Wednesday, January 19, 2011

ဒုတိယ ပင်လုံ ညီလာခံကို ကြိုဆို သွားမည်ဟု (CEFU) မှပြောဆို

ဖက်ဒရယ် ပြည်ထောင်စု ပေါ်ထွန်းရေး ကော်မီတီမှ ပြောရေးဆိုခွင့်ရှိသူ နိုင်ဟံသာ
ဇန်နဝါရီလ 17 ရက် 2011 ခုနှစ်။

တိုင်းရင်းသား လက်နက်ကိုင်အဖွဲ့ (၆)ဖွဲ့နှင့် ဖွဲ့စည်းထားသော (Committee for Emergence Of Federal Union) ခေါ် ဖက်ဒရယ် ပြည်ထောင်စု ပေါ်ထွန်းရေး ကော်မီတီ အနေနှင့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကြိုးပမ်းဆောင်ရွက်သွားမည့် ဒုတိယ ပင်လုံညီလာခံကို ကြိုဆိုသွားမည်ဟု အဖွဲ့၏ ပြောရေးဆိုခွင့်ရှိသူ နိုင်ဟံသာမှ ပြောပါသည်။

“ဒေါ်အောင်ဆန်းစုကြည် တို့အနေနဲ့ သူတို့တတ်နိုင်တဲ့ နည်းလမ်း လုပ်နိုင်တဲ့ နည်းလမ်းကနေပြီးတော့ တိုင်းရင်းသားတွေရဲ့ အခွင့်အရေးနဲ့ ကျွန်တော်တို့နိုင်ငံ အေးချမ်းသာယာရေး အတွက်ကို သူတို့ လုပ်ဆောင်နေတာ ဖြစ်တယ်။ သူတို့လုပ်နေတာနဲ့ ကျွန်တော်တို့ ဦးတည်ချက်ကနဲ့တော့ ရည်ရွယ်ချက်ခြင်း ကတော့ အတူတူပါဘဲ။ အဲဒီတော့ အခုသူတို့ လုပ်နေတဲ့အပေါ်မှာ ကျွန်တော်တို့ကတော့ ဝမ်းသာပါတယ်။ ကြိုဆိုပါတယ်။ အားပေးပါတယ်။”

ဖက်ဒရယ်ပြည်ထောင်စုပေါ်ထွန်းရေးကော်မီတီ၏ ဒုတိယအကြိမ်မြောက်ညီလာခံကို ထိုင်းနယ်စပ် တနေရာတွင် ကျင်းပခဲ့ပြီး ဇန္ဖာဝါရီ(၁၄)ရက်နေ့၌ အဖွဲ့၏ထုတ်ပြန် ကြေညာချက်ကို ဖြန့်ဝေခဲ့သည်။ အဆိုပါ ညီလာခံ၏ ထူးခြားချက် တခုမှာ အရင်က(SSA)မြောက်ပိုင်းခေါ် ရှမ်းပြည် တိုးတက်ရေးပါတီ(SSPP)မှ တင်းပြည့် အဖွဲ့ဝင်အဖြစ် ပါဝင်လက်မှတ် ရေးထိုးခဲ့သည်ဟု နိုင်ဟံသာမှပြောပါသည်။

ဖက်ဒရယ် ပြည်ထောင်စု ပေါ်ထွန်းရေး ကော်မီတီကို အပစ်ရပ် တိုင်းရင်းသား လက်နက်ကိုင် အင်အားစု များနှင့် တိုက်ပွဲဝင်နေဆဲ တိုင်းရင်းသား လက်နက်ကိုင် အင်အားစုများ ဖြစ်သည့် ကချင်ပြည် လွတ်လပ်ရေးအဖွဲ့ (K.I.O)/ ကရင်အမျိုးသား အစည်းအရုံး (K.N.U)/ ကရင်နီ အမျိုးသားတိုးတက်ရေး ပါတီ (K.N.P.P)/ ချင်းအမျိုးသားတပ်ဦး(C.N.F)/ မွန်ပြည်သစ်ပါတီ(N.M.S.P) နှင့် ရှမ်းပြည် တိုးတက်ရေးပါတီ (SSPP) တို့နှင့် ဖွဲ့စည်း ထားပါသည်။ အဖွဲ့၏ လုပ်ငန်းစဉ်မှာဆိုရင် တိုင်းရင်းသား လက်နက်ကိုင် အင်အားစုများသည် စစ်ရေးအရ အပြန်အလှန် အကူညီ ပေးသွားမည်ဟု ပြောရေးဆိုခွင့် ရှိသူ နိုင်ဟံသာက ယခုလိုပြောပါသည်။


“စစ်အစိုးရရဲ့ထိုးစစ်တွေ ဆင်လာမယ်ဆိုရင် ကျွန်တော်တို့(CEFU) အဖွဲ့ဝင်တွေအပေါ်မှာတော့ တစ်ဖွဲ့ကိုတိုက်ရင် ကျန်တဲ့အဖွဲ့တွေကို တိုက်သလိုဘဲ ကျွန်တော်တို့ သဘောထားပြီးတော့ ရနိုင်တဲ့ နည်းလမ်းကနေ အကူညီ ပေးသွားဖို့ ရှိတယ်။ ဒါပေမဲ့ ဘယ်လိုကူညီရမလဲ ဆိုတာကတော့ တိတိကျကျ သတ်မှတ်ထားခြင်း မရှိသေးဘူး။ လိုအပ်တဲ့အပေါ်မှာ ကျွန်တော်တို့ စဉ်းစားပြီးတော့ ကူညီသွားမှာပါ။”

လာမည့် ဇန္ဖာဝါရီ(၃၁)ရက်နေ့တွင် မြန်မာနိုင်ငံမှာ လွှတ်တော်အသစ်ကို ဆင့်ခေါ်သွားမှာဖြစ်သော် လည်း နိုင်ငံအတွက် အပြောင်းအလဲ ရှိလာမှာ မဟုတ်ဟု အဖွဲ့၏ပြောရေးဆိုခွင့်ရှိသူ နိုင်ဟံသာက ပြောပါသည်။

ဖက်ဒရယ်ပြည်ထောင်စု ပေါ်ထွန်းရေး ကော်မီတီကို (၂ဝ၁ဝ)ပြည့်နှစ်၊ နိုဝင်ဘာလ(၄)ရက်နေ့တွင် စတင် ဖွဲ့စည်းခဲ့ပါသည်။ အမျိုးသား တန်းတူရေးနှင့် ကိုယ်ပိုင်ပြဌာန်းခွင့် ရရှိရေးအတွက် တိုက်ပွဲဝင်နေကြသည့် လက်နက်ကိုင် တိုင်းရင်းသား အဖွဲ့အစည်းများ၊ တိုင်းရင်းသား နိုင်ငံရေး အဖွဲ့အစည်းများ စုံညီစွာ တက်ရောက်မည့် တိုင်းရင်းသားလူမျိုးများ ညီလာခံတရပ်ကို အခြားအဖွဲ့များနှင့် ညှိနှိုင်းပြီးခေါ်ယူ ကျင်းပသွားမည်ဟု ဇန္ဖာဝါရီလ(၁၄) ရက်နေ့ထုတ် ကျေညာချက်ထဲတွင် ထုတ်ပြန်ထားပါသည်။

သတင်းရင်းမြစ် - ကောင်းဝါ သတင်းဌာန

0 comments: