Tuesday, February 26, 2013

စစ်ပြေးဒုက္ခသည်တွေကို ကူညီမယ့် ICRC ကြက်ခြေနီ ကား ၃ စီး လှည့်ပြန်ရ

laiza-refugees-camp305
KIO စစ်ဌာနချုပ်တည်ရှိရာ လိုင်ဇာမြို့အနီးက ဒုက္ခသည်စခန်းတစ်ခုကို တွေ့ရစဉ်
Photo : RFA/ Nyein Nyein Pyae
 
ကချင်လွတ်မြောက်ရေးတပ်ဖွဲ့ (ကေအိုင်အေ) ဌာနချုပ်ရှိတဲ့ ကချင်ပြည်နယ် လိုင်ဇာမြို့အနီးက စစ်ပြေးဒုက္ခသည် စခန်းတွေအတွက် ဆေးဝါးနဲ့ ရိက္ခာပစ္စည်းတွေ သယ်ဆောင်လာတဲ့ နိုင်ငံတကာ ကြက်ခြေနီအဖွဲ့ ICRC ကား ၃ စီးကို ဒေသခံ အစိုးရတပ်တွေက တားဆီးတာကြောင့် အဲဒီကားတွေ နောက်ကြောင်းပြန်လှည့်ခဲ့ရတယ်လို့ ကချင်ဒုက္ခသည် စခန်းတာဝန်ခံတွေက ဒီကနေ့ ဖေဖေါ်ဝါရီလ ၂၄ ရက်နေ့မှာ ပြောပါတယ်။
 
လိုင်ဇာမြို့အ၀င် မိုးနဲချောင်းကို ဖြတ်ဆောက်ထားတဲ့ တံတားအနီးမှာ ကေအိုင်အေတပ်တွေက ထောင်ထားတဲ့ မိုင်းတွေရှိတာကြောင့် အဲဒီတ၀ိုက်မှာရှိတဲ့ အစိုးရတပ် ခလရ ၂၄၀ က လုံခြုံရေးတာဝန် မယူပေးနိုင်ဘူးလို့ ပြောခဲ့တယ်လို့ ဆိုပါတယ်။
ဒီကိစ္စနဲ့ ပတ်သက်ပြီး ကေအိုင်အိုအဖွဲ့က အဲဒီနေရာမှာ သူတို့ထောင်ထားတဲ့ မိုင်းတွေမရှိကြောင်း ငြင်းဆိုပါတယ်။
 
လှည့်ပြန်သွားတဲ့ ICRC ကား ၃ စီးမှာ နိုင်ငံခြားသား ၃ ဦးအပါအ၀င် စုစုပေါင်း ၉ ဦးပါတယ်လို့သိရပြီး၊ အခုလို ICRC ကားတွေ လှည့်ပြန်သွားတာနဲ့ ပတ်သက်ပြီး ရန်ကုန်အခြေစိုက် ICRC ရုံးကို ဆက်သွယ်မေးမြန်းရာမှာ ဒီကနေ့ ရုံးပိတ်ရက်ဖြစ်တာကြောင့် ဖြေကြားခွင့်ရှိသူတွေ ရုံးကိုမလာကြောင်း ပြောပါတယ်။
 
Copy from - rfa.org/

0 comments: