Sunday, September 23, 2012

လိုအပ်ရင် ဖွဲ့စည်းပုံအခြေခံဥပဒေ ပြင်ဆင်ပေးမယ်လို့ ဝန်ကြီးဦးအောင်မင်းပြော


2012-09-22


မြန်မာနိုင်ငံမှာ တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ်ရပ် ငြိမ်းချမ်းရေး ပေါ်ပေါက်ဖို့အတွက် လိုအပ်တဲ့ အပေးအယူ မှန်သမျှကို မြန်မာအစိုးရက လုပ်ဆောင်သွားဖို့ ရှိတယ်လို့ သမ္မတရုံး ဝန်ကြီးဖြစ်သူ ဦးအောင်မင်းက အမေရိကန် ပြည်ထောင်စု နယူးယောက်မြို့ကို ရောက်စဉ် မနေ့က ပြောကြား လိုက်ပါတယ်။



နယူးယောက်မြို့က ကုလသမဂ္ဂဌာချုပ်ကို ဝန်ကြီး ဦးအောင်မင်းနဲ့အဖွဲ့ ရောက်ရှိစဉ် ရိုက်တာ သတင်းဌာနကို ဖြေကြားခဲ့တာ ဖြစ်ပါတယ်။

ဦးအောင်မင်းရဲ့ ပြောဆိုချက်နဲ့ ပတ်သက်ပြီး ထိုင်း-မြန်မာနယ်စပ် အခြေစိုက် UNFC လို့ခေါ်တဲ့ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ အထွေထွေအတွင်းရေးမှူး နိုင်ဟံသာက အခုလို မှတ်ချက်ပေးပါတယ်။



"ဒါကတော့ ဦးအောင်မင်း တစ်ယောက်ထဲရဲ့ အပြောပဲလေ။ ဦးအောင်မင်းနဲ့ စကားပြောလိုက်ရင် ဘာမဆို အားလုံး လွယ်နေတာချည်းပဲဗျ။ ဒါပေမဲ့ လက်တွေ့ကြတော့ ဒါကအများနဲ့ကိစ္စ၊ ဘာမှဖြစ်ဖို့ မလွယ်ဘူးလေ။ အဲဒီတော့ အစိုးရ တစ်ဖွဲ့လုံးရဲ့ကိစ္စ၊ တပ်မတော် ကိစ္စဆိုတဲ့ဟာမှာ အမှန်က လက်တွေ့အရ ပြောင်းလဲဖို့ မလွယ်ဘူး"



ဒါ့အပြင် ကချင် KIA တပ်တွေနဲ့ အပစ်ရပ်ရေး ပဏာမ သဘောတူညီချက် ရထားပေမယ့် လာမယ့် ဒီဇင်ဘာလ UNFC လက်နက်ကိုင် တပ်ပေါင်းစုအဖွဲ့နဲ့ ဦးအောင်မင်း ဦးဆောင်တဲ့ အစိုးရ ငြိမ်းချမ်းရေး ဖော်ဆောင်မှုအဖွဲ့တို့ တွေ့ဆုံချိန်မှာ အပြီးသတ် လက်မှတ်ရေးထိုး နိုင်လိမ့်မယ်လို့မျှော်လင့်ကြောင်း ဝန်ကြီးဦးအောင်မင်းက (ရိုက်တာ) သတင်းဌာနကို ပြောဆိုပါတယ်။

Copy from - RFA Burmese

0 comments: