Sunday, March 20, 2011

တိုကျို မီးသတ်တပ်ဖွဲ့က သတင်းစာရှင်းလင်းပွဲလုပ်



မတ်လ ၁၉ ရက် ည ၁၀ နာရီထိုးပြီးနောက် တိုကျို မီးသတ်တပ်ဖွဲ့က သတင်းစာရှင်းလင်းပွဲလုပ်ခဲ့ပါတယ်။ ဒီကနေ့ရေပက်ဖျန်းမှုမှာ မီးသတ်အဖွဲ့ဝင် ၁၃၉ ဦးကို အသုံးပြုခဲ့ပါတယ်။ အန္တရာယ်ကြီးပေမဲ့ သတ်မှတ်ထား တဲ့အတိုင်း ပြီးအောင် လုပ်နိုင်ခဲ့တယ်လို့ ဆိုပါတယ်။ ရေ ၁၂၀၀ တန်ကျော်ကို ပက်ဖျန်းခဲ့နိုင်တယ်လို့ အဲန်အိပ်ခ်ျကေ ရဲ့မတ်လ ၂၀ ရက် ၀း၃၀ နာရီသတင်းမှာ ကြေညာသွားပါတယ်။ အင်မတန်မှာကို အန္တရာယ်ကြီးတဲ့ အခြေအနေအောက်မှာ လုပ်ခဲ့ရတယ်လို့ မီးသတ် တာဝန်ရှိသူတွေက ပြော သွားပါတယ်။ ပင်လယ်ရေကို စုပ်တဲ့မော်တော်ကားကနေ မီတာ ၈၀၀ အရှည်ရှိတဲ့ ပိုက်ကိုသုံးပြီး  မီးသတ်ကား ရှိတဲ့အထိ ပို့ပေးပြီး မီးသတ်ကားက ၂၂ မီတာအထိ လက်တံရှည်တဲ့ မီးသတ် ပိုက်ခေါင်းကနေ ရေကို ပက်ဖျန်းခဲ့တယ်လို့သိရပါတယ်။

ညူကလီယားနှင့် စက်မှု လုပ်ငန်းဘေးကင်းရေးဆိုင်ရာ အေဂျင်စီက ရေဒီယိုသတ္တိကြွမှုဟာ ၁၉ ရက် နေ့လယ် ၂ နာရီနောက်ပိုင်းတိုင်းထွာမှုနဲ့ ည ၇ နာရီနောက်ပိုင်းတိုင်းထွာမှုဟာ ၅၀၀ မိုက်ခရိုစီးဗာ့တ် ကွာခြားတယ်လို့ ထုတ်ဖေါ်ပြောပါတယ်။

သုံးပြီးသား ညူကလီယား လောင်စာတောင့်တွေကို သိုလှောင်တဲ့ ရေကန်ထဲမှာ ရေ လျော့ကျ လာတဲ့အတွက် အပူချိန် မြင့်လွန်းတဲ့လောင်စာတောင့်တွေဟာ ရေနဲ့မထိနိုင်တဲ့အခါ အငွေ့ပျံပြီး ရေဒီယို ဓာတ်သတ္တိကြွမှု တွေဖြစ်နိုင်တယ်လို့ သိရပါတယ်။ အဲဒါတွေက ဓာတ်ပေါင်းဖို ထည့်ထားရာ အဆောက်အဦတွင်းကနေ အပြင်ကို ထွက်သွားနိုင်တာကြောင့် လူအများရဲ့ စိုးရိမ်စိတ်တွေ မြင့်တက်နေတာ ဖြစ်ပါတယ်။

မွေးမြူရေးနဲ့စိုက်ပျိုးရေးဝန်ကြီးဌာနက ဖူကူရှီးမားခရိုင် ခါဝါ့မာ့တာ မြို့(ဓာတ်အားပေး စက်ရုံရဲ့ အနောက်မြောက်ဘက် ၄၅ ကီလိုမီတာ အကွာအဝေးတွင်ရှိပါတယ်) အတွင်းက နွားနို့စိမ်း(နွားခြံက ထွက်ပြီး ပြုပြင်ကာ ဘူးအတွင်း မထည့်ရသေးသော)နှင့် အီဘားရားကိခရိုင် အတွင်းရှိ တိုးကိုင်းရွာ။ ဟီတာချီမြို့၊ တာကာ့ဟာဂိမြို့ အပါအ၀င် မြူနီစီပယ်အုပ်ချုပ်ရေး ဒေသ ၆ ခုအတွင်းမှ ထွက်ရှိတဲ့ ဟိုးရင်းဆိုSpinach တွေမှာ ရေဒီယို ဓာတ်သတ္တိရောင်ခြည် သင့်ခံရတာတွေ တွေရလို့ စားသုံးရန် မသင့်တဲ့အတွက် ရောင်းချတာမျိုိးကို ပိတ်ပင်တာဖြစ်ပါတယ်။

ခါဝါ့မာ့တာ့မြို့မှာ ရေပိုက်က ထွက်တဲ့ရေထဲမှာ ရေဒီယိုဓာတ် သတ္တိကြွ အိုင်အိုဒင်းပါတယ်ဆိုတာ သိရပါတယ်၊ ဒါပေမဲ့ နွားနို့စိမ်းနဲ့ ဟိုးရင်းဆို တို့မှာပါတဲ့ ရေဒီယို ဓာတ်သတ္တိကြွမှုမှာ နိမ့်လွန်းတယ်လို့ ဆိုပါတယ်။

၁၉ ရက်နေ့ညပိုင်းမှာ ပြင်ပကနေ လျှပ်စစ်ဓာတ်အား ကြိုးလိုင်းကို ဖူကူရှီးမားအမှတ် ၁ ဓာတ်အားပေး စက်ရုံ နားအထိ သွယ်တန်းလို့ ပြီးပြီလို့ TEPCO က ပြောပါတယ်။

အစိုးရအဖွဲ့အတွင်းဝန်ချုပ် ယုကိအိုအဲဒါ့နို က သတင်းစာရှင်းလင်းပွဲမှာ အခြေအနေတွေကို ထိန်းချုပ်နိုင်ဖို့ ကြိုးစားနေတယ်လို့ဆိုပေမဲ့ မျှော်မှန်းလို့မရတဲ့အနေအထားမှာ ရှိနေတုန်းပဲလို့ ပြောပါတယ်။

ကျော်ကျော်စိုး
၁း၁၅ နာရီ
မတ်လ ၂၀ ရက် ၂၀၁၁ ခုနှစ်

0 comments: