Saturday, December 22, 2012

ရေငုံနှုတ်ပိတ်နေသော သမ္မတ နှင့် သွားသလောက် တာမရောက်သော လူထုခေါင်းဆောင် (လူထုပုံရိပ် ဂျာနယ်..မှ)


နိုင်ငံတော်သမ္မတသည် စုံစမ်းရေးကော်မရှင် ဖွဲ့စည်းရုံမှတစ်ပါး ဒဏ်ရာရ ဆန္ဒပြ သံယာတော်များ နှင့်လည်း တွေ့ဆုံခြင်းမရှိ ရေငုံနှုတ်ပိတ် နေလေသည်..။

လက်ပတောင်း သပိတ်စခန်းဖြိုခွင်းမှု အပြီး ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကိုယ်တိုင် မုံရွာဆေးရုံသို့ ဒဏ်ရာရရှိသူများ ကို သွားရောက် ကြည့်ရှုအားပေးခဲ့သည်..။ အခင်းဖြစ်ပွားရာ နေရာသို့ သွားရောက်ကာ ကြေးနီ စီမံကိန်းများ လုပ်ဆောင်နေသည့် ၀မ်ပေါင်နှင့် ဦးပိုင်ကုမ္ဂဏီတို့နှင့် စကားေ ပြာဆိုခဲ့သည်..။ ယင်းနောက် လက်ပတောင်းတောင် ကြေးနီစီမံကိန်း စုံစမ်းရေး ကော်မရှင် ဥက္ကဌ အဖြစ် ခန့်အပ်ခြင်း ခံခဲ့ရသည်..။ ယင်းနောက်ပိုင်းတွင် လည်း ဒေါ်အောင်ဆန်းစုကြည်၏ ခရီးစဉ်များက ဆက်လာသည်။ လက်ပတောင်းအရေး စုံစမ်းရေးကော်မရှင် ဥက္ကဌ အနေဖြင့် သတင်းစာ ရှင်းလင်းပွဲပြုလုပ်၍ ကော်မရှင်က ဘာလုပ်မည် ကို ပြည်သူကို အသိပေးသွားသည်..။

ဒီဇင်ဘာ ၈ ရက် ၉ ရက်များတွင်လည်း နတ်မောက်၊ မကွေးမြို့များတွင် လူထုမိန့်ခွန်းများ ပြောကြားခဲ့သည်..။ ထို့နောက် ကြေးနီစီမံကိန်း ဆန္ဒပြ သံယာတော်များအနက် အဆိုးရွားဆုံး ဒဏ်ရာရ သံယာတစ်ပါးဖြစ်သော ကြေးနီတောင်ဆရာတော် ဥူးတိက္ခဥာဏ အား ထိုင်းနိုင်ငံသို့ သွားရောက် ဆေးကုသမှု မတိုင်မီတွင် အားပေးကြည့်ရှုခဲ့သည်..။ ဒဏ်ရာရှိသူများအနက် ကလေးဆေးရုံသို့ ရောက်ရှိ နေသည့် ကလေးငယ်များကိုလည်း သွားရောက်ကာ လိုအပ်သည့် ကူညီမှုများ ပြုလုပ်ပေးခဲ့သည်..။ ##လွှတ်တော်အမတ် များစွာရှိသည့်အနက် အလုပ်အများဆုံးသော အမတ်ဟု ဆိုလျှင်လည်း

ရနိုင်သည်...##

လက်ပတောင်း ကိစ္စနှင့် ပတ်သက်လျှင် ဒေါ်အောင်ဆန်းစုကြည် သည်လူထုခေါင်းဆောင်ဖြစ်သည် နှင့်အညီ ထိန်းထိန်းသိမ်းသိမ်း လုပ်ရသည့်ဟန်ကို တွေ့ရသည်..။ ထို့ကြောင့် ဒေါ်အောင်ဆန်းစုကြည် သည် အသက်အရွယ်နှင့် မလိုက်အောင် လှုပ်ရှား သွားလာနေရသည်..။ စတင်ဖြစ်ပွားသည့်နေ့မှ စတင်ကာ ယနေ့ချိန်တိုင်အောင် သူမ၏ ခရီးစဉ်မှာ မိန့်ခွန်းများ..၊ ပြည်သူအပေါ် ဖျောင်းဖျမှုများ..၊ မီဒီယာ ဆက်ဆံရေးများ.. စသည့် နိုင်ငံရေးလှုပ်ရှားမှုများဖြင့် အမျိုးစုံအောင် ကြိုးခုန်နေရသည်..။ ##တကယ့်ပင် နိုင်ငံတော်သမ္မတ တစ်ယောက်အသွင်..၊ နိုင်ငံရေးသမားများ အတုယူလေ့လာရန် စံနမူနာပြ လုပ်ဆောင်မှုများ ဖြစ်လို့နေသည်...## သို့သော်လည်း ဒေါ်အောင်ဆန်းစုကြည် ကိုပင် ပြည်သူအချို့ကဝေဖန် လာသည်..။ ဒေါ်စုကို စောဒက တက်မေးခွန်းများစွာ ထုတ်လာကြသည်..။

ယင်းကဲ့သို့ ဖြစ်လာရခြင်း၏ အဓိက အကြောင်းအရင်းခံမှာ ဒေါ်စုသည် အုပ်ချုပ်သူ.. အာဏာရှိသူ မဟုတ်..။ လူထုခေါင်းဆောင်သာ ဖြစ်သည့် သူမတွင် ဆုံးဖြတ်ပိုင်ခွင့်မရှိ..။ စုံစမ်းစစ်ဆေးပိုင်ခွင့် သာရှိသည်..။ ဤကဲ့သို့ စုံစမ်းစစ်ဆေးပိုင်ခွင့်ရှိသည်မှာလည်း သမ္မတ ဦးသိန်းစိန်က ခန့်အပ် ထားခြင်းကြောင့်သာဖြစ်သည်..။ ဒေါ်အောင်ဆန်းစုကြည် ၏ နှုတ်ခမ်းမှ ထွက်လာသော စကားလုံးများနှင့် လှုပ်ရှားမှုများထက် သမ္မတ ဦးသိန်းစိန်၏ အာဏာကပို၍ ခရီးရောက်နိုင်သည်ဟု ဆိုရမည်ဖြစ်သည်..။ အချုပ်ဆိုရသော် လူထုခေါင်းဆောင် အနေဖြင့် လုပ်ဆောင်နိုင်ခြင်း..စွမ်းဆောင်နိုင်ခြင်းက အဏာရ ဆုံးဖြတ် ပိုင်ခွင့် ရှိသူတစ်ဦးလောက် သွားသလောက် တာမရောက်နိုင်ဟု ဆင်ခြင်သုံးသပ်မိပါသည်..။

(ဆောင်းပါးရှင် Sparrow ၏ လူထုပုံရိပ် ဂျာနယ်မှ...)

(လုပ်ပိုင်ခွင့် နှင့် အဏာ ပိုရှိသူများအနေဖြင့် လူထုခေါင်းဆောင် ၏ 'အား' ကိုတလွှဲအသုံး မချမိဖို့နဲ့ ကိုယ်ကပိုလုပ်နိုင်ပါလျက်.. လုပ်ပိုင်ခွင့်ရော..အာဏာရော ပိုရှိနေပါလျက်နဲ့ လူထုခေါင်းဆောင်ကဲ့သို့ စွမ်းစွမ်းတမံ ၀င်ပြီးဆောင်ရွက်လိုက်မယ်.. အပြစ်ရှိသူကို အပြစ်ပေးအရေးယူလိုက်မယ်ဆိုရင် အစိုးရရဲ့ ဂုဏ်ကျက်သရေ ညိုးနွမ်းစေမှာမဟုတ်ဘဲ နိုင်ငံတော်ကိုလည်း ကျက်သရေတိုးပွားစေနိုင်တဲ့အပြင် အစိုးရအပေါ်လည်း ပြည်သူတွေရဲ့ ယုံကြည်မှု ပိုရလာနိုင်မယ်လို့ ရိုးသားစွာထင်မြင်မိပါတယ်...)


Aye Chan Mon , အင်တာနက်စာမျက်နှာမှ ကူးယူခဲ့ပါသည်။

0 comments: