ကချင်ပြည်နယ်၊ ကေအိုင်အို ဌာနချုပ်တည်ရှိတဲ့ လိုင်ဇာမြို့အထိ ချီတက်ကြမယ့် ငြိမ်းချမ်းရေး လမ်းလျှောက်သူတွေအဖွဲ့ ဟာ ဖေဖေါ်ဝါရီလ ၁၁ ရက်နေ့ ဒီကနေ့ နေ့လည်ပိုင်း မှာ မန္တလေးမြို့ကို ရောက်ရှိ နေပြီဖြစ်ပါတယ်။
ငြိမ်းချမ်းရေးအတွက် လမ်းလျှောက်သူတွေကို မန္တလေးမြို့ခံ ကချင် တိုင်းရင်းသားတွေနဲ့ မြို့ခံတွေအပြင် မန္တလေး အမျိုးသားဒီမိုကရေစီအဖွဲ့ချုပ် NLD နဲ့ ငြိမ်းချမ်းရေး မြတ်နိုးသူများအဖွဲ့က မြို့အ၀င် တံခွန်တိုင် အ၀ိုင်းကနေ ကြိုဆိုခဲ့ကြပါတယ်။
ဒီလိုမန္တလေးကို ရောက်လာတာဟာ ခရီးစဉ် တ၀က်ကို ရောက်နေပြီဖြစ်တယ်လို့ လမ်းလျှောက်သူတွေကို အဓိက ဦးဆောင်သူ တစ်ဦးဖြစ်တဲ့ ကိုအောင်မင်းနိုင်က RFA ကို ပြောပါတယ်။
အဲဒီအဖွဲ့ဟာ မနေ့က ပုလိပ်မြို့ မူလငါးဆူကျောင်းတိုက်မှာ တည်းခိုခဲ့ကြပြီး မန္တလေးမြို့ကို မနက်ပိုင်းက ဆက်လက် ထွက်ခွာလာတာဖြစ်ပါတယ်။ သူတို့ဟာ မနက်ဖြန် မန္တလေးမြို့မှာ နယ်မြေခံ နိုင်ငံရေး အဖွဲ့အစည်းတွေက ကျင်းပမယ့် ပြည်ထောင်စုနေ့ အခမ်းအနားကို တတ်ရောက်ကြမှာ ဖြစ်ပြီး ဖေဖော်ဝါရီလ ၁၄ ရက်နေ့မှာ ဆက်လက် ခရီးဆက်ထွက်ခွာမယ်လို့ ပြောပါတယ်။
Copy from - rfa.org/
0 comments:
Post a Comment