Tuesday, June 14, 2011

KIA Bum Sen စခန်း မြန်မာစစ်တပ် လက်ထဲကျ

ဝိုင်းမော်မြို့နယ်ထဲ ရှေ့တန်းတစ်နေရာတွင် ရောက်ရှိနေသော KIA စစ်သားများ။
13 June 2011,

ကချင်လွတ်မြောက်ရေးအဖွဲ့ (KIA) ၏ အခိုင်အမာ တပ်စခန်း ဖြစ်သည့် ဘွမ်ဆဲန် (Bum Sen Post) တောင်အား မြန်မာစစ်တပ်မှ သိမ်းလိုက်ပြီ ဖြစ်ကြောင်းသိရသည်။

မြောက်ပိုင်းတိုင်း စစ်ဌာနချုပ်မှ အင်အား (၉၀၀)ခန့်ရှိ တပ်ရင်း (၈)ရင်း၏ လက်နက်ကြီးများ ဆက်တိုက် ပစ်ခတ်နေခြင်းကြောင့် KIA သည် ယမန်နေ့ည ၇နာရီခွဲတွင် ဘွမ်ဆဲန် တောင်မှ နောက်ဆုတ်ပေးခဲ့ရခြင်း ဖြစ်သည်။

ယင်း ဘွမ်ဆဲန် သိမ်းလိုက်ခြင်းသည် KIA အဖွဲ့ကြားရှိ ဆက်သွယ်ရေးအား ဖြတ်တောက်လိုက်ခြင်း ဖြစ်သည်ဟု KIA အရာရှိ တစ်ဦးပြောသည်။

“တော်တော်ခက်တယ်။ ဘယ်လိုဖြစ်နေလဲ မသိဘူး။ အဲ့တောင် ရောက်မှတော့ KIA ကို နှစ်ခြမ်း ခွဲလိုက်လို့ရပြီ။ ဘွမ်ဆဲန်က KIA ဗဟိုဌာနချုပ်နဲ့ တပ်မဟာ (၃)ကို ဆက်သွယ်တာ။ အဲ့မှာရောက်တော့ KIA ကို ဝိုင်းလိုက်သလို ဖြစ်ပြီလေ။ ဆက်သွယ်ရေး လမ်းကြောင်း ဖြတ်လိုက်တာပဲ။ တပ်မဟာ (၅)နှင့် (၃)ကို ဆက်သွယ်ဖို့လည်း ခက်ပြီလေ။ သူတို့ကို လူလဲတာလည်း မရှိဘူး။ ပစ်တဲ့ သူက ပစ်နေတယ်။ အစိုးရကို ပစ်တာ လက်အသမာတောင် တက်တယ်လို့ ပြောတယ်။”

မြန်မာစစ်တပ်သည် ဘွမ်ဆဲန် တောင်ရှိ KIA တပ်ရင်းအား ဇွန် (၁၁)ရက် မွန်းလွဲ ၁၂နာရီ နောက်ပိုင်း ရုပ်သိမ်းပေးရန် ရာဇသံပေးခဲ့သည်။ KIAမှ ရုပ်သိမ်းခြင်း မရှိသဖြင့် မြန်မာစစ်တပ်မှ အဆက်အပြတ် ပစ်ခက်လာခြင်း ဖြစ်သည်။

ယမန်နေ့ မြန်မာစစ်တပ်မှ KIA ဘွမ်ဆဲန် တောင်ဘက်သို့ အမြောက်ကြီး ၇၅ မမ ပစ်ခက်ရာ အမြောက်ဆံ ၁၀၀၀ ကျော် ရှိသည်ဟု KIAမှ ဆိုသည်။

ဇွန်လ (၁၁)ရက်နေ့တွင်လည်း မြန်မာစစ်တပ်မှ ဆန်ဂန်ကျေးရွာရှိ KIO ဆက်ဆံရေး ရုံးအား သိမ်းပိုက်ခဲ့သည်။

မြန်မာစစ်တပ်ဖက်မှ KIA တပ်စခန်းများရှိရာ သို့ စစ်အင်အား ထပ်ဖြည့်မှုများ ရှိနေကြောင်း သိရသည်။ KIA တပ်ရင်း (၃)ရှိ ဝိုင်းမော်မြို့နယ် ဆဒုံးမြို့နယ်ခွဲသို့လည်း စစ်ယဉ်တန်း (၁၀)စီး ခန့် ဦး တည်ဝင်ရောက် သွားကြောင်း မျက်မြင် ဝိုင်းမော် ဒေသခံ တစ်ဦးပြောသည်။

ရှမ်းပြည်နယ်ရှိ KIA တပ်မဟာ (၄) အနီး လားရှိုး-မူဆယ်လမ်း တစ်ဖက်တွင်လည်း တပ်ရင်း (၃)ရင်း စစ်အင်အား တိုးမြှင်း ထားကြောင်း၊ ဗန်းမော်မြို့တွင်းတွင်လည်း မြန်မာစစ်တပ် အင်အား ထပ်ဖြည့် နေသည်ဟု KIA အရာရှိ တစ်ဦး ဆိုသည်။

ဇွန် (၉)ရက်မှ စတင် ပစ်ခက်လာသည့် စစ်ရေးကြောင့် အသေအပျောက် တိတိကျကျ မသိရှိသေး သော်လည်း ဆန်ဂန်ကျေးရွာတွင် မြန်မာစစ်တပ် အလာလမ်း၌ ဗုံးထောင်ရန် သွားခဲ့သည့် KIA တပ်သား (၃)ဦးအား မြန်မာစစ်တပ်မှ ပစ်သတ်ခဲ့သည်ဟု သိရသည်။

18:02 KNG .

KIO ဌာနချုပ်လိုင်ဇာမှ လူငယ်များ တိုက်ပွဲအတွက် အသင့်ပြင်ဆင်


KIO ဗဟိုဌာနချုပ် လိုင်ဇာမြို့ရှိ ဒေသခံ လူငယ်များသည် တိုက်ပွဲ အတွက်သာမက စစ်မျက်ကွယ်ရာ အတွက်ပါ အသင့်ပြင်ဆင် ထားနေပြီ ဖြစ်ကြောင်း သိရသည်။ KIA အမြဲတမ်း တပ်ဖွဲ့ဝင် မဟုတ်သော လိုင်ဇာ လူငယ်အဖွဲ့ဝင် တို့သည် ယမန်နေ့မှ စ၍ လိုင်ဇာ အဝင်အထွက် ဂိတ်ပေါက် များသို့ အလှည့်ကျ ကင်းစောင့် နေကြသည်ဟု ဒေသခံ လူငယ်တစ်ဦး ပြောသည်။

လိုင်ဇာလူငယ် ခေါင်းဆောင်တွေပါတယ်။ လူငယ် ခေါင်းဆောင်ဟောင်း တွေလည်းပါတယ်။ မနေ့ညလည်း တညလုံး ကင်းစောင့်ကြတယ်။ ဒီနေ့မနက် လဂျားယန်ဘက်သွားကြည့်တော့ အိပ်နေကြတယ် တညလုံး ကင်းစောင့် ထားလို့တဲ့။”

Copy from - kachinnews.com/burmese/

အဆိုပါ အမြဲတမ်း တပ်ဖွဲ့ဝင်တွင် မဟုတ်သည့် အရေးပေါ် လူငယ်အဖွဲ့ဝင်တွင် အမျိုးသမီး အပါအဝင် စုစုပေါင်း ၆၀ ခန့်ရှိသည်ဟု လိုင်ဇာ ဒေသခံ လူငယ်များပြောသည်။ လဂျားယန် ကျေးရွာရှိ မြန်မာ စစ်အစိုးရ တပ်စခန်းတွင်လည်း မြစ်ကြီးနားဘက်မှ တပ်ကူ ၂၀၀ခန့် ယမန်နေ့တွင် ရောက်ရှိလာပြီး ၎င်းတို့က လဂျားယန်နှင့် လ၀ါယန်ရှိ ဒေသခံများကို အ၀င်အထွက် ကန့်သတ်ထားသည်ဟု ဆိုသည်။

လိုင်ဇာမြို့ခံ လူငယ်များသည် အနီးအနားတောင်ပေါ် စစ်မျက်ကွယ်ရာ ဒေသများသို့ လိုအပ်သည့် ပစ္စည်းများ ရွှေ့ပြောင်း နေကြသည်။ သို့သော် KIO မူးယစ် တိုက်ဖျက်ရေး စီမံချက်မှ ဘိန်းစွဲလူငယ် ၁၀၀ ၀န်း ကျင်အား ထိန်းသိမ်း ချုပ်နှောင် ထားဆဲဖြစ်ကြောင်း သိရသည်။

တာခေါ်ခ (တာပိန်မြစ်) ရေအား လျှပ်စစ်ဖက် မြန်မာ-KIA တိုက်ပွဲ ပြင်းထန် နေသော်လည်း KIO အရပ်ဖက် အုပ်ချုပ်ရေး ဌာနကမူ လိုင်ဇာ ပြည်သူ လူထုအတွက် သီးသန့် အသိပေး ကြေငြာချက် ထုတ်ပြန်ခြင်း မရှိဟုဆိုသည်။ ယခုချိန် လိုင်ဇာဒေသခံများ သာမန် လှုပ်ရှား သွားလာ နေကြဆဲဖြစ်သည်။
17:28 KNG .

0 comments: