Wednesday, January 23, 2013

မြန်မာနိုင်ငံမှာ လူ ၁၀၀ တွင် ၂၆ ဦး ဆင်းရဲ

တိုင်းပြည်မှာ သဘာဝအရင်းအမြစ်တွေ မြေပေါ်မြေအောက် သံယာဇတတွေ ရေနံ သဘာဝဓါတ်ငွေ့တွေ ဒုတိယကမ္ဘာစစ်အပြီး အရှေ့တောင် အာရှမှာ ဖွံ့ဖြိုးမှုအလားအလာ အရှိဆုံးနိုင်ငံဟာ ယနေ့????
ချောင်းသာကမ်းခြေအနီးရှိ တံငါရွာမှ ကလေးငယ်များကို တွေ့ရစဉ်
 
ပြည်ထောင်စု၏ ပျမ်းမျှ ဆင်းရဲနွမ်းပါးမှုမှာ လူ ၁၀၀ တွင် ၂၆ ဦး ဆင်းရဲနေပြီး ပျမ်းမျှ အလုပ်လက်မဲ့ ရာခိုင်နှုန်းမှာ လူဦးရေ၏ ၄၀ ရာခိုင်နှုန်း နီးပါးရှိနေကြောင်း ပြည်သူ့လွှတ်တော်၊ စီမံကိန်းများနှင့် ဘဏ္ဍာရေး ဖွံ့ဖြိုးတိုးတက်ရေး ကော်မတီဥက္ကဋ္ဌ ပြောကြား

ပြည်ထောင်စု၏ ပျမ်းမျှ ဆင်းရဲ နွမ်းပါးမှုမှာ လူ ၁၀၀ တွင် ၂၆ ဦး ဆင်းရဲနေပြီး ပျမ်းမျှ အလုပ်လက်မဲ့ ရာခိုင်နှုန်းမှာ လူဦးရေ၏ ၄၀ ရာခိုင်နှုန်းနီးပါး ရှိနေကြောင်း ပြည်သူ့လွှတ်တော်၊စီမံကိန်းများနှင့် ဘဏ္ဍာရေး ဖွံ့ဖြိုးတိုးတက်ရေးကော်မတီ ဥက္ကဋ္ဌ ဦးစိုး သာက ဇန်န၀ါရီလ ၁၇ ရက်နေ့တွင် ပြောကြားခဲ့သည်။

ပြည်သူ့လွှတ်တော်၊ စီမံကိန်းများနှင့် ဘဏ္ဍာရေးဖွံ့ဖြိုးတိုးတက်ရေး ကော်မတီ၊ဥက္ကဋ္ဌ ဦးစိုးသာက'' မြန်မာနိုင်ငံ အိမ်ထောင်စု စားဝတ်နေရေး အခြေအနေ ဘက်စုံလေ့လာမှု မှတ် တမ်းဆိုပြီး ရှိပါတယ်။ အဲဒီမှာ တစ်ပြည်လုံးရဲ့ ဆင်းရဲနွမ်းပါးမှုနှုန်းက ၂၆ ရာခိုင်နှုန်း ရှိပါတယ်။ ဆိုလိုတာက လူ ၁၀၀ ရှိရင် ၂၆ ဦးက ဆင်းရဲတဲ့ အပိုင်းမှာ ရောက်နေတယ်လို့ ဆိုလိုခြင်းဖြစ်ပါတယ်။ ချင်းပြည်နယ်က ၇၃ ရာခိုင်နှုန်း ဖြစ်ပါတယ်။ရခိုင်က ၄၄ ရာခိုင်နှုန်း ဖြစ်ပါတယ်။ ရှမ်းက ၃၃ ပါ။ ကချင်ပြည်နယ်က ၂၉ ရာခိုင်နှုန်း၊ ကရင် ၁၇ ရာခိုင်နှုန်း၊ မွန် ၁၆ ရာခိုင်နှုန်း၊ကယား ၁၁ ရာခိုင်နှုန်း၊ တနင်္သာရီ ၃၃ ရာခိုင်နှုန်း၊ဧရာဝတီ ၃၂ ရာခိုင်နှုန်း၊မကွေး ၂၇ ရာခိုင်နှုန်း၊မန္တလေး ၂၇ ရာခိုင်နှုန်း၊ပဲခူး ၁၈ ရာခိုင်နှုန်း၊ရန်ကုန် ၁၆ ရာခိုင်နှုန်း၊စစ်ကိုင်း ၁၅ ရာခိုင်နှုန်း ဖြစ်ကြပါတယ်။ ဒီစစ်တမ်းအရ ပြည်နယ်လေးခု၊ တိုင်းလေးတိုင်းက Poverty Line အထက်တွင် ရှိနေတာတွေ့ရပြီး ချင်းပြည်နယ်၊ ရခိုင်ပြည်နယ်နဲ့ ရှမ်းပြည်နယ်တို့ဟာ ပြည်နယ်တိုင်း ဒေသကြီးတွေထဲမှာ ဆင်ရဲနွမ်းပါးမှု အမြင့်ဆုံး ပြည်နယ်များ ဖြစ်နေတာကို တွေ့ရပါတယ်။ ဆင်းရဲမွဲတေမှု

လျော့ပါးရေးကို စီမံကိန်းဖြင့် မလွဲမသေ အလေးထားဆောင်ရွက်ကြရမှာ ဖြစ်ပါတယ်။ ဆင်းရဲနွမ်းပါးမှုနဲ့ စပ်လျဉ်းပြီး နိုင်ငံတော်အစိုးရရဲ့ ရည်မှန်းချက်က ၂၀၁၅ ခုနှစ်မှာ ၁၆ ရာခိုင်နှုန်း လျော့ချရန် ရည်မှန်းထားတယ်လို့ သိရပါတယ်။ ဆင်းရဲနွမ်းပါးမှု မြင့်မားနေသော ပြည်နယ်နဲ့ တိုင်းများကို ဆင်းရဲနွမ်းပါးမှု Poverty လိုင်းအောက် ရောက်ရှိအောင် ဆောင်ရွက် ပေးဖို့ လိုအပ်မှာပါ''ဟု ပြောခဲ့သည်။

ဆက်လက်၍ ၎င်းက''ဆင်းရဲ နွမ်းပါးမှုဟာ အလုပ်လက်မဲ့နှုန်းနဲ့လည်း ဆက်စပ်ပါတယ်။ ဘက်စုံ လေ့လာမှု စစ်တမ်းအရ တစ်ပြည်လုံးမှာ အလုပ်လက်မဲ့မှု နှုန်းထားအနေဖြင့် ၃၇ ဒဿမ ၅ ရာခိုင်နှုန်း ရှိနေပါတယ်။ပြည်နယ်နှင့် တိုင်းအလိုက် ကြည့်မယ်ဆိုရင် ကယား ၅၈ ဒသမ ၅ ရာခိုင်နှုန်း၊ ကရင် ၄၉ ဒသမ ၉ ရာခိုင်နှုန်း၊ ကချင်၄၈ ဒသမ ၂ ရာခိုင်နှုန်း၊ ချင်း ၄၇ ဒသမ ၉ ရာခိုင်နှုန်း၊ ရခိုင် ၄၃ ဒသမ၅ ရာခိုင်နှုန်း၊ရှမ်း ၄၁ ဒသမ ၄ ရာခိုင်နှုန်း၊ မွန် ၃၉ ဒသမ ၁ ရာခိုင်နှုန်း၊စစ်ကိုင်း၄၄ ဒသမ ၉ ရာခိုင်နှုန်း၊ မကွေး ၄၃ ဒသမ ၄ ရာခိုင်နှုန်း၊တနင်္သာရီ ၃၇ ဒသမ ၁ ရာခိုင်နှုန်း၊ ဧရာဝတီ ၃၃ ဒသမ ၃ ရာခိုင်နှုန်း၊ ရန်ကုန် ၃၃ ဒသမ ၃ ရာခိုင်နှုန်း၊ ပဲခူး ၃၁ ဒသမ ၅ ရာ ခိုင်နှုန်း၊မန္တလေး ၂၉ ဒသမ ၇ ရာ ခိုင်နှုန်း တို့ဖြစ်ပါတယ်။ ဒီမှာကြည့်ရင် ပြည်နယ်အားလုံးရဲ့ အလုပ်လက်မဲ့နှုန်းဟာ ပျမ်းမျှ အလုပ်လက်မဲ့နှုန်းထက် များနေတာကို တွေ့ရပါတယ်။တိုင်းခုနစ်တိုင်းမှာတော့ စစ်ကိုင်းတိုင်းနဲ့ မကွေးတိုင်းဒေသကြီးနှစ်ခုတွင်သာ ပျမ်းမျှ အလုပ်လက်မဲ့နှုန်းအထက်မှာရှိပြီး ကျန်ငါးတိုင်းဟာ ပျမ်းမျှ အလုပ်လက်မဲ့နှုန်းထက် လျော့နေတာတွေ့ရပါတယ်။ အထူးသဖြင့် အလုပ်လက်မဲ့နှုန်းမြင့်နေသော ကယား၊ ကရင်၊ ကချင်၊ ချင်း၊ ရခိုင်၊ ရှမ်းနဲ့ စစ်ကိုင်းတိုင်းနဲ့ မန္တလေးတိုင်းဒေသကြီးတို့မှာ နိုင်ငံတော်မှ အလုပ်အကိုင် အခွင့်အလမ်းများ ပိုမိုဖန်တီးပေးရန် လိုအပ်မှာ ဖြစ်ပါတယ်။ ထိုပြည်နယ်နဲ့ တိုင်းဒေသကြီးများမှာ အလုပ်အကိုင်များ ပိုမိုပေါ်ပေါက်လာစေရန် စီမံကိန်းသစ်များ၊ လုပ်ငန်းအစီအစဉ်များ ထည့်သွင်းရေး ဆွဲပေးရန် လိုအပ်မှာ ဖြစ်ပါတယ်။ သို့မှသာ တိုင်းဒေသကြီးနဲ့ ပြည်နယ်များတွင် အလုပ်အကိုင် အခွင့်အလမ်းသစ်များ ပေါ်ပေါက်လာပြီး ပြည်သူများ၏ ၀င်ငွေပိုမိုရရှိလာမှသာ လူမှု ဘ၀ဖွံ့ဖြိုးမျှတလာမှာ ဖြစ်ပါတယ်''ဟု သုံးသပ် ပြောကြားခဲ့သည်။

ချောင်းသာကမ်းခြေအနီးရှိ တံငါရွာမှ ကလေးငယ်များကို တွေ့ရစဉ်

Copy from - Eleven Media Group

0 comments: