Friday, April 12, 2013

ပလောင်ဒေသက တိုက်ပွဲတွေ အမြန်ဆုံးရပ်ဆိုင်းဖို့ တအောင်း အမျိုးသမီးအဖွဲ့တောင်းဆို

2013-04-11

ပလောင်ဒေသမှာ အစိုးရတပ်နဲ့ SSA မြောက်ပိုင်း တပ်တွေရဲ့ စစ်ပွဲတွေ အမြန်ဆုံး ရပ်ဆိုင်းရေးအတွက် တအောင်း အမျိုးသမီးအဖွဲ့က မနေ့က ကြေညာချက် ထုတ်ပြန် လိုက်ပါတယ်။

ပြီးခဲ့တဲ့ မတ်လကုန်ပိုင်းကစပြီး လားရှိုးမြို့နယ်အတွင်းဖြစ်ပွားတဲ့ စစ်ပွဲတွေကြောင့် ဒေသခံရွာသူ၊ ရွာသားအများအပြား ထွက်ပြေး ခဲ့ကြရပါတယ်။

တန့်ယန်းမြို့ကို ရောက်ရှိလာတဲ့ ဒုက္ခသည် (၄၃၂) ဦးရှိပြီး၊ သူတို့ဟာ တန်ယန်းမြို့ လွယ်စေး အုပ်စုဝင် ရွာ(၈) ရွာက ဖြစ်ကြတယ်လို့ ဆိုပါတယ်။

ဧပြီလ (၁၀) ရက်နေ့က ဒုက္ခသည်တွေကို သွားရောက် တွေ့ဆုံခဲ့တဲ့ တအောင်းအမျိုးသမီးအဖွဲ့က လွေးပိုးဖိန်းက ရွာတွေ အဖျက်ဆီးခံရသလို၊ ရွာသူရွာသားတွေလည်း စစ်တပ်က ခိုင်းစေတာ ခံရတယ်လို့ ပြောပြကြကြောင်း၊ ဒါကြောင့်စစ်ပွဲတွေ အမြန်ဆုံး ရပ်တန့်ပေးပါလို့ တောင်းဆို ရတာဖြစ်ကြောင်း ပြောပါတယ်။

" ပလောင်ဒေသမှာ ဖြစ်နေတဲ့ စစ်ပွဲတွေကို လုံးဝ ရပ်တန့်စေချင်တယ်၊ မြေမြှုပ်မိုင်းတွေကိုလည်း အသုံး မပြုစေချင်ဘူး၊ ရွာသားတွေကို ခေါ်ပြီး ညဉ်းပန်း နှိပ်စက်တာတွေကိုလည်း မပြုလုပ်ဖို့ အဓိက အနေနဲ့
တောင်းဆိုတာပါ"

အခုလိုဖြစ်ပွားနေတဲ့ စစ်ပွဲကြောင့် ပလောင်ဒေသမြို့နယ် (၃) မြို့နယ်က ကျေးရွာ (၁၅) ရွာ လောက်လည်း ပျက်စီးခဲ့ရပြီး၊ ရွာသူရွာသား (၂၀၀) ကျော် အိုးအိမ်စွန့်ခွာထွက်ပြေးနေရတယ်လို့ တအောင်း အမျိုးသမီးအဖွဲ့က ပြောပါတယ်။

လောလောဆယ် ဒုက္ခသည်တွေကို WFP ကမ္ဘာ့စားနပ်ရိက္ခာအဖွဲ့နဲ့ ဒေသခံတွေက စောင့်ရှောက် ထားတယ်လို့ သိရပါတယ်။

 
Copy from - RFA

0 comments: