Thursday, October 24, 2013

ပြဿဒါးနေ့ မရှိတဲ့ နမ့်ခမ်း မူးယစ်ဈေးဆိုတာ

 နမ့်ခမ်းချောင်းဘေးက ကျောက်ဆောင်တွေကို အမှီပြုပြီး မူးယစ်ဆေးဝါး သုံးစွဲနေကြသူများ (ဓာတ်ပုံ - ကျော်ခ / ဧရာဝတီ)
 
“ကျနော်တို့ မြို့ပေါ်မှာ မူးယစ်ဆေးဝါးက ဟင်းသီးဟင်းရွက် ဈေးလို ရောင်းနေတုန်းပဲ၊ ဥပဒေ စိုးမိုးမှု ကတော့ လုံးဝကို မရှိတာ”လို့ ပလောင်(တအာင်း) အမျိုးသား လွတ်မြောက်ရေး တပ်မတော်(TNLA) ရဲ့ မူးယစ်ဆေးဝါး တိုက်ဖျက်ရေးအဖွဲ့ အရာရှိ တဦးက နမ့်ခမ်းမြို့ရဲ့ မူးယစ်ဆေးဝါး ရောင်းချ၊ သုံးစွဲနေမှုတွေ ကို ညွှန်းဆို ပြောပြပါတယ်။ 
 
သူ့ရဲ့ ပြောပြချက်ကြောင့် သိချင်စိတ်နဲ့ ကျနော်တို့ ရောက်ရှိနေတဲ့ မန်တုံမြို့နယ်ထဲကနေ နမ့်ခမ်းမြို့ကို ခရီးနှင်ဖို့ ဆုံးဖြတ် လိုက်ပါတယ်။ ရှမ်းပြည်နယ် မြောက်ပိုင်း နမ့်ခမ်းမြို့က မူးယစ်ဆေးဝါး ရောင်းတဲ့ နေရာ
တွေ ကို သွားဖို့အတွက် TNLA တပ်မှူးတွေကလည်း အကူ အညီ ပေးပါတယ်။ 

နောက် တနေ့ မနက် မှာတော့ တောင်တက် လမ်းတွေကို ကျော်ဖြတ်ရမှာ ဖြစ်တဲ့အတွက် တရုတ် နိုင်ငံ ထုတ် Kenbo ဆိုင်ကယ် ၂ စီးရဲ့ ဘီးတွေကို ချိန်းကြိုးပတ်ပြီး နမ်းခမ်းမြို့ခရီးစဉ်ကို စတင်လိုက်ပါတယ်။ 

မန်တုံကနေ နမ့်ခမ်းကို သွားတဲ့လမ်းကတော့ မိုင်းဝီးမြို့ပေါ် တနေရာက လွဲပြီး အဆင်းအတက် တောင်ပေါ် လမ်းတွေချည်းပဲ ဖြစ်ပါတယ်။ လမ်းတလျှောက်မှာတော့ လက်ဖက်စိုက်ခင်းတွေ အပြင် ရခိုင်ပြည်နယ် ကနေ တရုတ်နိုင်ငံ ယူနန်ပြည်နယ် အထိ သွယ်တန်းထားတဲ့ မြေဖို့ပြီးလက်စ ရေနံနဲ့ ဂက်စ် ပိုက်လိုင်းကြီး လည်း မြင်တွေ့ရပါတယ်။ 

မညီညာတဲ့ တောင်ပေါ်လမ်းတွေကို နေ့တဝက်လောက် ကျော်ဖြတ်လာခဲ့ အပြီးမှာတော့ ရှမ်းပြည်နယ်
မြောက်ပိုင်းက နမ့်ခမ်းမြို့ ကို စတင်မြင်တွေ့ခွင့်ရခဲ့ပါပြီ။ မြို့အဝင်ဂိတ်မှာတော့ နမ့်ခမ်းမြို့နယ် အခြေစိုက် ပန်းဆေး ပြည်သူ့စစ်အဖွဲ့တွေက မြို့ကိုဝင်ထွက် နေတဲ့ ကားနဲ့ဆိုင်ကယ် တွေကို စစ်ဆေးမှုတွေ
လုပ်နေတာကို မြင်ရပါတယ်။ 

ဧရာဝတီ မြန်မာပိုင်း စာမျက်နှာက သတင်းထောက် ကျော်ခ ရေးသားတင်ပြထားတဲ့  ပြဿဒါးနေ့ မရှိတဲ့ နမ့်ခမ်း မူးယစ်ဈေး (http://burma.irrawaddy.org/article/2013/10/23/49924.html) အကြောင်း အပြည့်အစုံကို ဖတ်နိုင်ပါပြီ။ 
Copy from - irrawaddy.org

0 comments: