Sunday, December 30, 2012

ကချင်စစ်ပွဲရပ်ပါ



ကချင်ဒုက္ခသည်ညီအကို ဓါတ်ပုံလေးဟာ ကျနော့်ရင်ထဲ နာကျင် ထိခိုက်လှပါတယ်။

ရွှေကြယ်ငွေကြယ် ပုခုံးထက်တင်ထားကြသူတွေ၊ ခေါင်းပေါင်းတွေ တိုက်ပုံတွေတကားကားနဲ့လွှတ်တော်ထဲက လူတွေ လွှတ်တော် ပြင်ပကလူတွေ အားလုံး အာဏာကိုင်အုပ်စုတွေ အားလုံးကို
 ကြီးမားစွာ အရှက်ရစေပါတယ်။

တိုင်းရင်းသား ခလေးငယ်တွေ ဒုက္ခအကြီးအကျယ်ရောက်ပြီး
ပြည်တွင်းဖြစ် စစ်ကိုရှောင်နေကြရတာ တပ်မတော်ရဲ့
အောင်ပွဲ မဟုတ်ပါဘူး။

နိုင်ငံမှာ ငြိမ်းချမ်းရေး မရှိသရွေ့ လွတ်လပ်ရေးနဲ့ တိုးတက်ရေး ဘယ်လိုမှ မရနိုင်ပါ။

စစ်အုပ်စုဟာ တိုင်းရင်းသားတွေနဲ့ ဖြစ်နေရတဲ့ ပြည်တွင်းစစ်ကို လေပျံတွေ ရဟတ်ယဉ်တွေ တိုက်လေယဉ်တွေနဲ့ ဗုန်းတွေကျဲရုံတင်မက ဓါတုလက်နှက်တွေပါ သုံးစွဲလာမှုတွေဟာ
တွေ့ဆုံ ဆွေးနွေးပွဲတွေကို အလှမ်းဝေးစေပါတယ်။ စစ်ပွဲတွေကို မရပ်ပစ်နိုင်တာ နိုင်ငံအဖို့ အလွန်ရှက်ဖို့ကောင်းပါတယ်။ စိတ်အေးအေးထားပြီး ရိုးသားစွာနဲ့ ငြိမ်းချမ်းရေးကို မေတ္တာရှေ့ထားပြီး အမြန် တည်ဆောက်ချိန် ရောက်ပါပြီ။ အပြောမဟုတ် အလုပ်နဲ့ သက်သေပြကြပါ။

(photo - undated, facebook, kachin refugee with a kid preparing for move)

0 comments: