Friday, December 7, 2012

အစိုးရတပ် လေကြောင်းမှ ထပ်မံ ပစ်ခတ်တိုက်ခိုက်


December 6, 2012

ဒီဇင်ဘာလ(၆)ရက်နေ့ ညနေ ၃း၃၀ အချိန်တွင် မြောက်ပိုင်းတိုင်း စစ်ဌာနချုပ်၊ မြစ်ကြီးနားအခြေစိုက် အမှတ်(၅၀၃) လေတပ်စခန်းမှ Mi-24 အမျိုးအစား ရဟတ်ယာဉ်(၂)စီးသည် ပန်ဝါဒေသရှိ KIA တပ်စခန်းအား (၂)စီးအပြိုင် (၃)ကြိမ် ပျံဝဲကာ ဝေဟင်မှမြေပြင်ပစ် ဒုံးကျည်များဖြင့် ပစ်ခတ် တိုက်ခိုက်ခဲ့ကြောင်း သိရှိရသည်။

ထိုသို့ ပစ်ခတ်တိုက်ခိုက်ရာတွင် ဒုံးကျည်အချို့သည် တရုတ်နိုင်ငံဖက်ခြမ်း နယ်ကျော်ကျရောက် ပေါက်ကွဲခဲ့ သော်လည်း လူအထိအခိုက် မရှိကြောင်း သိရှိရသည်။

မြစ်ကြီးနား လေတပ်စခန်းမှ ညနေ ၂း၄၅ မိနစ်တွင် ပျံတက်သွားသော Mi-24 ရဟတ်ယာဉ်သည် ပန်ဝါ ဒေသ တွင် ဒုံးကျည်များဖြင့် ပစ်ခတ် တိုက်ခိုက်ခဲ့ပြီး ညနေ ၄း၂၀ အချိန်တွင် မြစ်ကြီးနား လေတပ်စခန်းသို့ ပြန်လည် ဆိုက်ရောက်လာပြီဖြစ်ကြောင်း လေတပ်စခန်းမှ ဆရာကြီးထံမှ သိရှိရသည်။
 
Copy from - Jade Land

0 comments: