Saturday, May 19, 2012

ဖွဲ့စည်းပုံကြောင့် ဒုသမ္မတအနားယူသည့်ကိစ္စ အစိုးရကြေငြာရခက်

နိုင်ငံတော် ဒုတိယ သမ္မတ သီဟသူရ ဦးတင်အောင်မြင့်ဦး နိုင်ငံတော် ဒုတိယ သမ္မတ သီဟသူရ ဦးတင်အောင်မြင့်ဦး

နိုင်ငံတော် ဒုတိယ သမ္မတ သီဟသူရ ဦးတင်အောင်မြင့်ဦး ရာထူးမှ အမှန်တကယ်အနားယူကြောင်း နီးစပ် သည့် အသိုင်းအဝိုင်းက အတည်ပြု ပြောသော်လည်း ၂၀၀၈ ဖွဲ့စည်းပုံ ဥပဒေကြောင့် သတင်းထုတ်ပြန် ကြေငြာရန် အစိုးရက အခက် တွေ့နေရကြောင်း ၎င်းတို့ အသိုင်းအဝိုင်းက ပြောပါသည်။

“ဒုသမ္မတ ဦးတင်အောင်မြင့်ဦး အနားယူတယ်ဆိုတာ မှန်တယ်။ ဖွဲ့စည်းပုံထဲမှာ အနားယူကြောင်း၊ နှုတ်ထွက် ကြောင်း တရားဝင် ကြေငြာပြီး ဘယ်နှစ်ရက်အတွင်း အစားထိုး ရမယ်ဆိုတာ ပါတယ်လေ။ ဒါပေမယ့်အခု လွှတ်တော်က နားထားတယ် မဟုတ်လား။ ဖွဲ့စည်းပုံအတိုင်း လိုက်လုပ်ဖို့ မဖြစ်နိုင်သေးလို့ ခေါင်းမခါ ခေါင်း မငြိမ့်နိုင်တဲ့ အခြေအနေ ဖြစ်နေရတာပါ။ သတင်းကို ဖုန်းကွယ် ထားတာမဟုတ်ပါဘူး” - ဟု သံလွင်အရှေ့ ခြမ်းရောက် နေပြည်တော် ထိပ်သီးများနှင့် နီးစပ်သည့် ပုဂ္ဂိုလ် တဦးကပြောပါသည်။

၂၀၀၈ ဖွဲ့စည်းပုံ ပုဒ်မ ၇၃ / စ (စာ - ၂၅) တွင် ဒုတိယ သမ္မတ တစ်ဦးဦး၏ နေရာတွင် အကြောင်း အမျိုးမျိုး ကြောင့် ရာထူး နေရာလစ်လပ်သွားလျှင် ၇ ရက်အတွင်း နိုင်ငံတော်သမ္မတက ပြည်ထောင်စု လွှတ်တော်အကြီး အမှူးထံ ဆောလျှင်စွာ အကြောင်းကြားရမည်။ ပုဒ်မ ၇၃/ဆ (စာ - ၂၆) တွင်မူ ပြည်ထောင်စု လွှတ်တော် အစည်းအဝေး ကျင်းပချိန် မဟုတ်လျှင် နိုင်ငံတော်သမ္မတ အကြောင်းကြားစာ
ရရှိသည့်နေ့မှ စ၍ ၂၁ ရက် အတွင်းပြည်ထောင်စု အစည်းအဝေးခေါ်ယူပြီး အစားထိုးရွေးချယ် တင်မြောက်ရေးအတွက် ဆောက်ရွက် ရမည် - စသည်တို့ ပါရှိပါသည်။

“ကျနော်တို့ လွှတ်တော်က မေ ၂ နေ့ တုန်းက စပိတ်တယ်လေ။ ကျနော်တို့ သိထားတာက တစ်လခွဲလောက် ကြာမှ ပြန်ခေါ်မယ်လို့ပြောတာဘဲ။ ဒုတိယ သမ္မတ ဦးတင်အောင်မြင့်ဦး အမှန်တကယ် အနားယူရင်တော့ လွှတ်တော် ပြန်ခေါ်တဲ့အချိန်နဲ့ ချိန်ကိုက်ပြီး သမ္မတရုံးက တရားဝင် ကြေငြာသွားမှာပါ” - ဟု လားရှိုးရောက် ပြည်သူ့လွှတ်တော် အမတ်တဦးက ပြောပါသည်။

ထွက်ရှိသည့် သတင်းများအရ လက်ရှိတွင် နိုင်ငံတော်သမ္မတ ဦးသိန်းစိန်က ကျန်းမာရေး အခြေအနေကြောင့် ရန်ကုန်နေအိမ်၌ အနားယူ နေကြောင်း၊ ဒုတိယ သမ္မတ ဦးတင်အောင်မြင့်ဦးကလည်း မှော်ဘီ မစိုးရိမ်ကျောင်း တိုက်၌ ရာသက်ပန် သင်္ကန်း ဝတ်သွားတော့မည်ဖြစ်ကြောင်း၊ သမ္မတဦးသိန်းစိန် မကျန်းမမာ ဖြစ်နေသည့် အတွက် ၎င်းအိမ်အနီးအနား ဝန်းကျင်၌ လုံခြုံရေးများ ယမန်နေ့မှ ယနေ့(မနက်ပိုင်း) အထိ အထူးချထား ကြောင်း ရန်ကုန်မြို့ မရမ်းကုန်းရောက် သျှမ်းအမျိုးသား တဦးက  ပြောပါသည်။

သတင်းရင်းမြစ် - သျှမ်းသံတော်ဆင့်

0 comments: