Saturday, March 2, 2013

SSPP/SSA ထိန်းချုပ်နယ်မြေသို့ ဗမာ့တပ်မတော် တင့်ကားများပို့

March 01, 2013
 
 တိုက်ခိုက်နေမှုများ ရပ်ဆိုင်းရန် ပြည်ပသို့ခရီးမထွက်မှီ သမ္မတက ညွှန်ကြားလိုက်သဖြင့် တိုက်ပွဲများ ခေတ္တငြိမ် နေသော် လည်း သျှမ်းပြည် တိုးတက်ရေးပါတီ၏ ထိန်းချုပ်နယ်မြေသို့ မြန်မာ့တပ်မတော်က တင့်ကားများ ပို့ဆောင်နေကြောင်း သျှမ်းပြည်တပ်မတော် SSPP/SSA သတင်းရပ်ကွက်က ဆိုပါသည်။

“ ကျနော်တို့ နယ်ထဲဝင်လာပြီး ကျနော်တို့ကို တိုက်ခိုက်နေတဲ့ ခလရ ၃၂၂ နဲ့ ၃၃ တပ်တွေ တပ်ဆုတ် သွားပြီလို့ သတင်းတွေ ထွက်နေပေမယ့် လုံးဝ လျော့သွားတာ မရှိပါဘူး။ အရင်ကထက် တဆ တောင်ပို များလာသေးတယ်။ အခု ထပ်ရောက်လာတဲ့ အထဲမှာ ထူးခြားတာက ပွိုင့် ၅ လက်နက် တပ်ဆင်ထားတဲ့ သံချပ်ကာကား နှစ်စီး၊ ၇၅ မမ တပ်ဆင်ထားတဲ့ တင့်ကား နှစ်စီးပါတယ်” ဟုရှေ့တန်းရောက် SSPP/SSA အရာရှိတဦးက ပြောပါသည်။

ဖေဖေါ်ဝါရီ ၂၇ - ၂၈ ရက်နေ့ က စကခ ၁၇ စကခမှူး ကိုယ်တိုင် ဦးဆောင်ကာ လက်နက်ကြီးတပ်၊ အမြောက်တပ် တို့နှင့်အတူ မိုင်းရှူးမြို့၌ အားဖြည့်ထားကြောင်း လားရှိုး နှင့် ကွန်ဟိန်းမှ လာသော တပ်များ၌လည်း သံချပ်ကာကား ၂ စီး နှင့် တင့်ကား ၂ စီး ပါဝင်ကြောင်း ဒေသအတွင်း သွားလာသည့် ကားဆရာတဦးက ပြောပါသည်။

SSPP/SSA မှ ၂၂ ရက်နေ့ သမ္မတကြီးထံ စာတင်ပြီးနောက်ပိုင်း ဖေဖော်ဝါရီလ ၂၅ ရက်နေ့မှ ဖေဖေါ်ဝါရီ လကုန်ပိုင်းအထိ ရမခတိုင်း လက်အောက်ခံ လောက်ကိုင် ဒကစ အောက်မှ တပ်ရင်း ၆ ရင်းက တန့်ယန်းမြို့နယ် ပတ်ဝန်းကျင်နှင့် မိုင်းကောင်ဝ်မြို့နယ်ကြားတို့တွေ အင်အား ဖြည့်တင်း နေရာယူထားကြောင်း၊ ရပခ တိုင်းအောက်မှ စကခ ၁၇ လက်အောက်ခံ တပ်ရင်းများ နှင့် ရလခ တိုင်းအောက်မှ စကခ ၂ လက်အောက်ခံ တပ်ရင်းများ စုစုပေါင်း ၁၀ ရင်း ကျော် ကြောင်း၊ သျှမ်းပြည်တပ်မတော် SSPP/SSA ဝမ့်ဟိုင်း ပတ်ပတ်လည်ေ နရာယူထားကြောင်း SSPP/SSA ဌာနချုပ်အရာ ရှိများကလည်း ပြောပါသည်။

“ ဒီနေ့လဲ မန္တလေး - လားရှိုးကားလမ်း မြောက်ဘက်ခြမ်းမှာ လဲ မြန်မာစစ်တပ်တွေ နေရာယူထားတာ အများကြီးတွေ့ရတယ်။ ကျောက်မဲမြို့နယ် မိုင်းငေါ့ကနေ ယာဉ်တန်းရှည်ကြီး တက်လာတာ” ဟုလည်း လားရှိုးဒေသခံ တဦးကပြောသည်။

သျှမ်းပြည် တပ်မတော် တပ်မဟာ ၃၆ တပ်ရင်း ၁၉၂ ထိန်းချုပ် လွယ်လန်းစခန်းအား ဖယ်ပေး ရန်ပြည်ထောင် စုနေ့မတိုင် မှီက အစိုးရတပ်မှ ညွှန်ကြား ရာ သျှမ်းပြည်တပ်မတော် ဘက် ငြင်းဆန် လိုက်သဖြင့် ဖေဖော်ဝါရီလအတွင်း မြန်မာ့တပ် မတော်မှ ၎င်းတို့အား ၇ ကြိမ် ထက်မနည်း တက်တိုက်ခဲ့သည်။ မိမိတို့ဘက်မှ ခံစစ်အနေဖြင့်သာ ခုခံကာကွယ်ရာ တိုက်ပွဲ အတွင်း မြန်မာ့တပ်မတော်ဘက်မှ ၃၀ ထက်မနည်း ကျဆုံးခဲ့ပြီး ဒဏ်ရာရမှုလည်း များပြားကြောင်း သျှမ်းပြည်တပ်မ တော်ဌာနချုပ်ရှိ အရာရှိ တဦးကပြောပါသည်။

သျှမ်းပြည်တပ်မတော် SSPP/SSA နှင့် နေပြည်တော်အစိုးရ တို့သည် ၂၀၁၂ နှစ်ဆန်းပိုင်းက အပစ်ရပ်သဘောတူကာ ပြည်ထောင်စုအဆင့် ငြိမ်းချမ်းရေး တည်ဆောက်ထားသည့် တပ်ဖွဲ့သည်။
 
သတင်းရင်းမြစ် - သျှမ်းသံတော်ဆင့်

0 comments: