Thursday, September 27, 2012

ထိုင်းနိုင်ငံအတွက် မြန်မာစာ အရေးပါလာမှု

မြန်မာနိုင်ငံ ပြုပြင်ပြောင်းလဲမှုတွေ့ လုပ်လာပြီးနောက်ပိုင်းမှာ ထိုင်းနိုင်ငံမှာ မြန်မာ အကြောင်း စိတ်ဝင်စားမှု ကလဲ အရှိန် အဟုန်မြင့်တက်လာနေပါတယ်။ ဒေါ်အောင်ဆန်းစုကြည်ရဲ့ ထိုင်းခရီးစဉ်နောက်ပိုင်း မြန်မာ အပေါ် ထိုင်းနိုင်ငံရဲ့ စိတ်ဝင်စားမှုတွေပိုတိုးလာပါတယ်။

မြန်မာနဲ့ ထိုင်း ဆက်ဆံရေးကိုလည်း ပိုပြီး ခိုင်မာ ချင်တာတွေလည်း တွေ့ရပါတယ်။ တဖက်ကလည်း မြန်မာအလုပ်သမားတွေကို အားထားပြီး အဓိက လည်ပတ်နေတဲ့ ထိုင်းစီးပွားရေး လုပ်ငန်းကြီးတွေ အတွက် မြန်မာရဲ့ပွင့်လင်း လာမှုကြောင့် မြန်မာ အလုပ်သမားတွေ ပြည်တော်ပြန် သွားခဲ့ရင် ထိုင်းအတွက် လုပ်အားရှားပါမှု ပြဿနာ ရင်ဆိုင်လာရမှာကိုလည်း စိုးရိမ်ပူပန်မှုတွေလည်း တိုးလာပါတယ်။

 ချင်းမိုင်တက္ကသိုလ်မှာ မြန်မာစာ သင်ယူနေတဲ့ ကျောင်းသူ ကျောင်းသားများ

ဒီလိုအကြောင်းတွေနဲ့ အတူ အခုဆိုရင်တော့ မြန်မာစာ မြန်မာ စကားဟာ အရှေ့တောင် အာရှနိုင်ငံများမှာ တထောင့် တ နေရာက အရေး ပါလာကြောင်းကို ပြသနေပါပြီ။ ထိုင်းနိုင်ငံ ချင်းမိုင်တက္ကသိုလ်မှာ မြန်မာစာ ဌာနမှာ မြန်မာစာကို တတိယ ဘာသာ အနေဖြင့် မြန်မာ စာလေ့လာသူ ကျောင်းသား ဦးရေဟာလဲ

ပိုများလာပါတယ်။



မြန်မာစာ ပထမနှစ် တက်ရောက် သင်ယူနေတဲ့ ကျောင်းသားဦးရေက ၇၀ ကျော်ရှိပြီး စတုတ္တနှစ် ကျောင်းသားဦးရေ က တော့ ၂၀ နည်းပါး သင်ကြားနေကြပါတယ်တဲ့။

 
ဒါဟာ မြန်မာစာ သင်ယူတဲ့ ကျောင်းသား ယခင်နှစ်များထက် ၃ ဆလောက် တိုးလာခဲ့တာဖြစ်ပါတယ်။ ချင်းမိုင် တက္ကသိုလ် မြန်မာစာ ဌာနမှာ မြန်မာစာ သင်ကြားပေးတဲ့ ဆရာမ ၃ ဦးရှိပြီး ထိုင်းလူမျိုး ဆရာမ နှစ်ဦးဖြစ်တဲ့ ဦးဘွန်ရတ်၊ အမ်ဖိကာ၊ မြန်မာ လူမျိုး ဆရာမ ဒေါ်ယမင်းရွှေဇင်ထိုက်(ခ) မသဲသဲ တို့ ဖြစ်ပါတယ်။

စက်တင်ဘာလ ၂၆ ရက်နေ့မှာ ချင်းမိုင်တက္ကသိုလ် မြန်မာစာ ဌာနမှာ စတုတ္တနှစ် ကျောင်းသူ  ကျောင်းသားများရဲ့ မြန်မာစာ ကျွမ်းကျင်မှု ဆိုင်ရာ ပြိုင်ပွဲ တစ်ခုပြုလုပ်ခဲ့ပါတယ်။“လာမယ့် ၂၀၁၅ ခုနှစ်ကျရင် အာဆီယံ နိုင်ငံဇုံဆိုတာ ပေါ်ပေါက်လာမယ်။



အဲဒီအခါမှာ ဗမာစကားဟာ အလွန်အရေးကြီး ပါတယ်”လို့ စတုတ္တနှစ် မြန်မာစာ ကျောင်းသူ မပန်းနုဝေ ( ခေါ်) နန်ထစရီ က ပြောပါတယ်။

၂၀၁၄ ခုနှစ်မှာလည်း မြန်မာနိုင်ငံဟာ အာဆီယံ ဥက္ကဌ ဖြစ်လာ မှာဖြစ်သလို ထိုင်း-မြန်မာ နိုင်ငံရေး၊ စီးပွားရေး၊ စတဲ့ အဖက်ဖက်က ဆက်ဆံမှုတွေတိုးမြှင့် လုပ်တဲ့အခါ ထိုင်းလူမျိုးတွေအနေနဲ့ ဗမာစကားဟာ အရေးပါတယ်လို့ သူက ဆက်ပြောထားပါတယ်။


ယမန်နေ့က မြန်မာစာ ကျောင်းသား၊ ကျောင်းသူတွေက သူတို့ စိတ်သန်ရာခေါင်းစဉ်တွေနဲ့ ရေးသား ပြောဆိုသွားခဲ့ကြပါ တယ်။ နခွန်စ၀န်မြို့၊ ကျွန်မကြိုက်တဲ့ မြန်မာ အစားအစာ၊ မင်္ဂလာပါရှင့်.. ဆရာမနဲ့ သူငယ်ချင်းများ၊ အိပ်ယာဝင်ပုံပြင် အစရှိတဲ့ ခေါင်းစဉ်လေးတွေနဲ့ မြန်မာစာ၊ မြန်မာစကားအသံကို ပီသအောင် ကြိုးစားပြောဆိုသွားခဲ့ကြပါတယ်။
 
မြန်မာစာ ဘာသာကို တက်ရောက်နေတဲ့ ကျောင်းသားတစ်ဦး မြန်မာ နိုင်ငံတော် အလံအကြောင်းရှင်းပြနေ
 
သတင်းရင်းမြစ် - ဧရာဝတီ

0 comments: