Friday, June 13, 2014

ရှမ်းမြောက်မှာ TNLA နဲ့ အစိုးရစစ်တပ် တိုက်ပွဲဖြစ်


 ဧရာဝတီ၊ ဇွန် ၁၂ ၊ ၂၀၁၄

ရှမ်းပြည်နယ်မြောက်ပိုင်း မန်တုံမြို့နယ် ကျန်ကားကျေးရွာနှင့် မန်ကောင်းကျေးရွာအကြားတွင် အစိုးရစစ်တပ် တပ်မ (၇၇) လက်အောက်ခံ ခမရ (၈) နှင့် ပလောင် (တအာင်း) အမျိုးသားလွတ်မြောက်ရေးတပ်မတော် (TNLA) တပ်ရင်း (၄၇၈) တို့အကြား ဇွန်လ ၁၁ ရက်နေ့ ညနေ ပိုင်းကတိုက်ပွဲဖြစ်ပွားခဲ့ကြောင်းသိရသည်။ မွန်းလွဲ ၃ နာရီမှ စတင် ဖြစ်ပွားခဲ့သော ယင်းတိုက်ပွဲသည် တနာရီကျော် ကြာမြင့်ခဲ့ပြီး အစိုးရစစ်တပ်မှ ၃ ဦး ဒဏ်ရာ ရရှိသွားကြောင်း TNLA ပြန်ကြားရေး ဌာနက သတင်းထုတ်ပြန်ချက်အရသိရသည်။
 
ဇွန်လ ၄ ရက်နေ့က ကွတ်ခိုင်မြို့နယ်အတွင်း နှစ်ဖက်တပ်များပစ်ခတ်မှုတွင် အစိုးရ စစ်တပ် ခလရ ၂၄၁ တပ်ရင်းမှူး ဗိုလ်မှူးကျော်ထင်အောင် ကျဆုံးသွားပြီးနောက် နမ့်ခမ်းမြို့နယ် အတွင်းရှိ နောင်အန်၊ ဖာလင်၊ ဆိုင်တောင်၊ မန်အောင် စတဲ့ ကျေးရွာများမှ ဒေသခံ ၈ ဦးကို TNLA သူလျှိုဟု စွပ်စွဲကာ ဖမ်းဆီးရိုက်နှက်မှုတွေရှိကြောင်းလည်း ဖော်ပြထားသည်။

Copy from - The Irrawaddy

0 comments: