Monday, October 19, 2015

တိုကျိုသံရုံး ဒုတိယမဲပေးရာတွင် မသမာမှုတွေ့ရှိချက်များ




ဂျပန်နိုင်ငံရှိ တိုကျိုသံရုံးတွင်ပြုလုပ်သည့် ၂၀၁၅ ခုနှစ် အထွေထွေ ရွေးကောက်ပွဲအတွက် ကြိုတင်မဲပေးမှု အစီအစဉ်မှ ဒုတိယနေ့ မသမာမှုများကို ၂၀၁၅ ရွေးကောက်ပွဲစောင့်ကြည့်ရေးကော်မတီ(ဂျပန်)မှ စီစစ်တွေရှိချက်များ။

တိုကျိုမြန်မာသံးရုံး ကြိုတင်မဲပေးမှု အောက်တိုဘာလ ၁၈ ရက် မနက်မှာ မဲပေးပြီးသူများ အစဉ်ပြေခဲ့သူတွေရှိသလို မနေ့က ကြုံတွေ့အခက်အခဲများနဲ့ မဲပေးခွင့်ဆုံးရှုံးခဲ့ရတာကိုလဲတွေ့ရပါတယ်။

ဒီကနေ့ပိုထူးခြားတာကတော့ မဲပေးခွင့် အမည်စာရင်းတွင်ပါဝင်ပြီး ကိုယ်တိုင်မဲဝင်ပေးသည့်အချိန်မှာ မိမိအမည်စာရင်းသည် မဲပေးပြီးစာရင်း ဖြစ်နေကြောင်းကို အံ့သြစွာတွေ့ရပြီး မဲပေးခွင့်ဆုံးရှုံးခဲ့သော်လည်း သံရုံးမှ ပြန်လည်ဖြေရှင်းဆောင်ရွက်ပေးခြင်းမရှိပါ။

ရန်ကင်းမြို့နယ် နေပြည်သူများမှာလဲ မဲ ၂ မဲသာ ထုတ်ပေးသည့်အတွက် တမဲပေးပိုင်ခွင့် ဆုံရှုံးခဲ့ရပါတယ်။

အင်းစိန်မြို့နယ်နေ ပြည်သူများနဲ့ တောင်ကြီးမြိုနယ်တွေမှာလဲ အမျိုးသားလွတ်တော်အတွက် တမဲထဲသာ ပေးခွင့်ရပြီး တိုင်းဒေသကြီး နှင့် ပြည်သူလွတ်တော်အတွက် မဲ ၂ မဲ ဆုံးရှုံးခဲ့ရတာ ဒီကနေ့လဲ ထပ်မံကြုံခဲ့ရပါတယ်။

တောင်ဥက္ကလာပ နေ ပြည်သူတွေဆိုရင် အမျိုးသားလွတ်တော် /တိုင်းလွတ်တော် အတွက် ၂ မဲသာ ထုတ်ပေးခဲ့ပြီး ပြည်သူ့လွတ်တော်မဲအတွက် ထုတ်ပေးခြင်းမရှိပါ ပြည်သူလွတ်တော်အတွက် မဲပေးခွင့်ဆုံးရှုံးခဲ့ရပါတယ်။

စာအိတ်ပြဿနာမှာ စာအိတ် ပိတ်ထားသည်ဘက်မှာ လွယ်ကူစွာနဲ့ ခွာလို့ရတာတွေ့ရ။ ယနေ့ခေတ်မှာ မမြင်ဘူးနိုင်လောက်အောင် စာအိတ်စက္ကူအရည်အသွေး အင်မတန်ညံ့ဖျင်းမှုကြောင့် စာအိတ်ပြဲနေတာ ပေါက်နေတာ တွေ့ရှိသော်လည်း ပြန်လည်လဲပေးခြင်းမရှိပါ။ စာအိတ်ဆိုက်မှာ အရွယ်အစားမညီမှုကြောင့် မဲထည့်ပြီး ကော်ပြန်ကပ်ရာတွင် များစွာအခက်အခဲကြုံတွေ့ရပါသည်။

အမျိုးသားလွတ်တော် အတွက် စာအိတ်တွင် ပြည်သူလွတ်တော်ကိုယ်စားလှယ်မဲအား လွဲမှားစွာထည့်ထားခြင်း မဲစာအိတ်ပေါ်ရှိလိပ်စာတွင် ရပ်ကွက်နှင့် မြို့ ကိုက်ညီမှုမရှိပဲ လွဲမှားနေတာကိုလဲ ဒီကနေ့ဒုတိယနေ့ ထပ်မံ တွေ့ရှိရပါတယ်။

ဒီကနေ့မှာလဲ မိမိပေးရွှေးချယ်လိုသည့် ကိုယ်စားလှယ်လောင်း အမည်စာရင်းများ လွှဲမှားနေတာထပ်မှန်တွေ့ရပြီး မိမိပေးချင်သော မဲဆန္ဒရှင်အား ရွှေးချယ်မဲပေးခွင့်မရရှိခဲ့ပါ။

ပုံစံ ၁၅ တင်ပြီး အမည်စာရင်းမပါဝင်သူများကို သံရုံးမှ ထပ်တိုးအမည်များအား ပြည်ထောင်စုရွေးကောက်ပွဲကော်မရှင်သို့ တင်ပြပေးမည်ဟု ပြန်ကြားခဲ့သော်လည်း တစုံတရာအာမခံချက်မပေးခဲ့ပါ ထပ်မံ ကြေငြာထုတ်ပြန်မည်ဟု ပြောကြားခဲ့သည်။

ဒီကနေ့တနေ့လုံး ပြဿနာကြီးကြီးမားမားမရှိခဲ့သော်လည်း ညနေ ၅:၂၀ နာရီတွင် မဲပေးရန် ရောက်ရှိနေသူတဦး၏ မဲပေးပိုင်ခွင့်တောင်းဆိုမှုကို ပြေလည်အောင်မဖြေရှင်းပဲ ခေတ္တစောက့်ဆိုင်းစေကာ မဲရုံပိတ်သည် ၆ နာရီထိ အချိန်ဆွဲပြီး တစုံတရာဖြေရှင်းမှုမလုပ်ပဲ မဲရုံကိုပိတ်ပစ်လိုက်ပါသည်။ ယင်းလုပ်ရပ်ကို ဂျပန်ရွေးကောက်ပွဲစောင့်ကြည့်ရေးကော်မတီရှေ့သာမက ဂျပန်လုံခြုံရေး ရဲရှေ့များတို့တွင် ပြုမှုခဲ့သည့်အတွက်ကြောင့် မြန်မာနိုင်ငံသားများအဖို့ အလွန်တရာရှက်စရာကောင်းသော တာဝန်မယူတတ်သော လုပ်ရပ်တခုအဖြစ် ကြုံတွေ့ခဲ့ရပါသည်။

ဂျပန်မှာ သံရုံးသို့ ဝင်ရောက်မဲပေးသူ ဦးရေ Volunteer ကော်မတီမှ ရေတွက်ပြီး စာရင်းအရ ယနေ့ ၈:၀၀ ကနေ ညနေ ၆:၀၀ ထိ စုစုပေါင်း (၃၈၀) ရှိပါတယ်။

၂၀၁၅ ရွေးကောက်ပွဲစောင့်ကြည့်ရေးကော်မတီ - ဂျပန်။
၂၀၁၅ ခုနှစ် အောက်တိုဘာ ၁၈ ရက်။

အသေးစိတ် တွေ့ရှိချက်များကို သတင်းများကို ၂၀၁၅ ရွေးကောက်ပွဲစောင့်ကြည့်ရေးကော်မတီ ဂျပန်မှ ထုတ်ပြန်ချက် ထုတ်ပြန်ကြေညာပေးသွားမည်ဖြစ်ပါသည်။

၂၀၁၅ ခုနှစ် အောက်တိုဘာ ၁၈ရက်။

0 comments: