Thursday, January 23, 2014

ဆူဇူကီး ကားကုမ္ပဏီအား သီလဝါ စီးပွားရေးဇုန်တွင် စက်ရုံဆောက်ခွင့် ပထမဆုံး ခွင့်ပြု

 

မြန်မာနိုင်ငံ ရင်းနှီးမြှုပ်နှံမှု ကော်မရှင်သည် သီလဝါ အထူး စီးပွားရေးဇုန်တွင် ဆူဇူကီး ကားကုမ္ပဏီကို စက်ရုံ တည်ဆောက်ခွင့် ပထမဆုံး အနေဖြင့် ခွင့်ပြုလိုက်ကြောင်း သိရသည်။ ဂျပန်နှင့် မြန်မာ ဖက်စပ် အကောင် အထည်ဖော်နေသည့် သီလဝါ အထူး စီးပွားရေးဇုန်တွင် အခြေခံ တည်ဆောက်ရေး လုပ်ငန်းများ မပြီးပြတ် သေးသော်လည်း ဂျပန် ဆူဇူကီး ကုမ္ပဏီကို ပထမဦးဆုံး အဖြစ် စက်ရုံ တည်ဆောက်ခွင့် ပြုခဲ့သည်။

ဆူဇူကီး ကားကုမ္ပဏီသည် ရင်းနှီး...မြှုပ်နှံမှု ကော်မရှင်တွင် လုပ်ငန်း တိုးချဲ့ခွင့်ပြုရန်၂ဝ၁၂ ခုနှစ် ကတည်းက တင်ပြထားခြင်း ဖြစ်သည့်အတွက် စက်ရုံ တည်ဆောက်ခွင့် ပြုခဲ့ခြင်းဖြစ်ကြောင်း သိရသည်။

လတ်တလော အနေအထားတွင် သီလဝါ စီးပွားရေးဇုန် စီမံခန့်ခွဲရေး ကော်မတီသည် လျှပ်စစ်ဓာတ်အား လိုင်းသွယ်တန်းခြင်း၊ မြေပြင်တိုင်းတာခြင်း၊ ရေချိုသန့်စင်ခြင်း လုပ်ငန်းကို အပိုင်း (၁) အဖြစ် လုပ်ဆောင်

နေခြင်းဖြစ်ကြောင်း သိရသည်။

သီလဝါ အထူး စီးပွားရေးဇုန်ကို ဂျပန် အကူအညီဖြင့် အကောင်အထည် ဖော်နေပြီဖြစ်ရာ ရင်းနှီးမြှုပ်နှံမည့် ကုမ္ပဏီများ အတွက် မြေငှားရမ်းခွင့်များကို ၂ဝ၁၄ ခုနှစ် နှစ်လယ်ပိုင်းတွင် လုပ်ဆောင်မည် ဖြစ်ကြောင်း သိရသည်။

သတင်းရင်းမြစ် - မြ၀တီ

0 comments: