Thursday, March 14, 2013

မူးယစ်ဆေးဝါး အဓိကထုတ်လုပ်တဲ့ နိုင်ငံတွေထဲမှာ မြန်မာနိုင်ငံ ပါဝင်နေဆဲ

 
အမေရိကန် နိုင်ငံခြားရေးဌာနက ၂ဝ၁၃ ခုနှစ်အတွက် နိုင်ငံတကာ မူးယစ်ဆေးဝါး ထိန်းချုပ်မှုဆိုင်ရာ အစီရင်ခံစာကို မတ်လ ၁၂ ရက်နေ့စွဲနဲ့ ထုတ်ပြန်ခဲ့ရာမှာ မြန်မာနိုင်ငံ အပါအဝင် နိုင်ငံ ၂၂ ခုကို ကမ္ဘာပေါ်မှာ မူးယစ်ဆေးဝါး အဓိကထုတ်လုပ် ကူးသန်းရောင်းဝယ်နေ တဲ့ နိုင်ငံတွေအဖြစ် ဖေါ်ပြ ထားပါတယ်။
 
တဆက်တည်းမှာပဲ အဲဒီ ၂၂ နိုင်ငံထဲက မြန်မာ၊ ဘိုလီဗီးယားနဲ့ ဗင်နီဇွဲလား နိုင်ငံတွေအနေနဲ့ ပြီးခဲ့တဲ့ နှစ်အတွင်း မူးယစ်ဆေးဝါး တိုက်ဖျက်ရေးကို ထိထိရောက်ရောက် မဆောင်ရွက် နိုင်ခဲ့ပေမယ့် ဒီနိုင်ငံတွေရဲ့ မူးယစ် ပပျောက်ရေး လုပ်ငန်းတွေဟာ အမေရိကန်ပြည်ထောင်စုရဲ့ အကျိုးစီးပွားအတွက် အရေးကြီးတာကြောင့် လက်ရှိ ပူးတွဲလုပ်ဆောင်နေတဲ့ လုပ်ငန်းတွေကို ဆက်လက် ကူညီပံ့ပိုးမယ်လို့  ဆိုပါတယ်။
 
ဘိန်း၊ ဘိန်းဖြူနဲ့ စိတ်ကြွ ဆေးဝါးတွေကို ထိုင်းနဲ့ လာအိုနိုင်ငံတွေနဲ့ နယ်နိမိတ်ချင်း ဆက်စပ်ရာ မြန်မာပြည်တွင်း ဒေသတွေမှာ အဓိက ထုတ်လုပ်နေတာဖြစ်ပြီး ထုတ်လုပ်မှု ပမာဏ ဆက်တိုက် တိုးလာနေတာ ၆ နှစ် ရှိပြီဖြစ်ကြောင်း၊ မြန်မာအစိုးရဟာ အဲဒီဒေသတွေကို ထိန်းချုပ်ထားတဲ့ တိုင်းရင်းသား လက်နက်ကိုင် အဖွဲ့အစည်းတွေနဲ့ အဆင်ပြေလိုတဲ့အတွက် အပြန်အလှန်အားဖြင့် မူးယစ်ဆေးဝါး ထုတ်လုပ် နေကြတာကို ဥပက္ခာပြုထားကြောင်း စသဖြင့် အမေရိကန် နိုင်ငံခြားရေးဌာနရဲ့ မူးယစ်ဆေးဝါး တိုက်ဖျက်ရေး အစီရင်ခံစာမှာ ဖေါ်ပြထားပါတယ်။
 

Copy from - RFA Burmese

0 comments: