Wednesday, June 24, 2015

လော်ခီးလာ နိုင်ငံရေး ထိုးစစ်နှင့် ငြိမ်းချမ်းရေး အလားအလာ


                                                     ငြိမ်းချမ်းရေး စစ်တမ်း (၁၆)
                                    လော်ခီးလာ နိုင်ငံရေး ထိုးစစ်နှင့် ငြိမ်းချမ်းရေး အလားအလာ

            ၂၀၁၅ ခုနှစ် ဇွန်လ (၂) ရက်မှ (၉) ရက်အတွင်း ကေအင်ယူထိမ်းချုပ်ထားရာ ကရင်ပြည်နယ်အတွင်း ကျင်းပ
ခဲ့သည့် လော်ခီးလာညီလာခံမှ ဆုံးဖြတ်ချက်များ ထွက်လာပြီးနောက်တွင် ဦးသိန်းစိန်၊ ဦးအောင်မင်း စစ်အစိုးရသည် အကြပ်ရိုက်လျှက်ရှိသည်။ လူသေကို အသက်မရှင်စေနိုင်တော့သည့် မန္တာန်ဟောင်းကြီး ဖြစ်သည့် တို့ တာဝန်အရေး
သုံးပါးကို မဆီမဆိုင် တတွတ်တွတ်ရွတ်ရင်း ကာချုပ်မင်းအောင်လှိုင်က ၄င်းတို့ အလိုကျ ပြင်ဆင်ထားသည့် အပစ်ရပ်
စာချုပ်ကို လွယ်လင့်တကူ လက်မှတ်မထိုးကောင်းလား ဟူ၍ တိုင်းရင်းသားလက်နက်ကိုင်တော်လှန်ရေးအဖွဲ့ အစည်း ခေါင်းဆောင်များအား အပြစ်တင်လျှက်ရှိသည်။ မှန်းချက်နှင့် နှမ်းထွက်မကိုက်ရုံသာမက လက်သီးပုန်း နှင့် အထိုးခံ
လိုက်ရသလိုဖြစ်ကာ ရှေ့ တိုးရအခက် နောက်ဆုတ်ရအခက် နှင့် မရှုနိုင် မကယ်နိုင်ဘ၀ သို့ ကျရောက်လျှက်ရှိသည်။

            အဘယ်ကြောင့် ယင်းသို့ ဆိုသနည်း။ လော်ခီးလာညီလာခံရလာဒ်အပေါ်အခြေပြု၍ ထွက်ပေါ်လာသော တိုင်းရင်းသားတော်လှန် ရေးအဖွဲ့ အစည်းများ၏ နိုင်ငံရေးခြေလှမ်းမှာ လှလှပပကလေး ဖြစ်နေသည်။ ၂၀၁၅ မတ်လ (၃၁) ရက် နေ့ က NCCT နှင့် စစ်အစိုးရတို့ သဘောတူခဲ့ကြသည့် အတည်ပြုမူကြမ်း အား ပယ်ချလိုက်ခြင်းမဟုတ်။ တွေ့ ဆုံဆွေးနွေးရေးကို ငြင်းပယ်လိုက်ခြင်း မဟုတ်။ ပြင်ဆင်ချက်များနှင့် အတည်ပြုပြီး အဆိုပါ ပြင်ဆင်ချက်များ
အား နှစ်ဘက်ဆက်လက်ဆွေးနွေးကြရန်ကမ်းလှမ်းလိုက်ခြင်းကြောင့် ဖြစ်သည်။

ယခုအချိန်သည် ၁၉၆၃ ခုနှစ် ဗိုလ်ချုပ်နေ၀င်းခေတ်  ကလို မဟုတ်တော့။ လက်ရှိစစ်အစိုးရသည် စစ်ရေး
အရ၊ စီးပွားရေးအရ ကိုယ့်ခြေထောက်ပေါ်ကိုယ် ရပ်နိုင်ခြေမရှိ။ နိုင်ငံခြား မှ လက်နက်ခဲယမ်းမီးကျောက်များ၊ စီးပွားရေးရင်းနှီးမြှုပ်နှံမှုများ၊ တိုးတက်ဖွံ့ ဖြိုးရေးအကူအညီများကို အားထားရသည့် ဘ၀သို့ ကျရောက်နေရရုံသာမက ပြည်တွင်းမှပို့ ကုန်အဖြစ် ပြည်ပသို့ ထိထိရောက်ရောက်တင်ပို့ ပြီး နိုင်ငံခြားငွေလောက်လောက်လားလားရှာနိုင်ခြေမရှိ။

ငွေကြေးတည်ငြိမ်သယောင်ရှိခဲ့ရာမှ ယခုအချိန်တွင် ငွေလဲနုန်းမှာ အမေရိကန် တဒေါ်လာကို မြန်မာကျပ်ငွေ တထောင့်သုံးရာအထိမြင့်တက်လျှက်ရှိနေသည်။[i] စက်သုံးဆီဈေးနှုန်း၊ မော်တော်ကားဈေးနှုန်း၊ ဆေးဝါးဈေးနှုန်းများ အပါအ၀င် သွင်းကုန် ဈေးနှုန်းများ အားလုံး တပြိုင်နက်တည်း တရိပ်ရိပ်တက်လာသောကြောင့် အထွေထွေ ကုန်ဈေး
နှုန်း မြင့်တက်ရေးအထိ ဦးတည်လာလျှက်ရှိသည်။[ii] ပို့ ကုန်မှ ဒေါ်လာဝင်ငွေ ထိထိရောက်ရောက်မရှာနိုင်၊ သွင်းကုန်လို
အပ်ချက်ကို မဖြည့်ဆည်းနိုင်၊ ယင်း၏ အကျိုးဆက်အနေဖြင့် ကုန်ဈေးနုန်းမြင့်တက်လာပြီး
နောက် လူထုအုံကြွမှုများ
ပေါ်ပေါက် မလာအောင်တားဆီးနိုင်ရန် စစ်အစိုးရတွင် ထွက်ပေါက်တခုတည်းသာ ရှိသည်။

ယင်းမှာ တိုင်းရင်းသားတော်လှန်ရေးအဖွဲ့ အစည်းများအား တနိုင်ငံလုံးအပစ်ရပ်စာချုပ်ဟူသည်ကို လက်
မှတ်ထိုးခိုင်း၊ ကမ္ဘာကိုပြ၊ နိုင်ငံတကာရင်းနှီးမြှုပ်နှံမှုနှင့် ဖွံ့ ဖြိုးရေးအကူအညီများ အလုံးအခဲနှင့် ၀င်လာစေရန် တဘက်
ကဖိတ်ခေါ်၊ အခြားတဘက်က တိုင်းရင်းသားပြည်နယ်များရှိ လူထုပိုင်သဘာဝသယံဇာတများအား အကြီးအကျယ် တိုးချဲ့ ထုတ်ယူရောင်းချခြင်းသည်သာ ထွက်ပေါက် ဖြစ်သည်။ အခြားနည်းမရှိ။ သို့ ဖြစ်၍ လော်ခီးလာ ညီလာခံ၏ ဆုံးဖြတ်ချက်များကို အပြတ်ပယ်ချ၊ ဆွေးနွေးပွဲများကို လုံးဝရပ်၊
အတည်ပြုမူကြမ်းကို လက်မှတ်မထိုးသည့် တိုင်းရင်း
သားအဖွဲ့ အစည်းမှန်သမျှအား
စစ်ရေး နည်းဖြင့်သာ အပြတ်တိုက်ခိုက် ချေမှုန်းသွားမည် ဟူ၍ပြတ်ပြတ်သားသား
ကြေငြာလုပ်ဆောင်ရန်မှာ စစ်အစိုးရအတွက် အခက်အခဲများစွာရှိသည်။

အဘယ်ကြောင့်နည်း။ အထက်ပါ စီးပွားရေး ထွက်ပေါက်ပိတ်သွားနိုင်သည်။ မြန်မာနိုင်ငံငြိမ်းချမ်းရေး အတွက်ဟု လက်ညှိုးထိုးကာ ဥရောပသမဂ္ဂ၊ နော်ဝေ၊ ဂျပန်နှင့် နိုင်ငံတကာငွေကြေးထောက်ပံ့သည့် အဖွဲ့ အစည်း
ကြီးများထံမှ ရယူဆဲ၊ ဆက်လက်ရနိုင်ရန် အလားအလာရင့်မှဲ့ နေသော ဒေါ်လာသန်းထောင်ဂဏန်းသို့ ဦးတည်နေ
သည့် ငွေကြေး ထောက်ပံ့မှုများရပ်သွားနိုင်သည်။ လူထုအုံကြွမှု နှင့် လက်နက်ကိုင်တိုက်ပွဲများ စနစ်တကျပေါင်းစည်း
ကာ စစ်အာဏာရှင်စနစ်ကို အပြုတ်တိုက်မည့် လှုပ်ရှားမှုများ အားကောင်းသွားနိုင်သည်။ ဤသည်ကို အာဏာရှင်စစ်
အစိုးရအဆက်ဆက် အကြောက်ရွံ့ ဆုံး ဖြစ်၍ပင်။

ထိုနည်းတူစွာပင် လော်ခီးလာညီလာခံ၏ ဆုံးဖြတ်ချက်နှင့် ရပ်တည်ချက်များအပေါ်အခြေခံ၍ ဆွေးနွေးပွဲများ ဆက်လက်ကျင်းပသွားရန်မှာလည်း စစ်အစိုးရက လက်မခံနိုင်ဆုံးသော အခြေအနေတချို့ ရှိနေသည်။ ပထမ အခြေ
အနေမှာ ၄င်းတို့ နှင့် ပြန်လည်တွေ့ ဆုံဆွေးနွေးရမည့် အဆင့်မြင့် ကိုယ်စားလှယ်အဖွဲ့ တွင်ပါဝင်သော အဓိကတိုင်းရင်း
သားခေါင်းဆောင်များ၏ အနေအထားဖြစ်သည်။ ယင်းတို့ ၏ အများစုကြီးမှာ လော်ခီးလာညီလာခံဆုံးဖြတ်ချက်များမှ တပြားမှ လျှော့မည့်ပုံမရှိ။ ယင်း၏ အဖွဲ့ ခေါင်းဆောင်မှာ စစ်အစိုးရ နှင့် အလွမ်းသင့်ရုံမက၊ နေပြည်တော်ကို ချောင်း
ပေါက်မတတ် ဖိတ်ကြား၊ အခွင့်အလမ်း အမျိုးမျိုးဖြင့်ချော့မြူထားခဲ့သည့် ကေအင်ယူ ဥက္ကဌ ဗိုလ်ချုပ်ကြီး မူတူးဆေးဖိုး မဟုတ်။ နိုင်ငံရေး အရ ခိုင်မာစွာ ရပ်တည်လျှက်ရှိသည့် ဒုဥက္ကဌ နော်စီဖိုးရာစိန် ဖြစ်နေသည်။

ထူးဆန်းသည်မှာ တသွေးတသံ တမိန့် ကို လက်မခံ၊ တူတာတွဲလုပ် မတူတာခွဲလုပ် လုပ်ခွင့်မရသဖြင့် ဟူ၍ အကြောင်းပြရုံမျှဖြင့် ယူအင်အက်ဖ်စီ တပ်ပေါင်းစု အစည်းအဝေးမှ သပိတ်မှောက်ထွက်ခွာလာခဲ့သော ဗိုလ်ချုပ်ကြီး မူတူးဆေးဖိုးသည် လော်ခီးလာ ညီလာခံတွင် ရပ်တည်ချက်ပြောင်းသွားခြင်းဖြစ်သည်။ ၄င်းက အဖွင့်မိန့် ခွန်းတွင် မတ်လ (၃၁) ရက်နေ့ က ထွက်ပေါ်လာသည့် အတည်ပြုမူကြမ်းကို ရဲရဲတင်းတင်း လက်မှတ်ထိုးကြပါ ဟု ပြောင်ပြောင်
တင်းတင်း တိုက်တွန်းခဲ့ပါလျှက် ယင်းမိန့် ခွန်းနှင့် ဆန့် ကျင်သည့် ဆွေးနွေးချက်များပေါ်လာသော်လည်းအစည်းအဝေး
မှ ထွက်ခွာမသွားခဲ့။ အစအဆုံးတက်ခဲ့သည်။ အစည်းအဝေးဆုံးဖြတ်ချက်များကို ၀င်ရောက်တာဝန်ခံခဲ့သည်။ အစည်း
အဝေး မှတ်တမ်းများ အားလုံးကို သဘာပတိအနေဖြင့် တာဝန်ခံလက်မှတ်ထိုးပေးခဲ့သည်။ သို့ ဖြစ်၍ ၄င်းအနေဖြင့် ပြန်လည် ချိုးဖေါက်ခွင့်မရနိုင်တော့။ ချိုးဖေါက်လိမ့်မည် ဟုလည်းမယူဆ။ ချိုးဖေါက်ခြင်းဖြင့် မိမိကိုယ်တိုင်လက်နှင့်ရေး
ပြီးသားကို ချေနှင့် ပြန်ဖျက်သူ အဖြစ်မျိုးသို့ ဗိုလ်ချုပ်ကြီးကိုယ်တိုင် မည်သည့်အခါတွင်မျှ အရောက်ခံလိမ့်မည် မဟုတ်
ဟု ယူဆရသောကြောင့်ပင်။

ဤသည်ကိုချုပ်၍သုံးသပ်ရလျှင် လော်ခီးလာ အစည်းအဝေးတွင်ကေအင်ယူ ထိပ်ပိုင်း ခေါင်းဆောင်အချို့ 
အတွင်း ပြန်လှန်ဆွေးနွေးငြင်းခုံမှုများရှိခဲ့သော်လည်း အစည်းအဝေးအဆုံးသတ်သည့် အချိန်တွင် ဆုံးဖြတ်ချက်များ
အပေါ် အဖွဲ့ အစည်းတခုလုံး တစည်းတလုံးနှင့် ခိုင်ခိုင်မာမာ ရပ်တည်ခဲ့သည်ဟု သုံးသပ်နိုင်သည်။ ယင်းမှာ ကေအင်
ယူအတွက် နိုင်ငံရေးအရ တဆင့်တက်သွားရုံ သာမက အခြားအဖွဲ့ အစည်းများအတွက်ပါ အားဖြစ်စေခဲ့သည်။ ယင်း
အခြေအနေသို့  ရောက်ရှိစေရေးအတွက် ကေအင်ယူ အဖွဲ့ အစည်း အတွင်းတွင် စိတ်ရှည်သီးခံစွာဖြင့် နိုင်ငံရေးအရ ဖြောင့်ဖြောင့်မတ်မတ်ဦးဆောင်ခဲ့သည့်ခေါင်းဆောင်များ၊ အပြင်မှနေ၍ ပံ့ပိုးခဲ့၊ ဖိအားပေးခဲ့၊ နည်းပေါင်းစုံဖြင့် ဖြည့်
ဆည်းပေးခဲ့ကြသည့် ပြည်တွင်းပြည်ပရှိ ကရင်လူထုအသင်းအဖွဲ့ များ၊ ကရင်အမျိုးသမီးအဖွဲ့ အစည်းများ၊ ကရင်အမျိုး
သားကွန်ရက်များ၊ ကရင်လူငယ်အဖွဲ့ အစည်းများ ၏ အရေးပါသော အခန်းက
ကို ဤနေရာတွင်အသိအမှတ်ပြုရ
ပါမည်။ ယင်းအခြေအနေအား လက်ရှိစစ်အစိုးရက မနှစ်သက်ဆုံးပင်။

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရ မနှစ်သက်သည့် ဒုတိယ အခြေ
အနေတခုမှာ ယင်းအစည်းအဝေးဆုံးဖြတ်ချက် အပိုဒ်(၅) ῎NCCT အဖွဲ့ ဝင်အားလုံးပါနိုင်မှ NCAကိုလက်မှတ်ထိုး၇န်῎ ဟူသော အချက်ပင်။ NCCT အဖွဲ့ ဝင်အားလုံး ဟူသည်မှာ ၁၆ ဖွဲ့ ကို ဆိုလိုသည်။ ယင်းတွင် စစ်အစိုးရက ငြင်းပယ်ထား
သည့် ကိုးကန့် ၊ တအောင်းနှင့် ရခိုင်တပ်မတော် တို့ ပါဝင်နေ၍ ဖြစ်သည်။ ကိုးကန့် ကို သုံးရက်နှင့်အမြစ်ပြတ်ချေမှုန်း
ခဲ့ပြီဟု ကြွေးကြော်ပြီး လက်ခမောင်းခတ်ခဲ့သည့် ဦးသိန်းစိန် သည် အသံတိတ်လျှက်ရှိသည်။ ကိုးကန့် ကပြန်တိုက်လာ
သောအခါ သုံးရက်ဝေး၍ ရက်ပေါင်း ၁၂၀ ကျော်လာခဲ့သည်အထိ အမြစ်ပြတ်ချေမှုန်းနိုင်မည့် အလားအလာကို မတွေ့ 
ရသေး။ ၄င်းတို့ အထင်သေး၊ မလောက်လေး မလောက်စားထား ခဲ့သည့် တအောင်း နှင့် ရခိုင်တပ်မတော်တို့ ကလည်း စစ်စွယ်ကလေးများပြလိုက်သောအခါ စစ်အစိုးရသည်မည်သို့ ဆက်လက်ကိုင်တွယ်ရမည် မသိတော့။ ဘေးကြပ်နံကြပ် ဆိုက်လျှက်ရှိသည်။

            တိုင်းရင်းသားလက်နက်ကိုင်အဖွဲ့ အစည်းများအား ဖြိုခွဲနိုင်ရေးအတွက် ၁၉၈၉ ခုနှစ်ကစ၍ စစ်အစိုးရအဆက်
ဆက်က ယနေ့ တိုင် အသုံးပြုခဲ့၊ ပြုဆဲဖြစ်သည့် မဟာဗျူဟာမှာ ရှုတ်ထွေးမှုမရှိ၊ ရိုးရိုးကလေးသာဖြစ်သည်။  အဓိက အားဖြင့် ကေအိုင်အို၊ ကေအင်ယူ နှင့် ၀သပ တို့ အကြားတွင် နိုင်ငံရေးနှင့် စစ်ရေးအရ ကစားနေခြင်းဖြစ်သည်။ ၀သပ ကို ထိန်းထား၊ ကေအိုင်အိုကိုချော့၊ ကေအင်ယူကို တိုက်။ ဤသည်မှာ တခုဖြစ်သည်။ ၀သပ ကို ဆက်ထိန်းထား၊ ကေအင်ယူကို ချော့၊ ကေအိုင်အို ကိုတိုက်။ ဤသည်မှာ နောက်တခုဖြစ်သည်။

ကေအိုင်အိုက သော်လည်းကောင်း၊ ကေအင်ယူက သော်လည်းကောင်း၊ တပ်ပေါင်းစုကို ခိုင်ခိုင်မာမာ
ဦးဆောင်ကာ တိုက်နေသမျှကာလပတ်လုံး စစ်အစိုးရများက ၀သပကို လက်ဖျားနှင့် တို့ ရဲခြင်းမရှိ။ ကြားထားကာ အဆင်ပြေအောင် မျက်နှာချိုသွေးပေါင်း၊ ချော့ပေါင်း နေရသည်။ ပြီးခဲ့သည့် ရက်သတ္တပတ်အချို့ အတွင်းက စစ်အစိုး
ရနှင့် ၀သပ တို့ အကြားဖြစ်ပွားခဲ့သည့် သစ်တောဆိုင်ရာ အငြင်းပွားမှုအား ဥပဒေစိုးမိုးရေး အခြေခံနှင့် ဆန့် ကျင်ကာ  ၀သပ အားလိုက်လျောပေးလိုက်ရသည့် လတ်တလောသာဓက ကို ကြည့်နိုင်သည်။[iii] သို့ ရာတွင် ကေအိုင်အို၊ကေအင်
ယူ တို့ ခေါင်းဆောင်သည့် တပ်ပေါင်းစုကို ချေမှုန်းနိုင်ပါမူ စစ်အစိုးရက ၀သပ ကို တိုက်မည် မုချဖြစ်သည်။ ဗေဒင် မေးရန်မလို။

ဤသည်ကို ၀သပ ကိုယ်တိုင်က သတိပြုသင့်သည်။ ၄င်းတို့ ၏ စစ်အင်အားကို ကြောက်သဖြင့် စစ်အစိုးရ က မတိုက်ရဲခြင်းမဟုတ်။ အခြားတော်လှန်ရေးအဖွဲ့ အစည်းများက ခုခံတိုက်ပွဲဝင်ပေးနေသောကြောင့်သာ ၀သပ မှာသက် သာနေ ခြင်းဖြစ်သည်။ သို့ ဖြစ်၍ ယင်း စစ်ရေး၊ နိုင်ငံရေး တန်ဘိုးကိုအသိအမှတ်ပြုသင့်သည်။ ၀သပ အနေဖြင့် အဆို
ပါတော်လှန်ရေး အဖွဲ့ အစည်းများအား မိမိ၏ ကျေးဇူးရှင်များ အဖြစ်ပင် အဆင့်သတ်မှတ်သင့်သည်။ ယခုမူ ပြောင်းပြန်
ဆက်ဆန်နေပုံရှိသည်။ တခုလုံးအခြေအနေ ကို မတွက်။ မိမိ စစ်မတိုက်ဘဲ ရနေသည့်အခွင့်အရေးများမှာ မိမိတဖွဲ့ 
တည်းက စစ်အင်အားကြီးမားအောင် တည်ဆောက်ထားနိုင်ခြင်းကြောင့် ဟူ၍ ထုတ်ဖေါ်မှုမျိုးပြုလာသည်။ ယင်းမှာ ကျေးဇူးရှင်များအား စော်ကားသည့် အသုံးအနှုန်းများ သုံးခြင်းပင်။

မကြေငြာဘဲ ကျင်းပလျှက်ရှိသော စစ်တပ်တည် ဆောက်ရေးပြိုင်ပွဲတွင် ရှေ့ ဆုံးကပြေးနိုင်သည့်အပေါ် စစ်ရေးအရ မောက်ကြွားကာ ၀သပသည် ငါ့အောက်ကိုလာဒူးထောက်ကြဟု မပြောရုံတမယ် ပြုမူလျှက်ရှိသည်။ နိုင်ငံရေးအရ သမိုင်းတန်ဘိုးကြီးမားသော်လည်း စစ်အင်အားနည်းပါးသော အဖွဲ့ ငယ်များအား မတူမတန်သလိုလို ဆက်ဆန်လျှက်ရှိသည်။ ဗမာပြည်ကွန်မြူနစ်ပါတီ ဦးဆောင်ခဲ့သည့်ခေတ်က ၀ တပ်များ တိုက်ခဲ့သည့်အပေါ် ရည်ညွှန်း၍ ယခုအထိ ထိုင်စားနေခြင်းကို ရပ်တန့် သင့်ပြီ။ စစ်အာဏာရှင်စနစ်ကို ၀သပ ကိုယ်တိုင် တကယ်တန်း
တိုက်ပွဲဝင်ပြခြင်းဖြင့် မိမိတို့ သည် စစ်မှန်သည့် တော်လှန်ရေးအဖွဲ့ အစည်းဖြစ်ကြောင်း သက်သေပြသင့်ပြီ။

ပြီးခဲ့သည့် မေလ (၁) ရက်မှ (၆) ရက် အတွင်းက ၀ နယ် ပန်ဆန်းတွင် ကျင်းပခဲ့သည့် တိုင်းရင်းသား
လက်နက်ကိုင်အဖွဲ့ အစည်း ထိပ်သီးများ၏ အစည်းအဝေး တွင် ၀သပ က ၀ပြည်နယ် လိုခြင်ကြောင်းတင်ပြသည်ဟု သိရသည်။ ကျန် တိုင်းရင်းသားအဖွဲ့ အစည်းအားလုံးနီးပါးက ရေရေရာရာ အဖြေမပေးကြ။ တဖက်ကလည်း ၀သပ သည် ၀ပြည်နယ်ရလိုရငြား ဦးသိန်းစိန်အစိုးရကို ချဉ်းကပ်ကာ စာတင်ကြောင်းလည်း ကြားရသည်။ ၀သပ သည် မဟာဗျူဟာရော နည်းပရိယာယ်ပါ လွဲချော်၊ အဆင့်လည်း ကျော်လျှက်ရှိပြီ။ ပြည်နယ်သစ်များ ဖွဲ့ စည်းပိုင်ခွင့်ကို လိုခြင်လျှင် (စစ်မတိုက်သည် ရှိစေဦး) ဖက်ဒရယ်ပြည်ထောင်စု ဖွဲ့ စည်းပုံအခြေခံဥပဒေ လက်တွေ့ အတည် ပြု
ကျင့်သုံးခွင့်ရစေရေး နိုင်ငံရေး ကြိုးပမ်းမှု ဖြစ်စဉ်များတွင် အားကြိုးမာန်တက် ပါဝင်ရန်လိုသည်။ ဖက်ဒရယ် ပြည်
ထောင်စု ဖွဲ့ စည်းပုံအခြေခံဥပဒေ ဒုတိယ မူကြမ်းပုဒ်မ ၅၅ မှ ၅၇ အတွင်းတွင် ပြည်နယ်သစ်များဖွဲ့ စည်းရေး ကိစ္စ အတိအလင်းပါရှိသောကြောင့်ပင်။ ၂၀၀၈ ခုနှစ် ဖွဲ့ စည်းပုံအခြေခံဥပဒေတွင် စိုးစဉ်းမျှမပါရှိ။ ယခုထွက်ပေါ်လာသည့် ဖွဲ့ စည်းပုံပြင် ဆင်ရေး ဥပဒေ မူကြမ်းတွင်လည်း မပါရှိ။

ယခုမူ လက်တွေ့ နိုင်ငံရေးကြိုးပမ်းမှုဖြစ်စဉ်များတွင်လည်းကောင်း၊ တိုင်းရင်းသားလက်နက်ကိုင် အဖွဲ့  အစည်းများ၏ စုပေါင်းဆွေးနွေးပွဲများတွင်လည်းကောင်း၊ ယူအင်န်အက်ဖ်စီ တပ်ပေါင်းစုတွင်လည်းကောင်း ၀သပ
သည် ပါဝင်ခြင်းမရှိ၊ မသိခြင်ယောင်ဆောင်ကာ ချောင်တချောင်တွင် အောင်းလျှက်ရှိသည်။ စစ်အစိုးရနှင့် နားလည်မှု
ယူ၊ စစ်အစိုးရငြိုငြင်မှု မခံရစေရေးကိုသာ ရှေ့ ရှုနေသည်။  စစ်လည်းမတိုက်၊ ဖက်ဒရယ်ပြည်ထောင်စု ပေါ်ထွန်းလာ
ရေးအတွက် မည်သည့် နိုင်ငံရေးကြိုးပမ်းမှုတွင်မျှ အားကြိုးမာန်တက် ပါဝင်ခြင်း မရှိဘဲ လက်နက်၊ ငွေကြေးကလေး
များ ဟိုတချို့ သည်တချို့ ထောက်ပံ့ရုံမျှဖြင့် မှိန်းထိုင်ခွင့်၇လျှက်ရှိသည်။ အခွင့်အရေးကိုတော့ လိုခြင်၊ ပင်ပန်းဆင်းရဲ
တော့ မခံခြင်သည့် အချောင်ဇာတ်ခင်းလျှက်ရှိသည်။

၁၉၈၉ ခုနှစ်ပြီလ အပစ်အခတ်ရပ်စဲချိန်မှ စတင်ရေတွက်လျှင် ၂၆ နှစ်ကျော်ခြဲ့ပီ။ ၀သပသည် ဤအချောင်
ဇာတ်လမ်းကို အဆုံးသတ်သင့်ပါပြီ။ အခြားပြည်နယ်များ တိုင်းရင်းသားတော်လှန်ရေးအဖွဲ့ များနှင့် အတူ လက်တွဲကာ
စစ်မှန်သည့် ဒီမိုကရက်တစ် ဖက်ဒရယ်ပြည်ထောင်စု ဖွဲ့ စည်းပုံအခြေခံဥပဒေသစ်တရပ် ပေါ်ပေါက်အတည်ပြုကျင့်သုံး
နိုင်ရေး အတွက် မားမားမတ်မတ် ပါဝင်လက်တွဲကြိုးပမ်းသင့်ပြီ။  လော်ခီးလာအစည်းအဝေးတွင် အဖွဲ့ ၁၆ ဖွဲ့  ခိုင်ခိုင်
မာမာ ရပ်တည် ကြိုးပမ်းနေကြသည့် အချိန်မှာ အချိန်ကောင်းဖြစ်သည်။ ၀သပ မည်သည့်ဇာတ် ဆက်ပြီး ခင်းမည်ကို စောင့်ကြည့်ကြရပါမည်။

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရမနှစ်သက်သည့် တတိယ အခြေ
အနေတခုမှာ
အတည်ပြုမူကြမ်း အခန်း (၆) ကြားကာလအတွင်း နှစ်ဘက်ညှိနိုင်း ဆောင်ရွက်ရမည့် အစီအစဉ်များ တွင် ῎မြေယာနှင့် သဘာဝသယံဇာတ စီမံခန့် ခွဲရေးဆိုင်ရာ ကိစ္စရပ်များ῎ ကို ထည့်သွင်းလိုက်ခြင်းဖြစ်သည်။ သို့ ဖြစ်၍ ဤစာချုပ်ကို လက်မှတ်ထိုးချုပ်ဆိုပြီးနောက်တွင် သက်ဆိုင်ရာ တိုင်းရင်းသားပြည်နယ်များမြေယာနှင့် သဘာဝသယံ ဇာတများအား စစ်အစိုးရ နှင့် မြန်မာစစ်တပ်တို့ တဘက်တည်းဖြင့် ကြိုက်သလို စီမံခန့် ခွဲ၊ ချယ်လှယ်သုံးစွဲခွင့်မရနိုင် တော့။ နှစ်ဘက်ညှိနိုင်းမှုပြုကြရပါတော့မည်။ တိုင်းရင်းသားပြည်နယ်များတွင် ဒေသခံတိုင်းရင်းသားလူထုများနှင့်သော်
လည်းကောင်း၊ ၄င်းတို့ အား ခုခံကာကွယ်စစ်ဆင်နွှဲလျှက်ရှိသော တော်လှန်ရေးအဖွဲ့ အစည်းများနှင့်လည်းကောင်း ညှိနိုင်းခြင်းမရှိဘဲ ကိုယ်တဦးတည်းသာ အမြတ်ထုတ် သွေးစုပ်လိုသော စစ်ခေါင်းဆောင် ဟောင်း သစ်များ၏ နှလုံး သည်းပွတ်ကို တိုက်ရိုက်ထိမှန်သွားသော မျှားချက် ဖြစ်ပုံရသည်။  

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရမနှစ်သက်သည့် စတုတ္ထ အခြေ
အနေတခုမှာ အတည်ပြုမူကြမ်းအပုဒ် ၂၆ တွင် ပါရှိသည့် ῎ဤသဘောတူစာချုပ်အားပြည်ထောင်စု လွှတ်တော်သို့ 
လုပ်ထုံးလုပ်နည်းများနှင့် အညီ တင်သွင်း၍ အတည်ပြုချက်ရရှိရေးဆောင်ရွက်သွားရန်῎
ဟူသော အပိုဒ် နှင့်ဆိုင်သည်။ ဤအပိုဒ်အရ အတည်မပြုပါက မည်သို့ ဆက်လက်ဆောင်ရွက်မည် မပါရှိ။ နှစ်ဘက် သဘောတူညီချက်ရရှိအောင် နှစ် တချို့ ချီ၍ကြိုးပမ်းထားသမျှ အလဟသ ဖြစ်ပါမည်။ စင်စစ်အားဖြင့်မူ စစ်အစိုးရသည် နှစ်ဘက်သဘောတူစာချုပ်ကို ၂၀၀၈ ဖွဲ့ စည်းပုံအခြေခံဥပဒေနှင့် အညီတည်ထောင်ထားသော ပြည်ထောင်စုလွှတ်တော်၏ လက်အတွင်းသို့ ဝ ကွက် အပ်ကာ ထင်သလိုချယ်လှယ်ရန် စီစဉ်ထားသော အခင်းအကျင်းဖြစ်သည်။ ဤသည်ကို လော်ခီးလာ ညီလာခံတက်ခဲ့ သော အဖွဲ့ အစည်းများက သဘောပေါက်သည်။

ယင်းကို တုန့် ပြန်နိုင်ရန် လော်ခီးလာအစည်းအဝေး ဆုံးဖြတ်ချက် အပိုဒ် ၁၀ တွင် အောက်ပါအတိုင်း ဖေါ်ပြပါရှိသည်။

῎ပြည်ထောင်စု လွှတ်တော်သို့ တင်သွင်း၍ အတည်ပြုချက်ရယူခြင်း῎ ဆိုသည်မှာ ῎ပြည်ထောင်စု သဘောတူ စာချုပ်ကို ပြည်ထောင်စု လွှတ်တော်အတည်ပြုပြဌာန်းရာတွင် မည်သည့်အကြောင်းတရားကြောင့်မျှ ငြင်းပယ်ခြင်း၊ ကန့် ကွက်ခြင်း၊ အတည်ပြုရန်အချိန်ဆွဲခြင်း လုံးဝ မပြုလုပ်ခြင်း῎ ကို ဆိုလိုကြောင်း ဆုံးဖြတ်သည်။

ယင်းဆုံးဖြတ်ချက်အရ ပြည်ထောင်စုလွှတ်တော်ကို သုံး၍ ထိန်းချုပ်ချယ်လှယ်မည့် စစ်အစိုးရ၏ မဟာအကြံ
တော်ကြီး ပျက်စီးခြင်းတိုင်သွားပြီဖြစ်ကြောင်း ထင်ရှားသည်။

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရမနှစ်သက်သည့် ပဉ္စမ အခြေ
အနေတခုမှာ ῎လုံခြုံရေးဆိုင်ရာပြန်လည်ပေါင်းစည်းခြင်း῎ ဟူသော စကားစုတွင် ῎ပြန်လည်ပေါင်းစည်းခြင်း῎ ဟူသော ဝေါဟာရကို ဖြုတ်လိုက်ခြင်းပင်။ ယင်းဝေါဟာရကို ဆက်လက်ထည့်သွင်းထားပါက အဓိပ္ပါယ်မှာ နှစ်မျိုးဖြစ်နိုင်သည်။ တိုင်းရင်းသားတော်လှန်ရေးတပ်ဖွဲ့ များပါ တရားဝင်ပါဝင်စုဖွဲ့ စေလျှက် ဖက်ဒရယ်ပြည်ထောင်စု တပ်မတော်အနေဖြင့် ပေါင်းစည်းသွားခြင်း၊ သို့ မဟုတ် တိုင်းရင်းသားတော်လှန်ရေးတပ်ဖွဲ့ များက လက်နက်များကို ချအပ်ပြီးနောက် အရပ်
သားများအနေဖြင့် လူ့ အဖွဲ့ အစည်းနှင့် ပေါင်းစည်းသွားခြင်း တို့ ဖြစ်သည်။ တိုင်းရင်းသားတော်လှန်ရေးခေါင်း ဆောင်များက ပထမ တမျိုးကို ရည်ရွယ်သော်လည်း လက်တွေ့ တွင် ဒုတိယတမျိုးသို့ ရောက်ရှိသွားစေရန် ဖိအားပေး ခံရခြင်းမျိုးလည်း ဖြစ်နိုင်သည်။ သို့ ဖြစ်၍ အဆိုပါမရှင်းလင်းသော ဝေါဟာရကို ဖြုတ်ခဲ့ကြပုံရှိသည်။

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရမနှစ်သက်သည့် ဆဌမ အခြေ
အနေတခုမှာ အဓိက ကျသည့် ချွင်းချက်ဝေါဟာရတချို့ ကို ဖြုတ်လိုက်ခြင်းနှင့် ပူးတွဲစောင့်ကြည့်ရေးကော်မတီတွင် လွတ်လပ်သောဒေသခံ CSO/CBO တို့ ပါဝင်ဆောင်ရွက်မှုပြုစေခြင်း ဖြစ်သည်။ ချွင်းချက်ဝေါဟာရများမှာ ῎နိုင်ငံရေး ဆွေးနွေးပွဲရလာဒ်များနှင့်အညီ῎ ῎ဥပဒေနှင့်အညီ῎ ῎နိုင်ငံတော်အစိုးရ၏ခွင့်ပြုချက်ရယူပြီး῎ ဟူသည်တို့ ဖြစ်သည်။ ယင်း တို့ ကင်းစင်သွားခြင်းဖြင့် စာချုပ်သည် မရေရာမသေချာမှုအောက်တွင် ရှိမနေတော့။ တည်ဆဲဖေါက်ပြန်သည့် ဥပဒေ
များ အရသော်လည်းကောင်း၊ အစိုးရ၏ စိတ်ဆန္ဒအရသော်လည်းကောင်း ထိန်းချုပ်ခံရမှုများ မရှိနိုင်တော့။ စာချုပ်
သည် သန့် ရှင်းသွားမည်။ သဘာဝကျသွားမည်။ အဓိပ္ပါယ်ရှိသွားမည်။

လော်ခီးလာ ညီလာခံ၏ ဆုံးဖြတ်ချက်များပေါ်ထွက်လာပြီးနောက် စစ်အစိုးရမနှစ်သက်သည့် သတ္တမ နှင့် နောက်ဆုံး အခြေအနေတခုမှာ သဘောတူစာချုပ်ကို လက်မှတ်ထိုးရာတွင် အစိုးရဘက်က ထိပ်သီးများသာမက အပြည်ပြည်ဆိုင်ရာခေါင်းဆောင်များနှင့် နိုင်ငံ ခုနှစ်နိုင်ငံမှ အစိုးရကိုယ်စားလှယ်များ သက်သေအဖြစ်ပါဝင် လက်မှတ် ရေးထိုးစေခြင်း ဖြစ်သည်။ သို့ ဖြစ်လျှင် အပစ်ရပ်ထားသည့်ကာလအတွင်း မည်သည့်ဘက်ကမျှ မိမိတို့ စိတ်ထင်သလို စာချုပ်ကိုချိုးဖေါက်ခြင်း၊ ပျက်ပြယ်အောင်လုပ်ခြင်း (မရှိနိုင်တော့ဟု မဆိုနိုင်သော်လည်း) ၄င်းတို့ အား တစုံတရာ
တားဆီးကာကွယ် နိုင်သည့် အခြေအနေကို ရောက်ရှိသွားပါမည်။ စာချုပ်သည် နိုင်းယှဉ်ချက်အရ ပိုမို ခိုင်မာသွား
နိုင်သည်။

  လော်ခီးလာ ညီလာခံ၏ ဆုံးဖြတ်ချက်များသည် သဘာဝကျသည်။ အကျိုးအကြောင်းရှိသည်။ အချက်
အလက်ခိုင်သည်။ တိုင်းရင်းသားတော်လှန်ရေးအဖွဲ့ များသည် စုပေါင်းကာ စစ်အစိုးရ၏ ထောင်ချောက်ကို ကွင်း
ရှောင်နိုင်ခဲ့ပြီ ဟု ဆိုနိုင်သည်။ စစ်မှန်သည့် ငြိမ်းချမ်းရေးကို ဦးတည်သည့် ရှေ့ ခြေလှမ်းတလှမ်းကို လှမ်းနိုင်ခဲ့ပြီ ဟု သုံးသပ်နိုင်သည်။ သမိုင်းတကွေ့ ကို အောင်မြင်စွာ ဖြတ်ကျော်နိုင်သည့် အခြေအနေသို့ ရောက် မရောက်ကိုမူ စောင့်ကြည့်ရပါဦးမည်။

လော်ခီးလာ အစည်းအဝေး၏ နိုင်ငံရေး အရှိန်အဟုန်သည် စစ်အစိုးရ နှင့် မြန်မာစစ်တပ်ကို သွက်သွက်ခါ သွားစေနိုင်ခဲ့ရုံသာမက ၄င်းတို့ ၏ အနီးအပါးတွင် ခိုမှီကာ စစ်အာဏာရှင်စနစ်ကို အလုပ်အကြွေးပြုနေသူများ ကိုပါ ရင်ဝကို ခြေနှင့်ကန် ခံလိုက်သလို ဖြစ်သွားစေခဲ့သည်။ ၄င်းတို့ အထဲမှ ခံလိုက်ရသူ တဦးက ဆိုလျှင် မိမိကိုယ်တိုင်
ကိုယ်ကျ လက်နက်ကိုင်တိုက်ပွဲဝင်ဘူးသည့် တော်လှန်ရေးဖြတ်သန်းမှု စိုးစဉ်းမျှ မရှိပါဘဲလျှက် အတွေ့ အကြုံ
၇င့်ကျက်လှပြီဖြစ်သော တိုင်းရင်းသားတော်လှန်ရေးအဖွဲ့  ခေါင်းဆောင်များကိုပါ အောက်ပါအတိုင်း စော်ကားမော်ကား စွဲချက်တင်လိုက်သေးသည်။

῎တိုင်းရင်းသားလက်နက်ကိုင်ခေါင်းဆောင်တွေက မြန်မာပြည်နိုင်ငံရေး ကို ယထာဘူတ ကျကျ နားမလည်
တဲ့ ပြသနာ ဖြစ်တယ်။ အထဲမှာ ဘာဖြစ်နေတယ် ဆိုတာ အပြင်က မသိဘူး။ ဗိုလ်ချုပ်မှုးကြီး မင်းအောင်လှိုင်ပြော
ပြောနေတယ်။ ကျွန်တော်တို့ က သမတ ဦးသိန်းစိန်
နောက်လိုက်နေတယ် ဆိုတာ ကို လက်ခံဘို့ လိုတယ်။ တပ်မတော်က အသက်ခြောက်ဆယ်ပြည့်ရင် ပင်စင်ယူတော့။ ထွက်တော့။ အရင်တုံးကလို မဟုတ်ဘဲ Professional Army ဒါမှ မဟုတ်ရင် Standard Army လုပ်မယ်လို့ ကာချုပ်က ကတိပေးထားတာကို တဘက်က တိုင်းရင်းသား
ခေါင်းဆောင်တွေက စဉ်းစားပေးဘို့ လိုတယ်ဗျ။῎

အထက်ပါ သွေးရှုးသွေးတမ်း အပြစ်တင်မှုကို နားဆင်မိရင်း အော် သနားစရာ ကောင်းလှပါဘိ ဟု မြည်တမ်း
မိသည်။ တပ်မတော်က အသက် ၆၀ ပြည့်ရင် ပင်စင်ယူရုံမျှနှင့် Professional Army ဖြစ်သွားကြောင်း ဘယ်ကမ္ဘာ မှာများ ကြားမိပါလိမ့် ဟူ၍ပင်။ Professional Army ဟူသည်မှာ နိုင်ငံရေးနှင့် လုံးဝကင်းစင်ကာ စစ်သားရိုးရိုးအနေဖြင့် အသက်မွေးဝမ်းကျောင်းအရသာ စစ်မှုထမ်းခြင်းကို ဆိုလိုကြောင်းမျှပင် နားမလည်ပါဘဲလျှက်῎တိုင်းရင်းသားလက်နက်
ကိုင်ခေါင်းဆောင်တွေက မြန်မာပြည်နိုင်ငံရေး ကို ယထာဘူတ ကျကျ နားမလည်တဲ့ ပြသနာ ဖြစ်တယ်။῎ ဟူ၍ သူမို့ 
လို့ ပြောရဲလေခြင်းဟု မှတ်ချက်ပြုမိသည်။

နေရောင်လာလျှင် နှင်းပျောက်ပါမည်။ ဥပဒေစိုးမိုးရေးအခြေခံတွင် ဒီမိုကရက်တစ်ဖက်ဒရယ်နိုင်ငံရေးမုန်တိုင်း
ကြီး သဲသန်ပြင်းထန်လာပါမူ စစ်အာဏာစနစ်ကို ကျားကန်၊ ပခုံးထမ်းပေးကာ၊ အကျိုးစီးပွားခွဲဝေခံစားနေသူများ နိုင်ငံရေးဇာတ်ခုံအနီးတ၀ိုက်မှ လွင့်စင်ကွယ်ပျောက်သွားပါမည်။ သမိုင်းအမှန်တရားကို မည်သူမျှ ဖုံးကွယ်ထား၍ မရ နိုင်ပါ။

ဦးအောင်ထူး (လူ့ အခွင့်အရေးရှေ့ နေ)
ဥပဒေအထောက်အကူပြုကွန်ရက်တည်ထောင်သူ                                             ဇွန်လ ၂၁ ရက် ၂၀၁၅ ခုနှစ်


0 comments: