်ခဲ့တယ် ... တကယ်ဆို ဒေါ်စုကိုလက်တွဲခြင်းနဲ့ သူ့အတွက် နိုင်ငံရေး အကျိုးအမြတ်ကို ရှာနိုင်ပါလျှက် သူအတ္တကြီးခဲ့တယ်..
.
နောက်တစ်ချက်က ပြည်သူကို အထင်သေးတာပဲ..ဖုန်းဈေးကျရုံ ကားဈေးကျရုံ ဂျာနယ်တွေမှာ ရေးခွင့်ရရုံနဲ့ ပြည်သူ့ရဲ့ထောက်ခံမှုကို ရလိမ့်မယ်လို့ အတွေးတိမ်ခဲ့တယ်..

သူ့ရဲ့ပြောင်းလဲမှုတွေဟာ အပေါ်ယံဟန်ပြသက်သက်ပဲဆိုတာ ပြည်သူတွေက ထင်ထင်ရှားရှားမြင်ခဲ့တယ်..
.
အထင်ရှားဆုံးအချက်တွေက ပြည်သူတွေစက်ဆုပ်ရွံ့ရှာနေပြီး တိုင်းပြည်ကိုဆင်းရဲတွင်းပို့ခဲ့တဲ့ လာဘ်ပေးလာဘ်ယူကိစ္စကြီးကို ထိရောက်တဲ့နှိမ်နင်းမှု လုံးဝကိုမလုပ်ခဲ့တာပဲ..

အစပိုင်းမှာ လေသံတွေပစ်ခဲ့ပေမယ့် ဒါဟာ လေသက်သက်ဆိုတာ ပြည်သူကသိခဲ့ရတယ်..တကယ်ဆို အကျင့်ပျက်ခြစားမှုကို တိုက်ဖျက်တာတစ်ခုတည်းနဲ့ကို ဆန္ဒမဲအများအပြား သူရယူနိုင်ပါလျှက် သူမလုပ်နိုင်ခဲ့ဘူး..
.
နောက်ပြည်သူတွေရင်ထဲမှာ နက်နက်ရှိုင်းရှိုင်းတောင့်တနေတဲ့အရာက တရားမျှတမှု..

ဒီအချက်ကိုဖော်ဆောင်ဖို့လည်းသူပျက်ကွက်ခဲ့တယ်..သာဓကအနေနဲ့ ကိုပါကြီး.

ဒေါ်ခင်ဝင်း. ကချင်ဆရာမနှစ်ဦး.သံဃာတွေကိုပစ်ခဲ့တဲ့ မီးလောင်ဗုံး.လယ်သိမ်းပြသနာစတဲ့ကိစ္စတွေမှာ သူဆီက တရားမျှတတဲ့ဖြေရှင်းမှုကို ပြည်သူတွေမရခဲ့ဘူး..

နောက်ပူးပေါင်းဆောင်ရွက်ရေးဆိုတဲ့ လေသံကိုအော်ခဲ့ပေမယ့် ဒေါ်စုနဲ့တွှေ့ဆုံဖို့ကို အကြိမ်ကြိမ်ငြင်းပယ်ခဲ့တယ်..သူ့ရဲ့အစိုးရအဖွဲ့ထဲမှာ အဓိကအတိုက်အခံ NLD ကို တစ်နေရာမှနေရာမပေးခဲ့တာကြည့်ရင် သူ့မှာ ပူးပေါင်းဆောင်ရွက်လိုစိတ် လုံးဝမရှိ
တာ ထင်ရှားတယ်..၂၀၁၀မှာ အတင်းအကျပ်လုပ်ယူထားတဲ့မဲတွေနဲ့ တိုင်းပြည်အာဏာ မောင်ပိုင်စီးရေးဇာတ်လမ်းကို ပုံစံတမျိုးနဲကခဲ့ပြန်တယ်..

နောက်တစ်ချက်က တိုင်းပြည်အခြေအနေမှန်ကို ရိပ်စားမိနေတဲ့ သူရဦးရွှေမန်း သူရဦးအောင်ကိုတို့လိုလူတွေကို သူ့ပါတီထိပ်ပိုင်းရာထူးတွေထဲကနေ ဖယ်ထုတ်ခဲ့တာတွေကို ကြည့်ရင် သူ့မှာ စစ်မှန်တဲ့ပြောင်းလဲလိုစိတ်မရှိဘူးဆိုတာ ထင်ရှားစေခဲ့ပြန်တယ်..

နောက် ဦးရွှေမန်းက သူတိုိ့ပါတီ အကြီးကျယ်ရှုံးနိမ့်နိုင်တယ်လို့ သုံးသပ်ပြနေချိန်မှာ ကြံ့ခိုင်ရေးပါတီထိပ်သီးတွေက ၈၀% ၇၀% အနိုင်ရမယ်လို့ မှန်းဆနေကြတာဟာ သူတို့တွေဟာ တစ်တိုင်းပြည်လုံးသိနေတဲ့ အခြေနေမှန်ကိုမသိ..ပြည်သူနဲ့ဘယ်လောက်
ကင်းကွာနေသလည်းဆိုတာ ထင်ရှားနေတယ်..ပြည်သူ့ခံစားချက်နဲ့ကင်းကွာနေသူတွေက တိုင်းပြည်ကိုဘယ်လိုပုံနဲ့အုပ်ချုပ်ကြမှာလဲ..

နောက်တစ်ချက် ကြံ့ခိုင်ရေးပါတီကို အရှက်ရစေခဲ့တဲ့ တရားခံတွေကတော့ သမ္မတအနားမှာဝန်းရံနေခဲ့တဲ့ ရေပေါ်ဆီ elite အကြံပေးအဖွဲ့နဲ့ သမ္မတရုံးဝန်ကြီးတွေပါပဲ..

ူနောက်ဆုံး ရွေးကောက်ပွဲ မဲဆွယ်ကာလမှာ သူ့ကိုနိဂုံးချုပ်စေခဲ့တဲ့စကားကတော့ ............

#ဘာကိုပြောင်းလဲရမှာလဲ ဆိုတဲ့စကားပါပဲ..

ရွေးကောက်ပွဲမှာ ဒေါ်အောင်ဆန်းစုကြည်ရဲ့ #ပြောင်းလဲချိန်တန်ပြီ ဆိုတဲ့ ကြွေးကြော်သံဟာ ပြည်သူ့ရဲ့ရင်ထဲကမျှော်လင့်ချက် ပြည်သူ့ရဲနှလုံးသားနဲ့ ရင်ခုန်သံတစ်ထပ်တည်းကျခဲ့တယ်...
#ပြောင်းလဲချိန်တန်ပြီ ဆိုတဲ့စကားဟာ ပြည်သူတွေရဲ့နှလုံးသားကို သိမ်းကျုံးဆွဲယူလှုပ်ရှားစေခဲ့တယ်..ဒီစကားကို ဒေါ်အောင်ဆန်းစုကြည်ကိုယ်တိုင် ပါတီကြွေးကြော်သံအဖြစ်ရွေးချယ်ပေးခဲ့တာကိုကြည့်ရင် ဒေါ်စုဟာ လူထုနဲ့အတူ ရင်ခုန်သံတူတယ်ဆိုတာ ထင်ရှားသက်သေပြခဲ့တယ်...

.
ဒီအချိန်မှာ သမ္မတကြီးရဲ့ #ဘာကိုပြောင်းလဲရမှာလဲ ဆိုတဲ့စကားကြောင့် သူဟာ ပြည်သူရဲ့လိုလားချက် ဆန္ဒကိုမသိ.ပြည်သူ့ရဲ့ခံစားချက်ကို နားမလည် မခံစားတတ်တဲ့သူတစ်ယောက်ဆိုတာ သက်သေပြလိုက်တာပါပဲ..

#ဘာကိုပြောင်းလဲရမှာလဲ ဆိုတဲ့စကားတစ်ခွန်းဟာ သူနဲ့သူ့ပါတီကို ၂၀၁၅ ရွေးကောက်ပွဲက နှုတ်ဆက်ထွက်ခွာစေတဲ့ နိဂုံးစကားတစ်ခွန်းပါပဲ...့
Credit ~ Thetdwe Aung

ရွေးကောက်ပွဲရလဒ်နဲ့ ပေါ်ပေါက်လာမယ့် အန်အယ်လ်ဒီအစိုးရအပေါ် ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ခေါင်းဆောင် ကိုမင်းကိုနိုင်ရဲ့ ရှုမြင်သုံးသပ်ချက်


ကိုမင်းကိုနိုင်နဲ့ မေးမြန်းချက်(၁)ရွေးကောက်ပွဲရလဒ်နဲ့ ပေါ်ပေါက်လာမယ့် အန်အယ်လ်ဒီအစိုးရအပေါ် ၈၈ မျိုးဆက် ငြိမ်းချမ်းရေးန...
Posted by RFA Burmese on Monday, November 16, 2015

ပါးစပ်အဌား ပြောခိုင်းဖို့ ထူထောင်ပေးထားတဲ့ ပါတီ


မြန်မာအမျိုးသားကွန်ဂရက်ပါတီက ကောင်းမြင့်ထွဋ် ၉တန်းပဲ ရောက်တာ မရောက်တာ စိတ်မ၀င်စားဘူး။ သူတို့ ဘာလဲ၊ ဘယ်လဲ... ဆိုတာတော့ လိုက်ကြည့်မိတယ်။

၁- ယူထားတဲ့ ပါတီတံဆိပ်ဟာ NLD နဲ့ ထင်ယောင်ထင်မှားဖြစ်အောင် လုပ်ထားတဲ့ ခွပ်ဒေါင်းပဲ။ ဒေါင်းသူခိုးလို့တောင် ပြောလို့ရတယ်။


၂- NLD တီဗီမှာ မဲဆွယ်ခွင့်ရတဲ့နေ့မှာ တိုက်တိုက်ဆိုင်ဆိုင် မဲဆွယ်တယ်။ (နိုင်ငံရေးမှာ တိုက်ဆိုင်တယ်ဆိုတာ မရှိ) လူတွေ မမုန်း၊ မုန်းအောင် ပြောသွားတယ်။ ကြိုက်ရင်ပေး မကြိုက်ရင် မပေးနဲ့။ မဲဆွယ်ချိန်မှာ ဒေါင်းတံဆိပ်ကို လူမုန်းအောင်လုပ်ပြီး မဲပေးချိန်မှာ ဒေါင်းချင်းမှားအောင် လုပ်ထားတယ်။


၃- ပါတီရည်ရွယ်ချက်ကိုကြည့်ပါ။ အမျိုးသားရေးအင်အားစု၊ အမျိုးသား အကျိုးစီးပွား၊ တို့တာဝန်အရေးသုံးပါး၊ အခြေခံဥပဒေကာကွယ်ရေး၊ ဒီစကားလုံးတွေက သူတို့နောက်က အရိပ်ကို ပြညွှန်းနေတယ်။


၎- ရွေးကောက်ပွဲ မနိုင်တဲ့ ပါတီတွေနဲ့ သမ္မတကြီးနဲ့ တွေ့တဲ့ပွဲမှာ အာဏာပြန်သိမ်းဖို့ ကောင်းမြင့်ထွဋ်က ပြောတယ်။ ရိုးရိုးလေးပဲ။ ဒီပွဲရဲ့ ရည်ရွယ်ချက်က ဘာလဲ။ ဒီစကားပြောသူက ဘယ်သူလဲ။ လက်ကြိုးကို ဆွဲရင် လက်လှုပ်မယ်။ ခြေကြိုးကို ဆွဲရင် ခြေလှုပ်မယ်။ အရုပ်ကို မကြည့်နဲ့၊ ကြိုးဆွဲသူကို မြင်အောင်ကြည့်။
ဒါပါပဲ


ဆရာသက္ကမိုးညို ရေးထားတာလေး
*****************************

Thursday, November 5, 2015

စစ်ဘေးရှောင် ဒုက္ခသည်များကို ကူညီကြရအောင်

တပြည်လုံးအပစ်အခတ်ရပ်ဆဲရေး လက်မှတ်ရေးထို:ထားကြပေမယ့် လက်ရှိအခြေအနေမှာတော့ သျှမ်းပြည်တခွင် အစိုးရမှထိုးစစ်ကြောင့် တိုက်ပွဲများအဆက်မပြတ် ဖြစ်ပွါးလျှက်ရှိပြီး စစ်ပြေးရှောင် ဒုက္ခသည်များ အဆမတန်တိုးပွါးလျှက်ရှိနေပါတယ်...

ဒုက္ခသည်များအတွက် အစားအသောက် ဆေးဝါးပစ္စည်းနဲ့ အဝတ်အစားတွေ ~ အရေးပေါ်အကူအညီ အထောက်အပံ့များစွာ လိုအပ်နေပြီး အခက်အခဲ့များစွာ ဖြစ်နေကြပါတယ်။ 

ဂျပန်န်ုင်ငံရောက် လုပ်ဖေါ်ကိုင်ဘက် မိတ်ဆွေများ တဦးခြင်း အနေဖြင့်ရော တဖွဲ့ခြင်းပါ တတ်နိုင်သလောက် ကူညီပေးကြပါရန် မေတ္တာရပ်ခံအပ်ပါတယ်။

မိုင်းကျော်ဦး
တာဝန်ခံ
သျှမ်းပြည်တိုင်းရင်းသားလူမျိုးများ ဒီမိုကရေစီအဖွဲ့ချုပ်(SSND-Japan)

SSPP/SSA ဝမ်ဟိုင်းဌာနချုပ်အနီး တိုက်ပွဲပြင်းထန်


SSPP/SSA ရှမ်းပြည်တပ်မတော်ဌာနချုပ် ဝမ်ဟိုင်းနဲ့ ၅ မိုင်လောက်အကွာ မိုင်းအန်ရွာမှာ ဒီနေ့မနက်ပိုင်းကစပြီး အစိုးရတပ်မတော်နဲ့ SSPP/SSA တို့ တိုက်ပွဲတွေ ပြင်းထန်နေပြီး ရှမ်းပြည်တပ်မတော် မြောက်ပိုင်းဘက်က ၁၀ ဦးသေဆုံးခဲ့တယ်လို့ သိရပါတယ်။ ဒီနေ့တိုက်ပွဲအခြေအနေအကြောင်း SSPP/SSA ပြောရေးဆိုခွင့်ရှိသူ ဗိုလ်မှူးကြီးစိုင်းလက အခုလို အတည်ပြု ပြောပါတယ်။
"နှစ်ဘက်ထိခိုက်ကျဆုံးမှု နည်းနည်းတော့များတယ်၊ အတိအကျတော့မသိဘူး၊ ကျနော်တို့ဘက်ကတော့ ၁ဝ ယောက် ဝန်းကျင်လောက်ရှိပြီ၊ သူတို့ဘက်ကပိုများတယ်၊ ဖြစ်လာတဲ့တောက်လျောက်မှာ သူတို့က ထိခိုက်ကျဆုံးတာ ရာဂဏန်းလောက်ရှိသွားပြီ၊ တာဆမ်ပူးနေရာရယ် မိုင်းအန်နဲ့ မိုင်းရှူးကားလမ်း တောင်ဘက် အခြမ်းတော့ သူတို့ကဆက်ပြီး စစ်ဆင်ရေးလုပ်နေမှာပဲ၊ သူတို့က ကျနော်တို့ အဲဒီဘက်မှာ အခြေမချနိုင်အောင် လုပ်ဆောင်နေတယ်"
အစိုးရတပ်မတော်က တာဆမ်ပူးနဲ့ မိုင်းအန်ဖက်က SSPP/SSA တပ်စခန်းတွေ အခြေချထားတဲ့နေရာကို အင်အား အလုံးအရင်းနဲ့ တိုက်နေတာလို့ ပြောပါတယ်။ တိုက်ပွဲဖြစ်နေတာဟာ ပြီးခဲ့တဲ့ အောက်တိုဘာလ ၆ ရက်နေ့ကတည်း က တစ်လနီးပါးရှိနေပြီဖြစ်ကာ ဒေသခံရွာသားတွေလည်း ထွက်ပြေးနေကြရပါတယ်။ ဝမ်ဟိုင်းဌာနချုပ်အနီး ပတ်ဝန်းကျင်မှာ နေထိုင်ကြတဲ့ ဒေသခံရွာသားတွေဟာ တစ်နေ့ထက်တစ်နေ့ တိုက်ပွဲပြင်းထန်လာနေတဲ့အတွက် ဆက်ပြီးမနေရဲကြတော့ဘဲ ဝမ်ဆော့၊ ဟိုင်းပါနဲ့ မိုင်းရှုးမြို့ပေါ်တွေဆီ ထွက်ပြေးတိမ်းရှောင်နေကြရာ ဒုက္ခသည် သုံးထောင်ကျော်ရှိနေပြီလို့ ကယ်ဆယ်ရေး လုပ်ဆောင်နေသူတွေက ပြောပါတယ်။

RFA

WSA အနေဖြင့် NCA လက်မှတ်ထိုးခဲ့သော အဖွဲ့ ၈ဖွဲ့ကို ထောက်ခံဆဲဖြစ် ကြောင်း၊ သို့သော်လည်း အစိုးရက လက်မှတ်ထိုးခဲ့သော အဖွဲ့များကိုသာ တရားမ၀င်အဖွဲ့အစည်း စာရင်းမှ ပယ်ဖျက်ပေး ခြင်း အားဖြင့် သွေးခွဲအုပ်ချုပ်မှု နည်းဗျူဟာကို ပြန်လည်အသုံးပြု


၂၀၁၅ ရွေးကောက်ပွဲ အလွန်ကာလတွင် တိုင်းရင်းသားများ အနေဖြင့် စုစည်းညီညွတ်ကြရန် “၀” ပြည် သွေးစည်း ညီညွတ်ရေးတပ်မတော်(UWSA) က နိုဝင်ဘာလ ၁ ရက်နေ့က ရှမ်းပြည်နယ်အရှေ့မြောက်ပိုင်း ၀ အထူးဒေသ၏ မြို့တော် ပန်ဆန်းတွင်ပြုလုပ်သော တိုင်းရင်းသားလက်နက်ကိုင် အဖွဲ့ များ၏ ထိပ်သီး အစည်းအဝေး တွင်  တောင်းဆိုလိုက်သည်။

UWSA ဥက္ကဋ္ဌ ဦးပေါက်ယူချန်း၏ ပြောရေးဆိုခွင့် ရှိသူက ဖတ်ကြားခဲ့သည့် ကြေညာချက်တွင် လက်ရှိအစိုးရက တနိုင်ငံလုံး အတိုင်းအတာဖြင့် အပစ်အခတ်ရပ်စဲရေး သဘောတူညီချက် (NCA) ကို လက်မှတ်ရေးထိုးရာတွင် တိုင်းရင်း သား လက်နက်ကိုင် အဖွဲ့အစည်း အားလုံးပါဝင်လာအောင် မပြုလုပ်နိုင်ခဲ့ဟု UWSA က ယူဆကြောင်း ဖော်ပြခဲ့သည်။

တိုင်းရင်းသား လက်နက်ကိုင်အဖွဲ့များက ထိုးစစ်အားလုံးကို ရပ်ဆိုင်းပေးရန် နေပြည်တော်တွင် တောင်းဆိုခဲ့သော် လည်း အစိုးရ တပ်ဖွဲ့များ၏ ဆက်လက်တိုက်ခိုက်နေမှုနှင့် လတ်တလောတွင် အရပ်သားပြည်သူများ တိမ်းရှောင်ထွက်ပြေးနေရ ခြင်းတို့က အထူးပင် စိုးရိမ်စရာ ဖြစ်ကြောင်း၊ နိုဝင်ဘာလ ၈ ရက်တွင် ကျင်းပရန်ရှိနေသည့် ရွေးကောက်ပွဲနှင့် ပတ်သက်၍လည်း လွတ်လပ်၍ တရားမျှတပြီး ကောင်းစွာ ပွင့်လင်း မြင်သာမှုရှိသော ရွေးကောက်ပွဲ တခုကျင်းပရေးကို ထောက်ခံကြောင်း UWSA တာဝန်ရှိသူများက ပြောသည်။

ယခင်လက NCA လက်မှတ်ရေးထိုးရာတွင် ပါဝင်ခြင်း မရှိခဲ့သည့် ပန်ဆန်း ထိပ်သီး အစည်းအဝေးသို့ UWSA အပါအ၀င် တိုင်းရင်းသား လက်နက်ကိုင် အဖွဲ့ ၁၁ ဖွဲ့မှ ခေါင်းဆောင်များ တက်ရောက်ခဲ့ကြသည်။ နာဂ အမျိုးသား ဆိုရှယ်လစ် ကောင်စီ (The National Socialist Council of Nagaland -Khaplang) ကိုလည်း ဖိတ်ကြားခဲ့သော်လည်း တက်ရောက် နိုင်ခဲ့ခြင်း မရှိပေ။

အစည်း အဝေးသို့ တက်ရောက်လာသူများသည် NCA လက်မှတ်မထိုးသည့် အဖွဲ့များကြား ပူးပေါင်းဆောင် ရွက် မှု တည်ဆောက်ရန် နှင့် ၂၀၁၆ ခုနှစ် အလွန်တိုင်းပြည်၏ နိုင်ငံရေး အခင်းအကျင်းနှင့် ပတ်သက်၍ ဆွေးနွေးကြမည် ဖြစ်သည်ဟု UWSA က ထုတ်ပြန်ပြောဆိုခဲ့ပြီးဖြစ်သည်။

အောက်တိုဘာလ ၃၁ရက်နေ့တွင် ဦးပေါက်ယူချန်းက တိုင်းရင်းသား ခေါင်းဆောင်များကို ၎င်း၏ နေအိမ်သို့ ညစာစားပွဲ ဖိတ်ခေါ်၍ စကားပြောခဲ့ပြီး UWSA အနေဖြင့် NCA လက်မှတ်ထိုးခဲ့သော အဖွဲ့ ၈ဖွဲ့ကို ထောက်ခံဆဲဖြစ် ကြောင်း၊ သို့သော်လည်း အစိုးရက လက်မှတ်ထိုးခဲ့သော အဖွဲ့များကိုသာ တရားမ၀င်အဖွဲ့အစည်း စာရင်းမှ ပယ်ဖျက်ပေး ခြင်း အားဖြင့် သွေးခွဲအုပ်ချုပ်မှု နည်းဗျူဟာကို ပြန်လည်အသုံးပြုနေသည်ဟု  ညစာ စားပွဲတွင် ဦးပေါက်ယူချန်းက သတိပေးခဲ့သည်ဟု UWSA ၏ ပြောရေးဆိုခွင့် ရှိသူ ဦးအောင်မြင့် ကဆိုသည်။

နောက်လာမည့် အစိုးရ၏ ပုံစံအနေအထားက ရေရာခြင်း မရှိသေးသည့် အတွက် တိုင်းရင်းသား လူနည်းစုအဖွဲ့အစည်းများ အနေဖြင့် ဟန်ချက်ညီမျှမှုရရှိရန် အတူတကွလုပ်ဆောင်သင့်ကြောင်း  ဦးအောင်မြင့်က ပြောခဲ့သော်လည်း အနာဂတ်တွင် ပဋိပက္ခများ လျော့နည်းသွားရန် မျှော်လင့်သည်ဟု ဆိုသည်။

“ကျနော်တို့ တိုင်းရင်းသား လက်နက်ကိုင် အဖွဲ့တွေ အနေနဲ့ အနာဂါတ် နိုင်ငံရေး စိန်ခေါ်မှုတွေကို ဘယ်လို ဖြစ်ရှင်းရမလဲ ဆိုတာအတွက် ကြိုတင်ပြင်ဆင်ထားဖို့ လိုပါတယ်။ နိုင်ငံရေး အရ အငြင်း အခုံဖြစ်ရတာတွေ တိုက်ခိုက်တာတွေ အများကြီး ရှိလာပါလိမ့်မယ်။ ဒါပေမယ့် နိုင်ငံရေး တိုက်ပွဲကြောင့် သွေးထွက်သံယိုတော့ ရှိမှာမဟုတ်ပါဘူး။ ကျနော်တို့ တိုင်းရင်းသား လူနည်းစုအဖွဲ့တွေ အနေနဲ့ စည်းလုံးဖို့ လိုပါတယ်။ ဒါမှသာ အဲဒီနိုင်ငံရေး စိန်ခေါ်မှုတွေကို ရင်ဆိုင်နိုင်မှာ ဖြစ်ပါတယ်။” ဟု ဦး အောင်မြင့်ကပြောသည်။

UWSA သည် မြန်မာနိုင်ငံတွင် အင်အား အတောင့်တင်းဆုံး တိုင်းရင်းသား လက်နက်ကိုင် ဖွဲ့ဖြစ်ပြီး အင်အား ၂၀၀၀၀ သို့ မဟုတ် ၂၀၀၀၀ ကျော်ရှိမည် ဟုခန့်မှန်းရသည်။ ၁၉၈၉ ခုနှစ်တွင် အစိုးရနှင့် အပစ်အခတ်ရပ်စဲရေး အပြန်အလှန် သဘော တူညီချက် ရရှိခဲ့သည်။

မဲမပေးရသည့် နယ်မြေ

မြို့နယ် ၆ ခုဖြင့် ဖွဲ့စည်းထားသော “၀” အထူးဒေသသည် မြန်မာနိုင်ငံ၏ ၂၀၀၈ ခုနှစ် အခြေခံ ဥပဒေအရ တစိတ်တပိုင်း ကိုယ် ပိုင် အုပ်ချုပ်ခွင့်ရသည့် နေရာတခုဖြစ်သည်။

“၀” တိုင်းရင်းသားများသည် ၎င်းတို့၏ ဒေသသုံး ဘာသာစကား နှင့် တရုတ်စကားကို ပြောဆိုကြပြီး များသောအားဖြင့် မြန်မာ စကား ကို ကျွမ်းကျင်စွာ မပြောနိုင်ကြပါ။ ဟိုတယ်များ၊ စားသောက်ဆိုင်များနှင့် အုပ်ချုပ်ရေး အဆောက်အအုံများ၏ အပြင် ဘက်တွင် တရုတ်ဘာသာ ဖြင့် ရေးသားထားသည့် ဆိုင်းဘုတ်များက အဆိုပါ ဒေသတွင် ဒေသသုံးစကားသာ လွှမ်း မိုး ကြောင်း ဖော်ပြနေကြသည်။

မြန်မာနိုင်ငံ ပြည်ထောင်စုရွေးကောက်ပွဲ ကော်မရှင် (UEC) က ရွေးကောက်ပွဲကျင်းပနိုင်ခြင်း မရှိသည့် ရာနှင့် ချီသော ကျေးရွာများ စာရင်းကို ထုတ်ပြန်ကြေညာခဲ့ရာတွင် “၀” အထူးဒေသမှ မြို့နယ် ၄ခု လည်း အပါအ၀င်ဖြစ်သည်။ “၀” အထူးဒေသမှ ကျန် မြို့ နယ် ၂ ခုတွင်လည်း ရွေးကောက်ပွဲကို တစိတ်တပိုင်းသာ ကျင်းပနိုင်မည် ဖြစ်သည်။

ရွေးကောက်ပွဲကော်မရှင်၏ ကြေညာချက်တွင် အဆိုပါ ဧရိယာများ၌ ရွေးကောက်ပွဲကို လွတ်လပ်၍ မမျှတစွာ ကျင်းပရန် ဖြစ်နိုင်မည် မဟုတ်ဟု ဖော်ပြထားသည်။

ရွေးကောက်ပွဲကို ပယ်ဖျက်ခြင်း မပြုခဲ့လျှင်ပင် ၀တိုင်းရင်းသား အများစုမှာ နိုင်ငံသား စိစစ်ရေး ကတ်ပြားများ ကိုင်ဆောင် ထားနိုင်ခြင်း မရှိသည့် အတွက် မဲပေးခွင့်ရမည် မဟုတ်ဟု UWSA ခေါင်းဆောင်များက ပြောသည်။

မြန်မာ အစိုးရက နိုင်ငံသားဖြစ်ခွင့်ကို စေ့စေ့စပ်စပ် စစ်ဆေးပြီး အကန့်အသတ်ဖြင့်သာ လုပ်ဆောင်ပေးသည်ဟု ပန်ဆန်း ဒေသခံများက ဧရာဝတီသို့ပြောသည်။ နိုင်ငံသား စိစစ်ရေး ကတ်များ ထုတ်ပေးခဲ့သည့်တိုင် ကန့်သတ်မှုများ ရှိနေသည်ဟု ဆိုသည်။

“သူတို့လာပြီးတော့ နိုင်ငံသား ကတ် တချို့ ထုတ်ပေးခဲ့တယ်။ ဒါပေမယ့် ကတ်တွေက ဒီဧရိယာ ကနေ ခရီးသွားတာကို ကန့်သတ်ထားတယ်။ တချို့ကတော့ ခရီးသွားတဲ့အခါ အတားအဆီးဖြစ်မှာစိုးလို့ နိုင်ငံသား ကတ် ရဖို့ မကြိုးစားတော့ဘူး။” ဟု ပန်ဆန်းတွင်နေထိုင်သူ ဦးရင်နိုင် ကပြောသည်။

နိုင်ငံသား အထောက်အထား ရယူထားသူများကိုလည်း အစိုးရက အိမ်ထောင်စု စာရင်း များ ထုတ်ပေး ခြင်းမရှိဘဲ ဥပေက္ခာပြု ထားခဲ့သည်ဟုလည်း သူက ဆိုသည်။

ဧရာဝတီ

သမ္မတအထက်မှနေ၍ အစိုးရကိုပဲ့ကိုင် မည့် ဒေါ်အောင်ဆန်းစုကြည်


နိုဝင်ဘာလ ၈ ရက်နေ့ ကျင်းပမည့် ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD) အစိုးရဖွဲ့သည် အထိ အနိုင် ရရှိပါက NLD က သမ္မတတင်မြှောက်မည်ဖြစ်သော်လည်း ဒေါ်အောင်ဆန်းစုကြည်သည် သမ္မတ အထက်မှ နေ၍ အစိုးရ အဖွဲ့ကို ပဲ့ကိုင် အုပ်ချုပ်သွားမည်ဖြစ်ကြောင်း ဒေါ်အောင်ဆန်းစုကြည်က ပြောဆိုသည်။

ယနေ့နံနက်ပိုင်း ဗဟန်းမြို့နယ်၊ တက္ကသိုလ်ရိပ်သာလမ်း ခြံအမှတ် ၅၄ တွင်  ကျင်းပသော သတင်းစာရှင်းလင်းပွဲတွင် ဒေါ်အောင်ဆန်းစုကြည်က အထက်ပါအတိုင်းပြောကြားလိုက်ခြင်းဖြစ်သည်။

NLD ပါတီအနေဖြင့် သမ္မတ ရာထူးအတွက် ရည်ရွယ်ထားသူရှိနေပြီး မိမိအနေဖြင့် ယခုအချိန်တွင် ထုတ်ဖော်ပြောဆိုရန် အစီအစဉ်မရှိကြောင်း၊ မိမိအနေဖြင့် သမ္မတ၏ အထက်တွင် တည်ရှိနေပြီး ဆုံးဖြတ်ချက်များ ချမှတ်ခြင်းဖြင့် အစိုးရအဖွဲ့ကို ပဲ့ကိုင်သွားမည်ဖြစ်ကြောင်း ဒေါ်အောင်ဆန်းစုကြည်က ပြောဆိုသည်။

“ကျမက သမ္မတရဲ့ အထက်မှာရှိနေမှာပါ။ ဒါက ရိုးရှင်းတဲ့ သတင်းစကားပါပဲ။ အခြေခံဥပေဒမှာလည်း သမ္မတအထက်မှာ ရှိနေတဲ့သူနဲ့ပတ်သက်လို့ ပြဋ္ဌာန်းထားတာမရှိလို့ ဒါက ဥပဒေချိုးဖောက်တာလည်းမဟုတ်ပါဘူး။ကျမအနေနဲ့ အရေးကြီးတဲ့ သင့်တော်တဲ့ ဆုံးဖြတ်ချက်တွေကို ချမှတ်သွားမှာပါ။ ထိပ်ကနေပြီးတော့ ဆုံးဖြတ်ချက်တွေချတာ ခေါင်းဆောင်ပဲပေါ့” ဟု ဒေါ်အောင်ဆန်းစုကြည်က ပြောဆိုသည်။

၂၀၀၈ ဖွဲ့စည်းပုံအခြေခံဥပဒေတွင် နိုင်ငံခြားသား သား၊ သမီး၊ ဇနီး၊ ခင်ပွန်း ရှိသူများသည် သမ္မတဖြစ်ခွင့်မရှိဟု ပြဋ္ဌာန်းထားရာ နိုင်ငံခြားသား ၂ ဦးရှိနေသည့် ဒေါ်အောင်ဆန်းစုကြည်သည် အခြေခံဥပဒေအရ သမ္မတဖြစ်ခွင့် တားဆီး ခံထားရသည်။

လတ်တလော ကြိုတင်မဲကိစ္စများနှင့်ပတ်သက်၍ မသမာမှုများရှိနေပြီး အထောက်အထားများလည်းရရှိနေကြောင်း၊ ရွေးကောက်ပွဲ ရလာဒ်သည် စစ်မှန်သော ရလာဒ်ဘဲ မဲခိုးမဲလိမ်ရလာဒ်များဖြစ်နေပါက အခြေအနေမူတည်၍ လက်ခံ သင့်၊ မခံသင့် ဆုံးဖြတ်သွားမည်ဖြစ်ကြောင်း ဒေါ်အောင်ဆန်းစုကြည်က ရှင်းလင်းပြောဆိုသည်။

“ ဒါက ဘယ်လောက်အထိ အမှားအယွင်းတွေရှိတယ်၊ ဘယ်လိုပုံစံနဲ့ လုပ်တယ်ဆိုတာကို စောင့်ကြည့်ပြီးမှ အဖြေပေး လို့ရ မှာပါ။ အခုချိန်မှာ ဘယ်လောက်ထိမှားမယ်၊ ဘယ်လိုလုပ်မယ်ဆိုတာ ပြောလို့မရပါသေးဘူး။ ကြိုတင်မဲတွေနဲ့ ပတ်သက် လို့ ရှိရင်တော့ ၀င်လာတဲ့သတင်းတွေအထိတော့ တော်တော်ကျယ်ကျယ်ပြန့်ပြန့် ကြံ့ခိုင်ဖွံ့ဖြိုးရေးပါတီရဲ့ အုပ်ချုပ်ရေးပိုင်း ဆိုင် ရာနဲ့ ဒေသဆိုင်ရာပေါ့နော် ရွေးကောက်ပွဲကော်မရှင်တွေက ပူးပေါင်းဆောင်ရွက်နေတယ်ဆိုတာ သတင်းတွေ ကလည်း ၀င်လာပြီ၊ သက်သေအထောက်အထားတွေကလည်း လုံလောက်ပါတယ်။ ဒီကိစ္စတွေကို တတ်နိုင်သမျှ အမြန်ဆုံး ကိုင် တွယ် သွားချင်ပါတယ်။ အမျိုးသား ဒီမိုကရေစီ အဖွဲ့ချုပ်ကတော့ ပြည်သူလူထုနဲ့ တစိတ်တည်း တ၀မ်း တည်းပါပဲ။ ဒီရွေး ကောက်ပွဲ ကြီးကို အေးအေးဆေးဆေး တည်တည်ငြိမ်ငြိမ်နဲ့ အောင်အောင်မြင်မြင် ဖြစ်စေချင်တယ်။ ရွေးကောက်ပွဲ တွေ ဖြစ် မြောက်ပြီးမှ ဘယ်လောက်အတိုင်းအတာအထိ လက်ခံနိုင်စရာရှိလဲ၊ လက်မခံနိုင်စရာရှိလဲဆိုတာ ကျမတို့အားလုံး သိမှာပဲ” ဟု ဒေါ်အောင်ဆန်းစုကြည်က ပြောဆိုသည်။

၂၀၁၅ ရွေးကောက်ပွဲသည် ၁၉၉၀ ရွေးကောက်ပွဲကဲ့သို့ အာဏာမလွှဲသည့် ဖြစ်စဉ်မျိုးပေါ်ပေါက်လာမည်ဟု မထင်ကြောင်း၊ ၁၉၉၀ ခုနှစ် အခြေအနေနှင့် ၂၀၁၅ ခုနှစ် အခြေအနေသည် လုံးဝ ကွာခြားသွားပြီဖြစ်ကြောင်း ၎င်း ကဆိုသည်။

အမျိုးသားဒီမိုကရေစီအဖွဲ့ချုပ် အစိုးရဖြစ်လာပါက ပွင့်လင်းမြင်သာမှုကို အဓိကထားမည်ဖြစ်ပြီး မြစ်ဆုံစီမံကိန်း၊ ငြိမ်းချမ်း ရေး လုပ်ငန်းစဉ်၊ စီးပွားရေး အပါအ၀င် နိုင်ငံရေးရာကိစ္စများတွင် ပွင့်လင်းမြင်သာမှု၊ အဂတိတရားကင်းရှင်းမှု၊ သန့်ရှင်းမှုများ ဖြင့် ဆောင်ရွက်သွားမည်ဟု ၎င်းက ဆိုသည်။

“ခရိုနီဆိုတဲ့ စကားလုံးရဲ့ အဓိပ္ပါယ်ကို ဘယ်သူကမှ သေချာဖွင့်ဆိုထားခြင်း မရှိသေးဘူး၊ အန်တီတို့က အဂတိတရား ကင်းစင်သည့် အစိုးရတစ်ရပ် ထူထောင်သွားဖို့ ရှိတယ်၊ အစိုးရက အဂတိတရား မကင်းရင် စီးပွားရေးသမားတွေကလည်း အဂတိတရားကင်းမှာ မဟုတ်ပါဘူး၊ အမျိုးသားဒီမိုကရေစီ အဖွဲ့ချုပ်အနေနဲ့ သန့်ရှင်းသော အစိုးရ၊ ကောင်းမွန်သော အုပ်ချုပ်ရေး ဖြစ်မယ့် အစိုးရကို ထူထောင်သွားမှာပါ” ဟု ဒေါ်အောင်ဆန်းစုကြည်က ပြောကြားသည်။

NLDအနေဖြင့် အမျိုးသားရင်ကြားစေ့ရေး လမ်းစဉ်ကိုလည်း ကိုင်စွဲထားပြီး တပ်မတော်နှင့် ကောင်းမွန်းသော ဆက်ဆံရေး ထူထောင်လိုကြောင်း ၊ ငြိမ်းချမ်းရေးနှင့်ပတ်သက်၍လည်း ယခင်အစိုးရ ဆောင်ရွက်ခဲ့သည်များမှ ကောင်းမွန်မှုများကို ဆက်လက်ခံပြီး မကောင်းမွန်သည်များကို ပြင်ဆင်သွားမည်ဖြစ်ကြောင်း ပြောဆိုသည်။

“ကျမတို့ကနေပြီးတော့ အရင်အစိုးရကလုပ်ခဲ့ဆိုပြီး လက်မခံတဲ့ စိတ်ဓာတ်မျိုးမရှိပါဘူး။ အရင်တုန်းက ငြိမ်းချမ်းရေး လမ်းစဉ် မှာ လက်ခံသင့်တဲ့ကိစ္စတွေရှိရင် လက်ခံမှာပါ။ လက်ခံသင့်တဲ့အပိုင်းတွေကို လက်ခံမှာပါ။ ပြောင်းသင့်တဲ့ အပိုင်း တွေကို ပြောင်းမှာပါ။ ကျမတို့က ဒီအစိုးရ၊ အရင်အစိုးရလုပ်ခဲ့တာမို့လို့ အားလုံးပြောင်းပစ် မယ်ဆိုတာမျိုးက မလိုအပ်တဲ့ အာဃတစိတ်ဓာတ်ထားပါ။ ငြိမ်းချမ်းရေးဆိုရင်လည်းဒီအတိုင်းပဲ ။ ကောင်းတာတွေ ယူမယ်။ မကောင်းတာ တွေကို ပြင်မယ်။ ပိုပြီးလို့ကောင်းအောင်ကြိုးစားပါ့မယ်” ဟု ဒေါ်အောင်ဆန်းစုကြည်က ဆက်လက်ပြောဆိုသည်။

“အရင်တုန်းဖြစ်မယ်လို့လည်း မယုံပါဘူး။ ဘာဖြစ်လို့လဲဆိုတော့ ၁၉၉၀ ခုနှစ်နဲ့ ၂၀၁၅ ခုနှစ်နဲ့ မတူပါဘူး။ ဥပမာဆိုလို့ရှိရင် ၂၀၁၀ နဲ့တောင် မတူပါဘူး။ ၂၀၁၀ တုန်းကဆိုရင် ကြိုတင်မဲတွေကိစ္စက ဆိုးဆိုးဝါးဝါးကို ဖြစ်ခဲ့တယ်ဆိုတာ လူတိုင်း သိတယ်။ ဒါပေမယ့် ဘယ်သူကမှ ဘာမှမလုပ်ပါဘူး။ အခုကျတော့ ဒီဟာတွေကို ကန့်ကွက်မယ့်သူတွေရှိတယ်။ ပြည်သူ တွေကလည်း ပြောရဲလာပြီဆိုတော့ အခြေအနေက လုံးဝ ပြောင်းသွားပါပြီ။ ဒါကြောင့်မို့ ၁၉၉၀ အတိုင်း ဖြစ်မယ်လို့တော့ မထင်ပါဘူး။ အရေးကြီးတာက ရွေးကောက်ပွဲ မတိုင်မီ တည်တည်ငြိမ်ငြိမ်အေးအေးချမ်းချမ်းရှိဖို့ပဲ။ ရွေးကောက်ပွဲ မသမာ မှုတွေကို တရားဥပဒေအရ ထိထိရောက်ရောက်ကိုင်တွယ်ဖို့ အရေးကြီးပါတယ်” ဟု ဒေါ်အောင်ဆန်းစုကြည်က ဆိုသည်။

ဥပဒေပြုရေးအပိုင်းနှင့်ပတ်သက်၍လည်း နိုင်ငံနှင့်ပြည်သူကို အကျိုးမပြုသော ဥပဒေများကို ပယ်ဖျက်သွားမည်ဖြစ်ပြီး နိုင်ငံ၏ အနာဂတ်ရေရှည် ဥပဒေများဖြစ်ပေါ်ရေး ဥပဒေပြု လွှတ်တော်အမတ်များနှင့် ကြိုးပမ်း အကောင် အထည်ဖော် သွားမည်ဟု ၎င်းက ပြောသည်။
“ဥပဒေတွေအားလုံးတရားမျှမျှတ ဖြေရှင်းကိုင်တွယ်ရမှာပေါ။ ဖြေရှင်းကိုင်တွယ်တယ်ဆိုတာက နိုင်ငံကို ရေရှည် အကျိုးပြု တဲ့ဥပဒေတွေဖြစ်ရပါ့မယ်။ ဥပဒေတွက ၃ လ ၊ ၄ လ တချို့တွေက သဘောကျအောင်လို့ ချွေးသိပ်တဲ့သဘောနဲ့ လုံးဝ မဖြစ်ရပါဘူး။ နိုင်ငံအနာဂတ်အတွက် သင့်တော်တဲ့ ဥပဒေတွေ ဖြစ်အောင် ကျမတို့ လုပ်မှာပါ။ ပညာရေးနဲ့ ပတ်သက် လို့ပဲဖြစ်ဖြစ်၊ တခြားကိစ္စတွေနဲ့ပဲပတ်သက်လိုပဲဖြစ်ဖြစ်၊ ဒီလို အခြေခံမူနဲ့ ပဲ ဥပဒေကို ပြဋ္ဌာန်းရမယ်” ဟု ဒေါ်အောင်ဆန်းစုကြည်က ရှင်းပြသည်။

ဧရာဝတီ

Tuesday, November 3, 2015

ပြည်တွင်းစစ် ချက်ချင်းရပ်ရေး တိုင်းရင်းသား တော်လှန်ရေးအဖွဲ့ ခေါင်းဆောင်များ တောင်းဆို


ဓာတ်ပုံ - Jade Land Kachin Facebookဓာတ်ပုံ - Jade Land Kachin Facebook

နိုဝင်ဘာ ၁ ရက်နေ့ကစပြီး ၀နယ်မြေမှာ ကျင်းပနေတဲ့ တိုင်းရင်းသား လက်နက်ကိုင် တော်လှန်ရေးအဖွဲ့ ခေါင်းဆောင်တွေရဲ့ ဒုတိယအကြိမ် ထိပ်သီးစည်းဝေးပွဲမှာ တက်ရောက်လာတဲ့ တိုင်းရင်းသားတွေက တောင်းဆိုလိုက်တာဖြစ်ပြီး ရွေးကောက်ပွဲပြီးလို့ ထွက်ပေါ်လာမယ့် အစိုးရနဲ့ ဆက်လက်ဆွေးနွေးသွားမယ်လို့ ယူဒဗလျူအက်စ်အေရဲ့ ပြင်ပဆက်ဆံရေး တာဝန်ခံ ဦးကျောက်ကော်အန်းက ဒီဗွီဘီကို ပြောပါတယ်။

“ဒီနေ့မနက် ဆွေးနွေးပြီးခဲ့တာ ဆိုလို့ရှိရင် တိုင်းပြည်ရဲ့ ဒီလာမယ့်ရွေးကောက်ပွဲဟာ လွတ်လပ်ပြီး တရားမျှတတဲ့ ကမ္ဘာ့ကုလသမဂ္ဂရဲ့ ကြီးကြပ်မှုအောက်မှာ ဆောင်ရွက်နေတယ် ဆိုလို့ရှိရင်တော့ ကောင်းပါတယ်။ ကျနော်တို့ အဲဒါကိုလည်း လက်ခံတယ်။ နောက်ထွက်လာမယ့် အစိုးရအသစ်ဟာ ကျနော်တို့ တိုင်းရင်းသား လက်နက်ကိုင်အဖွဲ့တွေက ပူးပေါင်းပြီးနောက်မှာ ရှေ့ဆက်ရမယ့် ဆွေးနွေးပွဲတွေလုပ်မယ်။ လောလောဆယ်တော့ ပြည်တွင်းစစ် ချက်ချင်းရပ်စဲရေး၊ ချက်ချင်းရပ်ပြီးနောက်မှာ နိုင်ငံရေးနည်းနဲ့ ပြည်တွင်းကိစ္စကို ဖြေရှင်းပါလို့ပဲ ပါပါတယ်။”

‘၀’ ပြည် သွေးစည်းညီညွတ်ရေးတပ်မတော် စစ်ဦးစီးချုပ်နဲ့ ပါတီဥက္ကဋ္ဌ ဦးပေါက်ယူချန်းကတော့ ရွေးကောက်ပွဲအလွန် ထွက်ပေါ်လာမယ့် မည်သည့်ပါတီက ဖွဲ့စည်းတဲ့ အစိုးရသစ်နဲ့မဆို တနိုင်ငံလုံး ငြိမ်းချမ်းရေးဆွေးနွေးပွဲ အမြန်ဆုံး အကောင်အထည်ဖော် ဆောင်ရွက်သွားဖို့ ပူးပေါင်းဆောင်ရွက်သွားမယ်လို့ ထိပ်သီးစည်းဝေးပွဲ အဖွင့်မိန့်ခွန်းမှာ ပြောကြားခဲ့ပါတယ်။

တိုင်းရင်းသား လက်နက်ကိုင် တော်လှန်ရေးအဖွဲ့ ခေါင်းဆောင်များရဲ့ ဒုတိယအကြိမ် ထိပ်သီးစည်းဝေးပွဲမှာ ၀’ ပြည် သွေးစည်းညီညွတ်ရေးတပ်မတော် (ယူဒဗလျူအက်စ်အေ)၊ ကချင်လွတ်လပ်ရေးတပ်မတော် (ကေအိုင်အို)၊ ကိုးကန့်မဟာမိတ်တပ်ဖွဲ့ (အမ်အန်ဒီအေအေ)၊ မွန်ပြည်သစ်ပါတီ (အန်အမ်အက်စ်ပီ)၊ ရခိုင်တပ်မတော် (အေအေ)၊ ရှမ်းပြည်တပ်မတော် မြောက်ပိုင်း (အက်စ်အက်စ်ပီပီ/အက်စ်အက်စ်အေ)၊ ကရင်အမျိုးသားအစည်းအရုံး လက်အောက်ခံ ကရင်အမျိုးသားကာကွယ်ရေးတပ်မတော် (ကေအန်ဒီအို)၊ ကရင်နီအမျိုးသား တိုးတက်ရေးပါတီ (ကေအန်ပီပီ)၊ တအာင်း (ပလောင်) တပ်မတော် (ပီအက်စ်အယ်လ်အက်ဖ်)၊ ရှမ်းပြည်အရှေ့ဘက် မဟာမိတ်တပ်ဖွဲ့ (အန်ဒီအေအေ) နဲ့ ကယန်းပြည်သစ်ပါတီ စတဲ့အဖွဲ့ ၁၁ ဖွဲ့က ကိုယ်စားလှယ် ၄၁ ဦး တက်ရောက်ခဲ့ပြီး လေ့လာသူအနေနဲ့ ၁၃ ဦး တက်ရောက်ခဲ့ပါတယ်။

DVB

Monday, November 2, 2015

တအာင်းတပ်မတော်နှင့် မြန်မာ့တပ်မတော် တိုက်ပွဲထပ်မံဖြစ်ပွား


၂၀၁၅ ခုနှစ် နိုဝင်ဘာလ ၂ ရက်

တအာင်းဒေသ၊ တပ်မဟာ (၁) နယ်မြေ၊ ကွတ်ခိုင်မြို့နယ်၊ မန်ဆွေကျေးရွာနှင့် မန်ပူးကျေးရွာကြားတွင် ယနေ့ နိုဝင်ဘာလ ၂ ရက်နေ့ နံနက် ၀၈း၁၅ နာရီမှ ၀၈း၄၅ နာရီအထိ တအာင်းအမျိုးသားလွတ်မြောက်ရေးတပ်မတော်(TNLA) တပ်ရင်း (၁၀၁)နှင့် မြန်မာ့တပ်မတော် တပ်မ (၉၉) တို့နှစ်ဖက်ရင်ဆိုင်တိုက်ပွဲ ဖြစ်ပွားခဲ့သည်။
တိုက်ပွဲတွင် တအာင်းတပ်မတော်ဖက်မှ ထိခိုက်ကျဆုံးမှုမရှိပါ။ မြန်မာ့တပ်မတော်ဖက် ထိခိုက်ကျဆုံးမှု မသိရှိရသေးပါ။
မြန်မာ့တပ်မတော်မှ တပ်အင်အား (၂၀၀) ကျော်ဖြင့် နမ့်ဆွမ်ဖက်မှ တအာင်းတပ်မတော် တည်ရှိရာ လှုပ်ရှားစခန်းဖက်သို့ တက်လာပြီး အဝေးကင်းနှင့် ထိပ်တိုက်ဆိုင်တိုက်ပွဲ ဖြစ်ပွားခဲ့ပြီး မြန်မာ့တပ်မတော်မှ ပိန်းပွန်းကျေးရွာဖက်သို့ ပြန်လည် ဆုတ်ခွါသွားခဲ့သည်။

သတင်းနှင့်ပြန်ကြားရေးဌာန
PSLF/TNLA