Sunday, March 10, 2013

၈၈မျိုးဆက်တွေရဲ့ ချင်းပြည်နယ်ခရီးစဉ်မှာ နှောက်ယှက်မှုတွေရှိ

 
မတ် ၁၀ ၊၂၀၁၃
ချင်းပြည်နယ်မှာ ပွင့်လင်း လူ့အဖွဲ့အစည်း ခရီးစဉ်အဖြစ် ရောက်နေကြတဲ့ ၈၈မျိုးဆက် ကျောင်းသားတွေရဲ့ ဟောပြောပွဲ တစ်ချို့ကို ဒေသဆိုင်ရာ အာဏာပိုင်တွေက ပိတ်ပင် တားဆီးတာတွေ ရှိခဲ့တယ်လို့ ၈၈မျိုးဆက်ကျောင်းသား ခေါင်းဆောင်တွေက မတ်လ ၉ ရက် နေ့မှာ ပြောပါတယ်။

ဖလန်းမြို့၊ ကလေးမြို့တို့မှာ ဟောပြောပွဲ ပိတ်ပင် တားဆီးခံခဲ့ရတဲ့ အခြေအနေနဲ့ ပတ်သက်ပြီး ၈၈မျိုးဆက်ကျောင်းသူ မမီးမီးက အခုလို ပြောပါတယ်။

“ဖလန်းမှာ၊ တီးတိန်မှာရော ရိခေါဒါရ်မှာရော ဟောပြောမည့် နေရာတွေက ဟောပြောခွင့်ကို ခွင့်ပြုမိန့်မရဘူး၊ စီစဉ်ပြီးသား ဖြစ်တဲ့အတွက် ဒေသခံတွေကတော့ အိမ်တစ်အိမ်မှာ စီစဉ်လိုက်တာမျိုးတွေရှိတယ်
လုံခြုံရေးအရ ခွင့်မပြုနိုင်ဘူး ဆိုပြီးမှ သူတို့ဘာသာ အကြောင်းပြတယ်၊ ဌာနဆိုင်ရာ ဝန်ထမ်းတွေ ဒီဟောပြောပွဲကို မတက်ရောက်ရဘူးဆိုတဲ့ နှုတ်နဲ့ လှမ်းပြီးတော့ တားတာတွေကြားရတယ် ”

ချင်းပြည်နယ် ဖလန်းမြို့က မြို့နယ်ခန်းမမှာ ဟောပြောပွဲလုပ်ဖို့ ရည်ရွယ်ထားပေမယ့် အာဏာပိုင်တွေရဲ့ ပိတ်ပင်မှုကြောင့် ဖလန်းမြို့ပေါ်က ခရစ်ယာန် ဘုရားကျောင်းတစ်ခုမှာ လုပ်ခဲ့ရတယ်လို့ သိရပါတယ်။ဟားခါးမြို့မှာတော့ ဟောပြောမယ့်နေရာ အခုထိအဆင် မပြေသေးဘူးလို့ မမီးမီးက ပြောပါတယ်။ ၈၈မျိုးဆက်ခေါင်းဆောင်တွေဟာ ချင်းပြည်နယ် ခရီးစဉ်ကို မတ်လ ၅ ရက်နေ့ စတင်ခဲ့တာ ဖြစ်ပါတယ်။

Sa Maung(FB)သတင်းစာမျက်နှာမှ

0 comments: