Saturday, March 24, 2012

မြန်မာ့လူ့အခွင့်အရေး နောက်တစ်နှစ် စောင့်ကြည့်ဦးမည်

2012-03-23

မြန်မာနိုင်ငံရဲ့ လူ့အခွင့်အရေး အခြေအနေတွေအပေါ် နောက်ထပ် တစ်နှစ် ဆက်လက် စောင့်ကြည့် လေ့လာဖို့ ကုလသမဂ္ဂ လူ့အခွင့်အရေး ကောင်စီက သောကြာနေ့က ဆုံးဖြတ် လိုက်ပါတယ်။
ဥရောပသမဂ္ဂက ကမကထပြုတဲ့ အဲဒီဆုံးဖြတ်ချက်ကို တရုတ်နဲ့ ရုရှ နှစ်နိုင်ငံက လွဲပြီး၊ ကျန်တဲ့ လူ့အခွင့်အရေး ကောင်စီအဖွဲ့ဝင်နိုင်ငံတွေက သဘောတူ ထောက်ခံ ခဲ့ကြပါတယ်။

မြန်မာနိုင်ငံ ကိုယ်စားလှယ်ကတော့ မြန်မာနိုင်ငံမှာ လူ့အခွင့်အရေး ဖောက်ဖျက် ကျူးလွန်မှုတွေ ရှိနေတယ် ဆိုတာ အခြေအမြစ် မရှိ၊ မဟုတ်မမှန် လုပ်ကြံထားတဲ့ တဖက်သတ် စွပ်စွဲချက်တွေသာ ဖြစ်တယ်၊ မြန်မာနိုင်ငံရဲ့ ပြုပြင်ပြောင်းလဲမှုတွေကို ဖျက်လို ဖျက်ဆီး လုပ်နေတာသာ ဖြစ်တယ်လို့ ရှုတ်ချ ပြောဆိုခဲ့ပါတယ်။

ကုလသမဂ္ဂ လူ့အခွင့်အရေးကောင်စီရဲ့ ဆုံးဖြတ်ချက်မှာ မြန်မာပြည် အပြောင်းအလဲတွေကို အသိအမှတ်ပြု ဖော်ပြ ထားသော်လည်း၊ တစ်ဖက်မှာ နိုင်ငံရေး အကျဉ်းသားတွေ ကျန်ရှိ နေသေးတာကြောင့်၊ သူတို့ကို ခြွင်းချက်မရှိ ပြန်လွှတ်ပြီး၊ နိုင်ငံရေးဖြစ်စဉ်မှာ အပြည့်အ၀ ပါဝင်ခွင့်ပြုဖို့ တိုက်တွန်း ထားပါတယ်။

ဒါ့အပြင် ဧပြီလ (၁) ရက်နေ့ ကြားဖြတ် ရွေးကောက်ပွဲကိုလည်း လွတ်လပ်မျှတပြီး ပွင့်လင်းမြင်သာတဲ့ ရွေးကောက်ပွဲ ဖြစ်အောင် ကျင်းပဖို့ တိုက်တွန်းထားပါတယ်။

Copy from - rfa.org/

0 comments: