Tuesday, March 22, 2011

ဖူကူးရှီးမရှိ ပင်လယ်ရေမှာ ရေဒီယိုကြွ အိုင်အိုဒင်းနှင့် စီစီယမ်အတိုင်းအတာ မြင့်တက်လာ

ယနေ့သတင်း

ညူကလီးယား ဓါတ်ပေါင်းဖိုသို့ တနင်္လာနေ့ကို လျှပ်စစ်ဓါတ်အား ရောက်ရှိအောင် အပြင်းအထန် ကြိုးစားခဲ့သော်လည်း အဆုံးသတ် အခက်အခဲများကို ကျော်လွားရန်မှာ တွန့်လိမ် ကောက်ကွေးနေသော အပျက်အစီးများနှင့် တချို့တ၀က် ပျော်ကျနေသော ဓါတ်ပေါင်းဖို အဓိက အစိတ်အပိုင်းများက ကြီးမားသော အခက်အခဲများ ကိုဖြစ်စေသည်။

အပူလွန်ကဲနေသော ဓါတ်ပေါင်းဖို၏ အဓိက အစိတ်အပိုင်းများနှင့် အသုံးပြုပြီး လောင်စာချောင်း သိုလှောင် ကန်များ အတွင်းမှ ရေဒီယို စိမ့်ထွက်မှုများကို ကာကွယ်ရန် ရေအေး လည်ပတ်မှု စနစ်အတွက်  မော်တာများ၊ အဖွင့်အပိတ်အဆို့ရှင်များနှင့် ဓါတ်အားပေး ခလုပ်များကို ဓါတ်အား ရောက်ရန်မှာ ငလျှင် ဒဏ်ကြောင့် ပျက်စီး ခဲ့သော ဓါတ်ပေါင်းဖို ၆ လုံး စလုံးအတွက် အဓိကကျသော အချက်ဖြစ်ပြီး၊ သီအိုရီ အရလည်း လိုအပ်ပေသည်။

အစကတရက်အတွင်း ရေလည်ပတ်မှုစနစ်ကိုစတင်နိုင်မည်ဟုမျှော်မှန်းခဲ့သော်လည်း ယင်းကိုကျော်လွန် ရန်သတင်း ပတ်ပေါင်းများစွာ ကြာမည်ထင်ရသည်။

ကြီးမားသော သဘာဝ ဘေးအန္တရယ်က ညူကလီယား ဓါတ်အားပေး စက်ရုံကို မိမိတို့ မမျော်မှန်းခဲ့သော အ တိုင်းအတာ တရပ်သို့ ကြီးမားစွာ ပျက်စီးစေခဲ့သည် ဟု ညူကလီးယားနှင့် စက်ရုံများ လုံခြုံရေး အေဂျင်စီ  ဒုတိယ ညွန်ကြားရေမှူး Hidehiko Nishiyama ကပြောကြားသည်။

နောက် အခက်အခဲတခုမှာ ဓါတ်ပေါင်းဖို၂ ရှိ ရေလည်ပတ်မှု စနစ်ရှိ အဓိကပန့် များမှ ဆက်လက် အသုံးပြုရန် မဖြစ်နိုင်ကြောင်း တွေ့ရှိရသည်။ အစားထို ပြင်ဆင်ရန် လိုသည်။ ပန့်အသစ်များကို  အရေးတကြီး မှာနေရသည်။ မည်သည့် အချိန်ရောက်မည် မသိနိုင်သေး။

တာဝန်ရှိသူတဦးက လျှပ်စ်ဓါတ်အားကိုဖွင့်၊ ပန့်များကို အစားထိုးလည်ပတ်၊ ဓါတ်ပေါင်းဖိုနှင့် လောင်စာသို  လှောင်ကန်များအတွင်း ပင်လယ်ရေ အလုံအလောက် ထည့်နိုင်ပါက  တရက်တာအတွင်း အပူရှိန်ကို လုံခြုံမှုအဆင့်သို့ ရောက်ပြီး အအေး လည်ပတ်မှု အဆင့်ကို ထိန်းသိမ်းနှိင်မည်ဟု ဆိုသည်။

သို့မဟုတ်ပါက လက်ရှိ လုပ်ငန်းစဉ်အတိုင်း လူအား၊ စက်အားဖြင့် ရေပက်ရန်သာ ရှိဟုဆိုသည်။

U.S. Nuclear Regulatory Commission မှအရာရှိတဦးက ဓါတ်ပေါင်းဖို ၁၊၂ နှင့် ၃ များ အားလုံးပင် မကြောရိုးများ ပျက်စီး၊ သို့သော် ပြင်ပအခွံမှာ မပျက်ကြောင်း၊

အကောင်းမြင်ဘက်က ကြည့်ပါက အရာရာအားလုံးမှာ တည်ငြိမ်မှုအဆင့်သို့ ရောက်ပြီဟု ပြောနိုင်ကြောင်း ဆက်လက်ပြောဆို။

တနင်္လာနေ့က ဓါတ်ပေါင်းဖို ၃ တွင် အသုံးပြုပြီး လောင်စာချောင်းများ သိုလှောင်ရာကန်မှ မီးခိုများ ထွက်လာ ၍ ၀န်ထမ်းများကို ဘေးလွတ်ကင်းရာ အရေးပေါ်ကယ်ဆယ်ခဲ့ရ၊

ဖူကူးရှီးမရှိ ပင်လယ်ရေမှာ ရေဒီယိုကြွ အိုင်အိုဒင်းနှင့် စီစီယမ်အတိုင်းအတာ မြင့်တက်လာ၍ အစိုးရမှ ပင် လယ်အစားအစာများကို စမ်းသပ်ရန်လိုဟု တိုက်တွန်းမှုများ ရှိသည်။

ဂျပန်၏ အကြီးဆုံး ကုန်သွယ်ဖက် နိုင်ငံဖြစ်သော တရုပ်နိုင်ငံမှ ဂျပန်မှ တင်သွင်းသော အစားအစာ အားလုံးကို  စစ်ဆေးရန် ညွန်ကြား ထားသည်။ ကမ္ဘာကျန်းမာရေး အဖွဲ့ (WHO) ကလည်း ဂျပန်အစိုးရ အနေဖြင့် တင်းကျပ်သော တိုင်းထွာမှုများဖြင့် လူထုကို အာမခံမှုပြုသင့်ကြောင်း ပြောဆိုသည်။

ဂျပန်အစိုးရ တာဝန်ရှိသူများမှ အဆိပ်သင့်မှုမှာ နိမ့်သောအဆင့်ရှိပြီး အလွန်အကျွံ မစားသုံးပါက လူ၏ကျန်း
မာရေးကို ထိခိုက်နိုင်သော အဆင့် မရှိကြောင်းပြောဆို၊ သို့သော် အစိုးရက ထုတ်လွှင့်သော ရေဒီယို ဓါတ်ကြွ မှုအတိုင်းအတာ၊ အချို့ အစားအစာများကို မရောင်းချရန် တားမြစ်မှုနှင့် တချို့ လူထု၏ စိုးရိမ်မှုကို တိုးပွါးစေပြီး အခြေအနေကို ပို၍ဆိုးဝါးစေသည်။

ဇော်မင်းခိုင်
၂၂-၃-၂၀၁၁(၁၈း၃၀ နာရီ)

0 comments: