Wednesday, April 30, 2014

NCCT နှင့် အစိုးရ မတွေ့မီ အစိုးရနှင့် ကေအိုင်အို အရင်တွေ့ဆုံမည်

 
ယခုလက်ရှိဖြစ်ပွားနေသည့် တိုက်ပွဲများကိစ္စအား အစိုးရနှင့် မြစ်ကြီးနားမြို့တွင် ပြန်လည်တွေ့ဆုံပြီး မျက်နာချင်းဆိုင်ဖြေရှင်းရန် ကေအိုင်အိုဗဟိုမှ အစိုးရအား ဖိတ်ခေါ်စာ ပို့ထားကြောင်း သတင်းရရှိသည်။

ဆွေးနွေးပွဲအား မေလ လဆန်းပိုင်းတွင်ကျင်းပရန် ရည်ရွယ်ထားပြီး ယခင်ဆွေးနွေးပွဲများတွင် ပါရှိသည့် Mr. Nambiar အပါအ၀င် လေ့လာစောင့်ကြည့်သူများ အားလုံးပါဝင်မည်ဖြစ်ကြောင်းလည်း ကေအိုင်အို ဗိုလ်မှူးကြီး တစ်ဦးမှဆိုသည်။

“ဆွေးနွေးပွဲ တစ်ခါပြီးတိုင်း တိုက်ပွဲကလည်း ပြန်လည်ဖြစ်ဖြစ်လာတယ်။ ဒီလိုမျိုးဖြစ်တာဟာ ယုံကြည့်မှုတည်ဆောက်တဲ့နေရာမှ ထိခိုက်မှုဖြစ်လာတယ်။’ဟု ကေအိုင်အို ဗိုလမှူးကြီးမှဆိုသည်။

ကေအိုင်အေနှင့် အရင်တွေ့ဆုံပြီး ယခုဖြစ်နေသည့် တိုက်ပွဲပြသနာကို ဖြေရှင်းပြီးမှ အစိုးရအဖွဲ့နှင့် NCCT အဖွဲ့ ပြန်လည်တွေ့ဆုံနိုင်မည်ဖြစ်ပြီး ကေအိုင်အေနှင့် မတွေ့နိုင်သေးသ၍ NCCT နှင့် တွေ့ဆုံနိုင်သေးမည် မဟုတ်ကြောင်းလည်း သိရသည်။

ဆွေးနွေးပွဲတိုင်း သဘောတူတဲ့ အချက်တွေအား အစိုးရ လိုက်နာမှုအားနေသည့် အတွက် ယခုကဲ့သို့ တိုက်ပွဲများ ဖြစ်နေရခြင်းဖြစ်ကြောင်းလည်း သိရသည်။

ယခုလက်ရှိအချိန်ထိ ရှမ်းပြည်မြောက်ပိုင်း ကေအိုင်အေ တပ်မဟာ(၄)နယ်မြေများတွင် တိုက်ပွဲနေ့တိုင်း ဖြစ်နေဆဲဖြစ်သည်။
 
သတင်းရင်းမြစ် - ကချင်သတင်းဌာန

0 comments: