Wednesday, March 4, 2015

ကျောင်းသားနဲ့ ရဲတုို့ လက်ရှိ အနေအထားအတုိုင်း ဆက်နေဖုို့ သဘောတူ

ပင်မ ကျောင်းသား သပိတ်စစ်ကြောင်းနှင့် ရဲတပ်ဖွဲ့တွေ လက်ရှိ နေရာမှာပဲ လက်ရှိ အနေ အထားအတုိုင်း ဆက်နေဖုို့ နှစ်ဖက်သဘောတူညီမှု ရခဲ့ပါတယ်။ပဲခူးတုိုင်း နယ်လုံဝန်ကြီးဗုိုလ်မှူးကြီး သက်ထွန်းနဲ့ ကျောင်းသားတွေ မတ်လ ၂ ရက်နေ့ ညနေ ၆ နာရီခွဲလောက်မှာ တွေ့ဆုံညှိနှိုင်းပြီး သဘောတူညီချက် ရခဲ့တာပါ။ လက်ပံတန်းမြို့ ဒေသခံ သံဂါတွေရဲ့ ညှိနှိုင်းဆောင်ရွက်ပေးမှုတွေအရ သဘောတူညီခဲ့တာ ဖြစ်ပါတယ်။ ကျောင်းသားတွေက အောင်မြေဗိမာန်ကျောင်းတုိုက် အနီးက လမ်းပေါ်မှာ ၀န်းရံပေးတဲ့ အနယ်နယ်က သံဂါတွေနဲ့အတူ အစာငတ်ခံ ဆန္ဒပြနေတာပါ။ ရဲတပ်ဖွဲ့ကတော့ ရာနဲ့ချီပြီး ကျောင်းသားတွေကုို ဘေးနှစ်ဖက်ကနေ ပိတ်ဆုို့ထားတာပါ။ လက်ရှိ သဘောတူညီချက် အရ ကျောင်းသားတွေဟာ လမ်းပေါ်မှာ မနက်ဖြန်အထိ ရှိနေမှာ ဖြစ်သလုို ရဲတပ်ဖွဲ့ ကလည်း ဆက်လက် ပိတ်ဆုို့ထားမှာ ဖြစ်ပါတယ်။ ကျောင်းသားတွေကတော့ ရန်ကုန်ကုို ချီတက်ဖုို့ ပိတ်ဆုို့ထားတဲ့ အတားအဆီးတွေ မဖယ်မချင်း အစာငတ်ခံ ဆန္ဒပြသွားမယ်လို့ သတင်းစာရှင်းလင်းပွဲမှာ ပြောဆုိုထားပါတယ်။ ကျောင်းသားတွေနဲ့ နယ်လုံဝန်ကြီးတုို့ မနက်ဖြန် မတ်လ ၄ ရက်နေ့မှာ ဆက်လက် ညှိနှိုင်းဖုို့ သဘောတူ ထားပါတယ်။ .


Credit : DVB TV - 03.03.2015

0 comments: