Saturday, November 15, 2014

ပညာရေးဥပဒေ ပြည်လုံးကျွတ် သပိတ်မှောက်ဖို့ ဆုံးဖြတ်


 အမျိုးသားပညာရေးဥပဒေကို တစ်နိုင်ငံလုံး အတိုင်းအတာနဲ့ သပိတ်မှောက်ဖို့ နိုင်ငံလုံးဆိုင်ရာ ကျောင်းသားထု အရေးပေါ်အစည်းအဝေးတွင် မနေ့က ဆုံးဖြတ်လိုက်ပါတယ်။
.
ရန်ကုန်မြို့ ဒဂုံမြို့သစ် (မြောက်ပိုင်း) နာရေးကူညီမှုအသင်း(ရန်ကုန်)ရဲ့ သုခခန်းမမှာ ကျင်းပနေတဲ့ နိုင်ငံလုံးဆိုင်ရာ ကျောင်းသားထု အရေးပေါ်အစည်းအဝေးကနေ အခုလို ဆုံးဖြတ်လိုက်တာဖြစ်ကြောင်း
ထားဝယ်နည်းပညာတက္ကသိုလ် ကျောင်းသားသမဂ္ဂဥက္ကဋ္ဌ ကိုမင်းနိုင်ဦး က ပြောပါတယ်။
.
"ကျွန်တော်တို့ လိုချင်တာက ကျောင်းသားပြည်သူကို အခြေခံတဲ့ ဒီမိုကရေစီ၊ စစ်မှန်တဲ့ အမျိုးသားဒီမိုကရေစီ ဥပဒေမူကြမ်းတစ်ခုရလာဖို့ တောင်းဆိုသွားမှာ ဖြစ်ပါတယ်၊ ကျွန်တော်တို့က နိုင်ငံတော်အစိုးရကို ဦးတည်ပြီး တောင်းဆိုသွားမှာဖြစ်ပါတယ်၊ ယခုချိန်မှာ ကျွန်တော်တို့ရဲ့ ရလာဒ်က မရှိသေးဘူး၊ ကျွန်တော်တို့လိုချင်တဲ့ နိုင်ငံရေး ဥပဒေမူကြမ်း တစ်ခုရလာဖို့ ကျွန်တော်တို့ ကြိုးစားသွားဖို့

ရှိပါတယ်"
.
ဆုံးဖြတ်ချက်အရ အမျိုးသားပညာရေးဥပဒေကို ဆန့်ကျင်ကန့်ကွက်သွားရေးအတွက် အဖွဲ့ဝင် ၁၅ ဦးပါတဲ့ ဒီမိုကရေစီ ပညာရေးလှုပ်ရှားမှု ဦးဆောင်ကော်မတီကို ဗကသကအဖွဲ့ဝင် ၆ ဦး၊ တကသက ၆ ဦး ၊ မြေလတ်ဒေသက ကျောင်းသားခေါင်းဆောင် ၃ ဦး တို့နဲ့ ဖွဲ့စည်းလိုက်ပါတယ်။
.
ဒါ့အပြင် အချက် ၆ ချက်ပါတဲ့ ကြေငြာချက်တစ်စောင်ကိုလည်း ထုတ်ပြန်ခဲ့ပါတယ်။ အဲဒီကြေငြာချက်မှာ လက်ရှိအစိုးရက ပြဋ္ဌာန်းထားတဲ့ အမျိုးသားပညာရေးဥပဒေဟာ လွတ်လပ်စွာ ပညာသင်ကြားခွင့်ကို အကာအကွယ်မပေးနိုင်ဘဲ တင်းကျပ်စွာချုပ်ကိုင်ထားတဲ့ ဗဟိုဦးစီးစနစ်ဖြစ်ကြောင်းနဲ့ လက်ရှိဥပဒေဟာ စစ်အစိုးရလက်ထက်က ဆိုးရွားခဲ့တဲ့ပညာရေးအခြအနေကို ဖြေရှင်းမပေးနိုင်တဲ့အတွက် ဆန့်ကျင်သွားမှာဖြစ်ကြောင်း စတဲ့အချက်တွေပါဝင်ပါတယ်။
.
နှစ်ရက်ကြာကျင်းပခဲ့တဲ့ နိုင်ငံလုံးဆိုင်ရာ ကျောင်းသားထု အရေးပေါ်အစည်းအဝေးကို တစ်နိုင်ငံလုံးမှာရှိတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂအဖွဲ့ဝင်တွေ၊ တက္ကသိုလ်ကျောင်းသားသမဂ္ဂအဖွဲ့ဝင်တွေ စုစုပေါင်း ၄၀၀ ၀န်းကျင် တက်ရောက်ခဲ့ပါတယ်။
.
Credit : RFA , DVB

0 comments: