Wednesday, September 24, 2014

" တပ်မတော်ကာကွယ်ရေးဦးစီးချုပ်ရဲ့အမိန့်ကို ဖီဆန်ကြပြီလား "

စစ်တပ်က တနေ့တခြား မိုက်ရိုင်းတာ ကမ်းကုန်ပဲ။
တပ်မတော်ကာကွယ်ရေးဦးစီးချုပ်ရဲ့အမိန့်ကို ဖီဆန်ကြတာလား။ ဆင်းရဲသားနင်းပြား တောင်သူလယ်သမားတွေကို လိမ်လည်လှည့် ဖျားတာလား။ တပ်မတော်ကာကွယ်ရေးဦးစီးချုပ်က ဒေသခံ တောင်သူလယ်သမားများနှင့် ပြေလည်အောင် ဆွေးနွေးညှိနှိုင်းရန် သက်ဆိုင်ရာတပ်ရင်းတပ်ဖွဲ့များထံ ညွှန်ကြားထားကြောင်း သိရသော်လည်း၊ ဒေသခံကျေးရွာသူကျေးရွာသားများ ပိုမိုဒုက္ခရောက်စေရန် သက်ဆိုင်ရာ တပ်ရင်းတပ်ဖွဲ့များက တမင်ကြံရွယ်လုပ် ဆောင်နေသည်မှာ ထင်ရှားလှသည်။


အမှတ်(၁)ခဲယမ်းမီးကျောက်တပ်သည် ပဲခူးမြို့၊ သာယာကုန်းကျေးရွာ အုပ်စုမှ ကျေးရွာ တောင်သူလယ်သမားများပိုင် လယ်ယာမြေဧက(၅၈၀၀) ကျော်ကို အဓမ္မ သိမ်းဆည်းထားပြီးနောက် ပြန်မပေးသေးသည့်အပြင်၊ သုံးမိုင်နီးပါး အရှည်ရှိသည့် အုတ်တံတိုင်းစည်းရိုး ကာရံလိုက်သဖြင့် ကျေးရွာသူ ကျေးရွာသားများ အလွန်ဒုက္ခရောက်လျက်ရှိပါသည်။


အုတ်တံတိုင်းစည်းရိုးသည် ကျေးရွာအ၀င်အထွက်လမ်းများအားလုံးကို ပိတ်ဆို့လိုက်သည်ဖြစ်၍၊ အမျိုးသမီးများနှင့်ကလေးငယ်များသာမက၊ ကျောင်းသူကျောင်းသားများပါ အုတ်တံတိုင်းစည်းရိုးကို ၀ါးလှေကားဖြင့် ခက်ခက်ခဲခဲ ကျော်ဖြတ်သွားလာနေရပါသည်။ အဆိုပါ ၀ါးလှေကားလေးကိုပင် မကြာခန လာရောက်ခုတ်ဖြတ် ဖျက်ဆီးလေ့ရှိသေးသည်။


သုံးမိုင်နီးပါးအရှည်ရှိသည့် ထိုအုတ်တံတိုင်းစည်းရိုးကြောင့် ကျောင်းသားငယ်လေးများသည် အဆိုပါအုတ်တံတိုင်းကို ခက်ခက်ခဲခဲ ကျော်ဖြတ်ရသည့်အပြင်၊ နှစ်မိုင်နီးပါးဝေးသော မူလတန်းကျောင်းလေးသို့ နှစ်နာရီကြာမျှ ခြေလျင်လျှောက်၍ နေ့စဉ်ကျောင်းတက်နေရပါသည်။ သက်ဆိုင်ရာ တာဝန်ရှိသူများအနေဖြင့် တာဝန်ရှိသလို အမြန်ဆုံး အရေးယူဆောင်ရွက်ပေးသင့်ပါသည်။


ကျမတို့ မြန်မာနိုင်ငံတောင်သူလယ်သမားသမဂ္ဂအနေဖြင့်လည်း သက်ဆိုင်ရာတာဝန်ရှိပုဂ္ဂိုလ်များထံသို့ မကြာမီတွင် တရားဝင် တင်ပြတောင်းဆို သွားမည်ဖြစ်ပါသည်။



Su Su Nway (FB)သတင်းစာမျက်နှာမှ

0 comments: