ကချင်တွင် သုံးနှစ်အတွင်း တိုက်ပွဲ ၂၅၀၀ ကြိမ်ခန့်ဖြစ်ပွား

 

ကချင်ပြည်နယ်တွင်း အစိုးရနှင့် KIA,တို့ကြား တိုက်ပွဲ သုံးနှစ်သာ ကာလအတွင်း တိုက်ပွဲပေါင်း (၂၅၀၀) ကြိမ် ခန့်ဖြစ်ပွားခဲ့ပြီး ၂၀၁၂ ဒီဇင်ဘာ နှင့် ၂၀၁၃ ဇန်န၀ါရီတွင် ဖြစ်သည့် တိုက်ပွဲသည် အပြင်းထန်းဆုံး ဖြစ်ကြောင်း ကေအိုင်အေ ဗိုလ်မှူးကြီး တစ်ဦး မှဆိုသည်။

တိုက်ပွဲသုံးနှစ်သာ တိုက်ပွဲ အပြင်းထန်းဆုံးဖြစ်သည့် နေရာများမှာ ကေအိုင်ဗဟိုဌာနချုပ်လိုင်ဇာအနီး တစ်ဝိုက်၊ ကေအိုင်အေ တပ်မဟာ (၃) နှင့် တပ်မဟာ (၄) တို့တွင် ဖြစ်ကြောင်းလည်းဆိုသည်။

သို့သော် ယခုအချိန်တွင် ကချင်ပြည်နယ်တွင် တိုက်ပွဲများ ပြန်လည် ငြိမ်သက်လျှက်ရှိပြီး ရှမ်းပြည်တွင်သာ တိုက်ပွဲ အနည်းငယ်ဖြစ်ပွားလျှက်ရှိသည်။
“အခုတလောက တိုက်ပွဲတွေ ပြန်ငြိမ်နေတယ်။ ပုံမှန်အတိုင်းပြန်ဖြစ်နေတယ်။ ”ဟု ဗိုလ်မှူးကြီးမှဆိုသည်။

ထိုတိုက်ပွဲ သုံးနှစ်သာ ကာလအတွင်း KIA,စစ်သားများ (၂၀၀) ကျော် သေဆုံး ပြီး ဒုခိတဘ၀ရောက်သွားသူများ အပါအ၀င် စုစုပေါင်း အယောက် (၁၀၂၀) ခန့်ရှိကြောင်းလည်း ဆိုသည်။

အယောက်တစ်ယောက်တစ်ထောင်ကျော်မှ အယောက် (၂၀၀) ကျော်သည် သေဆုံးခဲ့ပြီး သေဆုံးသူနှင့် ဒဏ်ရာရသူအများဆုံးမှာလည်း လိုင်ဇာအနီးတ၀ိုက်တွင် လေယာဉ်ပျံဖြင့် တိုက်ခိုက်ချိန် အများဆုံးဖြစ်ကြောင်းလည်းဆိုသည်။

 

(Kachin wave)