Saturday, March 26, 2011

ဓါတ်ရောင်ခြည်ယိုစိမ့်မှု စောင့်ကြည့်ဖို့ ဂျပန်ဝန်ကြီးချုပ်သတိပေး

ဝန်ကြီးချုပ် နာအိုးတိုးခန် (Naoto Kan)
25 မတ် 2011

ဂျပန်နိုင်ငံ ဖူကူရှီးမား ခရိုင်က အမှတ် (၁) လျှပ်စစ် ဓါတ်အားပေး စက်ရုံရဲ့ နံပါတ် (၃) အနုမြူဓါတ်ပေါင်းဖို အတွင်းပိုင်းဟာ လုံးဝပျက်စီးသွားဖွယ်ရှိတယ် ဆိုတဲ့သတင်းကြောင့် ဒီဓါတ်ပေါင်းဖိုရဲ့ အန္တရာယ်ရှိတဲ့ အနေအထားဟာ မြင့်မား နေဆဲဖြစ်တယ်လို့ ဒီကနေ့ ၀န်ကြီးချုပ် နာအိုးတိုးခန် (Naoto Kan) က ရုပ်မြင်သံကြားကနေ တိုင်းပြည်ကို ပြောကြားသွားခဲ့ပါတယ်။ ဒီကနေ့ ရေဒီယို သတ္တိကြွရောင်ခြည်တွေ ပျံ့လွှင့်မှုမြင့်တက်လာ နေတာကြောင့် ဂျပန်တနိုင်ငံလုံး သတိဝီရိယနဲ့ ရှိနေကြရမယ်လို့လည်း ၀န်ကြီးချုပ် ခန်က ပြောပါတယ်။

ဂျပန်အစိုးရ ၀န်ကြီးအဖွဲ့ အတွင်းဝန်ချုပ် ယူခိယို အဲဒနို (Yukio Edano) ကလည်း ဒီဓါတ်ပေါင်းဖိုရဲ့ ၁၂ မိုင်ကနေ ၁၈ မိုင် ပတ်လည်အတွင်း နေထိုင်ကြသူတွေ ရွှေ့ပြောင်း သွားကြဖို့ တိုက်တွန်း ပြောကြား လိုက်ပါတယ်။

မတ်လ ၁၁ ရက်နေ့က ငလျင်နဲ့ဆူနာမီ ရေလှိုင်းကြီးတွေ ရိုက်ခတ်ခံခဲ့ရပြီးတဲ့နောက်ပိုင်း ၃ ရက်အကြာမှာ ဖူကူရှီးမားခရိုင် အမှတ် (၁) လျှပ်စစ် ဓါတ်အားပေးစက်ရုံက နံပါတ် (၃) အနုမြူ ဓါတ်ပေါင်းဖိုရဲ့ အတွင်းပိုင်းဟာ ဟိုက်ဒရိုဂျင် ဓါတ်ငွေ့ပေါက်ကွဲမှုကြောင့် လုံးဝပျက်စီးသွားဖွယ်ရှိတယ်လို့ ဂျပန် နျူကလီးယားနဲ့ စက်မှုလုပ်ငန်းများ လုံခြုံရေးအေဂျင်စီ ဒုတိယ ညွှန်ကြားရေးမှူး ဟိဒဲဟိကို နိရှိယာမ (Hidehiko Nishiyama) က ဒီကနေ့ သတင်း စာရှင်းလင်းပွဲမှာ ပြောကြားခဲ့ပါတယ်။

တရုတ်နိုင်ငံ ဖူဂျီယန် ပြည်နယ် (Fujian Province) ဂျားမင်း (Xiamen) မြို့ သင်္ဘောဆိပ်ကို ရောက်ရှိလာတဲ့ ကမ္ဘာလှည့်သင်္ဘောကြီးပေါ်က ဂျပန်ခရီးသည် ၂ ဦးဟာ ရေဒီယိုသတ္တိကြွ ဓါတ်ရောင်ခြည်တွေ အလွန်အမင်း ကျရောက်နေတာ တွေ့ရှိရပြီးတော့ သူတို့ကို အထူးဆေးရုံတရုံမှာ ဆေးစစ်မှုတွေ လုပ်နေတယ်လို့လည်း ဒီကနေ့ တရုတ် အာဏာပိုင်တွေက ပြောပါတယ်။ ဂျပန်ခရီးသည် ၂ ဦးရဲ့ ခရီးဆောင်သေတ္တာတွေနဲ့ ၀တ်ထားတဲ့အ၀တ်တွေပေါ်မှာ ကျရောက်နေတဲ့ ရေဒီယိုသတ္တိကြွ ဓါတ်ရောင်ခြည်တွေရဲ့ အန္တရာယ်ရှိမှုအဆင့်ဟာ သိပ်မြင့် လွန်းတယ်လို့လည်း တရုတ်အာဏာပိုင်တွေက ဆိုပါတယ်။

နိုင်ငံတကာက သင်္ဘောလိုင်းတချို့ကလည်း သူတို့ရဲ့ ကုန်သင်္ဘောတွေကို တိုကျိုပင်လယ်အော်ထဲက အဓိကအကျဆုံး ယိုကိုဟားမား (Yokohama) တို့ကို အ၀င်အထွက်မလုပ်ကြဖို့ ညွှန်ကြားထားပါတယ်။

Copy from _ voanews.com/

0 comments: