Friday, May 10, 2013

၂၀၁၅ မတိုင်ခင် အခြေခံဥပဒေပြင်ဖို့ ဒေါ်အောင်ဆန်းစုကြည် တိုက်တွန်း


၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေကို ၂၀၁၅ ခုနှစ်မတိုင်ခင် အမြန်ဆုံးပြုပြင်စေလိုကြောင်း အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်က ဒီနေ့တိုက်တွန်းပြောကြားလိုက်ပါတယ်။

ရန်ကုန်မြို့ မီကာဆာဟိုတယ်မှာကျင်းပခဲ့တဲ့ ဖွဲ့စည်းပုံအခြေခံဥပဒေဆိုင်ရာ ၃ ရက်ကြာ ဆွေးနွေးပွဲအပြီး သတင်းစာရှင်းလင်းပွဲမှာ ဒေါ်အောင်ဆန်းစုကြည်က ပြောကြားခဲ့တာပါ။

"ကျမတို့အနေနဲ့ကတော့ ဒီဖွဲ့စည်းပုံ အခြေခံဥပဒေကို ၂၀၁၅ မတိုင်မီကို ပြုပြင်စေချင်တယ်၊ ဘာဖြစ်လို့လဲဆိုရင်တော့ အမြန်ဆုံးပြုပြင်လို့ရှိရင် အကောင်းဆုံးပဲ၊ ဒီလိုအမြန်ဆုံး ပြုပြင်လိုက်မှ ၂၀၁၅ ရွေးကောက်ပွဲ ရောက်တဲ့အခါကျရင် ပြည်သူအများကလည်း ကျေကျေနပ်နပ်ရှိမယ်၊ ယုံယုံကြည်ကြည်ရှိမယ်"

ဒါ့ပြင်ကြံ့ခိုင်ဖွံ့ဖြိုးရေး ပါတီအနေနဲ့ ၂၀၀၈ ခုနှစ် ဖွဲ့စည်းပုံအခြေခံဥပဒေကို ပြင်ဆင်လိုတဲ့ ဆန္ဒရှိတယ်ဆိုရင် အမျိုးသားဒီမိုကရေစီ အဖွဲ့ချုပ်အနေနဲ့ ပူးပေါင်းဆောင်ရွက်သွားမှာ ဖြစ်တယ်လို့လည်း
ဒေါ်အောင်ဆန်းစုကြည်က ပြောပါတယ်။

ဖွဲ့စည်းပုံအခြေခံဥပဒေကို ပြင်ဆင်ခြင်းအားဖြင့် တရားဥပဒေစိုးမိုးမှု ပိုမိုရရှိလာမှာဖြစ်ပြီး ပြည်တွင်းငြိမ်းချမ်းရေးနဲ့လည်း နီးစပ်လာမှာဖြစ်ကြောင်း၊ ဖွဲ့စည်းပုံအခြေခံဥပဒေပြင်ဆင်မယ်လို့ စဉ်းစားတဲ့အခါ လွှတ်တော်တွင်းက တပ်မတော်သား ကိုယ်စားလှယ် ၂၅ ရာခိုင်နှုန်းကိုပါ ထည့်သွင်းစဉ်းစားရမှာ ဖြစ်တယ်လို့လည်း ဒေါ်အောင်ဆန်းစုကြည်က ပြောကြားခဲ့ပါတယ်။
 
Copy from - RFA Burmese

0 comments: