Monday, July 25, 2011

ဖက်ဒရယ် ပါလီမာန် ဖွဲ့စည်းရေးအတွက် MPU ဥက္ကဌ နှင့် မွန်ပြည်သစ်ပါတီတွေ့ဆုံ

ဂျူလိုင်လ 25 ရက် 2011 ခုနှစ် ။

ဖက်ဒရယ် ပါလီမန်ဖွဲ့စည်းရေးနှင့် ပက်သက်ပြီး မွန်ပြည်သစ်ပါတီနှင့် MPU (The Members of Parliament Union) ခေါ် (ပြည်သူ့လွှတ်တော် ကိုယ်စားလှယ်များအဖွဲ့ မြန်မာနိုင်ငံ)တို့သည် ဇူလိုင်လ(၂၃)ရက်တွင် ထိုင်းနယ်စပ် တနေရာ၌ တွေ့ဆုံ ဆွေးနွေးခဲ့သည်။

၎င်းဆွေးနွေးပွဲသည် MPU မှ ဥက္ကဌ ဒေါ်စန်းစန်း၊ အတွင်းရေးမှူး ဦးသိန်းဦးနှင့် ဦးကျော်သက်တို့ တက် ရောက် ဆွေးနွေးခဲ့ပြီး မွန်ပြည်သစ်ပါတီမှ အထွေထွေအတွင်းရေးမှူး နိုင်ဟံသာနှင့် ဗဟို အလုပ်အမှုဆောင် နိုင်ရွှေသိန်း တို့  ဦးဆောင် ဆွေးနွေးခဲ့ပါသည်။ ထိုဆွေးနွေးပွဲတွင် ဖက်ဒရယ် ပါလီမာန်ဖွဲ့ စည်းရေးအတွက် ဦးတည်ဆွေးနွေး ခဲ့သည်ဟု MPU အတွင်းရေးမှူး ဦးသိန်းဦးက ပြောပါသည်။

“မွန်ပြည်သစ် ပါတီကတော့ ဖက်ဒရယ်ပါလီမာန်ဖွဲ့ စည်းရေးကို လက်ခံပြီးသားပါ။ အခုလာတဲ့ကိစ္စက တော့ MPU က စုစည်းရရှိထားတဲ့ အချက်အလက်တွေကို ဖလှယ်ဖို့နဲ့  ရှေ့လုပ်ငန်းစဉ်အတွက် ဘာတွေ ဆက်လုပ် သွားမလဲဆိုတာကို လာရောက် ညှိနှိုင်းတာဖြစ်ပါတယ်။ ဥပမာပြောရရင် ဖက်ဒရယ်ပါလီမာန်က ထားရှိရမဲ့ နိုင်ငံရေး စစ်ရေးကိစ္စ သဘောထားတွေပေါ့”

မွန်ပြည်သစ်ပါတီသည် ဖက်ဒရယ် ပါလီမာန်အတွက် အဖွဲ့ဝင် (၆) ဖွဲ့ရှိသည့် ကိုယ်စားလှယ်အဖွဲ့ကို စာရင်း ပေးသွင်း ထားပြီးဖြစ်ပါသည်။ ဖက်ဒရယ်ပါလီမာန်၌ အားလုံးအဖွဲ့ဝင် မည်မျှ ရရှိထားပြီး ဖြစ်သည်ကို ဦးသိန်းဦးက ထုတ်ဖေါ် မပြောဆိုခဲ့ပေ။

ဒါပေမယ့် ရှိထားတဲ့ အဖွဲ့ အစည်းနဲ့ ပါတ်သက်ပြီး ဦးသိန်းဦးပြောတာက “ တိုင်းရင်းသားတွေထဲမှာဆိုရင် လောလောဆယ် မွန်ပြည်သစ်ပါတီရယ် ကေအန်ယူရယ် ကရင်နီ တိုးတက်ရေး ပါတီရယ် လက်ခံထားပြီး ဖြစ်ပါတယ်။ အခု ရှမ်းနဲ့ ကချင်ကပါ ပါဝင်လာမယ့် အခြေအနေ ရှိနေတယ်။ ဒါမှ ဖက်ဒရယ် ပါလီမာန်မှာ ကျနော်တို့ က ပြည်ထောင်စုနဲ့ ပါတ်သက်တဲ့ စစ်ရေး ဆိုင်ရာများကအစ ကျယ်ကျယ်ပြန့် ပြန့် ဆွေးနွေး နိုင်တော့မယ်လေ”

ဖက်ဒရယ် ပါလီမာန်ဖွဲ့ ရေးအတွက် အစည်းအဝေးများ ကျင်းပရန် ဖက်ဒရယ်ပါလီမာန်ရုံးကို ကရင်နီ တိုးတက် ရေး ပါတီ၏ နယ်မြေ၌ အခြေခံ ထားရှိပါသည်။ ဖက်ဒရယ် ပါလီမာန်ဖွဲ့ရေး အစီစဉ်ကို ပြည်ထောင်စု မြန်မာနိုင်ငံ အမျိုးသားကောင်စီ (NCUB) က ဦးဆောင်နေပြီး ကုလသမဂ၌ စစ်အစိုးရ တည်ရှိမှုကိုလည်း ဖယ်ရှားနိုင်ဖို့(Credential Challenge) ဖြင့်လည်း တိုက်ပွဲဝင်လျက်ရှိသည်။

သတင်းရင်းမြစ် - ကေအိုင်စီ

0 comments: