Thursday, September 22, 2011

မိုးထဲလေထဲတွင် ကိုမင်းကိုနိူင်နှင့် ကျောင်းသားခေါင်းဆောင်များ အပါအ၀င် နိုင်ငံရေးအကျဉ်းသားများ လွတ်မြောက်ရေး တောင်းဆို


၂၀၁၁ ခုနှစ် စက်တင်ဘာလ(၂၁)ရက်။

ယနေ့ညနေ ဂျပန်နိုင်ငံ တိုကျိုမြို့တွင် တိုင်ဖွန်း မုန်တိုင်းကျရောက်ပြီး မိုးသည်းထန် ရွာသွန်းသည့်ကြားမှ မတရား ဖမ်းဆီး ခံနေရသော ကိုမင်းကိုနိုင်နှင့် ကျောင်းသားခေါင်းဆောင်များ၊ ဦးခွန်ထွန်းဦး တိုင်းရင်းသား ခေါင်းဆောင်များ အပါအ၀င် နိူင်ငံရေး အကျဉ်းသားများ အားလုံး လွတ်မြောက်ရေး အတွက် တောင်းဆိုသည့်ဆန္ဒပြပွဲကို ညနေ ၃း၀၀ နာရီမှ ၄း၀၀ နာရီအထိ  ရှီနာဂါဝါအရပ်ရှိ စစ်အခွန်ရုံး(မြန်မာသံရုံး)ရှေ့၌ ကျင်းပခဲ့ကြပါသည်။

မြန်မာနိုင်ငံတွင် ဟန်ပြအရပ်သား အစိုးရပြောင်းလဲသွားသော်လည်း မြန်မာနိုင်ငံ အကျဉ်းထောင်များ တွင် ယုံကြည်ချက်ကြောင့် မတရားဖမ်းဆီးခံ နိုင်ငံရေးအကျဉ်းသား ၂၀၀၀ ကျော် ရှိနေခြင်းသည် မြန်မာပြည်သူ ပြည်သားများ ကျွန်ဘဝမှ မလွတ်မြောက်နိုင်သေးဘဲ၊ လွတ်လပ်ရေး ဆိတ်သုဉ်းနေကြောင်း မီးမောင်းထိုးပြလျှက်ရှိနေပြီး ဖြစ်ပါသည်။

နိုင်ငံရေး အကျဉ်းသားများအားလုံး ချွင်းချက်မရှိ ပြန်လွှတ် ပေးရန်အတွက် ဂျပန်ရောက် မြန်မာ့ ဒီမိုကရေစီ အင်အားစုများတိ်ု့မှ လစဉ် ၂၁ ရက်နေ့ ကျရောက်တိုင်း အမြန်ဆုံး လွတ်မြောက်စေရန် အတွက် ဆန္ဒပြ တောင်းဆိုမှုတွေ ပြုလုပ်ခဲ့ကြပါသည်။

သတင်းမှတ်တမ်းဓါတ်ပုံ ။ Mai Kyaw Oo

0 comments: