Thursday, January 3, 2013

ထိုးစစ် မရပ်ပါက နောက်ဆက် ဆိုးကျိုးအားလုံး အာဏာရ အစိုးရနှင့် တပ်မတော် တာဝန်သာဖြစ်

ကချင်အား ထိုးစစ်ဆင်ခြင်းသည် တိုင်းရင်းသားအားလုံးကို ချေမှုန်းရန် ဦးတည်နေခြင်းဟု UNFC ပြော
ဇန်န၀ါရီလ ၃ရက်၊ ၂၀၁၃ခုနှစ်။ စဖန်းရှောင်း (ကေအိုင်စီ)

ကချင်ဒေသအား ထိုးစစ်ဆင်ခြင်းသည် တိုင်းရင်းသားအားလုံးကို ချေမှုန်းရန် ဦးတည်နေခြင်းဖြစ်သည်ဟု ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC မှ ယနေ့ ပြောကြားလိုက်သည်။

UNFC အထွေထွေအတွင်းရေးမှူး နိုင်ဟံသာက “ကချင်ကို တိုက်နေတာဟာ UNFC အဖွဲ့ဝင် တိုင်းရင်းသားတွေအားလုံးက ခံစား ချက် မကောင်းဘူး။ ဒါဟာ အခြားတိုင်းရင်းသားအဖွဲ့တွေကို ချေမှုန်းတာနဲ့ တူတယ်။ ဒါကြောင့် ထိုးစစ်ဆင်တာကို ရပ်တန့်ပေးဖို့ အစိုးရကို အားလုံးက တောင်းဆိုနေကြတယ်”ဟု ကေအိုင်စီသို့ ပြောသည်။

မြန်မာအစိုးရတပ်များအနေဖြင့် ကချင်ဒေသထိုးစစ်အား မရပ်တန့်ဘဲ ဆက်လက်ထိုးစစ်ဆင်နေပါက UNFC အဖွဲ့ဝင်များအနေ ဖြင့် အစိုးရအပေါ် နိုင်ငံရေးအရသော်လည်းကောင်း၊ စစ်ရေးအရသော်လည်း ရှေ့ဆက် မည်သို့ သဘောထားရှိရမည်များကို ပြန် လည်သုံးသပ်ရန် သဘောတူညီထားမှုများရှိသည်ဟု နိုင်ဟံသာက ဆက်ပြောသည်။

ကချင်ဒေသအား အစိုးရစစ်တပ်၏ ထိုးစစ်ဆင်တိုက်ခိုက်နေမှုတွင် KIO ဌာနချုပ် လိုင်ဇာမြို့ကို သိမ်းပိုင်နိုင်ရန် လိုင်ဇာမြို့တစ် ၀ိုက်ရှိ လဂျားယန်နှင့် နာမ်ဆန်ယန်ရွာအနီး ကချင်လွတ်မြောက်ရေးတပ်မတော်-KIA တပ်စခန်းများကို (၁၀၅)၊ (၁၂၀)မမ လက် နက်ကြီးများဖြင့် ပစ်ခတ်သည့်အပြင် ဂျက်တိုက်လေယာဉ်၊ စစ်သုံးရဟတ်ယာဉ်များကို အသုံးပြုနေခြင်းအပေါ် အပြင်းအထန် ရှုတ်ချကြောင်းလည်း ဇန်န၀ါရီလ ၁ရက်နေ့က UNFC မှ ကြေညာချက် ထုတ်ပြန်ထားသည်။

၂၀၁၂ခုနှစ်၊ နိုဝင်ဘာလ ၉ရက်နေ့က မြန်မာအစိုးရ ငြိမ်းချမ်းရေးအကျိုးတော်ဆောင်ပုဂ္ဂိုလ်များနှင့် UNFC ကိုယ်စားလှယ်များအ ကြား တွေ့ဆုံဆွေးနွေးခဲ့ရာတွင် နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရန် သဘောတူညီခဲ့ကြသော်လည်း လက်ရှိ ကချင်ထိုးစစ်ကို ကြည့်ပါက အစိုးရအနေဖြင့် အပြောတမျိုး အလုပ်တမျိုးဖြစ်နေသည်ဟု ၎င်းကြေညာချက်က ဆိုသည်။

မြန်မာအစိုးရအနေဖြင့် တိုင်းရင်းသားများအပေါ် ထားရှိသော သဘောထားများကို ပြောင်းလဲရန် အချိန်တန်ပြီဖြစ်ကြောင်းနှင့် လက်ရှိ အခြေအနေအတိုင်း ဆက်သွားပါက ကချင်ထိုးစစ်အပြီးတွင် အခြားတိုင်းရင်းသားဒေသများသို့ ဦးလှည့်သွားနိုင်ဖွယ်ရှိ ကြောင်းလည်း နိုင်ဟံသာက ဆက်လက်၍ မှတ်ချက်ချပြောဆိုခဲ့သည်။

သူက “အစိုးရက ဒီအတိုင်း ဆက်သွားနေမယ်ဆိုရင် ကချင်ကို တိုက်ပြီးရင် ကချင်ပြည်နယ်နဲ့ ထိစပ်နေတဲ့ သျှမ်းဒေသဘက်ကို လည်း အဦးဆုံး ၀င်ရောက်တိုက်ခိုက်နိုင်ဖွယ်ရှိတယ်။ ဒါကြောင့် ကချင်ကိစ္စကြည့်ပြီး ကျနော်တို့ ဘယ်လိုလုပ်သွားမလဲဆိုတာ အဖွဲ့ဝင်အားလုံးခေါင်းချင်းဆိုင်ပြီး ဆွေးနွေးသွားမယ်”ဟု ဆိုသည်။

ထို့အပြင် တိုင်းရင်းသားများဖြင့် စုပေါင်းနေထိုင်သော နိုင်ငံတွင် အာဏာရလူတစ်စုမှ တိုင်းရင်းသားများအပေါ် နှစ်ပေါင်း ၆၀ ကျော်ကြာ စစ်ရေးဖြင့် ဖိနှိပ်ဝါးမြို၍ ကျွန်ပြုလိုခြင်းသည် မိုက်မဲသောလုပ်ရပ်ဖြစ်ပြီး လတ်တလော ဖြစ်ပေါ်နေသော ထိုးစစ်ဆင် နေမှုကို မရပ်တန့်ပါက နောင်ဖြစ်လာမည့် အကျိုးဆက်အားလုံးသည် အစိုးရနှင့် ဗမာ့တပ်မတော်၏ တာဝန်ပင်ဖြစ်ကြောင်း UNFC ၏ ကြေညာချက်တွင် ထောက်ပြထားသည်။

UNFC ကို ၂၀၁၁ခုနှစ်၊ ဖေဖော်ဝါရီလက စတင် ဖွဲ့စည်းခဲ့ပြီး တိုင်းရင်းသားလက်နက်ကိုင်အဖွဲ့ ၁၂ဖွဲ့ဖြင့် ဖွဲ့စည်းထားပြီး အမာခံ အဖွဲ့ဝင်များအဖြစ် ကရင်နီအမျိုးသားတိုးတက်ရေးပါတီ-KNPP၊ ချင်းအမျိုးသားတပ်ဦး-CNF၊ ကချင်လွတ်မြောက်ရေးအဖွဲ့-KIO၊ ကရင်အမျိုးသားအစည်းအရုံး-KNU၊ မွန်ပြည်သစ်ပါတီ-NMSP နှင့် သျှမ်းပြည်တိုးတက်ရေးပါတီ/သျှမ်းပြည်တပ်မတော်-SSPP/SSA တို့ ဖြစ်ကြသည်။

ဆက်စပ်အဖွဲ့များအဖြစ် ပလောင်ပြည်နယ် လွတ်မြောက်ရေးတပ်ဦး-PSLF၊ လားဟူဒီမိုကရက်တစ်သမဂ္ဂ LDU၊ ညီညွတ်သော ရခိုင်အမျိုးသားပါတီ-NUPA၊ (၀) အမျိုးသား အဖွဲ့ချုပ်-WNO၊ ပအိုဝ်းအမျိုးသားလွတ်မြောက်ရေးအဖွဲ့ PNLO နှင့် ကချင်အမျိုး သားအဖွဲ့-KNO တို့ ပါဝင်ကြသည်။
 
ကချင်ပြည်နယ်အတွင်း အစိုးရတပ်မှ ကြည်းတပ်၊ လေတပ် အင်အား (၂) ရပ်သုံး၍ ပြင်းထန်သည့် ထိုးစစ် ဆင်နေခြင်းအပေါ် တိုင်းရင်းသား (၁၁) ဖွဲ့ ပါဝင်သည့် ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ UNFC က ကန့်ကွက် ရှုံ့ချကြောင်း ယမန်နေ့က ကြေညာချက် ထုတ်ပြန် လိုက်သည်။

ထိုးစစ်များ ရပ်တန့်ခြင်း မရှိပါက နောင်တွင်ဖြစ်ပေါ်လာမည့် ဆိုးကျိုးများသည် အာဏာရ အစိုးရနှင့် ဗမာ့တပ်မတော်၏ တာဝန်သာဖြစ်ကြောင်း UNFC အထွေထွေ အတွင်းရေးမှူး နိုင်ဟံသာက ရွှေဟင်္သာ သတင်းဌာနသို့ အခုလို ပြောဆိုသည်။

“အစိုးရတပ်ဖွဲ့ တွေကနေပြီးတော့ KIA အပေါ် ထိုးစစ်ဆင်နေ တာတွေကို မြင်ရတော့ ကျနော်တို့ UNFC အနေနဲ့ စဉ်းစားစရာ ဖြစ်လာတယ်။

အဲဒီတော့ ထိုးစစ် ဆင်နေတာကို အလျင်အမြန် ရပ်တန့်ဖို့ တောင်းဆိုတယ်၊ တဆက်တည်းပဲ ပြောချင်တာက အကယ်၍ မရပ်တန့်ပဲ ဆက်လက်တိုက်ခိုက် နေမယ်ဆိုရင် နောင်ဖြစ်ပေါ် လာမယ့် ဆိုးကျိုးတွေကို အစိုးရ နဲ့ ဗမာ့ တပ်မတော်မှာပဲ တာဝန် ရှိတယ်လို့ ဒီလို ပြောချင် ပါတယ်”

ထို့အပြင် ကချင်ပြည် ထိုးစစ်နှင့် ပတ်သက်၍ UNFC အဖွဲ့အတွင်း သက်ဆိုင်ရာ အဖွဲ့အလိုက် ပြန်လည် သုံးသပ်ခဲ့သလို အဖွဲ့ဝင်အားလုံးမှ တညီတညွတ်တည်း သဘောတူချက်အရ ကချင်ပြည်လွတ်လပ်ရေး တပ်မတော် (KIA)အား ထိုးစစ်ဆင် တိုက်ခိုက် နေမှုများ “အလျင်အမြန် ” ရပ်တန့် ပေးရန် တောင်းဆို လိုက်ခြင်း ဖြစ်ကြောင်း သိရသည်။

ကချင်ပြည်လွတ်လပ်ရေးအဖွဲ့ KIO/KIA ဌာနချုပ်တည်ရှိရာ လိုင်ဇာမြို့အား အကာအကွယ် ပေးထားသည့် လဂျားယန်နှင့် နမ်ဆန်ယန်ရွာအနီးရှိ (KIA) တပ်စခန်းများကို အစိုးရတပ်ဖွဲ့မှ ၂၀၁၂ ခုနှစ် ဒီဇင်ဘာလ နောက်ဆုံး အပတ်က စတင်၍ ဂျက်တိုက် လေယာဉ်ဖြင့် ဗုံးကျဲခြင်း၊ ၁၀၅ မမ ဟော်ဝစ်ဇာ လက်နက်ကြီး များဖြင့် ရက်သတ္တ တစ်ပတ်ခန့် ပြင်းပြင်းထန်ထန် ပစ်ခတ်တိုက်ခိုက် နေခြင်းကို သုံးသပ်၍ ကြေညာချက် ထုတ်ပြန် လိုက်ခြင်း ဖြစ်သည်။

နိုင်ငံရေး ပြဿနာကို နိုင်ငံရေးနည်းဖြင့် ဖြေရှင်းသွားရန် ယမန်နှစ် နိုဝင်ဘာလ (၉) ရက်နေ့က UNFC အဖွဲ့နှင့် ဦးအောင်မင်းတို့ တွေ့ဆုံစဉ် သဘောတူ ထားသော်လည်း ယခုကဲ့သို့ ကချင် KIA အပေါ် ပြင်းထန်စွာ တိုက်ခိုက် လာသည့် အပေါ်အစိုးရ ဘက်မှ အပြောတမျိုး အလုပ်တမျိုး မရိုးသားသည့် သဘောကို ဖော်ပြ နေသည်ဟုလည်း ကြေငြာ ချက်၌ ဖော်ပြထားသည်။

အလားတူ လက်ရှိ အနေအထားအရ အစိုးရ အဖွဲ့၏ ပြောဆို ဆွေးနွေးချက်နှင့် လက်တွေ့ လုပ်ရပ်သည် ပြည်တွင်း ငြိမ်းချမ်းရေး ဘက်သို့ ဦးတည် နေခြင်း မဟုတ်ဟု မြင်မိကြောင်း ၄င်းတို့မှ သုံးသပ်ထားသည်။

ထို့အပြင် ပြည်တွင်း၌ အနှစ် (၆၀) ကျော် ဖြစ်ပွါးနေသည့် တိုင်းရင်းသား ပြဿနာများကို လက်နက် အားကိုးပြီး အစိုးရ အဆက်ဆက်က ဖြေရှင်း ခဲ့သော်လည်း မပြေလည်ရုံမက တိုင်းပြည် ခေတ်နောက်ကျကာ ပြည်သူများ ဒုက္ခ ရောက်နေသည်ကို သင်ခန်းစာ မယူပဲ စစ်ရေး နည်းလမ်းဖြင့် ထပ်မံ



ဖြေရှင်း နေခြင်းသည် အလွန်မိုက်မဲသော လုပ်ရပ် ဖြစ်ကြောင်းလည်း ကြေငြာချက်က ထောက်ပြ ထားသည်။

အစိုးရနှင့် နိုင်ငံရေး ပြဿနာကို နိုင်ငံရေး နည်းလမ်း အရ တွေ့ဆုံ ဖြေရှင်းရေး သဘော တူညီ ချက်ကို မပျက်ပြားစေလို၍ UNFC ဘက်မှ စိတ်ရှည်စွာ ထိမ်းသိမ်း လုပ်ဆောင် နေခဲ့ကြောင်းနှင့် အတိုင်းအတာ တခုအထိ စောင့်ကြည့်လာရာမှ ယခု အတိအလင်း ထုတ်ပြန်တောင်းဆိုခြင်း ဖြစ်ကြောင်း နိုင်ဟံသာက ဆိုသည်။

UNFC အဖွဲ့အား ကချင်ပြည်လွတ်လပ်ရေးအဖွဲ့(KIO)၊ ရှမ်းပြည်တိုး တက်ရေးပါတီ (SSPP)၊ ကရင်အမျိုးသား အစည်းအရုံး(KNU)၊ ကရင်နီပြည် တိုးတက်ရေးပါတီ (KNPP)၊ မွန်ပြည်သစ်ပါတီ (NMSP)၊ ချင်းအမျိုးသား တပ်ဦး (CNF)၊ ပလောင်ပြည်နယ် လွတ်မြောက်ရေး တပ်ဦး (PSLF)၊ လားဟူဒီမိုကရက်တစ် သမဂ္ဂ (LDU)၊ ညီညွတ်သော ရခိုင်အမျိုးသားပါတီ (NUPA)၊ (၀) အမျိုးသား အဖွဲ့ချုပ် (WNO)၊ ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) စသည့်တို့ဖြင့် ဖွဲ့စည်းထားခြင်း ဖြစ်သည်။

သတင်းရင်းမြစ် - ရွှေဟင်္သာ သတင်းဌာန




0 comments: