Saturday, March 16, 2013

ဟိုမိန်းမြို့နယ်ခွဲရှိ RCSS/SSA (တောင်ပိုင်း)စခန်းရှိရာအား အစိုးရတပ် လက်နက်ကြီးပစ်ခတ်

 
သျှမ်းပြည်တောင်ပိုင်း ဟိုမိန်းမြို့နယ်ရှိ သျှမ်းပြည် တပ်မတော်စ ခန်းရှိရာ လွယ်နဂါး တောင်ကြောသို့ ယနေ့မနက်က မြန်မာစစ်တပ်မှ လက်နက်ကြီးများ စက်သေနတ်များဖြင့် ပစ်ခတ်နေကြောင်း သျှမ်းပြည်တပ်မတော် RCSS/SSA ကပြောပါသည်။

ဟိုမိန်းမြို့နယ်အနောက် တောင်ဘက် ကီလိုမီတာ ၂၀ ကျော်၊ ထိုင်းနိုင်ငံ မယ့်ဟောင့်ဆောင် ဘန့် ရတ်ထိုင်းရွာ အနောက် မြောက်ဘက် ၇ ကီလိုမီတာ ဝမ့်မိုင်ရွာအနီး လွယ်နဂါး တောင်ကျောဘက်သို့ မြန်မာစစ်တပ်မှ လက်နက်ကြီးဖြစ် ပစ်ခတ် နေခြင်းဖြစ်ပြီး သျှမ်းပြည် တပ်မတော်ဘက်မှမူ တုန့်ပြန် ပစ်ခတ်ခြင်း မရှိကြောင်း ခေါင်းဆောင်ဖြစ်သူ ဒုတိယ ဗိုလ်ချုပ်ကြီး ယွက်စစ်က ပြောပါသည်။

မိမိတပ်စခန်းထံ ပစ်ခတ်ထိမံခြင်း မဟုတ်သဖြင့် တကြောင်း၊ အပစ်ရပ် ကတိကဝတ်ကို မချိုးဖောက်ချင်သဖြင့်တကြောင်း ကြောင့် တုန့်ပြန်ပစ်ခတ်ခြင်း မရှိဘူးဟု ဒု-ဗိုလ်ချုပ်ကြီးယွက်စစ်က
ပြောပါသည်။

ဟိုမိန်းမြို့နယ်အတွင်းရှိ နားမွန်းရွာမှ ဒေသခံများလည်း သေနတ်ပစ်ခတ်သံများ ကြားရကြောင်း ပြောဆိုပါသည်။

ဂျန္နဝါရီလကလည်း အဆိုပါ လွယ်နဂါးတောင်ကြောရှိ RCSS/SSA ၏ တပ်စခန်းအား အစိုးရ တပ်မတော်က တရက်အတွင်း ၃ ကြိမ် တိုက်ခိုက် ခဲ့သော်လည်း အောင်မြင်ခြင်း မရှိဘဲ အစိုးရတပ်သား ၁ ဦး ကျဆုံး ခဲ့သည်။ ထို့အတူ ရလခ စစ်တိုင်းရုံးက လည်း ဟိုမိန်းမြို့နယ်အတွင်းရှိ RCSS/SSA ၏ တပ်စခန်း ၂ ခု အား ဖေဖေါ်ဝါရီလ နောက်ဆုံးထားပြီး ရုပ်သိမ်းပေးရန် ညွှန်ကြား ခဲ့ဖူးသော်လည်း ယနေ့တိုင် တပ်ရုပ်ခြင်းမ ရှိသေးဟု လည်း ပြောပါသည်။

ယခင်လအတွင်း ထိုင်းနိုင်ငံ၌ သျှမ်းပြည် တပ်မတော်ခေါင်းဆောင် ဒု-ဗိုလ်ချုပ်ကြီးယွက်စစ် နှင့် အစိုးရငြိမ်းချမ်းရေး ဖော် ဆောင်ရေးကော်မတီ အဖွဲ့ခေါင်းဆောင် ဦးအောင်မင်း တို့ တွေ့ဆုံစဉ် အပစ်ရပ်တပ်ဖွဲ့များအား ထိုးစစ်ဆင်တိုက်ခိုက်မှု လုံးဝ မရှိစေရဟု ကတိကဝတ် ပြုခဲ့ဖူးပါသည်။

သတင်းရင်းမြစ် - သျှမ်းသံတော်ဆင့်

0 comments: