Monday, October 19, 2015

တိုကျိုသံရုံး ၂၀၁၅ ရွေးကောက်ပွဲ ကြိုတင်မဲပေးမှုတွင်မသမာမှုတွေ့ရှိ


 
၂၀၁၅ ခုနှစ် အောက်တိုဘာ ၁၇ ရက်။

ဂျပန်နိုင်ငံရှိ တိုကျိုသံရုံးတွင်ပြုလုပ်သည့် ၂၀၁၅ ခုနှစ် အထွေထွေ ရွေးကောက်ပွဲအတွက် ကြိုတင်မဲပေးမှု အစီအစဉ်မှ မသမာမှုများကို ၂၀၁၅ ရွေးကောက်ပွဲစောင့်ကြည့်ရေးကော်မတီ(ဂျပန်)မှ စီစစ်တွေရှိချက်များ။

ဂျပန်နိုင်ငံရောက် ပြည်ထောင်စုဘွား လူဦးရေ ဂျပန် လဝက ထုတ်ပြန်ချက်စာရင်းမှာ မြန်မာနိုင်ငံသား စုစုပေါင်း ၁၀,၂၅၂ ,ဦးရှိပြီး ပုံစံ ၁၅ တင်ပြသူများထဲမှသံရုံးမှထုတ်ပြန်သည့် မဲပေးနိုင်သူ မဲစာရင်း ၁၀၇၈, ကျော်သာပါဝင်ခဲ့ပြီး မြန်မာနိုင်ငံသားများ မဲပေးနိုင်ခွင့် အများအပြား ဆုံးရှုံးခဲ့ကြရတာကို တွေ့မြင်ကြရပါတယ်။

ပုံစံ ၁၅ တင်ပြသော်လည်း မဲစာရင်း အမည်မပါခြင်း နာမည် စာလုံး မှားခြင်း မွေးသက္ကရာဇ်မှား ခြင်း မဲစာရွက်မှားခြင်း မဲစာအိတ်တွင် ခြစ်ရာပါခြင်း မဲစာအိတ်ကြံ့ခိုင်မှုမရှိခြင်း မဲပုံး ၁ပုံးထဲသာရှိခြင်း မဲစာရွက်တွင် ကော်မရှင် တံဆိပ်တုံး ပါမပါ အမျိုးမျိုး သော အခက်အခဲများရင်ဆိုင်နေရပါတယ်။

မြန်မာပြည် နေပြည်တော်မှ အစိုးရပညာတော်သင် (စာအုပ်အစိမ်း) လာရောက်သည့်သူအချို့ မဲပေးခွင့် ဆုံးရုံးမှုရင်ဖွင့်သံကိုလဲ ကြားရမိပါတယ်။

စာအိတ်ပြဿနာမှာ စာအိတ်ထက် မဲစာရွက်က ကြီးနေပြီ မဲကအပြင်ထွက်နေပြန် ပြန်ပိတ်ရင် ကော်က မဲစာရွက်ပေါ် ဖိမိနိုင်။ စာအိတ် ပိတ်ထားသည်ဘက်မှာ လွယ်ကူစွာနဲ့ ခွာလို့ရတာတွေ့ရ။ စာအိတ်ပြဲနေတာ ပေါက်နေတာ တွေ့ရှိသော်လည်း ပြန်လည်လဲပေးခြင်းမရှိပါ။ အမျိုးသားလွတ်တော် အတွက် စာအိတ်တွင် ပြည်သူလွတ်တော်ကိုယ်စားလှယ်မဲအား လွဲမှားစွာထည့်ထားခြင်း မဲစာအိတ်ပေါ်ရှိလိပ်စာတွင် ရပ်ကွက်နှင့် မြို့ ကိုက်ညီမှုမရှိပဲ လွဲမှားမှားနေတာကိုလဲ တွေ့ရှိရပါတယ်။

အဓိက စိုးရိမ်စရာ ဆုံးရှုံးမှုအများဆုံးကတော့ တောင်ဥက္ကလာပ နေ ပြည်သူတွေဆိုရင် အမျိုးသားလွတ်တော် /တိုင်းလွတ်တော် အတွက် ၂ မဲသာ ထုတ်ပေးခဲ့ပြီး ပြည်သူ့လွတ်တော်မဲအတွက် ထုတ်ပေးခြင်းမရှိပါပြည်သူလွတ်တော်အတွက် မဲပေးရွှေးခွင့်မရသည့်အတွက် မကျေနပ်ရင်ဖွင့်သံလဲကြားရ။

ရန်ကင်းမြို့နယ် နေပြည်သူများမှာလဲ မဲ ၂ မဲသာ ထုတ်ပေးသည့်အတွက် တမဲပေးပိုင်ခွင့် ဆုံရှုံးခဲ့ရပါတယ် ၊ ထိုအတူ အင်းစိန်မြို့နယ်နေ ပြည်သူများမှာလဲ အမျိုးသားလွတ်တော်အတွက် တမဲထဲသာ ပေးခွင့်ရပြီး တိုင်းဒေသကြီး နှင့် ပြည်သူလွတ်တော်အတွက် မဲ ၂ မဲ ဆုံးရှုံးခဲ့ရပါတယ်။

မကွေးတိုင်း ပခုက္ကူ က အမျိုးသားလွတ်တော် မဲပေးခွင့်မရ။

တိုင်းရင်းသားဒေသများအတွက် မဲလာပေးသူများတွင် ကိုယ်စားလှယ်ရှိသော်လည်း မဲအပြည့်ထုတ်ပေးခြင်းမရှိသဖြင့် တိုင်းရင်းသားကိုယ်စားလှယ်အား မဲရွေးချယ်ပိုင်ခွင့် မရရှိခဲ့ပါ ။ တချို့တိုင်းရင်းသားဒေသများအတွက် မဲကို မဲ ၂ မဲသာ ထုတ်ပေးနေတာလဲ သိရပါတယ်။

မဲပေးခွင့် လက်မှတ်မပြည့်စုံမှုနှင့်ပတ်သက်၍ မဲရုံတာဝန်ခံမှ ဖြေရှင်းမှုမှာ ပြည်တွင်းရွေးကောက်ပွဲကော်မရှင်မှ ပေးပို့လိုက်သည့် အရည်အတွက်အတိုင်းသာ ဖြစ်ကြောင်းနှင့် ယခုလို မဲပေးရန် ကိုယ်စားလှယ် မဲ မပြည့်မစုံဖြစ်နေသည့်ကိစ္စကို ပြည်တွင်းရွေးကောက်ပွဲကော်မရှင်သို့ တင်ပြထားပြီး မဲပေးခွင့် ထပ်မံတောင်းဆိုပေးမည်ဖြစ်ကြောင်း မဲထပ်မံပေးရန်အတွက် ၂၃ ရက်ထိ သက်တမ်းတိုးထားပြီး ထိုရက်အမှီ မဲများရောက်ရှိလာပါက မဲပေးခွင့်ဆက်လက်ပြုပေးမည်ဖြစ်ပြီး အချိန်မှီ မရောက်ရှိလာပါက မဲဆုံးရှုံးမည့်သဘောမျိုး ပြောဆိုဖြေရှင်းသွားပါသည်။

ဂျပန်မှာ သံရုံးသို့ မဲဝင်ရောက်ပေးသူ ဦးရေ Volunteer ကော်မတီမှ ရေတွက်ပြီး စာရင်းအရ ယနေ့ ၈:၀၀ ကနေ ညနေ ၆:၀၀ ထိ စုစုပေါင်း (၄၄၇) ရှိပါတယ်။

၂၀၁၅ ရွေးကောက်ပွဲစောင့်ကြည့်ရေးကော်မတီ - ဂျပန်။
၂၀၁၅ ခုနှစ် အောက်တိုဘာ ၁၇ ရက်။

0 comments: