Monday, October 14, 2013

အချိန် ၄၈ နာရီအတွင်းမှာ မပေါက်ကွဲသေးတဲ့ ဗုံး (၅) လုံး တွေခဲ့ရပါပြီ

ဘယ်သူတွေ လုပ်တယ်ဖြစ်စေကာမူ ဒါဟာ - အနည်းဆုံးတော့ နိုင်ငံရေး သိက္ခါချမှုတစ်ရပ်ပါ ဒီ့အပြင် ဆက်လက် ဖြစ်ပွား လာနိုင်တာကတော့ ကျွန်တော်တို့ ပြည်သူတွေရဲ့ သိလိုစိတ်ပြင်းပြမှု (၀ါ) စပ်စပ်စုစု သိရှိလိုမှုကြောင့် ၀ိုင်းအုံကြည့်ရှုခြင်း ဖြစ်လာနိုင်ပါတယ် အကယ်ဒန္တု ဗုံးဖောက်ခွဲတဲ့ တရားခံ သို့မဟုတ် အဖွဲ့အစည်း ဟာ -

၁။ အသေခံ ဗုံးဖောက်ခွဲလိုသူ လို့သာ ယူဆကြည့်လိုက်ရရင်
၂။ လူများများ ထိခိုက်ဒဏ်ရာ ရရှိစေလိုသူ ဒီလိုနှစ်ချက်မျိုးနဲ့သာ တွေးမြင်ယူဆကြည့်လိုက်ရင် လက်နက် / ပေါက်ကွဲစေတတ်သော အရာဝတ္ထုနဲ့ စပ်လျဉ်းပြီး ဗဟုသုတ နည်းတဲ့ သာမန်ပြည်သူ နိုင်ငံသားတွေသာလျှင် ထိခိုက်ဒဏ်ရာ ရရှိမှုနဲ့ သွေးထွက်သံယိုမှုတွေ ဖြစ်ပွားလာမည်သာဖြစ်ပါတယ်
၃။ ဒါကြောင့် အလေးအနက်ထား ပန်ကြားချင်တာရှိပါတယ် - >>>
(က) သံသယဖြစ်ဖွယ်ရာ ပစ္စည်း အရာဝတ္ထု (တယ်လီဖုန်း ထက်သေးငယ်သော အထိပါဝင်နိုင်ပါတယ်) ကို တွေ့မြင်ရပြီဆိုတာနဲ့ အနားမကပ်ဘဲ သက်ဆိုင်ရာ မြန်မာနိုင်ငံ ရဲတပ်ဖွဲ့ / အုပ်ချုပ်ရေးပိုင်း တာဝန် ရှိသူများအား အကြောင်းကြားပါရန် >>>
(ခ) ၀ိုင်းအုံ ကြည့်ရှုမှု မလုပ်ကြပါရန် >>>
(ဂ) မိုင်း ရှင်းအဖွဲ့ ( စစ်မြေပြင်အင်ဂျင်နီယာတပ်ရင်းမှ ) ရောက်ရှိ ရှင်းလင်းနေချိန်တွင်လည်း ဗဟုသုတ အလို့ငှာ သော်လည်းကောင်း ၀ိုင်းအုံကြည့်ရှုခြင်း မပြုကြပါရန်

၎။ အထက် အပိုဒ် (ဂ) ကို ပိုမို အလေးအနက်ထား ရှောင်ရှားစေလိုတာက >>>
(က) Remote ကိုင်ဆောင်ထားသူဟာ လူအုပ်အတွင်း ပုံဖျက်ရောနှော ၀င်ရောက်နေနိုင်ခြင်း >>>
(ခ) ဓာတ်ပုံရိုက်သည့် အလင်းရောင် ( Flash ) လိုကြောင့် ဗုံးပေါက်ကွဲအောင် တပ်ဆင်ထားနိုင်ခြင်း >>>(ဂ) မိုင်းရှင်းလင်းနေစဉ် ဖြစ်ပေါ်လာနိုင်တဲ့ မမျှော်မှန်းအပ်တဲ့ ပေါက်ကွဲမှု အန္တရာယ် တွေကြောင့် ဖြစ်ပါတယ်

၅။ ဒါကြောင့် မြန်မာနိုင်ငံ ရဲတပ်ဖွဲ့ဝင်များက လုံခြုံရေးယူပေးတဲ့ အချိန်မှာလည်း အဲဒီ လူအုပ် ၀ိုင်းအုံ ကြည့်ရှုခြင်းကိုပါ ရအောင် မဖြစ်ဖြစ်တဲ့ နည်းလမ်းသုံးပြီူး တားမြစ်ရပါမယ် (အလေးအနက်ထား တားမြစ်ရန်ဖြစ်ပါတယ်)။

မန္တလေးမှာ ဒီနေ့ တစ်ရက်တည်းနဲ့ နာရီပိုင်းလေးတင်ခြားပြီး ချိန်ကိုက်ဗုံးဖြစ်အောင် ပြုပြင်ပြောင်းလဲထားတဲ့ လက်ပစ်ဗုံးတစ်လုံး (ရွှေဘဲ စားတော်ဆက် အနီး လမ်း ၈၀ x ၁၆ လမ်းထောင့် )နဲ့ နောက်ထပ်တစ်လုံး (အမျိုးအမည် စိစစ်ဆဲ ( ၆၉ လမ်း ၂၉ လမ်းနှင့် လမ်း ၃၀ ကြား)မှာ တစ်လုံး နှစ်လုံးတွေ့ရပြီ ဖြစ်ပါတယ် ။

ဖြစ်ပေါ်လာနိုင်တဲ့ အန္တရာယ်များကို အဓိက ထားရှောင်ရှားရင်း တာဝန်သိ နိုင်ငံသားများအနေဖြင့် လုပ်ဆောင်ရန် ရှိတာတွေကတော့ ဖြစ်စဉ်ဖြစ်ရပ်တွေမှာ ဘာသာတရားကို အထွဋ်အမြတ်ထားသည့် နိုင်ငံဖြစ်သောကြောင့်လော- ကံကောင်း၍လော ပြည်သူများ သတိရှိနေ၍လော။ မိုင်းရှင်းအဖွဲ့ ဦး၍လော မည်သို့ပင် ဆိုစေ စိတ်တော့ သက်သာရာ မရပါ။ ဗုံးတွေ မည်သူ ခွဲနေသနည်း။

မြန်မာနိုင်ငံကလွဲ၍ နိုင်ငံအတော်များများတွင် လက်သည်တရားခံများက ထုတ်ဖော်ကြေညာတတ်ပါသည်။ သို့သော် မြန်မာနိုင်ငံတွင် ခွဲကြသူများမှာ ဝန်ခံဖို့ ဝေးစွ မဟုတ်ဟု အသီးသီး ငြင်းဆန်ကြကြောင်း တွေ့ရှိရပါသည်။

ယခုလုပ်ဆောင်ချက်များမှာ အချိန်အခါကို လေ့လာကြည့်လျှင် ပွင့်လင်းရာသီရောက်ရှိလာပြီး အခါကြီးရက်ကြီးများ နီးချိန်တွင် တမင်သက်သက် လုပ်သည်ဟု ပြောနေကြပါသည်။ အချို့ကလည်း အပြစ်မဲ့ပြည်သူများကို ထိခိုက်ရန် ဆောင်ရွက်ကြသော သတ္တိမရှိသည့် မိန်းမလျာ အကြမ်းဖက်သမားများသာ ဖြစ်ကြောင်း ပြောနေကြပါသည်။

အာဆီယံဥက္ကဌ ယူတဲ့အချိန် မြန်မာနိုင်ငံ ကျီးလန့်စာစား ဖြစ်အောင် လုပ်လိုသူများက ဆောင်ရွက်ကြသည်ဟုလည်း ပြောကြပါသည်။ နောက်ကြောင်းပြန်လိုသူများက ဆောင်ရွက်သည်ဟုလည်း ဆိုကြပြန်ပါသည်။

အချို့ကလည်း အစွန်းရောက်များလက်ချက် ဟုဆိုကြပါသည်။ မိမိတို့၏ ထင်မြင်ယူဆချက်...ခန့်မှန်းချက်များကို ကွန်မန့်တွင် ရိုက်သွင်းပေးပါ။ ဤခန့်မှန်းချက်များကို တာဝန်ရှိသူများ ဖတ်၍ တစ်စုံတစ်ရာ သဲလွန်စ အထောက်အကူရလျှင် ကျေနပ်ပါသည်။

xxxxxxxxxxxxxxxxxxxxxxxxxxxxxxxxxx မန္တလေး လမ်း၈၀ ၁၆ လမ်း ထောင့် ရွှေဘဲ စားတော်ဆက်အနီး ထောင်ထားခဲ့သော အမ် ၆၇ လက်ပစ်ဗုံး နှင့် အမျိုးအစားတူသည့် လက်ပစ်ဗုံးအား ပူးတွဲတင်ပြထားပါသည် ။ ( အဆိုပါ လက်ပစ်ဗုံးအား Timer Detonator နှင့် ချိတ်ဆက်ပြီး ချိန်ကိုက်မိုင်းသဖွယ် ထောင်ခဲ့ခြင်းဖြစ်ပါသည်။ မည်သည့်အတွက်ကြောင့်မျှ အများပြည်သူထ်ိတ်လန့်တုန်လှုပ်မှု သွေးထွက်သံယိုမှုတို့ မဖြစ်စေလိုပါ အများပြည်သူမှလည်း သံသယ ဖြစ်ဖွယ်ရာ လူ အရာဝတ္ထု ပစ္စည်းများ တွေ့ရှိပါက နီးစပ်ရာ မြန်မာနိုင်ငံ ရဲတပ်ဖွဲ့ အုပ်ချုပ်ရေးဆိုင်ရာ အဖွဲ့ အစည်းများသို့ သတင်းပေးပို့ တိုင်ကြားရင်း ဝေးဝေးနေနိုင်ကြပါစေကြောင်း ဆန္ဒပြုတင်ပြအပ်ပါသည်။

အင်တာနက်စာမျက်နှာသတင်းမှ

0 comments: