Wednesday, June 29, 2011

တိုင်းရင်းသားဒေသ ကျုးကျော် ထိုးစစ်ဆင် တိုက်ခိုက် နေမှုအား ဂျပန်အစိုးရမှ ၀င်ရောက် တားဆီးပေးပါရန် တောင်းဆိုသည့် ဆန္ဒပြပွဲ


၂၀၁၁ ခုနှစ် ဇွန်လ (၂၈)ရက်။

တိုင်းရင်းသား ဒေသများအတွင်း ကြံ့ဖွတ် စစ်အစိုးရမှ ကျုးကျော် ထိုးစစ်ဆင် တိုက်ခိုက် နေမှုအား ရပ်တန့်စေရန် အတွက် ဂျပန်အစိုးရမှ ၀င်ရောက် တားဆီးပေးပါရန် တိုက်တွန်း တောင်းဆိုသည့် ဆန္ဒပြပွဲကို Kasumigaseki အရပ်ရှိ ဂျပန်နိုင်ငံခြားရေး ၀န်ကြီးရုံးရှေ့တွင် ယနေ့ ညနေ ၃း၀၀ နာရီ မှ ၄း၀၀ နာရီအထိ ကျင်းပပြုလုပ်ခဲ့ပါသည်။

တောင်းဆိုသည့် ဆန္ဒပြပွဲကို မြန်မာနိုင်ငံ ဒီမိုကရေစီ ကွန်ယက်(ဂျပန်)မှ တာဝန်ယူ ကျင်းပပြုလုပ်ပြီး တိုင်းရင်းသား ဒေသများ ထိုးစစ်ဆင် လူမျိုးတုံး မျိုးဖြုတ် သတ်ဖြတ် နေမှုများကို ဂျပန် အစိုးရမှ ၀င်ရောက် တားဆီးပေးဖို့ ပြည်တွင်းစစ် ရပ်စဲရန်အတွက် မြန်မာအစိုးရသစ် စစ်အုပ်စုအား ဖိအားပေး တောင်းဆိုပေးရန် ဂျပန်အစိုးရအား တိုက်တွန်း တောင်းဆိုခဲ့ကြပါသည်။ တိုက်တွန်း တောင်းဆိုသည့် စာကို NDB-Japan တာဝန်ခံ ၅ ဦးတို့မှ သွားရောက် ပေးပို့ခဲ့ပြီး နိုင်ငံခြားရေးဝန်ကြီးဌာန အရှေ့တောင်အရှ ရေးရာဝန်ခံ တဦးဖြစ်သူ Mr.TOMIOKA မှ လက်ခံရယူခဲ့ပါသည်။

ဆက်လက်ပြီး ဇူလိုင် လဆန်းတွင် ဂျပန်အစိုးရသည် ၂၀၁၀ ရွေးကောက်ပွဲဝင် နိုင်ငံရေးပါတီမှ ကိုယ်စားလှယ်များကို လာရောက်ရန် ဖိတ်ကြားထားသည့် ဂျပန်အစိုးရ၏ လုပ်ရပ်သည် နှင့် ပတ်သက်၍ မြန်မာနိုင်ငံ ဒီမိုကရေစီ ကွန်ယက်(ဂျပန်)NDB-Japan၏ ရပ်တည်ချက် ကန့်ကွက်သည့် သဘောထား များတို့ကို ပေးပို့ခဲ့ကြကြောင်း၊ ဂျပန်အစိုးရ၏ မြန်မာနိုင်ငံအပေါ် ထားရှိသည့် ရပ်တည်ချက် သဘောထားများ တို့ကို မေးမြန်းခဲ့ကြကြောင်း သိရှိရပါသည်။ ယနေ့ ဆန္ဒပြပွဲတွင် စုစုပေါင်း အင်အား ၁၀၀ ခန့် တက်ရောက် ခဲ့ကြကြောင်း သိရှိရပါသည်။

သတင်းမှတ်တမ်း ။ Mai Kyaw Oo
သတင်းဓါတ်ပုံ ။ ဦးသန်းဝင်း၊ Aung Htoo Thein

0 comments: