Tuesday, March 5, 2013

သမ္မတ အိမ်တော်မှ မိုင်ငါးဆယ် ၀န်းကျင်ကိုသာ .. လာဘ်ပေးလာဘ်ယူမှု တိုက်ဖျက်ပါဦး .. လို့ ...

Photo : AP
နေပြည်တော်ဋီကာ ..

ဖွဘုတ်ပေါ်မှာ ပွထလာတဲ့ ပြန်ကြားရေး ဒုညွှန်မှူး ဦးမျိုးဝင်း ကားတိုက်ပြီး မူးရမ်းတဲ့ အကြောင်းကို ဖတ်မိပြီး ပြန်လည် ရေးသားလာတဲ့ သူငယ်ချင်းတစ်ဦးရဲ့ မက်ဆေ့ပို့ထားတာကို အဆင်ပြေသလို ဖော်ပြ ပေးလိုက်ပါတယ်..။
------------------------------------------------------------------------------------------------------------
အဲဒီ ဦးမျိုးဝင်းဆိုသူမှ မဟုတ်ဘူး ....

နေပြည်တော်မှာ နေတဲ့ အရာထမ်း အများစုက မသောက်တတ်တဲ့သူ မရှိဘူး..။ မမူးဖူးတဲ့သူ မရှိဘူး..။ မာဆတ် မသွားဖူးတဲ့သူ နည်းပါ့ဗျား....။

ညဖက် လမ်းပြောင်းပြန် မောင်းရင်လည်း ဖမ်းသူမရှိ....။ မီးနီဖြတ် ဖမ်းသူမရှိ...။ တိုက်ရင် ကိုယ့်ဘာသာ ရှင်းကြလို့ မျက်နှာလွှဲထားသော လမ်းမကြီးများရှိရာ ဒေသဖြစ်၏ .တဲ့..။

ကားတွေကလည်း without လား လုံးချိန်းလား၊ ကိုယ်ပိုင်လား ဌာနဆိုင်ရာလား မသိ ..။ ယာဉ်မောင်း လိုင်စင်ကလည်း ရှိမရှိ ..မသိ..။ အမုန်းခံ စစ်မည့်သူလည်းမရှိ..။
မသိ ... မသိ.... မသိ... မရှိ...။
 
ရဲကို လိုင်းကြေးပေးရင် မျက်စောင်းတောင်  ထိုးမကြည့်တဲ့ နေပြည်တော်လိုနေရာမှာ အနှိပ်ခန်းအမည်ခံ ရပ်ကွက်အတွင်းက ...တနိုင်တပိုင် ကြေးစားဂေဟာတွေ၊ ကေတီဗီတွေ ဘီယာဆိုင်တွေ မှာ ဌာနဆိုင်ရာ ၀န်ထမ်း ယောက်ျား တချို့ဟာ ... ၄င်းတို့ရဲ့ လစာထက် အဆပေါင်း များစွာသော ငွေများ သုံးဖြုန်း
မကုန်ရာ၊ လုပ်ငန်းရှင်ကြီးငယ်များထံမှာ စပွန်ဆာ ယူရာ ပတ်ဝန်းကျင်ကြီးလည်း ဖြစ်၏။

ဆရာနဲ့ .. တပည့်မ...ဗိုလ်ကြီးနဲ့ ကျွန်မများရဲ့ မရိုးနိုင်သော သမီးရဲ့ ဦး ဇာတ်လမ်းတွေနဲ့ ကိုယ်ရေး ကိုယ်တာ ပြဿနာတွေ ရောပြွန်းရာ ရပ်ဝန်းကြီးပါပဲ....။ တစ်ခါ တလေ .. မြို့မဈေး ကုန်းပေါ်က ဘီယာဆိုင်၊ စားသောက်ဆိုင်များမှာ ... ရုံးယူနီဖောင်းတွေတောင် မလဲနိုင်ကြပဲ သောက်စား ပျော်မြူးနေတဲ့ သမီးနဲ့ ဦးများကို မမြင်ချင်မှ အဆုံး.....။

တစ်လ နှစ်သိန်း မပြည့်တဲ့ လစာနဲ့ Golf Set ထည်လဲ သုံးနေတဲ့ လူတွေလည်း ပေါသဗျ..။

တစ်ပတ်တစ်ခါ လမ်းစရိတ် အကုန်ခံပြန်တဲ့ လစာ ငါးသောင်း ၀န်းကျင်ရတဲ့ စာရေး ၀န်ထမ်းတွေလည်း များသဗျ..။

တခြားနိုင်ငံတွေမှာ မရှိတဲ့ ..ကန်တော့ခံ ပစ္စည်းများ ပြန်ရောင်းတဲ့ ဆိုင်များလည်း အလုပ်ဖြစ်သဗျ..။ ဒီပစ္စည်း ဒီနေ့ရ ... နောက်နေ့ ပြန်ရောင်း ....။ နောက်တစ်ယောက် လာကန်တော့တာ ဒီပစ္စည်းပဲ....။ ဒါတွေလည်း ရှိတယ်ဆိုပဲ....။

ဝန်ထမ်း အိမ်ယာ အများဆုံး မြို့နယ်တွေမှာ ဖွင့်လှစ်ထားတဲ့ ခရိုနီများ စပွန်ဆာပေးရာ ဟိုတယ်များ၊ စားသောက်ဆိုင်များကလည်း လူပြည့်မြဲ..။ စည်ကားမြဲ ဆိုပဲ..။

ဥပါန္တသန္တိ စေတီကြီး ရှိရာ ..၊ လွှတ်တော်သို့ ဦးတည်ရာ ရာဇဌာနီလမ်းမကြီးအား မာဆတ်ဌာနီ လမ်းမကြီးဟု အမည် တွင်သည်အထိ မာဆတ် (အနှိပ်ခန်း) များပေါများသော ပေါင်းလောင်း ရပ် လည်း ထိုလမ်းကြီးဘေးတွင် ရှိ၏ဟု ကြားသိရ၏။

လွှတ်တော်ကြီးနှင့် မလှမ်းမကမ်းတွင် ခရိုနီများ ညဖက် ၀င်ထွက်နိုင်သော ဌာနဆိုင်ရာ ပြည်ထောင်စု ၀န် ကြီး များ၏ အိမ်များ ရှိသည်ဟု ကြားသိရ၏ .။

နေပြည်တော်နှင့် မြို့နယ်များ၏ လူစည်ကားရာ နေရာတွင် အရပ်ဖက် စစ်ဖက်ဆိုင်ရာ အရာရှိကြီးများ၏ သားသမီးများ ပိုင်ဆိုင်သော တိုက်တာ အဆောက်အဦးများ၊ စီးပွားရေးလုပ်ငန်းများ၊ စားသောက်ဆိုင်များ အချက်အချာကျ နေရာယူထားသလို မြန်မာစကား လုံးဝ မတတ်သော လူမျိုးများ ပိုင်ဆိုင်သော စီးပွားရေး လုပ်ငန်းများ ဆိုင်ခန်းများ လူသုံးကုန်ပစ္စည်း လက္ကား ဖြန့်ဖြူးရေး ဆိုင်များလည်း မြို့တည်တည်ပြီးချင်း မျက်လှည့် ပြလိုက်သလို ချက်ချင်း မြောက်ဖက်မှ ဆင်းလာပြီး လာရောက် နေရာယူ တည်ဆောက် ထားသည်လည်း ရှိ၏။


 (မြို့မတည်ခင်ကတည်းက လက်ညိုးထိုး အကွက်ယူထားကြဟန်တူပေသည်)

တချို့က ပြောကြ၏ ထွန်းမြင့်နိုင်နှင့် ရှစ်လုံးရဲ့ အကျိုးပြုမှုဟု..။

-----------------------------------------------------------------------------

ဒါတွေကို ငေးမောအားကျနေသော ... ဆိုင်ကယ် ကယ်ရီသမားကတော့ တွေးနေရှာ၏ ....

ငါ့ဝင်ငွေက သူတို့ လခတွေနဲ့ သိပ်မကွာပေမယ့် ဘာပြုလို့ ....

ငါ့ထက် အဆပေါင်းများစွာ သုံးဖြုံး ပျော်ပါး နေနိုင်နေရသနည်း...။

=============================================

ထိုစာအား ဖတ်ပြီး တွေးမိပါသည်..။

ဒု-သမ္မတ ဒေါက်တာ စိုင်းမောက်ခမ်း ဦးဆောင်သော သမ္မတကြီးရဲ့ လာဘ်ပေးလာဘ်ယူမှု အရေးယူ ဆောင်ရွက်ရေး ကော်မတီ အား အကြံပေးချင်ပါသည်...။

သမ္မတ အိမ်တော်မှ မိုင်ငါးဆယ် ၀န်းကျင်ကိုသာ .. လာဘ်ပေးလာဘ်ယူမှု တိုက်ဖျက်ပါဦး .. လို့ ...။

မြန်မာ တစ်နိုင်ငံလုံးနှင့် ပြည်ထောင်စု အဆင့်အထိ စိတ်မကူးပါနဲ့ဦးလို့ သာ.....။

======================================================
မှတ်ချက် ယခု ဖွဘုတ်ထဲရှိ နေပြည်တော်မှဝန်ထမ်းများ ထိုအချက်များ မှန်မမှန်ကို ကို ဖြေပေးကြစေလိုပါကြောင်း..။ :P

ငရဲ သား(FB) စာမျက်နှာသတင်းမှ

0 comments: