Friday, January 7, 2011

KNLA တပ်ဖွဲ့ဝင်များ ၂ ကြိမ် ဆက်တိုက် ပစ်ခတ်၍ နအဖ ၆ဦးသေ ၃ဦးဒဏ်ရာရ

AFP ,PHOTO
ဇန်န၀ါရီလ ၆ရက်။

ကရင်ပြည်နယ် မြ၀တီခရိုင် ဝေါ်လေဒေသ ကနဲလေး စခန်းရှိ နအဖ စစ်တပ်အား ယနေ့ ကရင်အမျိုးသား လွတ်မြောက်ရေး တပ်ဖွဲ့မှ ၂ကြိမ်ဆက်တိုက် ပြောက်ကျား သွားရောက် ပစ်ခတ်ခဲ့မှုကြောင့် နအဖ ဘက်မှ ၆ဦး သေဆုံးပြီး ၃ဦးဒဏ်ရာ ရရှိခဲ့သည်ဟု သိရသည်။

ကနဲလေးကျေးရွာ အခြေစိုက် စစ်ကွပ်ကဲရေး ဌာနချုပ် စကခ(၈) လက်အောက်ခံ ခမရ(၄၀၄)တပ်ရင်းအား KNLA တပ်ရင်း (၁၀၃)မှ ယနေ့နံနက်နှင့် မွန်းလွဲပိုင်းတို့တွင် နှစ်ကြိမ် ပြောက်ကျား စနစ်ဖြင့် အလစ်သွားရောက် ပစ်ခတ်ခဲ့ရာမှ နအဖ တပ်ဖွဲ့ဝင် များ အထိနာခြင်း ဖြစ်သည်ဟု ဝေါ်လေဒေတွင် လှုပ်ရှားနေသည့် DKBA တပ်မဟာ(၅)မှ တပ်မှူးတစ်ဦးက ပြောသည်။

အဆိုပါ DKBA လက်နက်ကြီး တပ်ဖွဲ့မှ ဗိုလ်ကြီးစောစမင်းက “၈း၁၅ မိနစ်မှာ တစ်ကြိမ်၊ ညနေ ၃နာရီမှာ တစ်ကြိမ် သွားချောင်း ပစ်တယ်။ ပထမ အခေါက်မှာ နအဖဘက် ၂ဦးနဲ့ ဒုတိယ တခေါက်ကျတော့ ၄ဦး ပွဲချင်းပြီးပဲ။ ၃ဦး အထိနာတယ်။ နအဖဘက်ကလည်း လက်နက်ကြီးတွေနဲ့ အချက် တော်တော်များများ ပြန်ထုတယ်။ KNLA ဘက်ကတော့ ထိတာမရှိဘူး။”ဟု ပြောသည်။

အလားတူ ယခုလ ဇန်န၀ါရီလ ၃နှင့် ၄ရက်နေ့က ဝေါ်လေဒေသရှိ ဖလူးကျေးနယ်ဘက်တွင်လည်း ဗိုလ်ကျော်သက် ဦးဆောင် သည့် ဒီကေဘီအေတပ်ဖွဲ့မှ ဖလူးလေး ကျေးရွာရှိ နအဖ စစ်တပ်အား လက်နက်ကြီး လက်နက်ငယ်များဖြင့် သွားချောင်းပစ်ခဲ့ ရာ နအဖဘက်က ထိခိုက် ဒဏ်ရာရရှိမှုရှိသည်ဟု ဒီကေဘီအေ ဘက်က ပြောသည်။

၎င်း ပစ်ခတ်မှုနှင့် ပတ်သက်၍ KNLA တပ်ရင်း(၂၀၁)ကို ယနေ့ တိုက်ရိုက် ဆက်သွယ်၍ မရသော်လည်း အတည်ပြု ပြောဆို သည့် ဒီကေဘီအေ တပ်ဖွဲ့မှာ ၎င်းကေအဲန်အယ်လ်အေတပ်ဖွဲ့ဝင်များနှင့် မနီးမဝေးတွင် စစ်ရေး လှုပ်ရှားနေသူများဖြစ်သည်။

ယခုရက်ပိုင်းအတွင်း နအဖစစ်တပ်မှ စစ်လက်နက်ကြီးငယ်များ၊ တပ်ရိက္ခာများ အပြည့်အစုံ၊ အင်အား အလုံးအရင်းဖြင့် တက် လာသည့်အတွက် ဝေါ်လေဒေသတွင် တိုက်ပွဲ အကြီးအကျယ် ဖြစ်ပွားနိုင်ကြောင်း နယ်စပ်ဒေသ စစ်ရေးအခြေအနေကို စောင့် ကြည့်နေကြသူများက သုံးသပ်ပြောဆိုသည်။

သတင်းရင်းမြစ် _ စောသိန်းမြင့် (ကေအိုင်စီ)

0 comments: