Wednesday, March 31, 2010

အန်အယ်လ်ဒီ၏ မူလနိုင်ငံရေးမပျက် ဆက်လက်လုပ်ဆောင်မည်ဟု ဦးဝင်းတင် ပြောကြား။


NEJ/ ၃၁ မတ် ၂ဝ၁ဝ

အဖွဲ့ချုပ် ဖျက်သိမ်းခံရလျှင် အဖွဲ့ချုပ်ပျက်စီးသည်ဟု မယူဆ၊ ပျက်စီးခြင်းမဟုတ်ဟု ဒေါ်အောင်ဆန်းစုကြည်၏ မှာကြားချက် အတိုင်း အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ချမှတ်ထားသည့် နိုင်ငံရေးဦးတည်ချက်များအရ နိုင်ငံရေး ဆက်လက်လုပ်ဆောင်သွားမည်ဟု ဦးဝင်းတင်က ပြောကြားသည်။

၂၀၁၀ ခုနှစ် နအဖကောင်စီက ထုတ်ပြန်ထားသည့် ရွေးကောက်ပွဲဆိုင်ရာ ဥပဒေများသည် တရားမျှတမှု လုံးဝမရှိသဖြင့် အန်အယ်လ်ဒီသည် ပါတီအဖြစ် ထပ်မံမှတ်ပုံတင်တော့မည်မဟုတ်ဟု မတ် (၂၉) ရက်တွင် ပြုလုပ်သည့် ဗဟိုဦးစီးအဖွဲ့ အစည်းအဝေး ဆုံးဖြတ်ချက် ထွက်ပေါ်ခဲ့ပြီးနောက် အဖွဲ့ချုပ် ဗဟိုအလုပ်အမှုဆောင်တဦးဖြစ်သူ ဦးဝင်းတင်က ခေတ်ပြိုင်သို့ ပြောကြားခြင်းဖြစ်သည်။

၎င်းက “ဒေါ်အောင်ဆန်းစုကြည် ညွှန်းတဲ့အတိုင်းပဲ။ ကျနော်တို့ခေါင်းထဲမှာ၊ ကျနော်တို့အသည်းနှလုံးထဲမှာ နိုင်ငံရေးတွေရှိနေရင် အဲဒီနိုင်ငံရေးတွေကို ကျနော်တို့ ဒီမိုကရေစီအဖွဲ့အစည်းတခုအနေနဲ့ ရပ်တည်တဲ့အချိန်တုန်းက ရှိခဲ့တဲ့အတိုင်းပဲ ဆက်ပြီးတော့ ဒါတွေကို ထိန်းသိမ်းသွားရမယ်လို့ မြင်ပါတယ်” ဟု ပြောသည်။

မြန်မာနိုင်ငံတွင် စစ်မှန်သည့် ဒီမိုကရေစီတည်ထောင်ရန်၊ လူ့အခွင့်အရေးများ အပြည့်အ၀ရရှိရန်၊ စစ်မှန်သည့် ပြည်ထောင်စုစနစ် ထွန်းကားရန်နှင့် အာဏာရှင်စနစ်မှန်သမျှ ဖယ်ရှားရန် ဆိုသည့်အချက်များသည် အန်အယ်လ်ဒီက ချမှတ်ထားသည့် နိုင်ငံရေးဦးတည်ချက်များဖြစ်ကြောင်း ဦးဝင်းတင်က ပြောကြားသည်။

သာမန်အားဖြင့် နဂိုရှိပြီးသား နိုင်ငံရေးရပ်တည်ချက်များကို ထိန်းသည့်သဘောဖြင့် ဆက်လက်လုပ်ဆောင်သွားရန် လိုအပ်ကြောင်း၊ တနိုင်ငံလုံးရှိ အန်အယ်လ်ဒီပါတီဝင်များနှင့် နဂိုရှိပြီးသား စည်းရုံးမှုကို ဆက်လက်တည်ဆောက်ပြီး တိုင်းရင်းသားအဖွဲ့အစည်းများ အပါအ၀င် ကျောင်းသားအဖွဲ့အစည်းများ စသည်တို့ဖြင့် ဆက်သွယ်လုပ်ဆောင်မှုများကို လုပ်ဆောင်သွားရန် လိုအပ်ကြောင်း ၎င်းက ပြောသည်။

“တိုင်းရင်းသားတွေ အဖွဲ့အစည်းတွေနဲ့ ပူးပေါင်းဆောင်ရွက်ခဲ့တဲ့ အစဉ်အလာကို မြင့်မားစွာဆက်လက်ပြီး ဆောင်ရွက်သွားမှာ ဖြစ်ပါတယ်။ ကျနော်တို့ဟာ တတ်နိုင်သမျှ ကျနော်တို့ရဲ့ နဂိုရှိနေတဲ့ ညီညွတ်ရေး လူထုထောက်ခံမှုတွေကို ကိုင်စွဲပြီး ရှေ့ဆက်သွားရမှာ ဖြစ်ပါတယ်။ ပြည်သူလူထုရဲ့ ထောက်ခံမှုဟာ ကျနော်တို့ အန်အယ်လ်ဒီပေါ် ကြီးမားစွာပဲရှိတယ်လို့ ယုံတယ်။ ကျနော်တို့ဟာ ပြည်သူတွေရဲ့အရေးတွေကို စောင့်ရှောက်ရမယ်၊ ကြည့်ရမယ်၊ ကြားနာရမယ်၊ ပြည်သူတွေရဲ့ ထင်မြင်ယူဆချက်တွေကို တုံ့ပြန်ရမယ်ဆိုတဲ့ဟာ ရှိတဲ့အခါကျတော့ ပြည်သူလူထုရဲ့ခွင်ထဲမှာလည်း လှုပ်ရှားသွားမှာပဲ ဖြစ်ပါတယ်။ လူထုကို မျက်နှာမူတဲ့ နိုင်ငံရေး လုပ်ကြရမယ်” ဟု ဦးဝင်းတင်က ပြောကြားသည်။

အန်အယ်လ်ဒီအနေဖြင့် မှတ်ပုံတင်ခြင်း မတင်ခြင်းသည် အဓိကမဟုတ်ဘဲ နိုင်ငံရေးဦးတည်ချက်၊ နိုင်ငံရေးရည်မှန်းချက်များ၊ နိုင်ငံရေးပန်းတိုင်များက အဓိကဖြစ်ကြောင်း ၎င်းက ဆက်လက်ပြောကြားသည်။

“တွေ့ဆုံဆွေးနွေးပွဲဆိုတာ ကျနော်တို့ရဲ့ နိုင်ငံရေးပစ်မှတ်တခု ဖြစ်ပါတယ်။ ဒီဟာကို ကျနော်တို့ အစဉ်တစိုက်တောင်းဆိုနေတာ အန်အယ်လ်ဒီ စဖွဲ့တဲ့ ၁၉၈၈ ခုနှစ် အောက်တိုဘာလလောက်ကတည်းက ဒေါ်အောင်ဆန်းစုကြည်ကိုယ်တိုင် စာရေးပြီးတော့ န၀တထံ ပို့ထားတဲ့ စာကစခဲ့တာ။ နောက်ဆုံး ဗိုလ်ချုပ်မှူးကြီး သန်းရွှေဆီ စာရေးတဲ့အထိလည်း ဒေါ်အောင်ဆန်းစုကြည်က တွေ့ဆုံဆွေးနွေးဖို့ကိစ္စကို ပြောနေတာပဲ” ဟု ဦးဝင်းတင်က ပြောသည်။

“ဒီနေ့ပါတီ မရှိပေမယ့်လို့ ဒေါ်အောင်ဆန်းစုကြည်ရှိတယ်၊ ပါတီမှတ်ပုံမတင်လို့ ပါတီအနေနဲ့ မရပ်တည်နိုင်ဘူး။ ဒါပေမယ့် ဒေါ်အောင်ဆန်းစုကြည်က မှတ်ပုံတင်မှ ဒေါ်အောင်ဆန်းစုကြည်ဖြစ်တာ မဟုတ်ဘူး။ ဒေါ်အောင်ဆန်းစုကြည်က မှတ်ပုံမတင်လည်း လူထုခေါင်းဆောင်၊ အမျိုးသားခေါင်းဆောင်၊ ကမ္ဘာ့ခေါင်းဆောင်ဖြစ်နေတာ။ ဒီနေ့တိုင်းပြည်ရဲ့ နိုင်ငံရေးပြဿနာတွေကို ဖြေရှင်းမယ်ဆိုရင် ဒေါ်အောင်ဆန်းစုကြည်ကို သူတို့ ဘယ်လိုမှ ဖယ်ရှားလို့မရဘူး။ ဒေါ်အောင်ဆန်းစုကြည်ဟာ ပြည်သူက အသိအမှတ်ပြုထားတဲ့ ပြည်သူကနေ ယုံကြည်ကိုးစားနေတဲ့ နိုင်ငံရေး မိခင်ကြီးတယောက်လို ဖြစ်နေတယ်။ ရှေ့ဆက်ပြီး တွေ့ဆုံဆွေးနွေးပွဲကို တောင်းဆိုနေရမှာပဲ” ဟုလည်း ၎င်းက ပြောကြားသည်။


PNS-Japan
သတင်းမှတ်တမ်း ။ မူရင်း khitpyaing.org News,


နယ်ခြားစောင့်တပ် အသွင်ပြောင်းရေးကိစ္စ နအဖနှင့် ၀တပ်ဖွဲ့ မနက်ဖြန် တွေ့ဆုံမည် ။

ပေါက်ပေါက်/ ၃၁ မတ် ၂ဝ၁ဝ

ဝပြည်သွေးစည်းညီညွတ်ရေးတပ်မတော် (UWSA) ဝတပ်ဖွဲ့ ကိုယ်စားလှယ်များနှင့် နအဖစစ်ဖက်ရေးရာ လုံခြုံရေးအရာရှိချုပ် ဒု-ဗိုလ်ချုပ်ကြီး ရဲမြင့်တို့ မနက်ဖြန်တွင် ရှမ်းပြည်မြောက်ပိုင်း တန့်ယန်းမြို့၌ တွေ့ဆုံကြမည်။

ဝတပ်ဖွဲ့မှ ဒု-ဥက္ကဋ္ဌ ပေါက်ယိုယိ ဦးဆောင်သည့်အဖွဲ့နှင့် ဒု-ဗိုလ်ချုပ်ကြီး ရဲမြင့်တို့ တွေ့ဆုံကြမည်ဖြစ်ပြီး နယ်ခြားစောင့်တပ် အသွင်ပြောင်းရေးအတွက် နောက်ဆုံးရက် သတ်မှတ်ပေးဖွယ်ရှိသည်ဟု အပစ်ရပ်ခေါင်းဆောင်များနှင့် နီးစပ်သူတဦးက ပြောသည်။

၎င်းက “ဒု-ဥက္ကဋ္ဌ ပေါက်ယိုယိနဲ့ ဗဟိုကော်မတီ ကျောက်ဝမ်ကွမ်းတို့ ဦးဆောင်ပြီး မနက်ဖြန် တန့်ယန်းသွားကြမယ်။ ဗိုလ်ရဲမြင့် ပြောမယ့်စကားတော့ ခန့်မှန်းလို့ ရနေပြီပဲ။ မိုင်းလားတပ်ဖွဲ့ကို ရာဇသံပေးလိုက်သလို ဧပြီ (၂၈) ရက် နောက်ဆုံးထားပြီး နယ်ခြားစောင့်တပ်လက်ခံဖို့၊ မဟုတ်ရင် မတရားအသင်း ကြေညာမယ်ဆိုတာပဲ ဖြစ်မှာပေါ့” ဟု ပြောသည်။

ယခုလ (၂၈) ရက်က ရှမ်းပြည်အရှေ့ပိုင်း၊ အထူးဒေသ (၄)၊ အမျိုးသားဒီမိုကရေစီမဟာမိတ်တပ်မတော် (NDAA-ESS) မိုင်းလားတပ်ဖွဲ့မှ ဒု-ဥက္ကဋ္ဌ ဦးစံလူ ဦးဆောင်သည့်အဖွဲ့နှင့် ဒု-ဗိုလ်ချုပ်ကြီး ရဲမြင်တို့ ကျိုင်းတုံမြို့တွင် တွေ့ဆုံစဉ် ဧပြီ (၂၈) ရက် နောက်ဆုံးထား၍ နယ်ခြားစောင့်တပ်အသွင်ပြောင်းရန်နှင့် ပျက်ကွက်ပါက မတရားအသင်းအဖြစ် ကြေညာသွားမည်ဟု နအဖဘက်က ပြတ်ပြတ်သားသား ပြောဆိုခဲ့သည်ဟု အပစ်ရပ်ခေါင်းဆောင်များနှင့် နီးစပ်သူတဦးက ပြောသည်။

ယမန်နှစ်၊ ဧပြီလ (၂၈) ရက်မှစတင်၍ အပစ်ရပ်အဖွဲ့များအား နယ်ခြားစောင့်တပ်အသွင်ပြောင်းရန် နအဖဘက်က ပြောဆိုကမ်းလှမ်းခဲ့ပြီး နောက်ဆုံးသတ်မှတ်ရက်အဖြစ် ၂ဝဝ၉ ခုနှစ် အောက်တိုဘာလကုန်ရက်ဟု လည်းကောင်း၊ ၂ဝဝ၉ ခုနှစ် ဒီဇင်ဘာလကုန်ရက်ဟု လည်းကောင်း၊ ၂ဝ၁ဝ ခုနှစ် ဖေဖော်ဝါရီလကုန်ရက်ဟု လည်းကောင်း အကြိမ်ကြိမ်သတ်မှတ်နေခဲ့ရာမှ ယခု တနှစ် တင်းတင်းပြည့်မြောက်မည့် ဧပြီလ (၂၈) ရက်နေ့ကို နောက်ဆုံးရက် သတ်မှတ်လိုက်ခြင်းဖြစ်သည်။


PNS-Japan
သတင်းမှတ်တမ်း ။ မူရင်း .khitpyaing.org/news




အပြည့်အစုံသို့ ...

Rest of your post

ဖြိုခွင်းမှုသစ်များ လုပ်လာနိုင်ကြောင်း ဦးဝင်းတင်ပြော ။

Fresh crackdown in offing: Win Tin

ဗီဒီယိုမှတ်တမ်း။ မူရင်း mizzimanewsTV


မတရားသည့် ရွေးကောက်ပွဲ ဥပဒေများ ကန့် ကွက်ဆန္ဒပြအခမ်းအနား(တိုကျို)။



၂၀၁၀ ခုနှစ် မတ်လ(၃၀)ရက်။


ယနေ့  မတ်လ ၃၀ ရက် နေ့  တိုကျိုမြို့ ရှီနာဂါဝါရှိ နအဖ စစ်အခွန်ရုံး (သံရုံး)ရှေ့ တွင် နအဖ စစ်အုပ်စု၏ မတရားသည့် ရွေးကောက်ပွဲ ဥပဒေများ ကန့် ကွက်ဆန္ဒပြခြင်းနှင့် ဒီပဲယင်း လုပ်ကြံသတ်ဖြတ်မူ (၈၂) လပြည့် ၀မ်းနည်းခြင်းအခမ်းအနား ကို အမျိုးသားဒီမိုကရေစီအဖွဲ့ ချုပ်(လွတ်မြောက်နယ်မြေ) ဂျပန်ဌာနခွဲ့ မှဦးစီးကျင်းပခဲ့ပါသည်။

အခမ်းအနာမှူးအဖြင့် NLD-La(JB) အတွင်းရေးမှူး ဦးဇော်မင်းထွန်းမှ ယနေ့ ကျင်းပပြုလုပ်ရခြင်း၏ ရည်ရွယ်ချက်ကို ရှင်းလင်းတင်ပြပြီး တက်ရောက်လာကြသည့် အဖွဲ့ အစည်းအသီးသီးတို့ မှ တာဝန်ရှိသူများတို့ ကလည်း နအဖ၏ အမတရားသည့် ရွေးကောက်ပွဲ ဥပဒေများကို ကန့် ကွက်ရှုတ်ချခဲ့ကြပါသည်။

အခမ်းအနားကို ညနေ ၃း၀၀ နာရီ မှ ၄း၀၀ နာရီ အထိ ကျင်းပပြုလုပ်ခဲ့ပြီး ဂျပန်နိူင်ငံရောက် ဒီမိုကရေစီအင်အားစု စုစုပေါင်း (၂၀၀)ကျော်ခန့်  တက်ရောက်ခဲ့ကြပါသည်။

PNS-Japan
မှတ်တမ်းဓါတ်ပုံ။ Lian Khan Sum


အပြည့်အစုံသို့ ...

Rest of your post

NLD ဆုံးဖြတ်ချက်ကို အမေရိကန်နှင့် ကုလ အလေးထား ။


(ဓာတ်ပုံ - ရိုက်တာ)

ဧရာဝတီ Tuesday, March 30, 2010 .

ရွေးကောက်ပွဲတွင် ပါဝင်ခြင်း မပြုရန် ဆုံးဖြတ် လိုက်သည့် အမျိုးသား ဒီမိုကရေစီ အဖွဲ့ချုပ် (NLD) ၏ ဆုံးဖြတ်ချက်ကို လေးစားကြောင်း အမေရိကန် အစိုးရနှင့် ကုလသမဂ္ဂတို့က တနင်္လာ နေ့တွင် ပြောကြား လိုက်ကြသည်။

ရွေးကောက်ပွဲနှင့် ပတ်သက်ပြီး ဒေါ်အောင်ဆန်း စုကြည်နှင့် သူ့ပါတီ၏ မည်သည့် ဆုံးဖြတ် ချက်ကို မဆို နိုင်ငံတကာ အသိုင်းအ၀န်းက လေးစားကြရန် လိုအပ်သည်ဟု ကုလသမဂ္ဂ အထွေထွေ အတွင်း ရေးမှူးချုပ် မစ္စတာ ဘန်ကီမွန်း၏ ပြောခွင့် ရပုဂ္ဂိုလ် မစ္စတာ မာတင်နီ ဆာကီက နယူးယောက်မြို့ ကုလသမဂ္ဂ ဌာနချုပ်တွင် ပြောကြား လိုက်သည်။ ပြီးခဲ့သည့် အပတ်က ထုတ်ပြန်ခဲ့သည့် မစ္စတာ ဘန်ကီမွန်း၏ ကြေညာချက်ကို ရည်ညွှန်းပြီး သတင်း ထောက်များကို ထိုသို့ ပြောလိုက်ခြင်း ဖြစ်သည်။

“သူ (မစ္စတာ ဘန်ကီမွန်း) ပြောခဲ့သလိုပါပဲ ဒီရွေးကောက်ပွဲက မျှတပြီး ယုံကြည်စိတ်ချရတယ်လို့ ယူဆနိုင်တယ်ဆိုရင် အများရဲ့ ပါဝင်နိုင်မှု ရှိနိုင်သမျှ ရှိဖို့ လိုအပ်ပါတယ်” ဟု ပြောခွင့်ရပုဂ္ဂိုလ်က ရှင်းပြသည်။

မစ္စတာ ဘန်ကီမွန်းက သူ၏ မြန်မာ့မိတ်ဆွေနိုင်ငံများအဖွဲ့နှင့် ပြီးခဲ့သည့် အပတ်က တွေ့ဆုံရာတွင် ထိုသို့ ထည့်သွင်းပြောကြားခဲ့သည်ဟု သိရသည်။

အမေရိကန် အစိုးရကလည်း NLD ၏ ဆုံးဖြတ်ချက်ကို လေးစားသည်ဟု အမေရိကန် နိုင်ငံခြားရေးဌာန၏ ပြည်သူ့ရေးရာဌာန အကြီးအကဲ မစ္စတာ ပီဂျေခရော်လေ က ပြောသည်။

“မြန်မာပြည် နိုင်ငံရေး ဖြစ်စဉ်မှာ လိုအပ်တယ်လို့ ကျနော်တို့ ယူဆထားတဲ့ ဒေါ်အောင်ဆန်းစုကြည်လို ပုဂ္ဂိုလ်မျိုးတွေ၊ တခြား အဖွဲ့တွေ၊ တိုင်းရင်းသားအဖွဲ့တွေနဲ့ အလေးအနက်ထားပြီး ဆွေးနွေးဖို့ မြန်မာအစိုးရက ဆန္ဒမရှိတဲ့အတွက်ကြောင့် NLD က ဒီလို ဆုံးဖြတ်လိုက်တာပဲ လို့ ကျနော်တို့ နားလည်မိပါတယ်” ဟု မစ္စတာ ပီဂျေခရော်လေ က ပြောသည်။

ပြီးခဲ့သည့်နှစ်ကစပြီး အမေရိကန်အစိုးရသည် မြန်မာစစ်အစိုးရနှင့် ဆက်ဆံရာတွင် ထိတွေ့ဆက်ဆံရေး၊ ဒဏ်ခတ်ပိတ်ဆို့ရေး နည်းလမ်းနှစ်သွယ်ကို တပြိုင်နက် ကျင့်သုံးခဲ့သည်။

“ရွေးကောက်ပွဲဥပဒေတွေနဲ့ ပတ်သက်ပြီး ကျနော်တို့ အမြင်ကို ပြောပြီးပါပြီ။ စိတ်ပျက်စရာ ဥပဒေတွေလို့ ကျနော်တို့ ထင်ပါတယ်။ ဒီလို ပြောပြီး နောက်ပိုင်းမှာတော့ မြန်မာအစိုးရနဲ့ တိုက်ရိုက် ဆွေးနွေးတာ မရှိသေးပါဘူး။ အနာဂတ်မှာ မရှိဘူးလို့တော့ မပြောနိုင်ပါဘူး။ သို့သော်လည်းပဲ မြန်မာပြည်မှာ ထုတ်ပြန်ခဲ့တဲ့ ရွေးကောက်ပွဲဥပဒေတွေက နည်းမှန် လမ်းမှန် မဟုတ်ပါဘူး” ဟု မစ္စတာ ပီဂျေခရော်လေ က ရှင်းပြသည်။

ဤအတောအတွင်း ၀ါရှင်တန်အခြေစိုက် US Campaign for Burma ခေါ် မြန်မာ့အရေး လှုပ်ရှားသည့် အဖွဲ့က NLD ၏ ဆုံးဖြတ်ချက်ကို ထောက်ခံကြောင်း ယမန်နေ့က ကြေညာချက် ထုတ်လိုက်သည်။

“NLD ခေါင်းဆောင်တွေက သတ္တိရှိရှိ ဆုံးဖြတ်လိုက်တာပါပဲ။ ဒီအတွက် ကျနော်တို့ အင်မတန် ဂုဏ်ယူပါတယ်” ဟု ထိုအဖွဲ့၏ ညွှန်ကြားရေးမှူး ကိုအောင်ဒင်က ပြောသည်။

“စစ်အုပ်စုရဲ့ အတုအယောင် ရွေးကောက်ပွဲကို လက်မခံတဲ့ နည်းနဲ့ သူတို့အားလုံးက ဒေါ်အောင်ဆန်းစုကြည်၊ နိုင်ငံရေးအကျဉ်းသားတွေ၊ ပြီးတော့ ပြည်သူတွေ နဲ့အတူ ဆက်လက် ရပ်တည်ဖို့ ဆုံးဖြတ်လိုက်ကြတာပါပဲ” ဟု ကိုအောင်ဒင်က ဆိုသည်။

PNS-Japan
သတင်းမှတ်တမ်း။ မူရင်း irrawaddy.org




မိုင်းလားတပ်ဖွဲ့အား ဗိုလ်ချုပ်ရဲမြင့်က ပဉ္စမအကြိမ် နောက်ဆုံးဒက်လိုင်းရာဇသံထပ်ပေး ။


Tuesday, 30 March 2010 20:58 သျှမ်းသံတော်ဆင့်

နယ်ခြားစောင့်တပ်အသွင်ပြောင်းရေးအတွက် မိုင်းလားတပ်ဖွဲ့အား နအဖ၏ စရဖ ညွှန်ချုပ် ဒုဗိုလ်ချုပ်ကြီးရဲမြင့် ခေါ်ယူတွေ့ဆုံ၍ ဧပြီလနောက်ဆုံးပတ်သတ်မှတ်ရက် အဖြေပေးရန်၊ သို့မဟုတ်လျှင် မတရားအသင်းဖြစ်မည်ဟု ဖိအားပေးခဲ့ကြောင်း ကျိုင်းတုံ - ပန်ဆန်း သတင်းရပ်ကွက်ကဆိုသည်။

“ဗိုလ်ရဲမြင့်က မိုင်းလားခေါင်းဆောင်တွေကိုပြီးခဲ့တဲ့ ၂၈ ရက်က တွေ့ဖို့လှမ်းခေါ်တယ်။ လာမယ့် ဧပြီလ ၂၈ တကယ့် နောက်ဆုံး အချိန်ထပ်ပေးမယ်၊ အသွင်ပြောင်းရင်ပြောင်း မပြောင်းရင် ဘာညာပေါ့၊ မိုင်းလားကိုယ်စား လှယ် အဖွဲ့ကတော့ ဘာဆိုဘာမှ ပြန်မပြောရဘူး”- ဟုအမည်မဖေါ်လိုသည့် ကျိုင်းတုံစစ်တိုင်းရုံးအသိုင်းအ၀ိုင်း နှင့်ဝင်ဆန့်သူတဦးက ပြောပါသည်။

ဒုဗိုလ်ချုပ်ကြီးရဲမြင့် ဖိတ်ခေါ်ချက်အရ ဒုဥက္ကဌ (၂) စ၀်ဆန်လူ၊ ဒုစစ်ဦးစီးချုပ် စ၀်ခမ်းမောင်၊ ကျိုင်းတုံရှိ မိုင်းလား အဖွဲ့ရုံးတာဝန်ခံ စိုင်းစိုးဝင်း အပါအ၀င် မိုင်းလား ကိုယ်စားလှယ် ၈ ဦး မတ်ခ်ျ ၂၉ ရက် မနက်ပိုင်းက တြိဂံစစ် တိုင်းရုံးသို့ ရောက်ရှိပြီး စရဖ အရာရှိချုပ် ဒုဗိုလ်ချုပ်ကြီးရဲမြင့်နှင့် တိုင်းမှူးဗိုလ်ချုပ်ကျော်ဖြိုးတို့အား သွားရောက် တွေ့ဆုံခဲ့သည် ဟုဆို၏။ ထို့အတူ UWSAပန်ဆန်းဌာနချုပ်အားလည်း ဧပြီ ၁ ရက် တန်ယန်းသို့ သွားတွေ့ရန် မှာကြားခဲ့သည်ဟု ဆိုသည်။

ရောက်ရောက်ချင်း စရဖ အရာရှိချုပ် က လာမည့် ဧပြီ ၂၈ ရက် တနှစ်ပြည့် နောက်ဆုံးသတ်မှတ်ရက် ယတိပြတ် ကန့်သတ်ပေးကြောင်း၊ တစုံတရာအကြောင်းမပြန်လျှင် ၁၉၈၉ မတိုင်မီ နှစ်များကဲ့သို့ သတ်မှတ်ယူရမည်ဖြစ်ကြောင်း ပြောရာ မိုင်းလားတပ်ဖွဲ့မှ တစုံတရာတုန့်ပြန်ဆွေးနွေးခွင့်မပေးဘဲ ထိုင်နားထောင်ရုံ သက်သက်သာ ဖြစ်သည်ဟုဆိုပါ သည်။

“ဧပြီ ၂၈ ရက်က တကယ့်နောက်ဆုံး သတ်မှတ်ရက်တဲ့၊ မပြောင်းလို့ အဲဒီ့ဒက်လိုင်းကုန်သွားရင်တော့ ၁၉၈၉ မတိုင်ခင် အနေအထားအတိုင်း ပြန်ဖြစ်သွားမယ်ဆိုဘဲ။ ဆိုလိုတာက မတရားအသင်းဖြစ်သွားမယ်ပေါ့။ ဗိုလ်ရဲမြင့်က တိုတို တုတ်တုတ် ပြောပြီးခြိမ်းခြောက်တယ်”- ဟု ထိုင်းနယ်စပ်ရောက် ပန်ဆန်းကုန်သည်တဦးက သျှမ်းသံတော်ဆင့်သို့ ပြောပါသည်။

အသွင်ပြောင်းရေးအတွက် မူအားဖြင့် လက်ခံထားသည့် မိုင်းလားတပ်ဖွဲ့၏ တောင်းဆိုချက် ၆ ချက်ကိုလည်း ဒုဗိုလ်ချုပ်ကြီး ရဲမြင့်က ၂၀၀၈ ဖွဲ့စည်းပုံနှင့် အကြုံးမ၀င်ဟုဆိုကာ ပါယ်ချခဲ့သည်။

ဖေဖေါ်ဝါရီ ၂၅ ရက်က တြိဂံတိုင်းမှူးဖိတ်ကြားချက်အရ ကျိုင်းတုံတြိဂံစစ်တိုင်းရုံးသို့ မိုင်းလားအဆင့်မြင့် ကိုယ်စား လှယ်အဖွဲ့တဖွဲ့သွားရောက်သော်လည်း ဥက္ကဌ ဦးစိုင်းလင်း ကိုယ်တိုင်မသွားသဖြင့် တိုင်းမှူးဗိုလ် ချုပ်ကျော်ဖြိုးအပါအ၀င် ကျိုင်းတုံရောက်နေသည့် ဒုဗိုလ်ချုပ်ကြီးရဲမြင့်တို့က ရာထူးအဆင့်အတန်းခြင်းမတူဟု ဆိုကာ လက်ခံတွေ့ဆုံခြင်းမရှိပေ။

နယ်ခြားစောင့်တပ်အသွင်ပြောင်းရန် မိုင်းလားတပ်ဖွဲ့အား နအဖ မှ ခေါ်ယူတွေ့ဆုံ၍ ယခုအကြိမ် (ဧပြီ ၂၈ ရက် ) နောက်ဆုံး သတ်မှတ်ရက်ပေးခြင်းမှာ ပဉ္စမအကြိမ်မြောက်ဖြစ်၏။ ပထမ အကြိမ်- အောက်တိုဘာ ၂၀၀၉၊ ဒုတိယ အကြိမ် ဒီဇင်ဘာ ၂၀၀၉၊ တတိယအကြိမ် ဖေဖေါ်ဝါရီ ၂၀၁၀၊ စတုတ္ထအကြိမ်က မတ်ခ်ျ ၁၀ ရက်နေ့ ဖြစ်ပြီး ယခု ပဉ္စမအကြိမ် နောက်ဆုံးဒက်လိုင်းမှာမူ တကယ့်ဒက်လိုင်းဖြစ်သည်ဟု ပြော၏။ အပစ်ရပ်များ ယခုအခြေအနေအတိုင်း ဆက်လက် ခေါင်းခါ ငြင်းဆန်သွားလျှင် နောက်နောင်လည်း ဒက်လိုင်းအများပြားရှိဦးမည်ဟု သုံးသပ်သူများ လည်းရှိသည်။

PNS-Japan
သတင်းမှတ်တမ်း။ မူရင်း သျှမ်းသံတော်ဆင့်


Monday, March 29, 2010

အမျိုးသားဒီမိုကရေစီ အဖွဲ့ချုပ် ပါတီ မှတ်ပုံမတင်ရေး ကန့်ကွက်မဲမရှိ ဆုံးဖြတ် ။


NLD ပါတီ ဒု-ဥက္ကဋ္ဌ ဦးတင်ဦး။
မတ် ၂၉၊ ၂၀၁၀။

29 March 2010

စစ်အစိုးရက ထုတ်ပြန်ထားတဲ့ ရွေးကောက်ပွဲ ဥပဒေတွေဟာ တရားမျှတခြင်း မရှိတဲ့အတွက် NLD ပါတီအနေနဲ့ ရွေးကောက်ပွဲ ၀င်ရေးအတွက် ထပ်မံ မှတ်ပုံတင်တော့မှာ မဟုတ်တဲ့အကြောင်း ဒီနေ့ ကျင်းပခဲ့တဲ့ ဗဟိုဦးစီး စည်းဝေးပွဲက ဆုံးဖြတ်လိုက်ပါတယ်။ NLD ပါတီ ရှေ့ ဆက်လက် ရပ်တည်ရေး အပါအ၀င် ဒီနေ့ကျင်းပခဲ့တဲ့ စည်းဝေးပွဲနဲ့ ပတ်သက်လို့ ပါတီ ဒု-ဥက္ကဋ္ဌ ဦးတင်ဦးကို ကိုဇော်ဝင်းလှိုင်က ဆက်သွယ်မေးမြန်းရာ ဦးတင်ဦးက အခုလို စပြောပါတယ်။

“အခုရှိနေတဲ့ ရွေးကောက်ပွဲဆိုင်ရာ ဥပဒေတွေ၊ ရွေးကောက်ပွဲဆိုင်ရာ ကော်မရှင် ဥပဒေတွေ၊ မှတ်ပုံတင်ခြင်း ဥပဒေတွေ စသည်ဖြင့် အဲဒါတွေနဲ့ ပတ်သက်လို့ တရားမျှတမှု မရှိတဲ့အတွက် အမျိုးသားဒီမိုကရေစီ အဖွဲ့ချုပ် အနေနဲ့ မှတ်ပုံတင်ခြင်းဆိုင်ရာ ကိစ္စရပ်ကို ထပ်မံပြီး မှတ်ပုံတင်မည် မဟုတ်ကြောင်း ဆုံးဖြတ်တယ်ပေါ့ဗျာ။

“နောက်တခုက ဒေါ်အောင်ဆန်းစုကြည်နဲ့ တကွ နိုင်ငံရေး အကျဉ်းသားများ အားလုံးတို့ကိုလည်း အမြန်ဆုံး ပြန်လွှတ်ပေးပါဆိုတာ ဆုံးဖြတ်ချက် ချတယ်၊ ဒါပါပဲ။ အဓိကကတော့ ဒီနေ့ အမျိုးသားဒီမိုကရေစီ အဖွဲ့ချုပ် အနေနဲ့ အရင်ကတည်းက ပြောထားတဲ့အတိုင်း ပြည်နယ်နဲ့တိုင်း ရှိတဲ့ ဦးစီးအဖွဲ့ဝင်များ၊ ဗဟိုဦးစီး အဖွဲ့ဝင်များ အကုန်လုံး ခေါ်လိုက်တော့ မကျန်းမာလို့ ဆေးရုံတက်နေတာရယ်၊ အကျဉ်းကျနေတဲ့ ဗဟိုဦးစီး အဖွဲ့ဝင် လေးငါးယောက်ရယ် အဲဒါကလွဲလို့ ကျန်တာတွေ အကုန်လုံး တက်ရောက်ပါတယ်။ ဒါကြောင့် အစည်းအဝေးကတော့ အပြည့်အစုံ အထမြောက်ပါတယ်။

“ပြည်နယ်နဲ့တိုင်းအလိုက် အားလုံးဆွေးနွေးတာ၊ ကယားပြည်နယ်မှ အပပေါ့၊ ကျန်တဲ့ ပြည်နယ်နဲ့တိုင်း အားလုံးကတော့ ရွေးချယ်ထားတဲ့ ပုဂ္ဂိုလ်တွေ အနေနဲ့ ဆွေးနွေးခွင့်ပေးတယ်။ ဆွေးနွေးခွင့်ပေးတာ ၂ ယောက်ပေါ့။ ၂ ယောက်ဆိုတာ တယောက်က သူ့အနေနဲ့ မှတ်ပုံတင်ခြင်း မပြုဘို့ ဆွေးနွေးတယ်ဆိုရင် အကယ်၍များ မှတ်ပုံတင်ခြင်း ရှိသလား၊ ဆွေးနွေးရအောင် ဆိုပြီး ပြည်နယ်နဲ့တိုင်းက ၂ ယောက်၊ ၂ ယောက် ကျနော်တို့ ခွင့်ပြုတယ်၊ ၅ မိနစ်စီပေါ့။ ဆွေးနွေးတာ အားလုံးကတော့ ၂ ယောက်စလုံးမှာလည်း ထပ်တူထပ်မျှပဲ သူတို့က လက်ရှိ ရှိနေတဲ့ ရွေးကောက်ပွဲဆိုင်ရာ ဥပဒေများနဲ့ မှတ်ပုံတင်ခြင်းဆိုင်ရာ ဥပဒေများ အပေါ်မှာ မှတ်ပုံတင်ခြင်း မပြုဖို့ဆိုတာပဲ ပြောကြတာ များပါတယ်၊ ဆုံးဖြတ်ကျတာ များပါတယ်။ အများစု အကုန်လုံးပေါ့။

“တယောက်စ နှစ်ယောက်စကတော့ သူတို့ပင်ကိုယ် သဘောထားနဲ့ ပတ်သက်ပြီး မှတ်ပုံတင်ခြင်း မပြုခဲ့သည်ရှိသော် အမျိုးသားဒီမိုကရေစီ အဖွဲ့ချုပ်သည် ပယ်ဖျက်သွားမည် ဖြစ်တဲ့အတွက်ကြောင့် ဒါကို ဆက်လက်ပြီး ဘယ်လိုသွားမလဲ ဆိုတာမျိုးလောက်ကို ဆွေးနွေးပြီးတော့ အများဆုံးဖြတ်တဲ့၊ သူတို့အဖွဲ့က ဆုံးဖြတ်တာ အားလုံးကိုလည်း သူတို့က လိုက်နာဆောင်ရွက်မည် ဖြစ်ကြောင်း ပြောတာ များပါတယ်။

“တယောက်တလေကတော့ ပါတီ ဖျက်သိမ်းပြီးသွားရင် အမျိုးသားဒီမိုကရေစီ အဖွဲ့ချုပ် အနေနဲ့ ရှေ့ကို ဘယ်လို အစီအစဉ်ဆွဲကြမယ် ဆိုတာနဲ့ ပတ်သက်လို့၊ စီစဉ်ကြအောင် ဆိုတာတွေနဲ့ ပတ်သက်လို့ ဆွေးနွေးတာ များပါတယ်။ အကုန်လုံး ကြည့်လိုက်ရင်တော့ အကုန်လုံးက တက်တက်ကြွကြွပဲဗျ၊ သူတို့ အားလုံးကတော့ မှတ်ပုံတင်ခြင်းဆိုင်ရာ ဥပဒေတွေနဲ့ ပတ်သက်တာ အားလုံးကိုတော့ တရားမျှတမှု မရှိတဲ့အတွက်၊ အဖွဲ့ချုပ်ကို ပိုပြီးတော့သာ ခြိမ်းခြောက်မယ် ဆိုတဲ့အတွက်၊ မှတ်ပုံတင်ပြီး ဆောင်ရွက်ချင်လည်း ဘာမှ ဆောင်ရွက်လို့ ရမှမဟုတ်ဘူး။

“အရင်တုန်းကလည်း ဒီလိုပဲ၊ အဖွဲ့ချုပ်က ဒီလောက်တောင် ရွေးကောက်ပွဲဆိုင်ရာ ဥပဒေတွေမှာ ဟိုတုန်းက တခဲနက် ရွေးကောက်ခြင်း ခံရသော်လည်း စပြီး အရွေးခံရတဲ့ အချိန်ကစပြီး ဒီနေ့အထိလည်း နှိပ်စက်ခြင်း၊ တင်းကျပ်ခြင်း၊ ချုပ်နှောင်ခြင်း၊ အတင်းအကျပ်တွေလည်း များနေတာ ဖြစ်တဲ့အတွက် အဖွဲ့ချုပ်က ပါတီဖွဲ့စည်းကတည်းက တောက်လျှောက် ရပ်ဆိုင်းခံထားရတာတွေပဲ၊ အဲဒါကြောင့် သူတို့က တခဲနက်ပဲ မှတ်ပုံတင်ခြင်း မပြုဘို့ ဆုံးဖြတ်တာပါပဲ။”

စောစောက ဘဘပြောတာ တယောက်နှစ်ယောက်က လွဲလို့ ဆိုတာက မှတ်ပုံမတင်ဘို့ ဆုံးဖြတ်တဲ့ အပေါ်မှာ သူတို့က ကန့်ကွက်တာလားခင်ဗျ။ မှတ်ပုံတင်ရေး အဆိုကို သူတို့က လိုချင်တာလား။

“မဟုတ်ပါဘူး။ မှတ်ပုံတင်ခြင်းဆိုင်ရာ ဥပဒေတွေ ကိုယ်တိုင်က အတင်းအကျပ်၊ အပိတ်အဆို့၊ အတားအဆီးတွေ ပေါ့ဗျာ။ ကျနော်တို့ ကြေညာထားတဲ့ အတိုင်းပဲ၊ တဦးတယောက်၊ တဖွဲ့တစည်းနဲ့ ပတ်သက်လို့ ဒါ သတ်မှတ်ထားတာတွေက အင်မတန် တင်းကျပ်လွန်းတယ်။ ပြီးတော့ ဥပဒေနဲ့ မညီဘူး၊ မမျှတလွန်းဘူးဆိုတဲ့ အပေါ် မူတည်ပြီးတော့ ဆွေးနွေးကြပြီးတော့ ဒါ မှတ်ပုံတင်ခြင်း မပြုဘို့ သူတို့က အကုန်လုံး အဆိုပြုသွားကြတာပဲလေ။”

တညီတညွတ်တည်း ဆုံးဖြတ်တယ်ပေါ့၊ ကန့်ကွက်မယ့်သူ မရှိဘဲနဲ့။

“ကန့်ကွက်တဲ့သူ မရှိဘူး။ ပြီးသွားတဲ့အခါကျတော့ တချို့ ပြည်နယ်၊ တိုင်းက တယောက်တလေကတော့ ကန့်ကွက်တာတော့ မဟုတ်ဘူး၊ သူတို့ သဘောထားနဲ့ ပတ်သက်လို့ မှတ်ပုံတင်ချင်တယ်ဆိုတာ သူတို့ပြောတယ်။ ဒါပေမဲ့ သူတို့ ပြည်နယ်၊ တိုင်းက စပြီး အခြေခံ ဆွေးနွေးလာကတည်းက သူတို့အဖွဲ့က ဆုံးဖြတ်လိုက်တာ၊ ဒါ သဘောတူတယ် ဆိုပြီးတော့၊ သူတို့ကိုယ်တိုင်ကလည်း မှတ်ပုံတင်ခြင်း မပြုတာကို သဘောတူတယ်ဆိုတာ ရောက်သွားပါတယ်လေ။ အဲဒါကြောင့် ကျနော်တို့က ကန့်ကွက်သူမရှိ၊ အများ သဘောတူ၊ ကန့်ကွက်သူမရှိ၊ ဆုံးဖြတ်သည်ဆိုတဲ့သဘော ဆုံးဖြတ်ချက် ချတာပါပဲ။”

ဆိုတော့ ပါတီအနေနဲ့ ဘယ်လိုဆက် ရပ်တည်သွားမလဲ၊ ဒီအတိုင်းပဲ ဆက်ပြီး ရပ်တည်သွားမလား၊ ရွေးကောက်ပွဲက မကြာခင် ဖြစ်တော့မယ်ဆိုတော့။

“ကျနော်တို့က မှတ်ပုံမတင်ဘူးဆိုတော့ ရွေးကောက်ပွဲ မ၀င်ဘူးပေါ့ဗျာ။ ဒါကတော့ ရှင်းသွားပြီပေါ့။ ရှေ့ဆက်လက်ပြီး သွားမယ် ဆိုတာကတော့ သူတို့က ကျနော်တို့ အဖွဲ့အစည်းကို မှတ်ပုံမတင်ရင် ပျက်ပြီဆိုတာ မှတ်ယူရမယ် ဆိုတာက၊ သူတို့ ဥပဒေ သဘော သဘာဝကိုက ဟုတ်မှ မဟုတ်ဘဲ။ ကျနော်တို့က မှတ်ပုံတင်ပြီးသား အဖွဲ့အစည်းပဲ။ အဲတော့ ကျနော်တို့ ရွေးကောက်ပွဲ မ၀င်တာနဲ့ ဒါကို ဆက်ပြီး မှတ်ပုံတင်ရမယ်၊ အသစ်တွေသာ မှတ်ပုံတင်ရမယ့်သဘော ရှိတာပေါ့။

“အဲဒါကို ကျနော်တို့ မှတ်ပုံမတင်ရင် ပျက်ပြယ်ပြီးသား ဆိုတာက သူတို့ဘက်က ပျက်ပြယ်ပြီးသား ဖြစ်စေကာမူ ကျနော်တို့က မပျက်ပြယ်ဘူးလို့ မှတ်ယူတာကိုးဗျ။ အဲဒါကြောင့် ကျနော်တို့ကတော့ ကျနော်တို့ အဖွဲ့အစည်းကို ကျနော်တို့ဘာသာ ဖျက်ဆီးပစ်မှာ မဟုတ်ပါဘူး။ သူတို့ဘာသာ သူတို့ ဥပဒေနဲ့မညီလို့ ရပ်တည်ပိုင်ခွင့် မရှိဘူးဆိုပြီး လာပြီး သိမ်းတယ်၊ ဖျက်တယ် ဆိုရင်တော့လည်း ဒါ သူတို့လုပ်လို့ရရင် လုပ်ပေါ့ဗျာ။ ဒါပဲပေါ့။”

ဟုတ်ကဲ့၊ NLD အနေနဲ့ကတော့ ရပ်တည်လို့ရသလောက် ဒီအတိုင်း ဆက်ရပ်တည်နေမယ်ပေါ့။

“ရပ်တည်သွားမှာပဲ။ ဘာဖြစ်လို့လဲဆိုတော့ ပြည်သူလူထုက အရင်တုန်းက တခဲနက် ထောက်ခံထားတာ ဖြစ်တဲ့အတွက်ကြောင့်၊ အခု အပြင်မှာလည်း ဒါနဲ့ပတ်သက်တာ အားလုံးကို ကျနော်တို့ရဲ့ သဘောသဘာဝကို ရောင်ပြန်ဟပ်တာတွေ အများကြီး ရှိတယ်ဗျ။ အများကြီး တော်တော်လေးကို ရှိနေကြတယ်။ အဲဒါကြောင့်မို့၊ တချို့ကတော့ ဘယ်လောက်ထိ ပြောနေလဲဆိုရင် NLD မှတ်ပုံမတင်ရင် သူတို့ မဲတောင် မပေးတော့ဘူး ဆိုတဲ့သဘော ပြောနေကြပြီဗျ။ NLD ကိုပဲ သူတို့ မဲပေးချင်တယ်၊ NLD မှတ်ပုံမတင်ရင် သူတို့ မဲမပေးဘူး။ ဒီလိုဖြစ်နေတယ်၊ အခုက။”

NLD ဒု-ဥက္ကဋ္ဌ ဦးတင်ဦး ပြောပြသွားတာ ဖြစ်ပါတယ်။

ပါတီဥက္ကဋ္ဌ ဦးအောင်ရွှေကတော့ ကျန်းမာရေး အခြေအနေအရ ဒီနေ့ ကျင်းပတဲ့ စည်းဝေးပွဲကို လူကိုယ်တိုင် မတက်ရောက်နိုင်ပေမဲ့ ပါတီမှတ်ပုံမတင်ရေး အဆိုပြုချက်ကို နေအိမ်ကနေပဲ သူ့ရဲ့သဘောထားပေးပြီး ထောက်ခံခဲ့တဲ့အကြောင်း သိရပါတယ်။

PNS-Japan
သတင်းမှတ်တမ်း ။ မူရင်း VOA News


လှုပ်ရှားမှုကြီး ရဲ့ အောင်ပွဲ နိဒါန်းကို စတင်လိုက်ပါပြီ။


အမျိုးသားဒီမိုကရေစီအဖွဲ့ချုပ် ပါတီမှတ်ပုံတင်ရေးမတင်ရေးနှင့်
ရွေးကောက်ပွဲ ဝင်ရေးမဝင်ရေး
ဆုံးဖြတ်ချက်ဒီနေ့နေ့လည်(၁၂)နာရီကအဖွဲ့ချုပ်ရုံးမှာကျင်းပပြုလုပ်ရာမှတ်ပုံမတင်ရေး
ဘက်ကအားသာသွားသောကြောင့်အများရဲ့ဆန္ဒအရ၂၀၁၀ရွေးကောက်ပွဲအားလုံးဝ
အမျိုးသားဒီမိုကရေစီအဖွဲ့ချုပ်အနေဖြင့်ပါဝင်မှုမရှိတော့ပါကြောင်းကိုတရားဝင်
သိရှိရပါတယ်။

ပြည်နယ်နဲ့တိုင်း က CC အများစုက ကန့်ကွက်ကြတဲ့
အတွက်မှတ်ပုံမတင်ရေးဘက်ကိုဝိုင်းထောက်ခံ
နေကြတော့ ၊မဲမခွဲရဲတော့ ဘဲ Mandate တွေကိုသုံးမယ်လုပ်ပါတယ်။ နဂိုပေးထားတဲ့ Mandate
တွေကိုပါ။MPအချို့ကတော့သူတို့ပေးခဲ့တဲ့Mandateတွေကိုပြန်ရုတ်ကြပါတယ်။ပြန်ရုတ်တဲ့သူတွေက
ဒေါ်အောင်ဆန်းစုကြည်နဲ့ဦးဝင်းတင်ဆီကိုသူတို့Mandateကိုပြန်ပေးကြတယ်လို့သိရပါတယ်။


ပါတီဝင်တော်တော်များများက ကန့်ကွက်ကြတဲ့ အတွက် မဲခွဲဆုံးဖြတ်မှုကို မပြုလုပ်တော့ပဲ
အများဆန္ဒအရ မှတ်ပုံမတင်ရေးကို ဆုံးဖြတ်ချက်ချလိုက်ပါတယ်။ ဒီကနေ့အစည်းအဝေးသို့
ပါတီဥက္ကဋ္ဌ ဦးအောင်ရွှေ ကျန်းမာရေးကြောင့်မလာနိုင်ခဲ့ပါဘူး။ ပါတီဥက္ကဋ္ဌ ဦးအောင်ရွှေသည်
မှတ်ပုံတင်ဖို့ ကြိုးပမ်းခဲ့သူတဦးလည်းဖြစ်ပါသည်.။ အတွင်းရေးမှူး ဦးလွင်၊
အဖွဲ့ဝင် ဦးလွန်းတင်
တို့ မတက်ဘူးဟုလည်းသတင်းရရှိပါသည်.။


နောက်ဆက်တွဲသတင်း

ယနေ့ ၂ နာရီအချိန် သတင်းရရှိသည့် အခြေအနေများအရ

တိုင်း (၇) တိုင်း၊ ပြည်နယ် (၇)ခုက ကိုယ်စားလှယ်များ ၊ အီးစီ၊ စီအီးစီ
တို့၏ ယနေ့ ပါတီမှတ်ပုံတင်သင့် မတင်သင့် ကို ၀ိုင်းဝန်းဆုံးဖြတ်
မဲပေးကြရာ ပါတီမှတ်ပုံမတင်ရေးကို ၉၅ ရာခိုင်နှုန်းဖြင့် အပြတ်အသတ်
ဆုံးဖြတ် အတည်ပြုလိုက်ကြောင်း ကြားသိရသည်။ ယနေ့အစည်းအဝေးတွင် ဦးအောင်ရွှေ
တဦးမှအပ စီအီးစီ၊ စီစီ ၁၁၀နှင့် လူငယ်ငါးဦး စုစုပေါင်း ၁၁၅ ဦး
တက်ရောက်အတည်ပြုဆုံးဖြတ်ချက်ချမှတ်ခဲ့ကြောင်း သိရှိရသည်။

ယင်းအစည်းအဝေးတွင် ဦးဝင်းတင်က.. “ရွေးကောက်ပွဲအတွက်
မှတ်ပုံမတင်ဘူးဆိုရင် ပါတီအနေနဲ့ ခြေပြတ်မယ်.. လက်ပြတ်မယ်..
မှတ်ပုံတင်မယ်ဆိုရင်တော့ ခေါင်းပြတ်မယ်.. ခြေပြတ်တာ လက်ပြတ်တာ အတု လုပ်
ပြီး အလုပ်ဆက်လုပ်လို့ရတယ်.. ခေါင်းပြတ်သွားရင်တော့
ခေါင်းအတုလုပ်လို့မရဘူး.. ”ဟု ပြတ်ပြတ်သားသား မိန့် ကြား ခဲ့သည်။

လက်ရှိအချိန်အထိ အဖွဲ့ချုပ် အဖွဲ့ဝင်များ၊ လူငယ်များ နှင့် ပြည်သူလူထု
၅၀၀ ကျော်သည် အဖွဲ့ချုပ် ရုံးရှေ့ တွင် အခြေအနေကို
စောင့်ဆိုင်းလျက်ရှိနေပြီး နအဖ ဘက်မှ လုံခြုံရေးများလည်း အများအပြား
ဝန်းရံစောင့်ကြပ်လျက် ရှိနေသည်။ ယနေတက်ရောက်သူ အဖွဲ့ဝင်တဦးက…

“ကျမတို့ ပါတီ ရဲ့ ရပ်တည်ချက်ကို ပြတ်ပြတ်သားသား သိရပြီ.. ရှေ့ ကျမတို့
ဘာဆက်လုပ်မယ်.. ဘာလုပ်သင့်တယ်ဆိုတာကို
ဆုံးဖြတ်ကြမယ်..လုပ်သင့်လုပ်ထိုက်တာကို ဆက်လုပ်သွားရမယ်.. ရှေ့ကို
ကျမတို့ ရဲရဲရင့်ရင့် ပြတ်ပြတ်သားသား လုပ်စရာရှိတာတွေ လုပ်ရတော့မယ်..” ဟု
ပြောသည်။

သို့သော် အမျိုးသားဒီမိုကရေစီအဖွဲ့ချုပ်သည် မနက်ဖြန် မတ်လ ၃၀ ရက်နေ့ထိ
ဆက်လက် ဆွေးနွေးသွား မည်ဖြစ်ပြီး ရှေ့လုပ်ငန်းစဉ်ကို ပြတ်ပြတ်သားသား
အဖြေရှာ ဆောင်ရွက်ဖွယ်ရှိသည်ဟု လူထုက မျှော်လင့်လျက်ရှိ
သည်ဟုသတင်းရရှိပါသည်.။

“ဒု ဥက္ကဋ္ဌ ဦးတင်ဦး ကြေငြာချက် .......

“ဒု ဥက္ကဋ္ဌ ဦးတင်ဦး ကြေညာတာက ပါတီ ဗဟိုအလုပ်အမှုဆောင် ကော်မတီက ဆုံးဖြတ်ချက် ၂ ခု ချလိုက်တယ်။ ၂ဝ၁ဝ ရွေးကောက်ပွဲအတွက် NLD ပါတီ ဗဟိုဦးစီးအစည်းအဝေးရဲ့ ဆုံးဖြတ်ချက်အရ ကန့်ကွက်သူမရှိ ရွေးကောက်ပွဲ မှတ်ပုံမတင်ဘူး။ နောက်တချက်က မှတ်ပုံမတင်သော်လည်း ပါတီကို မဖျက်သိမ်းဘူး” ဟု ရုံးချုပ်ရှေ့တွင် ပါတီခေါင်းဆောင်များ၏ ဆုံးဖြတ်ချက်ကို စောင့်ဆိုင်းနေသည့် ပါတီလူငယ်အဖွဲ့ ခေါင်းဆောင်တဦးက ပြောသည်........

ပြည်တွင်းမှ ပေးပို့ လာသည့် သတင်း
အပြည့်အစုံ ဆက်လက်ဖေါ်ပြပါမည်။

PNS-Japan


ရွေးကောက်ပွဲ ဒေါ်စုပါဝင်ခွင့် မရှိရင် ဂျပန်က စီးပွားရေးကူညီမှု ရပ်ဆိုင်းမည် ။


ဂျပန်နိုင်ငံခြားရေးဝန်ကြီး ကတ်ဆုယာ အိုကာဒါ။

28 March 2010

ဒေါ်အောင်ဆန်းစုကြည်နဲ့ တခြား ပါဝင်ယှဉ်ပြိုင်ထိုက်တဲ့ သူတွေ ပါဝင်ခွင့် မပေးဘူးဆိုရင် မြန်မာနိုင်ငံကို ပေးနေတဲ့ အကူအညီငွေတွေ ထပ်ပေးတော့မှာ မဟုတ်ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါ (Katsuya Okada) က ပြောခဲ့ပါတယ်။ ဂျပန်အစိုးရက မြန်မာစစ်အစိုးရနဲ့ ဆက်ဆံရာမှာ အကူအညီပေးမယ်၊ မပေးဘူးဆိုပြီး ချော့တလှည့်၊ ခြောက်တလှည့် ဆက်ဆံလေ့ ရှိတာမို့ အခုလို ပြောလိုက်တာဟာ ပြီးခဲ့တဲ့ ဩဂုတ်လကမှ အာဏာရလာတဲ့ လက်ရှိ ဂျပန်အစိုးရ အနေနဲ့ မြန်မာ့ဒီမိုကရေစီ အရေးအတွက် တကယ်ပဲ အလေးအနက်ထား ပြောဆိုတယ်လို့ ပြောနိုင်ပါသလား။ အကြောင်းစုံကို နော်ရှိုးက တင်ပြပေးထားပါတယ်။

ဒေါ်အောင်ဆန်းစုကြည် အပါအ၀င် တခြား ပါသင့်ပါထိုက်သူတွေကို ရွေးကောက်ပွဲမှာ ပါဝင်ယှဉ်ပြိုင်ခွင့် မပေးဘူးဆိုရင် လက်ရှိ မြန်မာနိုင်ငံကို ပေးနေတဲ့ အကူအညီတွေကို ဆက်ပေးတော့မှာ မဟုတ်ဘူးလို့ ဂျပန် နိုင်ငံခြားရေးဝန်ကြီး ကတ်ဆုယာ အိုကာဒါက ဂျပန်နိုင်ငံဆိုင်ရာ မြန်မာသံအမတ်ကြီး ဦးလှမြင့် အပြင် တခြား သတင်းထောက်တွေကို ပြီးခဲ့တဲ့ သောကြာနေ့က ပြောခဲ့တယ်လို့ ကျိုတို သတင်းဌာနမှာ ရေးသားထားတာပါ။ နောက်အပတ် ကနေဒါနိုင်ငံမှာ ကျင်းပမယ့် G-8 စက်မှုအင်အားကြီး ၈ နိုင်ငံ အစည်းအဝေးမှာလည်း မြန်မာ့အရေးကို တင်ပြ ဆွေးနွေးသွားမယ်လို့ ပြောခဲ့ပါတယ်။

အရင်နှစ် နိုဝင်ဘာတုန်းကလည်း လက်ရှိ ဂျပန်ဝန်ကြီးချုပ် အာကီယို ဟတိုယာမ (Akio Hatoyama) က အာဏာရပြီး ၂ လ အကြာမှာပဲ ၂၀၁၀ ခုနှစ် ရွေးကောက်ပွဲ မတိုင်မီ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ အားလုံးကို ပြန်လွှတ်ပေးမယ်ဆိုရင် မြန်မာနိုင်ငံကို အကူအညီတွေ ပိုပေးမယ်လို့ ပြောခဲ့ဖူးပါတယ်။ ၂၀၀၇ ခုနှစ် သံဃာ့လှုပ်ရှားမှုတုန်းကလည်း ဂျပန် သတင်းထောက်တဦး နအဖ စစ်သားတွေရဲ့ ပစ်သတ်ခြင်းကို ခံခဲ့ရပြီးနောက် ဂျပန် အစိုးရက မြန်မာနိုင်ငံကို အကူအညီ ပေးတာတွေ ရပ်ဆိုင်းမယ်ဆိုပြီး ခြိမ်းခြောက်ခဲ့ဖူးပါတယ်။

ဒီတော့ အာဏာရ ဂျပန်အစိုးရ အဆက်ဆက် အနေနဲ့ ပြီးခဲ့တဲ့ ၁၀ နှစ်တာ ကာလတွင်းမှာ အခုလို မြန်မာစစ်ခေါင်းဆောင်တွေနဲ့ ဆက်ဆံတဲ့အခါမှာ အကူအညီတွေ တိုးပေးမယ်၊ မတိုးပေးတော့ဘူးဆိုပြီး ချော့တလှည့်၊ ခြောက်တလှည့် ပြောလာတာကတော့ အဆန်းမဟုတ်ပါဘူး။ ဒါပေမဲ့ လက်ရှိ အစိုးရသစ်တွင်းမှာ ဦးဆောင်နေသူတွေက အရင်ကတည်းက မြန်မာ့ဒီမိုကရေစီ အရေးအတွက် စိတ်အားထက်သန်သူတွေ ဖြစ်တာကြောင့် မြန်မာစစ်ခေါင်းဆောင်တွေနဲ့ ဆက်ဆံတဲ့နေရာမှာ အရင် ဂျပန်အစိုးရတွေထက် ပိုပြီး ပြတ်ပြတ်သားသား ရှိလိမ့်မယ်လို့ မျှော်လင့်ကြောင်း ဂျပန်နိုင်ငံ အခြေစိုက် NCUB ပြည်ထောင်စု မြန်မာနိုင်ငံ အမျိုးသားကောင်စီက ဒေါက်တာမင်းညိုက သုံးသပ်ပါတယ်။

“အခု လက်ရှိ အစိုးရက ဒီမိုကရက်ပါတီက တက်လာတာကြောင့်မို့ အရင်တုန်းက လစ်ဘရယ် ဒီမိုကရက်ပါတီထက် စာရင် ပိုပြီးတော့ ပြတ်ပြတ်သားသား ရှိလာလိမ့်မယ်လို့ မျှော်လင့်ပြီး တောင့်တနေခဲ့ပါတယ်။ ဘာဖြစ်လို့လဲဆိုတော့ အခု ကျနော်တို့တွေ လုပ်ကိုင်နေတဲ့ ဂျပန်မှာရှိတဲ့ ဂျပန် အလုပ်သမားသမဂ္ဂများက နေပြီး အဓိက ကူညီထောက်ပံ့တဲ့ ဒီမိုကရက်ပါတီက အာဏာရလာတာကြောင့်၊ ပြောရရင် လက်ရှိဝန်ကြီးချုပ် မစ္စတာ ဟတိုယာမ ဆိုတာက မြန်မာပြည် ဒီမိုကရေစီ ရရှိရေးကို အကူအညီပေးတဲ့ အမတ်သမဂ္ဂများမှာ သူက ဒုတိယဥက္ကဋ္ဌလည်း လုပ်ခဲ့တယ်၊ နောက်တခါ နာယကလည်း လုပ်ခဲ့ဖူးပါတယ်။ ပြီးတော့ ဒေါ်အောင်ဆန်းစုကြည်နဲ့လည်း တယ်လီဖုန်းနဲ့ စကားပြောဆိုခဲ့ဖူးတာ ရှိတာကြောင့်မို့ ဒေါ်အောင်ဆန်းစုကြည်နဲ့ NLD ကို အပြည့်အ၀ ထောက်ခံတဲ့ ၀န်ကြီးချုပ် ဖြစ်တယ်။

“ပြီးတော့ သူတို့တွေက မနှစ် သြဂုတ်လမှာ တက်လာပြီးနောက်ပိုင်း မြန်မာပြည်က ၀န်ကြီးချုပ်နဲ့ တွေ့ကြတဲ့အချိန်မှာ အရင်တုန်းက ၀န်ကြီးချုပ်တွေ ပြောတဲ့ စကားနဲ့စာရင် တော်တော် ပြင်းပြင်းထန်ထန် ပြောတယ်လို့ ကျနော်တို့ ယူဆတယ်။ ဘာဖြစ်လို့လဲဆိုတော့ အရင်တုန်းကတော့ ဒီမိုကရေစီ လုပ်ပါ၊ ဒီမိုကရေစီ လုပ်တယ်ဆိုရင် ခင်ဗျားတို့ကို အကူအညီပေးမယ်၊ မလုပ်ဘူးဆိုရင်တော့ ကျနော်တို့ ဖြတ်လိမ့်မယ်။ ဖြတ်လိမ့်မယ်လို့ပဲ ပြောတယ်။ မပေးနိုင်ဘူးဆိုတာ မပြောကြဘူး။

“နောက်ပြီးတော့လည်း မြန်မာပြည်မှာ ဖြစ်တဲ့ အတွင်းရေး ကိစ္စတွေကို သူတို့မှာ ပြောဆိုပိုင်ခွင့် မရှိဘူး ဆိုပြီးတော့၊ ပြောရင်တော့ နှုတ်ဆိတ်ပြီး နေတဲ့ ဓလေ့ရှိတယ်။ ဒါပေမဲ့ အခု မစ္စတာ ဟတိုယာမ တက်လာပြီး နောက်ပိုင်းမှာ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ လွှတ်ပေးဖို့ ပြောတာတင် မကဘဲနဲ့ နယ်မှာရှိတဲ့ NLD ရုံးအဖွဲ့တွေကို ဖွင့်ပေးဖို့၊ ဒီမိုကရေစီ နည်းကျကျ လုပ်ကိုင်ပေးဖို့ တောင်းဆိုခဲ့တာ တွေ့သလို အခု နိုင်ငံခြားရေးဝန်ကြီး ဖြစ်တာလည်း သူက အရင်တုန်းက ဒီမိုကရက်ပါတီက ဥက္ကဋ္ဌဟောင်းလည်း ဖြစ်ခဲ့ဖူးတဲ့ ပုဂ္ဂိုလ်ဖြစ်တယ်၊ ပြီးတော့ ထင်ရှားတဲ့ ခေါင်းဆောင်တဦးလည်း ဖြစ်တာကြောင့်မို့ သူကလည်း ဒီမိုကရေစီနဲ့ ပတ်သက်ရင် ပွင့်ပွင့်လင်းလင်း မြန်မာပြည် အရေးကို ထောက်ခံတဲ့ပုဂ္ဂိုလ် ဖြစ်နေတာကြောင့် ပြောရရင်တော့ ပိုပြီးတော့ ပွင့်ပွင့်လင်းလင်း လုပ်လိမ့်မယ်လို့ ကျနော်တို့ ထင်တယ်။”

မြန်မာစစ်အစိုးရရဲ့ ရွေးကောက်ပွဲ ဥပဒေ ထွက်မလာခင်တုန်းကလည်း လက်ရှိဝန်ကြီးချုပ် ဟတိုယာမက မြန်မာနိုင်ငံနဲ့ ပတ်သက်ပြီး ထားရှိတဲ့ ဂျပန်အစိုးရရဲ့ မူကို လိုအပ်ရင် ပြန်လည် သုံးသပ်ရလိမ့်မယ်လို့ ပြောခဲ့တဲ့အကြောင်းကိုလည်း ဒေါက်တာမင်းညိုက ထောက်ပြပါတယ်။

“ရွေးကောက်ပွဲ ဥပဒေ ထွက်မလာခင်ကလေးမှာ အဆာဟိ သတင်းစာနဲ့ အင်တာဗျူးလုပ်တဲ့ အချိန်မှာ သူက ဘယ်လိုပြောခဲ့လဲဆိုတော့ အားလုံးပါလို့ မပါနိုင်တဲ့ အနေအထားမျိုး ရောက်မယ်၊ ဒေါ်အောင်ဆန်းစုကြည်ကို မပါနိုင်အောင် လုပ်မယ်ဆိုရင်တော့ သူတို့တွေ အခုလက်ရှိ လုပ်ကိုင်နေတဲ့ မြန်မာပြည်အပေါ်မှာ ထားခဲ့တဲ့ ပေါ်လစီကို သူတို့ စဉ်းစားရလိမ့်မယ်ဆိုပြီး သတင်းစာထဲမှာ တရားဝင် ပါထားတယ်။ ပါထားတာကို သောကြာနေ့မှာ သူက ဒါကို ပိုပြီးတော့ တရားဝင် ပြောလိုက်တာပဲ။”

ဒေါက်တာမင်းညို ပြောပြသွားတာ ဖြစ်ပါတယ်။

မြန်မာနိုင်ငံမှာ ၂၀၀၃ ခုနှစ် ဒီပဲယင်း အရေးအခင်းအပြီး ဂျပန်အစိုးရက မြန်မာနိုင်ငံကို ပေးနေတဲ့ စီးပွားရေး အကူအညီတွေကို ရပ်ဆိုင်းခဲ့ပြီး လူသားချင်း စာနာထောက်ထားတဲ့ အကူအညီတွေကိုပဲ ဆက်ပေးနေခဲ့တာ ဖြစ်ပါတယ်။

PNS-Japan
သတင်းမှတ်တမ်း ။ မူရင်း “ VOA News ”


Sunday, March 28, 2010

တိုင်းပြည်ကို ရာသက်ပန် စစ်ကျွန်ပြုမည့် ၂၀၁၀ ရွေးကောက်ပွဲ ကန့်ကွက်သည့် အခမ်းအနား(တိုကျို)။



၂၀၁၀ ခုနှစ် မတ်လ(၂၈)ရက်။

ဂျပန်နိုင်ငံရှိ ညီညွတ်သောတိုင်းရင်းသားများအဖွဲ့အစည်း (AUN-Japan)မှကြီးမှူး၍ နအဖစစ်အုပ်စု စစ်အာဏာတည်မြဲပြီး တိုင်းပြည်ကို ရာသက်ပန် စစ်ကျွန်ပြုမည့် ၂၀၀၈ ခုနှစ် အခြေခံဥပဒေကို အတည်ဖြစ်စေမည့် ၂၀၁၀ ရွေးကောက်ပွဲနှင့် နိုင်ငံရေး ပါတီများ မှတ်ပုံတင်ခြင်းဥပဒေ၊ ရွေးကောက်ပွဲ ဆိုင်ရာဥပဒေ(၅)ရပ်နှင့် နည်းဥပဒေများအား ဆန့်ကျင် ကန့်ကွက်သည့် အခမ်းအနားတရပ်အား တိုကျို Toshimaku မြို့ နယ် Minami Otsuka Da Ichi ခမ်းမ၌ ညနေ ၆း၀၀ နာရီ မှ ၉း၀၀ အထိ ကျင်းပပြုလုပ်ခဲ့ပါသည်။

အခမ်းအနား ကျင်းပပြုလုပ်ရခြင်း၏ ရည်ရွယ်ချက်ကတော့ ၂၀၀၈ ဇွတ်အတင်း အတည်ပြုခဲ့သည့် နာဂစ် ဥပဒေကို အတည်ပြုမည့် ၂၀၁၀ ရွေးကောက်ပွဲ သည် မြန်မာပြည်သူ တရပ်လုံးအတွက် အကျိုးမပြုသည်သာမက တိုင်းရင်းသား လူမျိုးစုအသီးသီး၏ အမျိုးသား တန်းတူရေးနှင့် ကိုယ်ပိုင်ပြဌန်းခွင့် ရရှိရေးတို့ ကိုလည်း မျက်ကွယ် ပြုလိုက်ခြင်းဖြစ်သည်။ တနည်းအားဖြစ်ဆိုသော် ၂၀၁၀ ရွေးကောက်ပွဲ ရလဒ်သည် နအဖစစ်အုပ်စု စစ်အာဏာ တည်မြဲပြီးကို ဥပဒေအရ အခိုင်အမာ သက်သေ ထူရန်သာဖြစ်သည်။ ထိုကြောင့် ယနေ့  ၂၀၁၀ ကျင်းပမည့် ရွေးကောက်ပွဲ သည် ယနေ့  ပြည်သူများ ရင်ဆိုင်နေရသော အထွေထွေ အကျပ်အတည်းများကို ပြေလည် ဖြေရှင်နိူင်မည့် အဖြေ မဟုတ်သည့်အတွက် ၂၀၁၀ရွေးကောက်ပွဲအား ရှုတ်ချကန့် ကွက်သွားကြရန်နှင့် ပြုလုပ်လာမည့် ရွေးကောက်ပွဲ ရလဒ်ကိုလည်း နိူင်ငံတကာမှ အသိအမှတ်မပြုကြရန် ရည်ရွယ်ကျင်းပ ပြုလုပ်ရခြင်းဖြစ်သည်။

အခမ်းအနား အစီအစဉ်၌် ဂျပန်နိုင်ငံရောက် တိုင်းရင်းသားအဖွဲ့အစည်းအသီးသီးတို့မှ ၂၀၀၈ ခုနှစ် ဖွဲ့စည်းပုံအခြေခံ ဥပဒေကို အတည်ပြုမည့် ၂၀၁၀ ရွေးကောက်ပွဲအား မိမိတို့၏သဘောထားများကို ရှုဒေါက် အမျိုးမျိုးဖြင့် ဆွေးနွေးကာ ကန့်ကွက် သွားခဲ့ကြပါသည် ။တက်ရောက်လာကြသည့် အဖွဲ့အစည်းအသီးသီးတို့မှလည်း ကန့်ကွက် ပြောကြားသွားခဲ့ကြသည့်အပြင် မိမိတို့၏ ဆန္ဒသဘောထားပါဝင်သည့် ထုတ်ပြန်ကြေညာချက် တစ်စောင်ကို အများ၏ ဆန္ဒသဘောထား ရယူကာ သဘောထား ကြေညာချက်ကို ထုတ်ပြန်ကြေညာ သွားမည်ဖြစ်ကြောင်း သိရှိရပါသည်။ ဤအခမ်းအနားတွင် ဂျပန်နိုင်ငံရောက် ပြည်ထောင်စုဘွား တိုင်းရင်းသားအင်အား စုများ စုစုပေါင်း ၁၀၀ ကျော်ခန့် တက်ရောက်ပါဝင်ခဲ့ကြပါသည်။


သတင်းမှတ်တမ်း ။ PNS-Japan
မှတ်တမ်းဓါတ်ပုံ။ Lian Khan Sum(CNC-Japan)


Saturday, March 27, 2010

(၆၅)နှစ်မြောက် ဖက်ဆစ်တော်လှန်ရေးနေ့  အထိမ်းအမှတ်အခမ်းအနား(တိုကျို)။



၂၀၁၀ ခုနှစ် မတ်လ(၂ရ)ရက်။

ယနေ့  ကျရောက်သည့် မတ်လ(၂ရ)ရက်နေ့  ဖက်ဆစ်တော်လှန်ရေး အထိမ်းအမှတ် အခမ်းအနားကို ဂျပန်နိုင်ငံ တိုကျိုမြို့  ရှီနာဂါဝါအရပ်ရှိ မြန်မာစစ် အခွန်ရုံး(သံရုံး)ရှေ့ တွင် ညနေ ၃း၀၀ နာရီ ၄း၀၀ နာရီ အထိ မြန်မာနိုင်ငံသား ပူးပေါင်းဆောင်ရွက်ရေး ကော်မတီ(JAC)မှ ဦးဆောင်ကျင်းပပြုလုပ်ပြီး ဂျပန်နိူင်ငံရောက် ဒီမိုကရေစီ အင်အားစုများ၊ ဂျပန်နိုင်ငံရောက် မြန်မာနိုင်ငံသားများ ပူးပေါင်းပါဝင်ခဲ့ကြပါသည်။

ယနေ့ အခမ်းအနားကျင်းပပြုလုပ်ရခြင်း၏ ရည်ရွယ်ချက်မှာ အမျိုးသားခေါင်းဆောင် ဗိုလ်ချုပ်အောင်ဆန်း ၏ နိုင်ငံရေး ဦးဆောင်မှုအောက်တွင် တိုင်းရင်းသားလူမျိုးပေါင်းစုံ၊ လူထုလူတန်းစားပေါင်းစုံ၊ နိုင်ငံရေးပါတီပေါင်းစုံတို့မှ ကျစ်လစ်ခိုင်မာသွေးစည်းညီညွတ်မှုဖြင့် ဖက်ဆစ်အာဏာရှင်တို့အား ရဲဝင့်စွာ တိုက်ပွဲဝင်ခဲ့ကြသော ၁၉၄၅ ခုနှစ်၊ မတ်လ ၂၇ ရက်နေ့ကို ဂုဏ်ပြုသတ်မှတ်ခဲ့သည့် သမိုင်းဝင်တော်လှန်ရေးနေ့အခမ်းအနားဖြစ်သည်။

လွတ်လပ်ရေး၏ ဗိသုကာရှင် ဗိုလ်ချုပ်အောင်ဆန်းအပါအ၀င် ရဲဘော်သုံးကျိပ်နှင့် တိုင်းရင်းသားမျိုးချစ် ညီနောင်အပေါင်းတို့က ဖက်ဆစ်ဂျပန်တို့အား တွန်းလှန်ခဲ့သော မတ်လ (၂၇)ရက်နေ့ ဖက်ဆစ်တော်လှန်ရေးနေ့အား တပ်မတော်နေ့အဖြစ် ခေါ်ယူသုံးစွဲနေခြင်းမှ ရပ်တန့်ပြီး တရားဝင် ဖက်ဆစ်တော်လှန်ရေးနေ့အဖြစ် ပြန်လည်သတ်မှတ်ခေါ်ယူပေးဖို့ ရှင်းလင်းပြောကြားသွားပါသည်။

တက်ရောက်လာကြသော အဖွဲ့ အစည်းအသီးသီးမှ တာဝန်ခံများကလည်း ဖက်ဆစ်တော်လှန်ရေးနှင့် ပတ်သက်သည့် အကြောင်းအရာများကို ဆွေးနွေးပြောကြားခဲ့ပြီး ဂျပန်ရောက် မြန်မာနိုင်ငံသား အင်အားများ စုစုပေါင်း ၁၈၀ ကျော်ခန့်  ပူးပေါင်းပါဝင်ကြပါသည်။


သတင်းမှတ်တမ်း။ PNS-Japan
မှတ်တမ်းဓါတ်ပုံ။ Lian Khan Sum(CNC-Japan)

Friday, March 26, 2010

နယ်ခြားစောင့်တပ် လက်မခံကြောင်း မွန်ပြည်သစ် ထပ်မံဆုံးဖြတ် ။

ဝီရ/ ၂၆ မတ် ၂ဝ၁ဝ

နယ်ခြားစောင့်တပ်အသွင်ပြောင်းရန် မြန်မာစစ်အစိုးရက တောင်းဆိုထားသည့်ကိစ္စကို မွန်ပြည်သစ်ပါတီက ယခင်ဆုံးဖြတ်ချက် အတိုင်း လက်မခံဘဲ ပယ်ချရန် ထပ်မံဆုံး ဖြတ်လိုက်ကြောင်း သိရသည်။

မွန်ပြည်သစ်ပါတီ ပြောရေးဆိုခွင့်ရှိသူ နိုင်ခြေးမွန်က “Border Guard ပြောင်းဖို့ကိစ္စကို လက်မခံဘူးလို့ အခု ကျင်းပနေတဲ့ အစည်းအဝေးမှာ တညီတညွတ်တည်း ထပ်ပြီး အတည်ပြု ဆုံးဖြတ်တာဖြစ်တယ်။ ကျနော်တို့ရဲ့ ရပ်တည်ချက်က ဘာမှ မပြောင်းပါဘူး။ အခု စုံညီအစည်းအဝေးမှာ အရင်ကအတိုင်းပဲ ထပ်ဆုံးဖြတ်ခဲ့ပါတယ်” ဟု ခေတ်ပြိုင်သို့ ပြောကြားသည်။

ပါတီရှေ့လုပ်ငန်းစဉ်များအတွက် ရေးချောင်းဖျားရှိ ၎င်းတို့၏ ဗဟိုဌာနချုပ်၌ ပြီးခဲ့သည့် မတ်လ(၁၈) ရက်မှစ၍ ယနေ့အထိ ဗဟိုကော်မတီ အစည်းအဝေး ကျင်းပနေဆဲဖြစ်ပြီး ယင်းအစည်းအဝေး ပြီးဆုံးပါက သက်ဆိုင်ရာ စစ်အစိုးရအရာရှိထံ အကြောင်းကြား သွားမည်ဟု နိုင်ခြေးမွန်က ပြောသည်။

စစ်အစိုးရအနေဖြင့် နယ်ခြားစောင့်တပ် အစီအစဉ်ကို မဖြစ်မနေ အကောင်အထည်ဖော်ပါက ရရှိထားသော ပြည်တွင်းငြိမ်းချမ်းရေး အခြေအနေသည် စိုးရိမ်စရာအနေအထားသို့ ရောက်သွားနိုင်သည်ဟု မွန်ပြည်သစ်က ကြေညာထားသည်။

မွန်ပြည်သစ် ဗဟိုအလုပ်အမှုဆောင်တဦးက “ပြီးခဲ့တဲ့ မတ် (၁၆) ရက်က ကျနော်တို့ ဒု-ဥက္ကဋ္ဌနဲ့ ရတခ (အရှေ့တောင်တိုင်း စစ်ဌာနချုပ်) တိုင်းမှူး ဗိုလ်ချုပ်သက်နိုင်ဝင်းတို့ တွေ့တုန်းက နယ်ခြားစောင့်တပ်ကိစ္စကို လက်မခံရင် ပါတီရဲ့ တပ်ဖွဲ့ကို ခင်ဗျားတို့စိတ်ကြိုက် ဘယ်လိုပြောင်းချင်သလဲဆိုတာ တင်ပြပါ။ ဘာလို့လဲဆိုတော့ ဒီဗမာပြည်တောင်ဘက်ပိုင်းမှာ မွန်ပြည်သစ် တဖွဲ့တည်း ရှိတာတဲ့။ ဒါကြောင့် နယ်ခြားစောင့်တပ်ကိစ္စဟာ ခင်ဗျားလက်ထဲမှာပဲ ရှိပါတယ်ဆိုပြီး ပါတီရဲ့တပ်ဖွဲ့ကို အသွင်ပြောင်းဖို့ တိုင်းမှူးပြောတာကိုလည်း ကျနော်တို့ လက်မခံနိုင်ဘူးလို့ ပြောခဲ့ပြီးသားပါ။ ပါတီအနေနဲ့က ကြုံတွေ့လာမယ့် အတားအဆီးအားလုံးကို ဒီရပ်တည်ချက်နဲ့ပဲ ရင်ဆိုင်သွားမှာပါ” ဟု ခေတ်ပြိုင်သို့ ပြောကြားသည်။

မွန်ပြည်သစ်ပါတီသည် မွန်အမျိုးသားများအတွက် ဘဝအာမခံချက်မရှိဘဲ ပါတီနှင့် ၎င်း၏တပ်ဖွဲ့ မွန်အမျိုးသားလွတ်မြောက်ရေး တပ်မတော်အား တပ်ခွဲထားခြင်း၊ ဖျက်သိမ်းခြင်းကို လက်ခံလိမ့်မည်မဟုတ်ကြောင်း၊ တွေ့ဆုံဆွေးနွေးခြင်းဖြင့် နိုင်ငံရေးပြဿနာကို ဖြေရှင်းသွားရန် လက်ရှိအစိုးရ၊ အနာဂတ်အစိုးရသစ်တို့အား ဆက်လက် တောင်းဆိုသွားမည်ဖြစ်ကြောင်း ၎င်းတို့၏ နောက်ဆုံးကြေညာချက်တွင် ဖော်ပြထားသည်။

၂၀၀၈ ဖွဲ့စည်းပုံ အခြေခံဥပဒေကို ပြန်လည်သုံးသပ်ရန်၊ နိုင်ငံရေးအကျဉ်းသားများကို လွတ်ငြိမ်းချမ်းသာခွင့်ပေးပြီး အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေး အဖြေရှာသွားရန် မွန်ပြည်သစ်က မြန်မာစစ်အစိုးရအား တောင်းဆိုထားသည်။

စစ်အစိုးရ ကျင်းပမည့် ၂၀၁၀ ရွေးကောက်ပွဲနှင့် ပတ်သက်၍ နိုင်ခြေးမွန်က “အခု အစည်းအဝေးမှာ အသေးစိတ် မသိရသေးပါဘူး။ အရင်က ဆုံးဖြတ်ချက်အတိုင်းပဲ ပါတီက ဒီရွေးကောက်ပွဲမှာ ဝင်ပြိုင်မှာ မဟုတ်ပါဘူး။ ဒါနဲ့ပတ်သက်ပြီး အစည်းအဝေးမှာ ထူးထူးခြားခြား ဆုံးဖြတ်တာမျိုး မရှိပါဘူး။ အရင်ကအတိုင်းပါပဲ” ဟု ပြောကြားသည်။

မွန်ပြည်သစ်ပါတီသည် ၁၉၉၅ ခုနှစ်က စစ်အစိုးရနှင့် အပစ်ခတ်ရပ်စဲရေး ပြုလုပ်ခဲ့သည်။

စစ်အစိုးရက ဖျက်သိမ်းထားသော ၁၉၉၀ ရွေးကောက်ပွဲ အနိုင်ရပါတီ မွန်အမျိုးသား ဒီမိုကရေစီအဖွဲ့ချုပ်ကလည်း လာမည့် ရွေးကောက်ပွဲတွင် ဝင်ရောက်ယှဉ်ပြိုင်မည် မဟုတ်ကြောင်း ပြီးခဲ့သည့် မတ်လ(၂၄) ရက်နေ့က ထပ်မံအတည်ပြု ဆုံးဖြတ်လိုက်ကြောင်း သိရသည်။

PNS-Japan
သတင်းမှတ်တမ်း ။ မူရင် ...ခေတ်ပြိုင် ဂျာနယ်


ဖက်ဆစ်တော်လှန်ရေး၊ Force - ၁၃၆ … ဗိုလ်ချုပ်အောင်ဆန်းနှင့် ကြေးနန်းနှစ်စောင် ။

မင်းဟန် ဗုဒ္ဓဟူးနေ့၊ မတ်လ ၂၄ ရက် ၂၀၁၀ ခုနှစ် ၁၂ နာရီ ၅၁ မိနစ် .
(၂ဝ၁ဝ ခုနှစ် မတ်လ ၂၇ ရက်နေ့တွင် ကျရောက်သည့် ၆၅ နှစ်မြောက် ဖက်ဆစ်တော်လှန်ရေးနေ့သို…..)


(က)
ပထမတွင် ….ဖက်ဆစ် တော်လှန်ရေးကြီးအား မတ်လ၂၅ရက်နေ့တွင် စတင်ရန် ဗိုလ်ချုပ်အောင်ဆန်းက သတ်မှတ်ထား၏။

သို့သော်…. အင်္ဂလိပ် စစ်တပ်များအား ခုခံတိုက်ခိုက်ရန်၊ ဂျပန်စစ်ဌာနချုပ်က ဗမာ့တပ်မတော်ကို၊ ‘စစ်အမိန့်’ ထုတ်ပြန်ပေးခဲ့သည့်အတွက် …ပထမ သတ်မှတ်ထားခဲ့သော ရက်အား ပြင်ဆင်ခဲ့ကြရသည်။ မတ်လ ၂၅ ရက်မှ…. ဧပြီလ ၂ ရက်နေ့သို့ ပြောင်းလဲလိုက်၏။

တော်လှန်မည့်နေ့ ‘ဒီ ဒေး’ အပြောင်းအလဲ ရှိသကဲ့သို့ …စစ်တိုင်း ၁ ၏ စစ်ရေး ခေါင်းဆောင်နှင့် နိုင်ငံရေး ခေါင်းဆောင် အပြောင်းအလဲ များလည်း ရှိ၏။

မတ်လ ၂၅ ရက်နေ့တွင်မူ ….. တပ်မတော်နှင့် တော်လှန်ရေးအား ဆန့်ကျင်ပြီး ဂျပန်တို့နှင့် ပူးပေါင်းလိုသည့် ဗိုလ်မှူးရန်နိုင် (ရဲဘော်သုံးကျိပ်ဝင်၊ ဒေါက်တာ ဘမော်၏ သားမက်) ၏ သတင်းပေး မှုကြောင့် ဂျပန်စစ် ဘက်ဌာနက သိရှိသွားပြီး တပ်မတော်၏ လှုပ်ရှားမှုများအား အရေးယူစုံစမ်းလာ၏။ ပဲခူးရှိ တိုင်း ၄ တွင် လက်နက်များ သိမ်းယူမည်အထိ အခြေစိုက်လာ၏။ ဤတွင် ….. တပ်မတော်အနေနှင့် ဖက်ဆစ် တော်လှန်ရေးအား လက်ဦးမှု ရယူနိုင်ရန်အတွက် …. တော်လှန်ရေး စတင်မည့် ရက်နှင့် အချိန်အား အရေးပေါ် ပြောင်းလဲ သတ်မှတ်လိုက်ရ၏။ ဖက်ဆစ် တော်လှန်ရေးကြီး စတင်မည့် နေ့ရက်…

‘ဒီ-ဒေး’ ကား …၁၉၄၅ ခုနှစ် မတ်လ ၂၇ ရက်….။ စတင်မည့်အချိန် ‘န-နာရီ’ က … ၁၉းဝဝ နာရီ…။


(ခ)
၁၉၄၅ ခုနှစ် ၊ မတ်လ ၃၁ ရက်…။
မင်းတုန်းမြို့နယ်၊ ကစွန်းမြောင်ရွာ…လယ်တဲ…။

ဗိုလ်ချုပ်အောင်ဆန်း၏ ဗဟိုစစ်ဦးစီးဌာနချုပ်အား ကံမမြို့နယ် ပုဏ္ဍားရွာတွင် အခြေစိုက်ထားပြီး၊ ဗိုလ်မှူးအောင်၏ တိုင်း ၇ တိုင်းစစ်ဌာနချုပ်က …. မင်းတုန်းမြို့နယ် ကစွန်းမြောင်ရွာ အနီးရှိ လယ်တဲငယ် တခုတွင် ယာယီ အခြေပြုထားသည်။ ပုဏ္ဍားရွာနှင့် ကစွန်းမြောင်ရွာများက ခြေလျင်ခရီးနှင့် ၄ မိုင် ခရီးမျှသာဝေး၏။

ဖက်ဆစ်တော်လှန်ရေး မစတင်မီကတည်းမှပင် ဆင်းမလားရောက် ဗြိတိသျှများနှင့် ဖဆပလ သည် အဆက်အသွယ် ရရှိထားခဲ့၏။ ဖက်ဆစ်တော်လှန်ရေးအတွက် အိန္ဒိယရှိ သခင်သိန်းဖေ (စာရေးဆရာ သိန်းဖေမြင့်) ၏ အဆက်အသွယ်ဖြင့် ဖဆပလ နှင့် Force - ၁၃၆ အကြား စစ်ရေးအရ အပြန်အလှန် ဆက်သွယ်မှု ရှိနေ၏။ ကြိုးမဲ့ ကြေးနန်းဆက်သွယ်ရေး တပ်သားများအား Force - ၁၃၆ မှ လေထီးနှင့် ဖက်ဆက် တော်လှန်ရေး စစ်တိုင်းကြီးများတွင် ချပေး၏။ စစ်တိုင်းများ အားလုံးတွင်မူ မဟုတ်…။ ဗိုလ်မှူးအောင်၏ တိုင်း ၇ တွင် ရှိ၏။ သခင်သန်းထွန်း၊ ကိုဗဟိန်းတို့ အခြေပြုထားသည့် ပဲခူးရိုးမအရှေ့ခြမ်းတွင် ရှိ၏။ မြစ်ဝကျွန်းပေါ်ရှိ တိုင်း ၂ တွင် ရှိ၏။ တိုင်း ၂ တွင်က ….သခင်စိုးနှင့် ဗိုလ်မှူးကြီးနေဝင်းတို့ တာဝန်ယူကြ၏။ ဗိုလ်ချုပ်အောင်ဆန်း ဦးစီးသည့် ဗဟိုစစ်ဦးစီးဌာနချုပ်တွင်က မရှိ….။ တိုင်း ၇ နှင့်တွဲ၍ သုံးရသည်။

မတ်လ ၃၁ ရက်နေ့၊ နံနက်မှာပင် ဗိုလ်ချုပ်တို့ တိုင်း ၇ စစ်ဌာနချုပ်ရှိရာ မင်းတုန်းမြို့နယ်၊ ကစွန်းမြောင်ရွာ အနီးရှိ လယ်တဲတခုသို့ ရောက်ရှိလာကြ၏။ ဗိုလ်ချုပ်နှင့်အတူ…. ဗိုလ်မှူးမင်းခေါင် (ရဲဘော်သုံးကျိပ်ဝင်) ဗိုလ်မှူးထွန်းအုံ (မြူနီစပယ်မင်းကြီး၊ အငြိမ်းစား)၊ ဗိုလ်မှူးစမိုက် (ဗိုလ်မှူးကြီး လှအောင်) ၊ ဗိုလ်မှူးဖိုးကွန်း (ပြည်သူ့ရဲဘော်၊ အငြိမ်းစား၊ ဆိုဗီယက် သံအမတ်ကြီး) တို့လည်း လိုက်ပါလာကြသည်။

တပေါင်းနွေ၏ မွန်းတည့်နေက ပူပြင်းလွန်းလှ၏။ အပူရှိန်ကြောင့် သက်ကယ်မိုးသည် တဖျစ်ဖျစ်နှင့် မြည်နေ၏။ ညိုခြောက်နေသည့် ရိုးပြတ်တောအား ဖြတ်၍တိုက်ခတ်လာည့်လေကား…. လေပူ….။ တဲအရှေ့ရှိ လက်ပံပင်အိုညီနောင်က တပင်လုံး အပွင့်နီနီရဲရဲများနှင့် အနီရောင် ချယ်ထား၏။ လေပူအဝှေ့ကြောင့် လက်ပံပွင့်တို့က လေဟုန်စီး၍ မြေသို့ ဝဲ၍ …ဝိုက်၍ သက်ဆင်းနေကြ၏။ မြေပြင်ပင်ရင်းတွင်လည်း ရဲရဲ…။

တဲအတွင်း၌က …. ဗိုလ်ချုပ်၊ ဗိုလ်မှူးအောင်၊ ဗိုလ်မှူးစိန်မှန်၊ ဗိုလ်မှူးထွန်းအုံ၊ ဗိုလ်မှူးမင်းခေါင်နှင့် သခင်တင်မြတို့ ထိုင်နေကြ၏။ ဗိုလ်ချုပ်သည် Force - ၁၃၆ ၏ တပ်ဖွဲ့မှူးမှ သူ့ထံသို့ ပေးပို့လိုက်သည့် ကြေးနန်စာအား ဖတ်နေသည်။ ကြေးနန်စာအား ဖတ်ရင်း ဗိုလ်ချုပ်သည် ‘ဟန်းကော’ အတွင်းမှ ရေနွေးကြမ်းပူပူအား တခွက်ပြီး တခွက် သောက်၍နေ၏။ ကြေးနန်စာအား ဖတ်နေသည့် ဗိုလ်ချုပ်၏ မျက်နှာသည် …. တင်းမာမှုများနှင့် …။ တင်းမာနေသော ဗိုလ်ချုပ်၏မျက်နှာက …. တည်တည်ငြိမ်ငြိမ်ပင် …ဒေါသမထွက်…။


(ဂ)
Force - ၁၃၆ က (ဖဆပလ) အား ဖက်ဆစ် တော်လှန်ရေးတွင် သူတို့၏ ပြောက်ကျားတပ်၊ သတင်းပေး အဆင့်နှင့်သာ ဆက်ဆံချင်၏။ ဖက်ဆစ်ဝင်ရိုးတန်း အင်အားစုအား စစ်ရေးအရ မဟာမိတ်ပြု၍၊ တော်လှန်တိုက်ပွဲဝင်နေသည့် ဖက်ဆစ် တော်လှန်ရေး ပြည်သူ့ တပ်မတော်အဖြစ် (ဖဆပလ) အပေါ် သဘောမထားလို..။ ပြီးလျှင် … လေထီးနှင့် ချပေးထားသည့်၊ ကြိုးမဲ့ကြေးနန်း ဆက်သွယ်ရေး စက်များကိုလည်း Force - ၁၃၆ နှင့်သာ ဆက်သွယ်ရမည်။ အခြားစစ်တိုင်းများနှင့် အချင်းချင်း မဆက်သွယ်ရဟူ၍ ကန့်သတ်ထား၏။ လက်နက်နှင့် ခဲယမ်းမီးကျောက်များအား ဖက်ဆစ်တော်လှန်ရေးအတွက် လေထီးနှင့် ချပေးမည့် အစီအစဉ်ကိုလည်း ဖက်ဆစ် တော်လှန်ရေးကြီး စတင်သည့် အချိန်အထိ မချသေး…။ ဤတွင် … တိုင်း ၇ ၏ ဒုတိယ စစ်ရေးခေါင်းဆောင် ဗိုလ်မှူးစိန်မှန် ပေါက်ကွဲလေ၏။ မဟာမိတ်တပ်မျာအား ‘ငါ ’ နှင့် ကိုင်တုတ်ဖူး၏။

“ဒီမအေပေးတွေဆီက လက်နက်မရရော ဂျပန်ကို မတိုက်နိုင်တော့ဘူးလား။ ရှိတဲ့လက်နက်နဲ့ ဂျပန်တွေ ဖင်သနီလန်ကုန်အောင် တိုက်ပြမယ်။ ဂျပန်တင်မကဘူး ဒင်းတို့ကိုပါ တိုက်ပြမယ်။ … နယ်ချဲ့သမားတွေ”

ဗိုလ်ချုပ်သည် ကြေးနန်းစာအား အပြန်ပြန်အလှန်လှန် ဖတ်၏။ ပြီးလျှင် ….အနီးတွင် ထိုင်နေသည့် ဗိုလ်မှူးစိန်မှန်အား…။
“ကဲ… အားလုံးကြားရအောင် ဒီကြေးနန်းကို ဗိုလ်စိန်မှန်က ဖတ်ပြလိုက်စမ်းပါ”…ဟု ဗိုလ်ချုပ်က လက်အတွင်းမှ ကြေးနန်းစာအား ဗိုလ်မှူးစိန်မှန်သို့ လှမ်း၍ပေး၏။

ကြေးနန်စာက ….မတ်လ ၃၁ ရက်နေ့တွင် တိုင်း ၇ စစ်ဒေသသို့ ဗိုလ်ချုပ်တို့ ရောက်ရှိနေသည့် အကြောင်းအား Force - ၁၃၆ သို့ ဗိုလ်ချုပ်ကိုယ်တိုင် အကြောင်းကြားခဲ့သည့် ကြေးနန်းစာအပေါ် Force - ၁၃၆တပ်ဖွဲ့မှူးမှ ဗိုလ်ချုပ်ထံသို့ အကြောင်းပြန်လာသည့် ကြေးနန်းစာ ဖြစ်သည်။ ဗိုလ်မှူးစိန်မှန်က ….ဗိုလ်ချုပ်လှမ်းပေးသည့် ကြေးနန်အား အသံမြှင့်၍ ဖတ်ပြ၏။

“Major General Aung San (Self Styled)”…
“မေဂျာဂျင်နရယ်ဟု မိမိကိုယ်မိမိ ဘွဲ့ပေးထားသူ အောင်ဆန်း…”

ဗိုလ်မှူးစိန်မှန်သည် ကြေးနန်းစာ၏ ပထမတကြောင်းအား ဖတ်ပြီး…ဆက်၍ မဖတ်။ ရပ်လိုက်၏။ ပြီးလျှင် …. ဒေါသနှင့် …။

“ဒါဟာ ကျနော်တို့ကို စော်ကားတာပဲ ဗိုလ်ချုပ်။ ဒီကောင်တွေ လူပါးကို ဝတယ်။ ကျနော်တို့ကို သူတို့ရဲ့ ကျွန်တွေပဲလို့ ထင်နေတုန်းပဲနဲ့ တူတယ်”

အားလုံးက … Force - ၁၃၆ ၏ ကြေးနန်းတွင် ရေးထားသည့် ပထမဆုံး စာကြောင်းကြောင့်၊ မခံမရပ်နိုင်ဖြစ်၍ နေကြ၏။ မကျေနပ်ကြ…။

“ဗိုလ်ချုပ်ကို ဒီလို အမည်တပ်ရေးတာဟာ ဗိုလ်ချုပ်ကို ပုဂ္ဂိုလ်ရေးအရ စော်ကားကာတာတင် မဟုတ်ဘူး။ ကျနော်တို့ရဲ့ တော်လှန်ရေးကိုရော…။ တမျိုးသားလုံးကိုပါ စော်ကားရာကြတာပဲ”။ သခင်တင်မြက ဝင်ပြော၏။

“ ကဲပါလေ ဆုံးအောင်ဖတ်ပြီးမှ ထင်မြင်ချက် ပြောကြတာပေါ့။ ဆက်ဖတ်စမ်းပါ”

ဗိုလ်ချုပ်က …စကားစအား ဖြတ်၍ ဆက်ဖတ်ရန် အမိန့်ပေး၏။ ဗိုလ်မှူးစိန်မှန်သည် အံတတြိတ်ကြိတ်နှင့် ကြေးနန်းအား ဆက်၍ဖတ်၏။

“သင့်ထံမှ ကြေးနန်းကို လက်ခံရရှိသည်။ လက်ဖတင်နယ်ကာနယ် ကရူးအား ဖြူးအနောက်တွင် လေထီးနှင့် ချပေးပြီး ယခု သခင်သန်းထွန်းနှင့် အတူရှိနေသည်။ A.F.O နှင့် ပူးတွဲဆောင်ရွက်မည့် တပ်ဖွဲ့ Force - ၁၃၆ မှ အရာရှိအားလုံးကို ကာနယ်ကရူးက အုပ်ချုပ်လိမ့်မည်။ ဂျပန်အား ထိရောက်စွာ တိုက်ခိုက်ရေးအတွက် A.F.O လက်အောက်ရှိ သင်အုပ်ချုပ်နေသော လက်နက်ကိုင်တပ် အားလုံးသည် မဟာမိတ်စစ်ဌာနချုပ်၏ စစ်အမိန့် ညွှန်ကြးချက်များကို လိုက်နာဆောင်ရွက်သင့်သည်။ သင်၏ အုပ်ချုပ်မှုအောက်တွင် ရှိနေသော မင်းဘူး၊ မကွေး၊ သရက်ဒေသများရှိ သင်တို့၏ လက်နက်ကိုင်တပ်များသည် ဂျပန်များကို ထိရောက်စွာ တိုက်နိုင်မည်မဟုတ်။ သို့ကြောင့် ဤဒေသရှိ သင်၏ တပ်များကို ပြည်၊ သာယာဝတီ၊ အင်းစိန် မီးရထားလမ်းတလျှောက်သို့ အမြန်ဆုံး ပြောင်းရွှေ့၍ မဟာမိတ်စစ်ဌာနချုပ်၏ ညွှန်ကြားမှုအောက်တွင် ဂျပန်ကို စစ်ဆင်ရန် ဖြစ်သည်။ သင်၏ တပ်များအားလုံး ထိုဒေသသို့ ရောက်ပါက ကျွန်ုပ်တို့ထံမှ ဆက်သွယ်ရေးအရာရှိများနှင့် လိုအပ်သော ဆက်သွယ်ရေး ကိရိယာများကို လေထီးဖြင့် ချပေးမည်။ သင်တို့ လိုအပ်သော လက်နက်ခဲယမ်း၊ ဆေးဝါးနှင့် စစ်ပစ္စည်းများ ထောက်ပံ့ရေးကို ဆက်သွယ်ရေးအရာရှိများက ဆောင်ရွက်ပေးလိမ့်မည်။ သင်၏ သဘောထား အကြောင်းပြန်ပါ”

ကြေးနန်းက ဤတွင် ဆုံးပြီ….၊ အားလုံး၏ ရင်အတွင်းမှ ဒေါသမီးအပူက …တပေါင်းနွေနှင့် အပြိုင်…။ ဗိုလ်ချုပ်သည် သူ၏ တပ်မှူးများအား ဝေ့၍ကြည့်ပြီး…. တည်တည်ငြိမ်ငြိမ်နှင့်ပင် စကားအား ဆို၏။

“ဒီမှာ ကိုယ်တို့ ဂျပန်ကို ထချတာဟာ သူတို့အလိုကို လိုက်လျောဖို့၊ သူတို့က အသိအမှတ်ပြုတာကို ရချင်လို့ မဟုတ်ဘူး။ တိုင်းပြည်လွတ်လပ်ရေးအတွက် လုပ်သင့်လုပ်ထိုက်တဲ့ အလုပ်အဖြစ် ကိုယ်တို့ ဆန္ဒအလျောက် ဂျပန်ကို ထတော်လှန်ကြတာပဲ။ အဲဒီတော့ သူတို့က ကိုယ်တို့ကို အသိအမှတ်မပြုချင်၊ လေးလေးစားစား မဆက်ဆံချင်လည်း ပြဿနာမဟုတ်ပါဘူး။ ကိုယ်တို့အဖို့ ပြည်သူလူထုကို စည်းရုံးနိုင်သလောက် ပြည်သူလူထုနဲ့အတူ ဂျပန်ကို ချနိုင်သလောက် ကမ္ဘာက ကိုယ်တို့ရဲ့ ကြိုးပမ်းမှုကို အသိအမှတ် ပြုလာမှာပဲ။ ဒီအင်္ဂလိပ်တွေကိုလည်း သိပ်မမျှော်လင့်နဲ့။ သူတို့ဟာ နယ်ချဲ့သမားတွေဆိုတာလည်း မမေ့နဲ့။ ကဲ .. သူတို့ဆီကို ကိုယ်တို့ရဲ့ သဘောထား အမြန်ဆုံး ပြန်ပို့ရမယ်။ အဲဒီကြေးနန်း အခုပဲ ရေးလိုက်မယ်”

ဗိုလ်ချုပ်၏ စကားဆုံးသည်နှင့် တဲအတွင်း၌ ခဏငယ်မျှ တိတ်ဆိတ်၍သွား၏။ ဗိုလ်ချုပ်သည် ‘ဟန်းကော’ အတွင်းမှ ရေနွေးကြမ်းပူပူအား ငှဲ့၍ သောက်၏။ ပြီးလျှင် ….စာရွက်လွတ်တရွက်ပေါ်၌ ကြေးနန်းစာအား ချ၍ရေး၏။

“မှ
မေဂျာဂျင်နရယ်အောင်ဆန်း
စစ်ခေါင်းဆောင်
ဖ တ ပ လ အဖွဲ့ချုပ်
မြန်မာနိုင်ငံ။

သို့
စစ်သေနာပတိ
မဟာမိတ် စစ်ဌာနချုပ်
အရှေ့အာရှတောင်ပိုင်း

သင်တို့ထံမှ ပေးပို့သော…. နေ့စွဲပါ ကြေးနန်းကို ရရှိပါသည်။ ဂျပန်အား ထိရောက်စွာ တိုက်ခိုက်ရေးအတွက် မင်းဘူး၊ မကွေး၊ သရက် ဒေသများရှိ ကျွန်ုပ်တို့ တပ်များအားလုံး ပြည်၊ သာယာဝတီ၊ အင်းစိန် ဒေသများသို့ ပြောင်းရွှေ့၍ စစ်ဆင်တိုက်ခိုက်ပါ ဟူသော သင်တို့၏ အကြံပေးချက်ကို လက်မခံနိုင်ပါ။ ပြည်၊ သာယာဝတီ၊ အင်းစိန် ဒေသများတွင် ကျွန်ုပ်တို့ အုပ်ချုပ်မှုအောက်ရှိ ဗမာ့အမျိုးသားတပ်မတော်မှ တပ်ရင်းအချို့နှင့် ပြောက်ကျားတပ်အချို့ တပ်ဖြန့်စစ်ဆင်လျက်ရှိပါသည်။ ဖ တ ပ လ အဖွဲ့ချုပ်မှ ချမှတ်ထားသော စစ်ဆင်ရေး အစီအစဉ်အတိုင်း ဂျပန်ဖက်ဆစ်များကို ကျွန်ုပ်တို့ တပ်များက တိုက်ခိုက်ရင်း သင်တို့၏ မဟာမိတ်တပ်များနှင့် စစ်မျက်နှာများတွင် ပူးတွဲတိုက်ခိုက်သွားလိုသည်။

သို့ကြောင့် မြန်မာနိုင်ငံပေါ်မှာ ဖက်ဆစ်ဂျပန်များကို ထိရောက်စွာ စစ်ဆင်တိုက်ခိုက်ရေးအတွက် လိုအပ်သော စစ်ရေးအစီအစဉ်များကို သင်တို့နှင့် ညှိနှိုင်းရေးဆွဲရန် သင်တို့ထံမှ ဆက်သွယ်ရေးအရှာရှိ တယောက် ကျွန်ုပ်ထံ အမြန်ပို့ပေးစေလိုသည်။ လောလောဆယ်အားဖြင့် သင်တို့ ပေးမည်ဟု ကတိပြုထားသော လက်နင်ခဲယမ်းနှင့် ဆေးဝါးစစ်ပစ္စည်းများကို ကျွန်ုပ်တို့ ညွှန်ပြသည့် နေရာများသို့ အမြန်ဆုံး ချပေးစေလိုသည်။

လက်နက်ခဲယမ်းကို အမြန်ဆုံး လေထီးနှင့်ချပေးရမည့်တပ်များနှင့်ဒေသမှာ
(၁) ဗိုလ်ကြီးစိန်ဝင်း ခေါင်းဆောင်သော တပ်ရင်း ၆ ၊ မင်းတုန်းအရှေ့ဒေသ။
(၂) ဗိုလ်ကြီးစန်းယု ခေါင်းဆောင်သော တပ်ရင်း ၂ ၊ မင်းတုန်း ပတ်ဝန်းကျင်ဒေသ။
(၃) ဗိုလ်ကြီးမိုးညို ခေါင်းဆောင်သော စက်မှုလက်မှု တပ်ရင်း၊ မင်းဘူးဒေသ။
(၄) ဗိုလ်မင်းလွင် အုပ်ချုပ်သော တိုင်း ၇ ဌာနချုပ်၊ ကင်းတပ်ခွဲ
အမြန်အကြောင်းပြန်ပါ။ ဗိုလ်ချုပ်သည် သူ၏ကြေးနန်းအား အဆုံးသတ်လိုက်၏။
လေအသွေ့ကြောင့်….တဲအရှေ့ရှိ လက်ပံပင်ညီနောင်မှ လက်ပံပွင့်တို့က …. လေဟုန်စီး၏။ ဝေလည်း ရဲရဲ….။ ကြွေလည်း ရဲရဲ…..။

“… ရင့်ကြွေ ညောင်းသည်
ရွက်ဟောင်း စွန့်ပစ်၊ ဘဝသစ်သို့
သနစ်ပြောင်းမည်၊ ဖူးသစ်မိသည်
အနီထဲမှ ကြယ်ဖြူပွင့် … ”

(ဒဂုန်တာရာ၏… မတ်လတော်လှန်ရေးကဗျာမှ)

အညွှန်း။ ။ သခင်တင်မြ၏ ဘုံဘဝမှာဖြင့် (ဆဋ္ဌမတွဲ)

PNS-Japan
ဆောင်းပါး မူရင်း ( mizzimaburmese. )


ဒေါ်အောင်ဆန်းစုကြည်ကို ရွေးကောက်ပွဲ ၀င်ခွင့်ပြုဖို့ ဘန်ကီမွန်း တိုက်တွန်း ။


26 March 2010

မြန်မာစစ်အစိုးရက ကျင်းပမယ်လို့ ကြေညာထားတဲ့ ရွေးကောက်ပွဲတွေမှာ ဒေါ်အောင်ဆန်းစုကြည် အပါအ၀င် သက်ဆိုင်သူတွေ အားလုံးကို ပါဝင်ခွင့်ပေးဖို့နဲ့ လွတ်လပ်ပြီး တရားမျှတတဲ့ ရွေးကောက်ပွဲတွေ ဖြစ်နိုင်မယ့် အခြေအနေတွေကို ဖန်တီးပေးဖို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon)က မြန်မာ စစ်အစိုးရကို တိုက်တွန်း လိုက်ပါတယ်။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်။

ကုလသမဂ္ဂ အတွင်းရေးမှူးချုပ်ရဲ့ မြန်မာ့အရေး မိတ်ဆွေနိုင်ငံများ အဖွဲ့ အစည်းအဝေးကို နယူးယောက်မြို့၊ ကုလသမဂ္ဂ ဌာနချုပ်မှာ ကျင်းပပြီးတဲ့နောက် အတွင်းရေးမှူးချုပ်က အဲဒီလို တိုက်တွန်းလိုက်တာပါ။ မြန်မာလူထု တရပ်လုံးအတွက် တည်ငြိမ်မှု၊ ဒီမိုကရေစီနဲ့ ဖွံ့ဖြိုးတိုးတက်ရေး အလားအလာတွေ ဖြစ်ပေါ်လာစေဖို့ရာ ရွေးကောက်ပွဲတွေမှာ အားလုံး ပါဝင်နိုင်ဖို့နဲ့ ပွင့်လင်း မြင်သာမှုရှိဖို့ လိုအပ်တယ်ဆိုတာ မြန်မာ့အရေး မိတ်ဆွေနိုင်ငံများ အဖွဲ့က အလေးအနက် ပြောဆိုခဲ့တယ်လို့ မစ္စတာ ဘန်ကီမွန်းက ပြောပါတယ်။ အမျိုးသား အကျိုးစီးပွားကို ရှေးရှု လုပ်ဆောင်ကြဖို့ သက်ဆိုင်သူ အားလုံးကို ဒီအဖွဲ့က တိုက်တွန်းလိုက်ပါတယ်။

“ရွေးကောက်ပွဲတွေမှာ သက်ဆိုင်သူတွေ အားလုံး လွတ်လွတ်လပ်လပ် ပါဝင်ခွင့်ရမယ့် အခြေအနေတွေကို အစိုးရက ဖန်တီးပေးရပါမယ်။ ဒီအခြေအနေတွေထဲမှာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံးကို လွှတ်ပေးဖို့နဲ့ အခြေခံ လွတ်လပ်ခွင့်တွေကို လေးစားလိုက်နာဖို့ ဆိုတာတွေ ပါဝင်ပါတယ်။”

ဒေါ်အောင်ဆန်းစုကြည်က သူ့သဘောအရ ဆိုရင်တော့ သူ ဦးဆောင်တဲ့ အမျိုးသားဒီမိုကရေစီ အဖွဲ့ချုပ် (NLD) အနေနဲ့ ပါတီမှတ်ပုံတင်ရေး ကိစ္စကို စဉ်းစားမှာ မဟုတ်ဘူးလို့ ပြောထားပါတယ်။ တနည်းအားဖြင့် ရွေးကောက်ပွဲဝင်ဖို့ စဉ်းစားမှာ မဟုတ်ဘူးလို့ ပြောထားတာပါ။ ဒါပေမယ့်လည်း ပါတီက ဆုံးဖြတ်ချက်ချတဲ့အတိုင်း လိုက်နာမယ်လို့လည်း ဆိုထားပါတယ်။

လက်ရှိ အခြေအနေတွေပေါ်မှာ အခြေခံပြီး၊ သူ့ရဲ့ စစ်မှန်တဲ့ ယုံကြည်မှုပေါ်မှာ အခြေခံပြီး ပြောတာဆိုရင်တော့ ဒေါ်အောင်ဆန်းစုကြည်ရဲ့ ဆုံးဖြတ်ချက်ကို မိမိတို့ လေးစားပါမယ်လို့ မစ္စတာ ဘန်ကီမွန်းက ပြောပါတယ်။

ဒေါ်အောင်ဆန်းစုကြည် ပါဝင်ခွင့်မရဘူး ဆိုရင်တော့ ရွေးကောက်ပွဲတွေဟာ လက်ခံနိုင်စရာရှိမှာ မဟုတ်ဘူးဆိုတဲ့ အချက်ကို ကုလသမဂ္ဂ အတွင်းရေးမှူးချုပ်က ထပ်ပြောသွားခဲ့ပါတယ်။

“နိုင်ငံရေး အကျဉ်းသားတွေ၊ အထူးသဖြင့်တော့ ဒေါ်အောင်ဆန်းစုကြည် အနေနဲ့ အပြည့်အ၀ ပါဝင်ခွင့်မရဘူး ဆိုရင် ရွေးကောက်ပွဲတွေဟာ ယုံကြည် လက်ခံနိုင်လောက်တဲ့၊ အားလုံးပါဝင်တဲ့ ရွေးကောက်ပွဲတွေအဖြစ် ယူဆနိုင်မှာ မဟုတ်ဘူးဆိုတာ မြန်မာခေါင်းဆောင်တွေကို ကျနော် ပြောခဲ့ပါတယ်။ ဒါကြောင့် လုပ်ငန်းစဉ်အားလုံး၊ ဖြစ်ပေါ်တိုးတက်မှု အားလုံးကို ကျနော်တို့ ဂရုတစိုက် စောင့်ကြည့်သွားရပါလိမ့်မယ်။”

မြန်မာစစ်အစိုးရက ထုတ်ပြန်ကြေညာထားတဲ့ ရွေးကောက်ပွဲ ဥပဒေတွေနဲ့ ရွေးကောက်ပွဲ ကျင်းပမယ့် ၀န်းကျင် အခြေအနေ တခုလုံးဟာ အားလုံးပါဝင်တဲ့ နိုင်ငံရေးလုပ်ငန်းစဉ် တခုအတွက် လိုအပ်တဲ့ အခြေအနေကို အခုချိန်ထိ အပြည့်အ၀ မရောက်သေးဘူးလို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောပါတယ်။

မြန်မာလူထုအတွက် ပိုပြီး ကောင်းမွန်တဲ့ လူနေမှု အဆင့်အတန်း ရလာရေး လုပ်ဆောင်သွားဖို့ လိုအပ်တယ် ဆိုတာကိုလည်း အတွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများ အဖွဲ့က အလေးအနက် ပြောဆိုခဲ့ကြတယ်လို့ မစ္စတာဘန်က ပြောပါတယ်။ မြန်မာ့မိတ်ဆွေနိုင်ငံများ အဖွဲ့ကို ၂၀၀၇ ခုနှစ်၊ ဒီဇင်ဘာလက စတင်ဖွဲ့စည်းခဲ့တာပါ။ ဒီအဖွဲ့ထဲမှာ ကုလသမဂ္ဂ လုံခြုံရေးကောင်စီ အမြဲတမ်း အဖွဲ့ဝင် ၅ နိုင်ငံနဲ့ အရှေ့တောင်အာရှ နိုင်ငံများ အဖွဲ့ဝင် ASEAN နိုင်ငံတွေလည်း ပါဝင်ပါတယ်။

ဒီအဖွဲ့ရဲ့ ကြာသပတေးနေ့က ကျင်းပတဲ့ အစည်းအဝေး မတိုင်ခင် ဗုဒ္ဓဟူးနေ့က ကုလသမဂ္ဂ လုံခြုံရေးကောင်စီမှာ မြန်မာနိုင်ငံ လက်ရှိ အခြေအနေ အရပ်ရပ်ကို အတွင်းရေးမှူးချုပ်ရဲ့ မြန်မာ့အရေး ယာယီ အထူးအကြံပေးပုဂ္ဂိုလ် မစ္စတာ ဗီဂျေး နမ်ဘီယာ (Vijay Nambiar) က တင်ပြခဲ့ပါသေးတယ်။

ဧပြီလကျရင် ဗီယက်နမ်နိုင်ငံ၊ ဟနွိုင်းမြို့မှာ ကျင်းပဖို့ရှိတဲ့ အာဆီယံ ထိပ်သီးအစည်းအဝေး အတွင်းမှာလည်း မြန်မာနိုင်ငံမှာ ကျင်းပမယ်ဆိုတဲ့ ရွေးကောက်ပွဲတွေ ကိစ္စဟာ အဓိက ဆွေးနွေးမယ့် အကြောင်းအရာတခု ဖြစ်လိမ့်မယ်လို့ အင်ဒိုနီးရှားနိုင်ငံထုတ်၊ ဂျကာတာပို့စ် သတင်းစာမှာ ဖော်ပြထားပါတယ်။ အာဆီယံ ထိပ်သီး အစည်းအဝေးကို ဧပြီလ ၈ ရက်နဲ့ ၉ ရက်နေ့တွေမှာ ကျင်းပမှာ ဖြစ်ပါတယ်။ ဂျကာတာပို့စ် သတင်းအရ ဆိုရင်တော့ ဒေါ်အောင်ဆန်းစုကြည်ကို ရွေးကောက်ပွဲမှာ ပါဝင်ခွင့်ပြုရေး အာဆီယံအဖွဲ့ဝင် နိုင်ငံတွေက မြန်မာစစ်အစိုးရကို စည်းရုံး နားချကြဖို့ ရှိပါတယ်။

ဗီယက်နမ်နိုင်ငံဟာ အာဆီယံအဖွဲ့ရဲ့ လက်ရှိ အလှည့်ကျဥက္ကဋ္ဌ ဖြစ်ပါတယ်။ ဗီယက်နမ် ၀န်ကြီးချုပ် ငုယင် တန် ဒန်း (Nguyen Tan Dung) ဟာ ဧပြီလအတွင်း မြန်မာနိုင်ငံကို သွားရောက်ဖို့ စီစဉ်ထားပြီး သူ့ရဲ့ခရီးစဉ်အတွင်း မြန်မာစစ်ခေါင်းဆောင်တွေနဲ့ ရွေးကောက်ပွဲကိစ္စ ဆွေးနွေးမယ်လို့ ခန့်မှန်းရကြောင်း AFP သတင်းတပုဒ်မှာ ဖော်ပြထားပါတယ်။

အင်ဒိုနီးရှား နိုင်ငံခြားရေးဝန်ကြီး မာတီ နာတာလ်ဂါဝါ (Marty Natalegawa) ဟာလည်း မတ်လ ၃၀ ရက်နေ့မှာ မြန်မာနိုင်ငံကို သွားရောက်ဖို့ စီစဉ်ထားပြီး ရွေးကောက်ပွဲ ဥပဒေတွေနဲ့ သက်ရောက်မှုတွေကို ဆွေးနွေးဖို့ရှိတယ်လို့ သိရပါတယ်။

PNS-Japan
သတင်းမှတ်တမ်း။ VOA News


မြန်မာနိုင်ငံအရေး လုံခြုံရေးကောင်စီတွင် တံခါးပိတ်ဆွေးနွေး ။


NEJ/ ၂၅ မတ် ၂ဝ၁ဝ

စစ်အစိုးရက ပြုလုပ်မည့် ရွေးကောက်ပွဲဆိုင်ရာ ကိစ္စများအပါအ၀င် မြန်မာ့နိုင်ငံရေး အခြေအနေနှင့်ပတ်သက်၍ မတ်(၂၄)ရက်တွင် ကုလသမဂ္ဂ လုံခြုံရေးကောင်စီ၌ တံခါးပိတ် အစည်းအဝေးတရပ် ပြုလုပ်ခဲ့သည်။

အဆိုပါအစည်းအဝေးကို မစ္စတာဘန်ကီမွန်းနှင့် မြန်မာ့အရေး မိတ်ဆွေ နိုင်ငံများအဖွဲ့တို့ အစည်းအဝေးမတိုင်မီ တရက်စောပြီး အမေရိကန်ပြည်ထောင်စု နယူးယောက်မြို့ရှိ ကုလသမဂ္ဂရုံးချုပ်တွင် ပြုလုပ်ခဲ့ခြင်းဖြစ်သည်။

ကုလသမဂ္ဂ လုံခြုံရေးကောင်စီ အစည်းအဝေးအပြီး ပြုလုပ်သည့် သတင်းစာရှင်းလင်းပွဲ၌ ကုလသမဂ္ဂဆိုင်ရာ ဗြိတိန်သံအမတ်ကြီး မစ္စတာ မတ်ဂရန့်က မြန်မာစစ်အစိုးရ၏ ရွေးကောက်ပွဲ ဥပဒေသစ်နှင့်ပတ်သက်၍ လုံခြုံရေးကောင်စီအဖွဲ့ဝင် အတော်များများက စိုးရိမ်မကင်းဖြစ်ကြသည်ဟု ပြောကြားခဲ့ကြောင်း အေအက်ဖ်ပီ သတင်းတွင် ဖော်ပြသည်။

ရွေးကောက်ပွဲ ဥပဒေများသည် နိုင်ငံတကာအသိုင်းအ၀ိုင်းက မျှော်လင့်ထားသည့် လွတ်လပ် တရားမျှတသည့် ဖြစ်စဉ်များနှင့် ကင်းကွာနေပြီး ယခင်လုံခြုံရေး ကောင်စီက ထုတ်ပြန်ထားသည့် ကြေညာချက်များအတိုင်း ဖြစ်ပေါ်လာခြင်းမရှိဟုလည်း ၎င်းက ပြောကြားခဲ့သည်။

ယခင် ထုတ်ပြန်ချက်များတွင် လုံခြုံရေးကောင်စီ အဖွဲ့ဝင်များက မြန်မာနိုင်ငံ၌ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံးကို ပြန်လွှတ်ပေးရန်၊ အမျိုးသားပြန်လည် သင့်မြတ်ရေးအတွက် တွေ့ဆုံဆွေးနွေးရန်နှင့် အခြေအနေကောင်းများ ဖန်တီးပေးရန် တောင်းဆိုတင်ပြခဲ့သည်။

ယခု မတ်လ(၈)ရက် နေ့စွဲဖြင့် ထုတ်ပြန်လိုက်သည့် နအဖစစ်အစိုးရ၏ နိုင်ငံရေးပါတီများ မှတ်ပုံတင်ခြင်း ဥပဒေတွင် ထောင်ဒဏ် ကျခံနေရသူများသည် ပါတီ ၀င်ဖြစ်ခွင့်မရှိဟု ဖော်ပြထားသည်။

ထိုသတင်းစာ ရှင်းလင်းပွဲတွင် ကုလသမဂ္ဂဆိုင်ရာ တရုတ်သံအမတ်ကြီး လီဘောင်းဒေါင်ကမူ မြန်မာနိုင်ငံသည် အချုပ်အခြာ အာဏာပိုင်နိုင်ငံ တခုဖြစ်ပြီး မြန်မာနိုင်ငံတွင် ပြုလုပ်မည့် ရွေးကောက်ပွဲ ကိစ္စသည် သူ့နိုင်ငံ၏ ပြည်တွင်းရေး ကိစ္စသာ ဖြစ်သည်ဟု ပြောဆိုခဲ့သည်။

မြန်မာနိုင်ငံကဲ့သို့ ဆင်းရဲသည့် နိုင်ငံတခုအတွက် ရွေးကောက်ပွဲ ကျင်းပခြင်းသည် လွယ်ကူသည့် ကိစ္စမဟုတ်ကြောင်း၊သို့သော် ရွေးကောက်ပွဲသည် အမျိုးသားပြန်လည် သင့်မြတ်ရေးနှင့် ဒီမိုကရေစီရေး လုပ်ငန်းစဉ်များတွင် အလွန် အရေးကြီးသည့် ခြေလှမ်း တရပ်ဖြစ်ကြောင်း ၎င်းက ပြောဆိုခဲ့သည်။

ထို့ကြောင့် နိုင်ငံတကာ အသိုင်းအ၀ိုင်းနှင့် ကုလသမဂ္ဂလုံ ခြုံရေးကောင်စီ အနေဖြင့် မြန်မာနိုင်ငံတွင် ရွေးကောက်ပွဲ နှင့်ပတ်သက်၍ အခြေအနေကောင်းများ ဖြစ်ပေါ်လာစေရေးအတွက် အပြုသဘောဖြင့် ကူညီသွားကြရန် အလွန်အရေးကြီးကြောင်း မစ္စတာ လီဘောင်းဒေါင်က ပြောကြားသွားသည်။

ထိုသို့ တရုတ်သံအမတ်ကြီး၏ ပြောဆိုချက်ကို ဗြိတိန်သံအမတ်ကြီးက“ကျနော်တို့ သဘောမတူပါဘူး။ မြန်မာနိုင်ငံဟာ ကုလသမဂ္ဂ လုံခြုံရေးကောင်စီရဲ့ တရားဝင်ဆွေးနွေးရေး အစီအစဉ်မှာ သတ်မှတ်ထားပါတယ်” ဟုသတင်းထောက်များကို ပြောဆိုခဲ့သည်ဟု သိရသည်။

မြန်မာအစိုးရ ယခုထုတ်ပြန်လိုက်သည့် ရွေးကောက်ပွဲဥပဒေသည် လွတ်လပ်တရားမျှတသည့် ရွေးကောက်ပွဲဖြစ်မြောက်စေမည် မဟုတ်ဘဲ ဒေါ်အောင်ဆန်းစုကြည်နှင့် အန်အယ်လ်ဒီပါတီကို နည်းအမျိုးမျိုးဖြင့် ရွေးကောက်ပွဲတွင် မှတ်ပုံမတင်နိုင်ရန် ရေးဆွဲထားသည်ဟုလည်း မစ္စတာ မတ်ဂရန့်က ပြောဆိုလိုက်သည်။

ထို့အပြင် မြန်မာနိုင်ငံတွင် ရွေးကောက်ပွဲ လုပ်ငန်းစဉ်ကြောင့် ဖြစ်လာမည့် မတည်ငြိမ်မှု များဖြစ်လာပါက နိုင်ငံတကာ ငြိမ်းချမ်းရေးနှင့် လုံခြုံရေးကို ထိပါး ခြိမ်ခြောက်မှုတခု ဖြစ်လာနိုင်သည်ဟုလည်း ၎င်းက ပြောကြားသွားကြောင်း သိရသည်။

၂၀၀၉ ခုနှစ် သြဂုတ်လတွင် ကုလသမဂ္ဂ လုံခြုံရေးကောင်စီ၌ မြန်မာ့အရေးကို နောက်ဆုံးအကြိမ် ဆွေးနွေးခဲ့ပြီးနောက်ပိုင်း ယခုပထမဆုံး အကြိမ် ပြန်လည် ဆွေးနွေးခြင်းဖြစ်သည်။

အဆိုပါ အစည်းအဝေးတွင် ဒေါ်အောင်ဆန်းစုကြည်အမှု ပြင်ဆင်လျှောက်ထားချက်ကို ဗဟိုတရားရုံးက ငြင်းပယ်သည့်ကိစ္စ၊ ကုလသမဂ္ဂ လူ့အခွင့်အရေး အထူးကိုယ်စားလှယ်၏ အစီရင်ခံစာပါ လူ့အခွင့်အရေး အခြေအနေများကိုလည်း ဆွေးနွေးခဲ့ကြကြောင်း သိရသည်။

မတ်(၂၅)ရက်တွင်လည်း ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းက မြန်မာ့အရေး မိတ်ဆွေ နိုင်ငံများအဖွဲ့နှင့် အစည်းအဝေးပြုလုပ်ရန် ရှိကြောင်းသိရသည်။

မြန်မာ့မိတ်ဆွေ များအဖွဲ့တွင် သြစတြေးလျ၊ ဗြိတိန်၊ တရုတ်၊ ဥရောပသမဂ္ဂ၊ ပြင်သစ်၊ အိန္ဒိယ၊ အင်ဒိုနီးရှား၊ ဂျပန်၊ နော်ဝေး၊ ရုရှ၊ စင်ကာပူ၊ တောင်ကိုရီးယား၊ ထိုင်း၊ ဗီယက်နမ်နှင့် အမေရိကန်နိုင်ငံတို့ ပါဝင်ကြသည်။

PNS-Japan
သတင်းမှတ်တမ်း ။ မူရင်း “ခေတ်ပြိုင် ဂျာနယ်”


Thursday, March 25, 2010

၂၀၁၀ ရွေးကောက်ပွဲကြောင့် နိုင်ငံတကာ ငြိမ်းချမ်းရေးနဲ့ လုံခြုံရေးကို ထိခိုက်နိူင် ။


25 March 2010


မြန်မာနိုင်ငံမှာ ကျင်းပမယ်ဆိုတဲ့ ရွေးကောက်ပွဲတွေ နောက်ပိုင်း ဖြစ်လာမယ့် မတည်ငြိမ်မှုတွေဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ခြိမ်းခြောက်လာမယ့်ကိစ္စ ဖြစ်လိမ့်မယ်လို့ ကုလသမဂ္ဂဆိုင်ရာ ဗြိတိန်သံအမတ်က ပြောလိုက်ပါတယ်။ မတ်လ ၂၄ ရက်နေ့က ကုလသမဂ္ဂ လုံခြုံရေးကောင်စီ အလွတ်သဘော ဆွေးနွေးပွဲတခု အပြီးမှာ ဗြိတိန်သံအမတ်က အခုလို ပြောလိုက်တာ ဖြစ်ပါတယ်။ ဒါပေမဲ့ လုံခြုံရေးကောင်စီ အဖွဲ့ဝင် နိုင်ငံအားလုံးက ဒီသဘောထားအတိုင်း ရှိနေကြတာတော့ မဟုတ်ပါဘူး။ အဲဒီ မတူကွဲပြားနေတဲ့ သဘောထားတွေကို ကိုကျော်ကျော်သိန်းက တင်ပြပေးထားပါတယ်။

မတ်လ ၂၄ ရက်နေ့က လုပ်ခဲ့တာကတော့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ ယာယီ အထူးအကြံပေးပုဂ္ဂိုလ် ဗီဂျေး နမ်ဘီးယား (Vijay Nambia) က မြန်မာနိုင်ငံက နောက်ဆုံးအခြေအနေတွေနဲ့ ပတ်သက်ပြီး ကုလသမဂ္ဂ လုံခြုံရေးကောင်စီကို အစီရင်ခံ တင်ပြခဲ့တာပါ။

ကောင်စီမှာ မြန်မာ့အရေး ဆွေးနွေးဖို့ ကိစ္စကို ဗြိတိန်ဝန်ကြီးချုပ်က ကုလသမဂ္ဂ အတွင်းရေးမှူးချုပ်ဆီ စာရေးသား တောင်းဆိုခဲ့ပြီးတဲ့နောက် အခုလို ဆွေးနွေးဖြစ်တာလည်း ဖြစ်ပါတယ်။ ဒါ့ကြောင့်လည်း ဗြိတိန်နိုင်ငံရဲ့ သဘောထားကတော့ ရှင်းလင်း ပြတ်သားတယ်လို့ ဆိုရပါလိမ့်မယ်။

“အပြစ်အနာအဆာတွေနဲ့ ပြည့်နေတဲ့ ရွေးကောက်ပွဲ လုပ်ငန်းစဉ်ကြောင့် ဖြစ်လာမယ့် မတည်မငြိမ်မှုဟာ နိုင်ငံတကာ ငြိမ်းချမ်းရေးနဲ့ လုံခြုံရေးကို ခြိမ်းခြောက်မှုတခု ဖြစ်ပါတယ်။ ဒါ့ကြောင့် မြန်မာ့အရေးကို ကုလသမဂ္ဂ လုံခြုံရေးကောင်စီရဲ့ အစီအစဉ်တွေထဲမှာ ထည့်သွင်း ဆွေးနွေးရေးဆိုတဲ့ ကိစ္စဟာ လုံးဝကို မှန်ကန်တဲ့ကိစ္စ ဖြစ်ပါတယ်။”

ကုလသမဂ္ဂဆိုင်ရာ ဗြိတိန်နိုင်ငံ သံအမတ် ဆာ မာ့ခ် ဂရန့်တ် (Sir Mark Grant) ပြောသွားတာ ဖြစ်ပါတယ်။

ရွေးကောက်ပွဲ ကျင်းပတာဟာ နိုင်ငံတခုရဲ့ အချုပ်အခြာ အာဏာပိုင်ကိစ္စ သက်သက်ပဲဖြစ်ပြီး ဒါကို လေးစားသင့်ကြောင်းနဲ့ မြန်မာနိုင်ငံ ကိစ္စဟာလည်း ဒီအချက်နဲ့ အကျုံးဝင်တယ်လို့ ကုလသမဂ္ဂဆိုင်ရာ တရုတ်သံအမတ်က ပြောတဲ့အပေါ် ဗြိတိန်သံအမတ်က အခုလို တုံ့ပြန် ပြောကြားသွားတာပါ။ မြန်မာနိုင်ငံရဲ့ ရွေးကောက်ပွဲ ဥပဒေတွေကို ဝေဖန်ပြောဆိုဖို့၊ တနည်းနည်းနဲ့ ပါဝင်ပတ်သက်ဖို့တွေမှာ ကုလသမဂ္ဂ လုံခြုံရေးကောင်စီရဲ့ အခန်းကဏ္ဍ မရှိဘူးလို့ တရုတ်သံအမတ်က ပြောခဲ့ပါတယ်။

ဗြိတိန်သံအမတ်ကတော့ မိမိတို့အနေနဲ့ ဒါကို သဘောမတူကြောင်း၊ မြန်မာ့အရေးဟာ လုံခြုံရေးကောင်စီရဲ့ ဆွေးနွေးရမယ့် အစီအစဉ်တွေထဲမှာ ရှိနေကြောင်း၊ ဆွေးနွေးတာလည်း ရှိခဲ့ကြောင်း၊ လုံခြုံရေးကောင်စီ ဥက္ကဋ္ဌရဲ့ ထုတ်ပြန်ချက်တွေ၊ သတင်းထုတ်ပြန်ချက်တွေ ရှိခဲ့ဖူးကြောင်း တုံ့ပြန် ပြောဆိုခဲ့ပါတယ်။

မြန်မာနိုင်ငံဟာ ကမ္ဘာ့အဆင်းရဲဆုံး နိုင်ငံတခု ဖြစ်တာကြောင့် ဒီလိုနိုင်ငံမျိုးမှာ ရွေးကောက်ပွဲတွေ ကျင်းပရတဲ့ ကိစ္စဟာ လွယ်ကူတဲ့ကိစ္စ မဟုတ်ပါဘူးလို့လည်း တရုတ်သံအမတ်က ပြောခဲ့ပါတယ်။

“မြန်မာနိုင်ငံမှာ ကျင်းပမယ့် ရွေးကောက်ပွဲတွေကို အထောက်အကူ ပြုစေမယ့် အပြုသဘောဆောင်ပြီး ခိုင်မာ အားကောင်းတဲ့ ပတ်ဝန်းကျင် အခြေအနေမျိုး ဖန်တည်းနိုင်ရေးအတွက် နိုင်ငံတကာ အသိုင်းအ၀ိုင်းနဲ့ ကုလသမဂ္ဂတို့က ကူညီ လုပ်ဆောင်ပေးဖို့ အရေးကြီးတယ်လို့ ကျနော်ထင်ပါတယ်။”

ကုလသမဂ္ဂဆိုင်ရာ တရုတ်သံအမတ် လီ ဘောင်ဒေါင်း (Li Baodong) ပြောသွားတာ ဖြစ်ပါတယ်။

မြန်မာစစ်အစိုးရရဲ့ လူ့အခွင့်အရေး ချိုးဖောက်မှုတွေဟာ လူသားမျိုးနွယ်အပေါ် ဆန့်ကျင်ကျူးလွန်တဲ့ ရာဇ၀တ်မှုတွေ၊ စစ်ရာဇ၀တ်မှုတွေ အဆင့်ထိ ရောက်နေဖွယ်ရှိပြီး နိုင်ငံတကာ ရာဇ၀တ်တရားခုံရုံး (ICC) မှာ တင်ပြီး စစ်ဆေးဖို့ အထောက်အထား အခိုင်အလုံ ရှိတယ်လို့ သူယုံကြည်ကြောင်း ကုလသမဂ္ဂရဲ့ မြန်မာ့ လူ့အခွင့်အရေး အခြေအနေဆိုင်ရာ အထူး စုံစမ်းစစ်ဆေးရေးမှူး မစ္စတာ တောမတ်စ် အိုဟေး ကင်တားနား (Tomas Ojea Quintana) က အစီရင်ခံ တင်ပြထားပါတယ်။

ဒါပေမဲ့လည်း မြန်မာနိုင်ငံဟာ ICC အဖွဲ့ဝင် နိုင်ငံတခု မဟုတ်တဲ့အတွက် ကုလသမဂ္ဂ လုံခြုံရေးကောင်စီကနေ တဆင့်သာ ဒီကိစ္စကို လုပ်ဆောင်နိုင်မှာ ဖြစ်ကြောင်း၊ ဒီလိုကိစ္စမျိုး ဖြစ်လာဖို့ လုံခြုံရေးကောင်စီထဲမှာ လုံလောက်တဲ့ သဘောတူညီချက် ရှိတယ်လို့ သူ မထင်ကြောင်း ဗြိတိန်သံအမတ်က ပြောပါတယ်။ မိမိတို့အနေနဲ့ကတော့ ဒီကိစ္စမျိုးကို ထောက်ခံမှာ ဖြစ်တယ်လို့လည်း ကုလသမဂ္ဂဆိုင်ရာ ဗြိတိန်သံအမတ် မာ့ခ် ဂရန့်တ်က ပြောသွားပါတယ်။

အတွင်းရေးမှူးချုပ်ရဲ့ မြန်မာ့အရေး ယာယီ အကြံပေးပုဂ္ဂိုလ် မစ္စတာနမ်ဘီးယားက လုံခြုံရေးကောင်စီကို အစီရင်ခံ တင်ပြခဲ့တာတွေထဲမှာ ဒေါ်အောင်ဆန်းစုကြည်အပေါ် ချမှတ်ထားတဲ့ ပြစ်ဒဏ်နဲ့ ပတ်သက်ပြီး ပြင်ဆင်ချက် လျှောက်ထားတာကို ပယ်ချလိုက်တဲ့ကိစ္စ၊ မြန်မာ့ လူ့အခွင့်အရေး အခြေအနေဆိုင်ရာ ကုလသမဂ္ဂ အထူး စုံစမ်းစစ်ဆေးရေးမှူးရဲ့ အစီရင်ခံစာကိစ္စ၊ မကြာသေးခင်ကမှ ထုတ်ပြန်ကြေညာခဲ့တဲ့ ရွေးကောက်ပွဲဥပဒေ ၅ ခုကိစ္စတို့ ဖြစ်တယ်လို့ ဗြိတိန်သံအမတ်က သတင်းထောက်တွေကို ပြောခဲ့ပါတယ်။

၂၀၀၉ ခုနှစ်၊ သြဂုတ်လ ၂၉ ရက်နေ့က လုံခြုံရေးကောင်စီမှာ မြန်မာ့အရေးကို နောက်ဆုံးအကြိမ် ဆွေးနွေးခဲ့ပြီးကတည်းက ဆိုရင် အခုတကြိမ်ဟာ ပထမဆုံး ပြန်ပြီး ဆွေးနွေးကြတာ ဖြစ်ပါတယ်။

မတ်လ ၂၅ ရက်၊ ကြာသပတေးနေ့ကျရင်လည်း ကုလသမဂ္ဂ အတွင်းရေးမှူးချုပ်ရဲ့ မြန်မာ့အရေး မိတ်ဆွေနိုင်ငံများအဖွဲ့ အစည်းအဝေး ကျင်းပဖို့ အတွင်းရေးမှူးချုပ်က အကြောင်းကြား ခေါ်ယူထားပါတယ်။ အဲဒီအဖွဲ့မှာ ပါဝင်တဲ့ နိုင်ငံတွေကတော့ သြစတြေးလျ၊ အင်ဒိုနီးရှား၊ ရုရှား၊ အမေရိကန်၊ တရုတ်၊ ဂျပန်၊ စင်ကာပူ၊ ဗီယက်နမ်၊ ပြင်သစ်၊ နော်ဝေး၊ ထိုင်း၊ အိန္ဒိယ၊ ပေါ်တူဂီနဲ့ ဗြိတိန်နိုင်ငံတို့ ဖြစ်ပါတယ်။

မတ်လ ၂၄ ရက်နေ့ ဆွေးနွေးပွဲမှာ ကုလသမဂ္ဂ လုံခြုံရေးကောင်စီ အဖွဲ့ဝင် နိုင်ငံအများအပြားက မြန်မာ့ ရွေးကောက်ပွဲ ဥပဒေတွေနဲ့ ပတ်သက်ပြီး စိုးရိမ်မှုကို ဖော်ပြ ပြောဆိုခဲ့ကြတယ်လို့ ဗြိတိန်သံအမတ်က ပြောပါတယ်။ ဒါပေမဲ့လည်း ကောင်စီထဲမှာကိုက မြန်မာ့အရေးအပေါ် သဘောထား ကွဲလွဲမှုတွေ နက်နက်ရှိုင်းရှိုင်း ရှိနေတဲ့အတွက် မြန်မာနိုင်ငံ ပြဿနာတွေ ပြေလည်သွားအောင် လုံခြုံရေးကောင်စီက တကယ်တမ်း ထိထိရောက်ရောက် ကိုင်တွယ် ဆောင်ရွက်နိုင်မှာလား ဆိုတာကတော့ ခုချိန်ထိ အဖြေမထွက်သေးတဲ့ မေးခွန်းတခုအဖြစ်ပဲ ဆက်ရှိနေပါသေးတယ်။

PNS-Japan
သတင်းမှတ်တမ်း ။ VOA News


မြန်မာ့အရေး လုံခြုံရေးကောင်စီတွင် ဆွေးနွေးမည် ။


NEJ/ ၂၄ မတ် ၂ဝ၁ဝ

မြန်မာနိုင်ငံအရေးနှင့် ပတ်သက်ပြီး မတ်လ(၂၄)ရက်နေ့ ယနေ့တွင် ကုလသမဂ္ဂ လုံခြုံရေးကောင်စီ၌ ဆွေးနွေးပွဲတရပ် ပြုလုပ်မည်ဟု သိရသည်။

မြန်မာ့အရေး ဆွေးနွေးရန်ကိစ္စကို မတ်(၂၃)ရက်တွင် ကျင်းပသည့် အစည်းဝေးတွင် လုံခြုံရေးကောင်စီ အဖွဲ့ဝင်နိုင်ငံများက ဆုံးဖြတ်ခဲ့ခြင်းဖြစ်ကြောင်း ကုလသမဂ္ဂ လုံခြုံရေးကောင်စီက ယမန်နေ့၌ သတင်း ထုတ်ပြန်ခဲ့ခြင်းဖြစ်သည်။

ပြီးခဲ့သည့်ဒီဇင်ဘာတွင် ရာထူးပြောင်းသွားသည့် ကုလသမဂ္ဂ အထူးသံတမန် မစ္စတာ အီဘရာဟင်မ် ဂမ်ဘာရီ၏နေရာတွင် ယာယီတာဝန်ယူထားသည့် မစ္စတာဘန်ကီမွန်း၏ ရုံးအဖွဲ့မှူး မစ္စတာ ဗီဂျေးနာဘီယားက မြန်မာနိုင်ငံအခြေအနေနှင့်ပတ်သက်၍ လုံခြုံရေးကောင်စီအဖွဲ့ဝင်များကို အစီရင်ခံရန်ရှိသည်ဟု သိရသည်။

ယခုကဲ့သို့ အစီရင်ခံတင်ပြခြင်းသည် ၂၀၀၉ ခုနှစ် သြဂုတ်လနောက်ပိုင်း လုံခြုံရေးကောင်စီတွင် ပထမဆုံးအကြိမ် ကြားနာခြင်း ဖြစ်သည်။

မြန်မာစစ်အစိုးရက ယခုလ (၈)ရက်နေ့စွဲဖြင့် ထုတ်ပြန်ခဲ့သည့် ရွေးကောက်ပွဲ ဥပဒေများနှင့် ပတ်သက်၍ ဆွေးနွေးသွားဖွယ် ရှိသော်လည်း ယခုလောလောဆယ် အခြေအနေတွင် လုံခြုံရေးကောင်စီအနေဖြင့် တစုံတရာဆုံးဖြတ်ချက် ချမည်မဟုတ်ကြောင်း သတင်း ထုတ်ပြန်ချက်တွင် ဖော်ပြထားသည်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား ရွေးကောက်ပွဲမ၀င်နိုင်ရန် တားမြစ်သော စစ်အစိုးရ ထုတ်ပြန်လိုက်သည့် ရွေးကောက်ပွဲဆိုင်ရာ ဥပဒေသစ်များနှင့် ပတ်သက်၍လည်း ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းက မနက်ဖြန်တွင် ကုလသမဂ္ဂအဖွဲ့ဝင် အဓိကနိုင်ငံများနှင့် ဆွေးနွေးရန်ရှိကြောင်း သိရသည်။

ကုလသမဂ္ဂဆိုင်ရာ မြန်မာ့မိတ်ဆွေများအဖွဲ့က မြန်မာ့အရေးနှင့် ပတ်သက်ပြီး မနက်ဖြန် ကြာသပတေးနေ့တွင် ဆွေးနွေးကြမည်ဟု ကုလသမဂ္ဂ ပြောခွင့်ရပုဂ္ဂိုလ် မာတင် နက်စကီးက ယမန်နေ့ သတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။

မြန်မာ့မိတ်ဆွေများအဖွဲ့တွင် သြစတြေးလျ၊ ဗြိတိန်၊ တရုတ်၊ ဥရောပသမဂ္ဂ၊ ပြင်သစ်၊ အိန္ဒိယ၊ အင်ဒိုနီးရှား၊ ဂျပန်၊ နော်ဝေး၊ ရုရှ၊ စင်ကာပူ၊ တောင်ကိုရီးယား၊ ထိုင်း၊ ဗီယက်နမ်နှင့် အမေရိကန်နိုင်ငံတို့ ပါဝင်ကြသည်။

PNS-Japan
သတင်းမှတ်တမ်း ။ မူရင်း “ ခေတ်ပြိုင် ဂျာနယ် ”


စစ်ဘေး စိုးရိမ်သည့် ၀ အရပ်သားရာချီ နေရပ်မှထွက်ခွာ ။

Wednesday, 24 March 2010 18:50 သျှမ်းသံတော်ဆင့်

နအဖ စစ်တပ်နှင့် သျှမ်းပြည် (မြောက်ပိုင်း) ရှိ ၀ ပြည်သွေးစည်းရေး ပါတီတို့ကြား စစ်ရေးတင်းမာ နေချိန် တွင် ၀ ထိန်းချုပ် နယ်မြေအတွင်းရှိ ၀ ဒေသခံ ၃၀၀ ခန့်သည် ယခုအပတ်အတွင်း နေရပ်မှ ပြောင်းရွှေ့ထွက်ခွာ နေကြောင်း သိရသည်။

ဝ ဋ္ဌာနချုပ်ရှိရာ ပန်ဆန်းနယ်တ၀ိုက်မှ အသက်အရွယ်ကြီးရင့်သူ အများစု ပါဝင်သည့် ၀ အရပ်သားများက ၀ တပ်ဖွဲ့ နယ်မြေ၏မြောက်ပိုင်း နအဖစစ်တပ်ထိန်းချုပ်ရာ နမ့်တစ်၊ ဟိုပန် ၊ ချင်းရွှေဟော် နယ်ခြားဒေသများသို့ ပြောင်းရွှေ့ နေကြောင်း ချင်းရွှေဟော်ဒေသခံ ကုန်သယ်တစ်ဦးက သျှမ်းသံတော်ဆင့်သို့ ပြောသည်။

“အဖိုးကြီး အဖွားကြီးတွေအများစုပါတယ် စစ်ဖြစ်တော့မယ်ဆိုပြီး စိုးရိမ်လို့ ဒီဘက်ပေါ့နော် ထွက်ပြေးလာကြ တယ် သူတို့က တရုတ်ပြည်ထဲလည်း သွားနေလို့မဖြစ်ဘူးလေ အခက်အခဲရှိတာပေါ့ များသောအားဖြင့် အတွင်း ပိုင်းဘက်ပဲ ပြေးလာကြတယ် ၃၀၀ ကျော်လောက်ရှိတယ် ” ဟု ဆိုသည်။

ယခုရက်ပိုင်းအတွင်း အဆိုပါ ဒေသများသို့ ထွက်ပြေးရောက်ရှိလာသည့် ၀ အရပ်သားများအား နအဖ စစ်တပ်မှနေရာချ ထားခြင်း ရှိမရှိ မသိရသော်လည်း နီးစပ်ရာ ဆွေမျိုးများထံ နေထိုင်ကြကြောင်း အဆိုပါကုန်သယ်အ ပြောအရ သိရသည်။

ထိုသို့ ၀ နယ်မြေအတွင်းမှ အရပ်သားများ ထွက်ခွာနေချိန်တွင် ၀ ထိန်းချုပ်နယ်မြေတွင် တာဝန်ထမ်းဆောင်နေ သည့် နယ်စပ်ဒေသတိုင်းရင်းသားလူမျိုးများ ဖွံ့ဖြိုးတိုးတက်ရေး ၀န်ကြီးဋ္ဌာနမှ နအဖ ၀န်ထမ်းများအား မတ်လ ၂၃ ရက်နေ့ က ပြန်လည်ခေါ်ယူခဲ့ကြောင်း သတင်းရရှိသည်။

နအဖ စစ်တပ်၏ နယ်ခြားစောင့်တပ်ဖွဲ့စည်းရေး အဆိုကို ၀တပ်ဖွဲ့က လက်မခံသဖြင့် စစ်ရေးတင်းမာနေသည့် တိုင်အောင် ၀ တပ်ဖွဲ့အား မြန်မာစစ်တပ်က ထိုးစစ်ဆင်တိုက်ခိုက်ဖွယ်မရှိသေးကြောင်း ၀ တပ်ဖွဲ့နှင့်နီးစပ်သူ တစ်ဦး က ဆိုသည်။

“တစ်ဘက်နဲ့တစ်ဘက် စစ်ရေးပြင်ဆင်နေတာတော့ မှန်တယ် ဒါပေမဲ့ နအဖရဲ့ လက်ရှိလုပ်ကိုင်နေတဲ့ဟာက တ ကယ် တိုက်ခိုက်ဖို့ထက် ဟန်ရေးပြ ခြိမ်းခြောက်တာ ဖြစ်ဖို့များတယ် အခုနောက်ဆုံး ၀န်ထမ်းတွေ အကုန်ပြန် ခေါ်တယ် ဒါတွေအားလုံးက ဗျူဟာခင်းနေတာ လောလောဆယ်မတိုက်နိုင်သေးဘူး ” ဟု ဆိုသည်။

လတ်တလော မြန်မာစစ်တပ်က ၀ တပ်ဖွဲ့အပေါ် သဘောထား တင်းမာနေပြီး နအဖ စစ်တပ်မှ စတင် တိုက်ခိုက် လာပါက ၀တပ်ဖွဲ့အနေဖြင့် တွန်းလှန်ရန် ပြင်ဆင်မှုရှိကြောင်း တရုတ်နယ်စပ်စစ်ရေးနိူင်ငံရေး လေ့လာသူ ဦး အောင်ကျော်ဇောက ဆိုသည်။

“ ၀ ကို ပထမ ပစ်မှတ်ထားတယ် အခု ဗမာစစ်တပ်က ၀ ပြိုအောင် ခြိမ်းခြောက်မှုတွေ ထိန်းချုပ်မှုတွေ လုပ်နေ တယ် အဲလိုခြိမ်းခြောက်ထားတော့ ၀ ဘက်ကလည်း အသင့်ပြင်မှုတွေလုပ်ထားရတယ် ၀ ကိုတိုက်တာ ကိုးကန့် ကို တိုက်တာနဲ့မတူဘူး ၀ တပ်ဖွဲ့ရဲ့ စိတ်ဓါတ် အင်အားအပေါ်မူတည်ပြီး တိုက်ဖို့ရာ ခက်တယ် ” ဟု ဆိုသည် ။


ဖေဖေါ်ဝါရီလ ၂၅ ရက်နေ့က သျှမ်းပြည် (မြောက်ပိုင်း) တန့်ယန်းမြို့တွင် နအဖ၏ စရဖချုပ် ဒု ဗိုလ်ချုပ်ကြီး ရဲမြင့် နှင့် ၀တပ်ဖွဲ့ ဥက္ကဋ္ဌပေါက်ယူချမ်း ဦးဆောင်သည့် ကိုယ်စားလှယ်အဖွဲ့တို့ နောက်ဆုံးအကြိမ် တွေ့ဆုံခဲ့သော် လည်းနယ်ခြား စောင့်တပ်ဖွဲ့စည်းရေးအဆိုကို ၀ ဘက်မှ လက်မခံကြောင်း သိရသည်။

PNS-Japan


Wednesday, March 24, 2010

ပုဂ္ဂလိကပိုင်လုပ်ဖို့ ဘာကျန်သေးလဲ ...

ဟန်လေး Monday, March 22, 2010



irrawaddy.org/bur မှ ဟန်လေ၏ ကာတွန်း လက်ရာ



Tuesday, March 23, 2010

တရုတ် ဗဟိုလုံခြုံရေးအဖွဲ့ နေပြည်တော် ရောက်ရှိခဲ့ ။

Tuesday, 23 March 2010 18:31 သျှမ်းသံတော်ဆင့်

တရုတ်နိုင်ငံတော် ဗဟိုလုံခြုံရေးဋ္ဌာ အဆင့်မြင့်ကိုယ်စားလှယ်အဖွဲ့သည် နအဖမြို့တော်သစ် နေပြည်တော်နှင့်ရန်ကုန်မြို့ များသို့ ယခုတစ်ပတ်အတွင်း သွားရောက်ခဲ့ကြောင်း စုံစမ်း သိရသည်။

အဆိုပါခရီးစဉ်အတွင်း တရုတ်-ဗမာ နှစ်နိူင်ငံ နယ်စပ်လုံခြုံရေးဆိုင်ရာ ကိစ္စများအတွက် နအဖ ဘက်မှ ပြည်ထဲရေးဝန်ကြီး မှုခင်းစုံစမ်းရေးဋ္ဌာနမှ အကြီးအကဲများနှင့် တွေ့ဆုံခဲ့ကြောင်း နအဖအာဏာပိုင်များနှင့် နီးစပ်သူ တစ်ဦးက သျှမ်းသံတော်ဆင့် သို့ ပြောသည်။

မတ်ခ်ျ ၂၂ ရက်နေ့တွင် တရုတ်လုံခြုံရေးအဖွဲ့သည် နေပြည်တော်မှ ပြန်လည်ထွက်ခွာလာပြီး နအဖ အာဏာပိုင် များ၏ ဖိတ်ကြားချက်အရ သျှမ်းပြည် (မြောက်ပိုင်း) ကိုးကန့်ဒေသ လောက်ကိုင်မြို့သို့ ဆက်လက် ထွက်ခွာကြောင်း သိရသည်။

“မနေ့ကတော့ မန္တလေးကနေ ထွက်လာတာ လားရိူးရောက်ပြီ ဗမာအာဏာပိုင်တွေ ဖိတ်ကြားချက်အရ လားရှိုးကနေ လောက်ကိုင်ကို ဆက်သွားမယ်၊ လောက်ကိုင်မြို့ အခြေအနေ လိုက်ပြမှာပေါ့ ”ဟု နီးစပ်သူက ပြောသည်။

၂ဝဝ၉ သြဂုတ်လကုန်ပိုင်းက ဦးဖုန်ကျားရှင်း ခေါင်းဆောင်သည့် ကိုးကန့်အထူးဒေသ (၁)တပ်ဖွဲ့အား နအဖ စစ်တပ်က ဝင်ရောက် တိုက်ခိုက်ခဲ့အပြီး မတည်မငြိမ် ဖြစ်ခဲ့ဖူးသည့် ကိုးကန့်ဒေသကို လိုက်လံပြသခြင်း ဖြစ်ဖွယ်ရှိ ကြောင်း တရုတ်နယ်စပ်မှ အကဲခတ် တစ်ဦးကဆိုသည်။

၂ဝ၁ဝ ဇန်နဝါရီလပိုင်းအတွင်း ယခင်ကိုးကန့်တပ်ဖွဲ့ဝင်ဟောင်းများက တာရွှေထန်ရှိ နအဖစစ်စခန်းတစ်ခုကို ဝင်ရောက် ပစ်ခတ်ခဲ့ရာ နအဖဘက်မှ စစ်သည် ၂ ဦးသေဆုံး၍ ၁ ဦးဒဏ်ရာရခဲ့သည်။

ထို့အပြင် လွန်ခဲ့သည့်နှစ်နှင့် ယခု၂ဝ၁ဝ အတွင်း ကိုးကန့်ဒေသ လောက်ကိုင်မြို့ပေါ်တွင် ဗုံးများ ဆက်တိုက် ပေါက်ကွဲခဲ့ရာ တရုတ်နိူင်ငံသားများ အပါအဝင် လူ ၁ဝ ဦးထက်မနည်း ထိခိုက်ဒဏ်ရာရခဲ့သည်။

နောက်ထပ် ဖြစ်ရပ်တစ်ခုမှာ မတ်ခ်ျ ၁ဝ ရက်က လားရှိုးမြို့ အမှတ် ၇ ရပ်ကွက်တွင် နယ်ခြားစောင့်တပ် လက်ခံသည့် ကိုးကန့် အဖွဲ့ ဆက်သွယ်ရေး တာဝန်ခံ ဦးလီစန်း လုပ်ကြံခံခဲ့ရသည်။

ထိုအခြေအနေများကြောင့် ကိုးကန့်ခေါင်းဆောင်သစ် ဦးပိုင်ဆုံချိန် မိသားစုမှာလည်း တရုတ်နိုင်ငံအတွင်း နေထိုင် လျှက်ရှိကြောင်း သိရသည်။

PNS-Japan


ဒေါ်အောင်ဆန်းစုကြည်ုက မတရားသည့်ဥပဒေဖြင့် မှတ်ပုံတင်ခြင်းကို လက်မခံဟု ပြောကြား။


နအဖကို တရားစွဲမှု အန်အယ်လ်ဒီ ပယ်ချခံရ
ဒေါ်စုက မတရားသည့် ဥပဒေဖြင့် မှတ်ပုံတင်ခြင်းကို လက်မခံဟု ပြောကြား


NEJ/ ၂၃ မတ် ၂ဝ၁ဝ


နအဖစစ်အစိုးရက ထုတ်ပြန်သည့် ရွေးကောက်ပွဲဥပဒေသည် တရားမျှတမှု လုံးဝမရှိသည့်အတွက် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေအား ယနေ့မတ်လ (၂၃)ရက်တွင် ရန်ကုန်မြို့ တရားရုံးချုပ်၌ တရားစွဲဆိုလိုက်သည်။

“အန်အယ်လ်ဒီ ဗဟိုအလုပ်အမှုဆောင်အဖွဲ့ရဲ့ ဆုံးဖြတ်ချက်အရ ဥက္ကဋ္ဌ ဦးအောင်ရွှေကိုယ်တိုင် သွားပြီးတော့ ဗဟိုတရားရုံးချုပ် တရားမဌာနမှာ ယနေ့နံနက်ပိုင်းက အမှုသွားပြီးတင်ပါတယ်။ အမှုဆောင်ရှေ့နေ ဦးကြည်ဝင်း၊ ဦးဉာဏ်ဝင်းတို့နဲ့အတူပါ”ဟု ဗဟိုအလုပ်အမှုဆောင် တဦးဖြစ်သူ ဦးအုန်းကြိုင်က ပြောသည်။

ယင်းသို့ တရားစွဲဆိုမှုကို တရားရုံး တရားမဌာနမှ တာဝန်ရှိသူက အမှုတွဲကို လက်မခံဘဲ ပြန်လည်ပေးအပ်ခဲ့ကြောင်း အန်အယ်လ်ဒီ ဗဟိုအလုပ်အမှုဆောင်အဖွဲ့က မတ် (၂၃) ရက် နေ့စွဲဖြင့် အထူးကြေညာချက်ထုတ်ပြန်သည်။

အဆိုပါကြေညာချက်တွင် အန်အယ်လ်ဒီ ဥက္ကဋ္ဌက နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌအပေါ် ၂၀၀၀ ပြည့်နှစ် တရားစီရင်ရေး ဥပဒေပုဒ်မ ၅(က)(ခ)(ည) နှင့် ၁၈၈၇ ခုနှစ်သီးခြား သက်သာခွင့် အက်ဥပဒေပုဒ်မ (၄၅)နှင့် (၅၄)တို့အရ တရားရုံးချုပ်တွင် တရားစွဲဆိုခဲ့ခြင်း ဖြစ်ကြောင်း ဖော်ပြထားပြီး တရားရုံး တရားမဌာနမှ တာဝန်ရှိသူက “ကျမတို့၌ စီရင်ပိုင်ခွင့်မရှိ” ဟု ပြောဆိုကာ အမှုတွဲကို နေ့လယ် (၁၂) နာရီခွဲခန့်တွင် ပြန်လည် ပေးအပ်လိုက်ကြောင်း ဖော်ပြထားသည်။

နအဖစစ်အစိုးရက မတ်လ (၈)ရက်နေ့စွဲဖြင့် ထုတ်ပြန်လိုက်သည့် နိုင်ငံရေးပါတီများ မှတ်ပုံတင်ခြင်းဥပဒေတွင် ပါတီိ ထောင်လိုသူများသည် ထောင်ဒဏ်ကျခံနေရသူ မဖြစ်စေရဟု အတိအလင်း ဖော်ပြထားပြီး ထောင်ဒဏ် ကျခံနေရသူများသည် ပါတီဝင်ဖြစ်ခွင့်မရှိဟု ဖော်ပြထားသည်။

ထို့အပြင် ထောင်ကျသူကို ပါတီဝင်အဖြစ်မှ ထုတ်ပယ်ခြင်းမပြုပါက နိုင်ငံရေးပါတီအဖြစ် မှတ်ပုံတင်ထားခြင်းကို ပယ်ဖျက်၍ ပါတီကို ဖျက်သိမ်းရမည်ဟုလည်း ဖော်ပြထားသည်။

ယနေ့ မွန်းလွဲပိုင်းတွင်လည်း ရှေ့နေကြီး ဦးဉာဏ်ဝင်းသည် ဒေါ်အောင်ဆန်းစုကြည်နှင့် တွေ့ဆုံခွင့် ရခဲ့ပြီး ယင်းတွေ့ဆုံမှုကို အန်အယ်လ်ဒီ ရုံးချုပ်တွင် ပြန်လည် ရှင်းလင်း ပြောပြခဲ့ကြောင်း သိရသည်။

ယင်းသို့ တွေ့ဆုံမှုတွင် ဒေါ်အောင်ဆန်းစုကြည်က “မတရားတဲ့ ဥပဒေနဲ့ မှတ်ပုံတင်ခြင်းကို ကျမ ဘယ်တော့မှ လက်မခံဘူး။ ဒါပေမယ့် ဒီလိုပြောတာဟာ အဖွဲ့ချုပ်ကို အမိန့်ပေးတာလည်း မဟုတ်ဘူး၊ ညွှန်ကြားတာလည်း မဟုတ်ဘူး။ အဖွဲ့ချုပ် အနေနဲ့ကတော့ ဒီမိုကရေစီ နည်းလမ်းနဲ့အညီ ဆုံးဖြတ်ကြပါ” ဟု ပြောဆိုကြောင်း ဦးဉာဏ်ဝင်းက ပြန်လည်ပြောပြသည်။

၎င်းက “ဒါ သူ့စကားလုံးအတိုင်းပဲ၊ ဒီမိုကရေစီ နည်းလမ်းနဲ့အညီ ဆုံးဖြတ်ကြပါ။ သူလုံးဝ လက်မခံဘူးလို့ ပြောတယ်။ သူ့အနေနဲ့ လက်မခံတာ ပြောတာ။ နောက် ဒါဟာ အဖွဲ့ချုပ်ကို ပရက်ရှာပေးတာလည်း မဟုတ်ဘူး ညွှန်ကြားတာလည်း မဟုတ်ဘူး။ သူ့သဘောထား သူပြောတာ။ သူပြောတာ ရှင်းပါတယ်။ ရှင်းရှင်းလေးပါ” ဟု ပြောကြားသည်။

ဒေါ်အောင်ဆန်းစုကြည်၏ အယူခံအမှုနှင့်ပတ်သက်၍ အထူးအယူခံကိစ္စများကိုလည်း ဦးဉာဏ်ဝင်းက ယနေ့ ဆွေးနွေးခဲ့ကြောင်း သိရသည်။

PNS-Japan
သတင်းမှတ်တမ်း ။ မူရင်း “ခေတ်ပြိုင် ဂျာနယ်”


Monday, March 22, 2010

ဆရာကြီးသခင်ကိုယ်တော်မှိုင်း(၁၃၄)နှစ်ပြည့် မွေးနေ့ နှင့် ကမ္ဘာ့  ကဗျာနေ့ အထိမ်းအမှတ် ကဗျာရွတ်ပွဲ(တိုကျို)။



တိုကျို၊ မတ်(၂၂)
ရေးသားသူ-သန့်မျိုးထွေး

ဂျပန်ရောက် စာပေနှင့်ကဗျာ ၀ါသနာရှင်များက ဆရာကြီး သခင်ကိုယ်တော်မှိုင်း၏ (၁၃၄)နှစ်ပြည့်မွေးနေ့နှင့် ကမ္ဘာ့ကဗျာနေ့ ကိုဂုဏ်ပြုသော အားဖြင့် "ရွှေဒေါင်းတောင် ကလောင်အဖိုးမွေးနေ့နှင့် ကမ္ဘာ့ကဗျာနေ့"ခေါင်းစဉ်ဖြင့် ကဗျာရွတ်ဆိုပွဲ တခုကို မတ်လ(၂၂)ရက်နေ့ ညနေပိုင်း၌ တိုကျိုမြို့၊ မြန်မာအများစု နေထိုင်ရာ တာကာဒါနိုဘာဘာ ရပ်ကွက်ရှိ ကွန်စူးမားစင်တာခန်းမ(၄)ထပ်တွင် ကျင်းပပြုလုပ်ခဲ့ရာ ကဗျာနှင့်စာပေ ၀ါသနာရှင် (၆၀)ကျော်ခန့် တက်ရောက်ခဲ့ကြသည်။

ကျင်းပပြုလုပ်ရခြင်း ရည်ရွယ်ချက်ကို အခမ်းအနားမှူးအဖြစ် တာဝန်ယူဆောင်ရွက်ခဲ့သူ မလေးလေး(တိုကျို)မှ စာပေတင့်မှ လူမျိုးမြင့်မယ် ဆိုတဲ့စကားအတိုင်း မြန်မာ့စာပေ သမိုင်းမှာ ကြည်ညို ထိုက်သူ၊ ပူဇော် ထိုက်သူများကို အောက်မေ့ဖွယ် အထိမ်းအမှတ် အခမ်းအနား ပြုလုပ်ခြင်းဟာ မင်္ဂလာတရားတော် နှင့်ညီကြောင်း ပြည်တွင်းတွင် ကျယ်ကျယ်ပြန့်ပြန့် မလုပ်နိုင်သည့် ကိစ္စများကို ပြည်ပရောက် စာပေချစ်မြတ်နိုး သူများမှ ရောက်ရာဒေသတွင် ဆထက်တံပိုး လုပ်ဆောင်ဖို့ လိုတယ်ဟု ယူဆမိသည့်အတွက် ယခုအခမ်းအနားကို ကျင်းပရခြင်းဖြစ်ကြောင်း ရှင်းလင်း ပြောကြားခဲ့သည်။

လွတ်လပ်ရေး ကြိုးပမ်းမှုသမိုင်းနှင့် မြန်မာ့ စာပေနယ်ပယ်တွင် စာပေသြဇာ အာဏာကြီးမားခဲ့သော မြန်မာ့စာပေ ဥသျှောင်ဟု တင်စားခေါ်ဝေါ်သည့် ဆရာကြီး သခင်ကိုယ်တော်မှိုင်း၏ မတ်လ(၂၃)ရက်နေ့တွင် ကျရောက်မည့် ၁၃၄ နှစ်ပြည့်မွေးနေ့ အထိမ်း အမှတ်အဖြစ် ဆရာကြီး ရေးဖွဲ့ခဲ့သော ကဗျာ၊ လေးချိုး၊ ဒွေးချိုးများနှင့် ဆရာကြီးကို ခေတ်အဆက်ဆက် စာပေနှင့် ကဗျာ ပညာရှင်များ ဂုဏ်ပြုရေးဖွဲ့ စပ်ဆိုထားသည့် ကဗျာများကို ရွတ်ဆိုခဲ့ကြသည်။

ကဗျာရွတ်ဆိုပွဲသို့ အမေရိကားရောက် ကဗျာဆရာကြီး မောင်စွမ်းရည်က သ၀ဏ်လွှာပေးပို့ခဲ့ပြီး သခင်ကိုယ်တော်မှိုင်း၏ အထုပ္ပုတ္တိကို စီစဉ်သူ တဦးဖြစ်သည့် အလင်းအိမ်မဂ္ဂဇင်း အယ်ဒီတာရဲငြိမ်းက ဖတ်ပြရှင်းလင်းခဲ့သည်။ ဆရာကြီး သခင်ကိုယ်တော်မှိုင်း၏ ထင်ရှား လှသောကဗျာ လင်္ကာများစွာထဲမှ လွတ်လပ်ရေး ဖခင်ကြီး ဗိုလ်ချုပ်အောင်ဆန်းအပါဝင် အာဇာနည် ခေါင်းဆောင်ကြီးများ လုပ်ကြံခံရပြီးနောက် ဆရာကြီးကိုယ်တိုင် များစွာ တုန်လှုပ်ခံစား ခဲ့ရသည့်အတွက် ရေးဖွဲ့သီကုံးခဲ့သော "အာဇာနည်ဗိမာန်"လေးချိုးကြီးကို မြန်မာအမျိုးသမီး သမဂ္ဂ(ဂျပန်)ဥက္ကဋ္ဌ ဒေါ်ချိုချိုအေးမှ အသံအနေအထား မှန်ကန်စွာနှင့် ငိုချင်းဖွဲ့ရွတ်ဆိုဂုဏ်ပြုခဲ့ရာ တက်ရောက် သူပရိတ်သတ်များအတွက် အာဇာနည်နေ့ကို ပြန်ပြောင်း အောင့်မေ့ သတိရစေသည်အထိ နှစ်ချိုက်စွာအားပေးခဲ့ကြသည်။

ကဗျာရွတ်ဆိုပွဲသို့ ပြည်တွင်းမှ သတင်းစာဆရာကြီး လူထုဦးစိန်ဝင်းမှလည်း တယ်လီဖုံးဖြင့် အမှာစကားပြောကြား ပေးခဲ့ပြီး ဆရာကြီး သခင်ကိုယ်တော်မှိုင်းသည် ခေတ်အဆက်ဆက် တိုင်းရေး ပြည်ရာများတွင် စာပေ၏ အခွင့်အာဏာကို အသုံးပြု၍ ပြည်သူတို့အား မျိုးချစ်စိတ်၊ တိုင်းပြည် ချစ်စိတ်တို့ကို ပေးခဲ့ပုံနှင့် ကဗျာနှင့် နိုင်ငံရေး ခရိးအကြောင်းကို ကဗျာဆရာ ကိုညိုထွန်း(ခ)ဦးသိန်းငွေမှ ဖွင့်ဆိုရှင်းလင်းပြခဲ့ပါသည်။

ဒီနောက်တွင် ဂျပန်ရှိမျိုးဆက်သစ် လူငယ်ကဗျာ ဆရာများက ခေတ်အဆက်ဆက်က စာပေပညာရှင်များက ဆရာကြီး သခင်ကိုယ်တော်မှိုင်း အတွက် ဂုဏ်ပြုရေးဖွဲ့ထားသော ကဗျာများထဲမှ ၄င်းတို့ကြိုက်နှစ်သက်ရာ ကဗျာများဖြင့် ရွတ်ဆိုဂုဏ်ပြုခဲ့ပြီး စာပေပညာရှင် ဦးသန်းဆွေ(မြေနီကုန်း)က "မြန်မာ ကဗျာအကြောင်း တစေ့တစောင်း"ခေါင်းစဉ်ဖြင့် ဆွေးနွေး ပြောကြားသွားခဲ့သည်။

"ပထမတော့ မြန်မာကဗျာရဲ့ စုံညီရေးသမိုင်းကို ပြောချင်တာပါ၊ အချိန်မရလို့ မြန်မာကဗျာရဲ့ တစေ့စောင်းပဲ ပြောပါမယ်။ အဲ့ဒိတစေ့ တစောင်းကလဲ မိုးမခမှာ တင်ထားတဲ့ ဆရာဦးတင်မိုးရဲ့ ကဗျာနဲ့ပါတ်သတ်လို့ ပြောချင်တာပါ၊ လာဖြစ်တာကလဲ ၁၉၉၆ခုနှစ်တုန်းက ဆရာကြီးကို ကဗျာနဲ့ဂုဏ်ပြုခဲ့ကြတဲ့ ဒေါ်လေးလေးတို့ ကလှမ်းဖိတ်လို့ လုပ်ဖော်ရသားဘဲဆိုပြီး ဆရာကြီးသခင်ကိုယ်တော်မှိုင်ကို ကံသုံးပါးနဲ့ ပူဇော်ချင်လွန်းလို့ လာခဲ့တာပါ"ဟုဦးသန်းဆွေ(မြေနီကုန်း)က ကဗျာရွတ်ဆိုပွဲသို့ လာရောက်ဖြစ်ပုံနှင့် ယနေ့လူငယ်များ လေးချိုးနှင့် ကဗျာရွတ်ဖတ်မှု သံနေထံသားတို့ကို သိရှိနားလည်းစေရန် အကျယ်တ၀င့်ရှင်းလင်းပြောဆိုသည်။

မြန်မာပြည် အကျဉ်းထောင်အတွင်း အနှစ် ၂၀ ကျော်ကြာအောင် မတရားအကျဉ်းချခံခဲ့ရသည့် ပြည်တွင်းNLD ဗဟိုအလုပ်အမှုဆောင် ကော်မတီတစ်ဦး လည်းဖြစ်သူ သတင်းစာဆရာကြီး ဟံသာဝတီ ဦးဝင်းတင်မှလည်း အခက်အခဲ အကျပ်အတည်းများကြားမှ ထောင်အတွင်း ကဗျာသီကုံး ဖွဲ့ဆိုမှုများနှင့် ထောင်နံရံ များပေါ်တွင် ထင်ကျန် စွဲရစ်နေသည့် အမည်မသိ အကျဉ်းသားများ၏ ခံစားရေးဖွဲ့ခဲ့မှု ကဗျာများအကြောင်းကို ယနေ့ကျင်းပပြုလုပ်ခဲ့သည့် "ရွှေဒေါင်းတောင် ကလောင်အဖိုးမွေးနေ့ နှင့်ကမ္ဘာ့ကဗျာနေ့" အတွက် ပေးပို့လာသည့် အသံဖိုင်ကို တက်ရောက်လာသူများ ကြားသိအောင် ဖွင့်ပြပေးခဲ့ကြသည်။

ကမ္ဘာ့ကဗျာနေ့ အကြောင်းနှင့်ဖြစ်ပေါ်လာပုံကို ကိုမင်းထက်ဇော်မှ ရှင်းလင်းတင်ပြခဲ့ပြီး စွယ်စုံအနုပညာရှင်ကြီး တစ်ဦးဖြစ်သည့် ဦးဝင်းဖေမှလည်း ကမ္ဘာ့ကဗျာနေ့အတွက် အမှတ်တရ စကားသံကိုလည်း ပေးပို့ခဲ့သည်။

ဂျပန်ရှိနံမည်ကျော် ကဗျာဆရာရဲရင့်သက်ဇွဲက နအဖစစ်အုပ်စု၏ မတရား ဖမ်းဆီးထောင်ချမှုကြောင့် အင်းစိန်ထောင်တွင် ၂၈ နှစ် အကျဉ်းချခံနေရသည့် ကျောင်းသား ခေါင်းဆောင်တဦး၏ နီးသည်က ထောင်ဝင်စာလာတွေ့သည့် အချိန်တွင် ယုံကြည်ချက်နှင့် ဇနီးသည် အနာဂတ်အတွက် ပြောဆိုခဲ့မှုများကို ပြန်လည် ကြားသိခဲ့ရသည့်အတွက် ၄င်း ကိုယ်တိုင် ခံစား ရေးစပ်ထားသည့် "ကြေကွဲ စရာတွေထဲမှာ ငါ့ကိုထားခဲ့"ဆိုသော ကဗျာဖြင့်အဆုံးပိတ် ရွတ်ဆိုခဲ့ကြကြောင်း သိရသည်။

သတင်းမှတ်တမ်း။ မူရင်း “ moethaukkye.co.cc ”
မှတ်တမ်းဓါတ်ပုံ။ Lian Khan Sum(CNC-Japan)

တောင်းဆိုချက် အချို့အလျှော့ပေးရန် တရုတ်တိုက်တွန်းချက် ၀ လက်မခံ ။

Monday, 22 March 2010 18:06 သျှမ်းသံတော်ဆင့်

စစ်အစိုးရအား မူလတောင်းဆိုချက် ၉ ချက် အတိုင်း ပုံသေမသွားဘဲ အလျှော့အတင်ြးုပလုပ်၍ အကြေအလည် ဆွေးနွေးကြရန် တရုတ်တိုက်တွန်းချက်ကို လက်မခံနိုင်ကြောင်း ၀ ခေါင်းဆောင် အသိုင်းအ၀ိုင်းကပြောကြပါသည်။

“၂၀၀၉ နိုဝင်ဘာ ၁၀ ရက် ရက်စွဲနဲ့ ဥက္ကဌကြီး လက်မှတ်ရေးထိုးတင်ပြတဲ့ ကန့်သတ်ချက်တွေထဲမှာ ၀ ဘက်က လိုက်လျော ထားတာအများကြီးပါ။ လုံးဝအလျှော့မပေးတာ နအဖဘဲ” - ခေါင်းဆောင်ပိုင်း တဦးက ပြောကြောင်း - ၀ ခေါင်းဆောင်အချို့နှင့် နီးစပ်သူတဦးက ပြောပါသည်။

နယ်စပ်ရှုပ်ထွေးမှုမဖြစ်ပေါ်စေရန် ယူနန်ပြည်နယ်မှ တရုတ်ဆက်ဆံရေးအရာရှိများ ၀ ခေါင်းဆောင်တို့အား ပြီးခဲ့ သည့်အပတ်က တိုက်တွန်းခဲ့ခြင်းဖြစ်သည်။

“တောင်ပိုင်း ၀ နယ်မြေတောင် တပ်ရုပ်ပေးဖို့မဖြစ်နိုင်ဘူး၊ မိုင်းပေါက် မိုင်းဖျဲန်နယ်မြေဆို ပိုဝေးတာပေါ့၊ အဲဒါ မြောက်ပိုင်း ၀ နယ်မြေရဲ့ အသက်ရှူပေါက်ဘဲ”- ဟု ၀ တပ်မှူးတဦးက လည်းဆို၏။

ထို့အပြင် အဆိုပါ ၀ တပ်မှူးက - အမှတ် ၁၇၁ စစ်ဒေသ တောင်ပိုင်း ၀ နယ်မြေမှ ၀ တပ်ရုပ်ပေးရေး စစ်အုပ်စုလိုလားမှု အပေါ်တရုတ်တို့၏တိုက်တွန်းမှုကို လိုက်လျောပေးရန် မဖြစ်နိုင်ကြောင်း၊ တောင်ပိုင်းနယ်မြေအား အသက်ရာထောင်ချီ ရင်း၍ ခွန်ဆာ့လက်မှတိုက်ယူရကြောင်း၊ တောင်ပိုင်းဒေသသို့ ၀ ပြည်သူများ ရွှေ့ပြောင်းခဲ့ စဉ်က ဗိုလ်ချုပ်မှူးကြီး သန်းရွှေ၏ကိုယ်စား ဗိုလ်ချုပ်ခင်ညွန့်က ညွှန်ကြားခဲ့ခြင်းဖြစ်ကြောင်း၊ မိမိတို့ဆန္ဒအရ ပြောင်း ရွှေ့လာခြင်းမဟုတ် ကြောင်း၊ စီးပွားရေးဘက်တွင်လည်း အရင်းအနှီးများစွာ မြုပ်နှံထားခဲ့ရပြီဖြစ်ကြောင်း ဆက်ပြောပါသည်။

သီးခြားအတည်မြုပနိုင်သေးသည့် သတင်းရပ်ကွက်အရ လာမည့် မတ်ခ်ျ ၂၅ ရက်၌ နအဖ နှင့် ၀ တပ်ဖွဲ့ ကိုယ်စားလှယ် များတန့်ယန်းတွင် ထပ်မံတွေ့ဆုံရန် ရှိသည်ဟုဆိုသည်။

ဝ တပ်ဖွဲ့ တပ်ရုပ်ဆုတ်ခွါရန် - နအဖ အလိုရှိသော မိုင်းယန်းမြောက်ဘက် မိုင်းပေါက် နှင့် မိုင်းဖျဲန်ဒေသမှာလည်း ၀ နယ်မြေဖွဲ့စည်းပုံအရ ခရိုင်အဆင့်သတ်မှတ်ပြီး တပ်မဟာ ၄၆၈ ၏ ထိန်းချုပ်နယ်မြေဖြစ်၏။ တောင်ပိုင်း ၀ဒေသတွင် လည်း အမှတ် ၁၇၁ စစ်ဒေသ လက်အောက်ခံ တပ်မဟာ ၅ ခုရှိ၏။

၂၀၀၂ ဧပြီ လားဟူအမျိုးသားဖွံ့ဖြိုးရေးအဖွဲ့ Lahu National Development Organisation ကထုတ်ပြန်သော (Un settling Moves, The Wa forced resettlement in Eastern Shan State ( 1999-2001) အစီရင်ခံစာ အရ ၀ လူထု ၁၂၀,၀၀၀ တောင်ဘက်ပိုင်း (သံလွင်အရှေ့ခြမ်း ထိုင်းနယ်စပ်တလျှောက် မိုင်းဆတ် မိုင်းတုံမြို့နယ်) သို့ပြောင်း ရွှေ့ခဲ့ကြသည်ဟု ထုတ်ပြန်ခဲ့ဘူးသော်လည်း ၀ အာဏာပိုင်များကမူ လူဦးရေ ၈ သောင်းသာပြောင်းရွှေ့ခဲ့သည် ဟု ပြောပါသည်။

PNS-Japan


ကိုးကန့်ဒေသ တည်ငြိမ်ရေး တရုတ်ကို နအဖ အကူအညီတောင်း။

ပေါက်ပေါက်/ ၂၂ မတ် ၂ဝ၁ဝ


ရှမ်းပြည်အရှေ့မြောက်ပိုင်း၊ ကိုးကန့်ဒေသအတွင်း မကြာသေးခင်က ဖြစ်ပေါ်ခဲ့သည့် ဗုံးပေါက်ကွဲမှု၊ သေနတ်ပစ်ခတ်မှု စသည့် ဒေသ မတည်မငြိမ်မှုများ ပြုလုပ်နေသည့် အကြမ်းဖက်သမားများ တရုတ်-မြန်မာ နှစ်နိုင်ငံ နယ်စပ်တလျှောက်တွင် သွားလာလှုပ်ရှားနေသဖြင့် ၎င်းတို့အား ဖော်ထုတ်ဖမ်းဆီးနိုင်ရန် တရုတ်အာဏာပိုင်များထံ မြန်မာဘက်က အကူအညီ တောင်းခံထားသည်။

ယခုလ (၁၈) ရက်က မူဆယ်မြို့၌ နှစ်နိုင်ငံနယ်စပ်အာဏာပိုင်များ ဆွေးနွေးပွဲတခုပြုလုပ်ခဲ့ရာ အရှေ့မြောက်တိုင်း စစ်ဌာနချုပ် (ရမခ)ဒုတိုင်းမှူး ဗိုလ်မှူးကြီး ဝင်းသိန်း ဦးဆောင်သည့်အဖွဲ့က တက်ရောက်ခဲ့ပြီး အကြမ်းဖက်သမားများနှင့်ပတ်သက်၍ အပြန်အလှန် သတင်းဖလှယ်ကာ ဖော်ထုတ်ဖမ်းဆီးနိုင်ရေး အကူအညီတောင်းခံခဲ့သည်ဟု ရမခစစ်ဌာနချုပ် သတင်းရပ်ကွက်နှင့် နီးစပ်သူက ပြောသည်။

၎င်းက “အခုလ (၁ဝ) ရက်နေ့က နယ်စပ်မှာ ဖုန်ကျားရှင်အဖွဲ့က ကိုးကန့်တယောက်ကို ဖမ်းမိတယ်။ အဲဒီလူက တာရွှေထန်မှာရှိတဲ့ တပ်စခန်းကို ဝင်ပစ်တဲ့ကိစ္စ၊ ပြီးခဲ့တဲ့လက ဗုံးတွေ ဖောက်ခွဲတဲ့ကိစ္စတွေကို ညွှန်ကြားတဲ့သူလို့ ပြောတယ်။ သူ့ဆီကရတဲ့ သတင်းတွေအရ ဝနယ်ဘက်ကနေ လယ်နက်ခဲယမ်းတွေယူပြီး ကိုးကန့်ဘက်မှာ လာလုပ်တယ်တဲ့။ အကြမ်းဖက်သမားတွေက တရုတ်ဘက်မှာ ခိုအောင်းနေတာလည်း ရှိတော့ အဲလိုတွေ ထပ်မဖြစ်အောင် ဒီဘက်ကလည်း သတင်းပေးမယ်ပေါ့၊ တရုတ်ဘက်က သတင်းရရင်လည်း ဒီဘက်ကို သတင်းပေးပေ့ါ။ အဲလို ပူးပေါင်းဖော်ထုတ်မယ်ဆိုပြီး ဆွေးနွေးကြတယ်” ဟု ပြောသည်။

ယခုနှစ်၊ ဇန်နဝါရီ (၁၆) ရက် ညပိုင်းက ကိုးကန့်ဒေသ၊ တာရွှေထန်ရှိ နအဖတပ်စခန်းအား ဖုန်ကျားရှင် ဦးဆောင်သည့် ကိုးကန့်တပ်ဖွဲ့ဝင်အချို့က ဝင်ရောက်ပစ်ခတ်သဖြင့် နအဖတပ်သား (၂) ဦးသေဆုံးကာ (၁) ဦး ဒဏ်ရာ ရရှိခဲ့သကဲ့သို့ ဖေဖော်ဝါရီလလယ်ပိုင်းကလည်း လောက်ကိုင်မြို့တွင် (၂) ရက်ဆက်တိုက် ဗုံးများ ပေါက်ကွဲခဲ့သဖြင့် တရုတ် နိုင်ငံသား (၃) ဦး အပါအဝင် လူ (၉) ဦး ဒဏ်ရာရရှိခဲ့သည်။

ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့အား နယ်ခြားစောင့်တပ် အသွင်ပြောင်းရေးအတွက် တရုတ်အာဏာပိုင်များက ဖျောင်းဖျပေးရန် နအဖဘက်က ထပ်မံ အကူအညီတောင်းခံထားခဲ့သည်ဟု ရမခစစ်ဌာနချုပ် သတင်းရပ်ကွက်နှင့် နီးစပ်သူက ပြောသည်။

၎င်းက “ဝတွေကို နယ်ခြားစောင့် လုပ်လာအောင် မတ်လ (၃) ရက်နေ့က ဒု-ဗိုလ်ချုပ်ကြီး ရဲမြင့်က ယူနန်အာဏာပိုင်တွေကို စာရေးအကူညီတောင်းခဲ့တယ်။ အခု ရမခကလည်း ထပ်ပြောတာက ရွေးကောက်ပွဲပြီးရင် တပ်မတော်တခုတည်းရှိရမယ်ပေါ့။ အဲဒီအတွက် ဝတွေကို လုပ်ဖော်ကိုင်ဖက်သဘောထားပြီး ဆွေးနွေးနေတာ ဖြစ်တယ်။ ဒါပေမယ့် ဝတွေက စိုးရိမ်ပြီး စစ်ရေးပြင်ဆင်တာတွေ လုပ်နေတယ်ပေါ့။ တကယ်လို့ ဝတပ်ဖွဲ့က အသွင်ကူးပြောင်းရေးသာ မြန်မြန်လုပ်မယ်ဆိုရင် နယ်စပ်ဒေသ တည်ငြိမ်အေးချမ်းလာမယ်။ ဒီအတွက် တရုတ်ဘက်က ပူးပေါင်းဆောင်ရွက်ဖို့ လိုတယ်ဆိုပြီး ထပ်ပြောထားတယ်” ဟု ပြောသည်။

ရှမ်းပြည်အထူးဒေသ (၁)၊ မြန်မာနိုင်ငံအမျိုးသားဒီမိုကရေစီမဟာမိတ်တပ်မတော် (MNDAA) အဖွဲ့ခေါ် ကိုးကန့်တပ်ဖွဲ့မှ ခေါင်းဆောင် ဖုန်ကျားရှင်အဖွဲ့အား မူးယစ်ဆေးဝါးအမှု၊ လက်နက်မှောင်ခိုမှုတို့ဖြင့် နအဖဘက်က ဖမ်းဆီးရန်ကြိုးစားရာမှ အပစ်ခတ်ရပ်စဲရေး ပျက်ကာ ယမန်နှစ်၊ သြဂုတ်လအတွင်း နအဖ၏ တိုက်ခိုက်သိမ်းပိုက်ခြင်းကို ခံခဲ့ရသည်။

ဖုန်ကျားရှင်ဦးဆောင်သည့် ကိုးကန့်တပ်ဖွဲ့ဝင်အချို့ ထွက်ပြေးတိမ်းရှောင်သွားပြီး နောက်ပိုင်း ကိုးကန့်တပ်ဖွဲ့ ဒု-ဥက္ကဋ္ဌ ပိုင်စုံချိန် ဦးဆောင်သည့် ကိုးကန့်လက်ကျန်အဖွဲ့အား နယ်ခြားစောင့်တပ်ရင်း အမှတ် (၁ဝဝ၆) အဖြစ် အသွင်ပြောင်းကာ နအဖတပ်များနှင့် အတူ ကိုးကန့်ဒေသအား ဆက်လက်ထိန်းချုပ်ထားသည်။

သတင်းမှတ်တမ်း ။ ခေတ်ပြိုင် ဂျာနယ် မှ ကူးယူဖေါ်ပြသည်။




Sunday, March 21, 2010

၂၀၁၀ ရွေးကောက်ပွဲနဲ့ ဗမာ့နိုင်ငံရေး စာမျက်နှာသစ် (မေးခွန်းများ)။


မောင်ရဲ
မတ် ၂၁၊ ၂၀၁၀

နအဖက ရွေးကောက်ပွဲဆိုင်ရာ ဥပဒေတွေ ထုတ်ပြန်လာပြီးတဲ့နောက်မှာ အမျိုးသားဒီမိုကရေစီအဖွဲ့ချုပ် နှင့်တကွ ပြည်တွင်း နိုင်ငံရေး အင်အားစုများအကြား ပါတီ မှတ်ပုံတင်ရေး မတင်ရေးကိစ္စက အခြေအတင် ဆွေးနွေးစရာ တွေ ဖြစ်လာနေပါတယ်။ ရတဲ့အချိန်တို အတွင်းမှာ မှန်ကန်တဲ့ ဆုံးဖြတ်ချက်တွေ ချရပါတော့မယ်။

အမျိုးသားဒီမိုကရေစီအဖွဲ့ချုပ် အတွင်းမှာ အဖွဲ့ချုပ်ဥက္ကဋ္ဌနဲ့ ဗဟိုအလုပ်အမှုဆောင် အဖွဲ့ဝင်အချို့၊ ဗဟိုအလုပ် ကော်မတီဝင်အချို့က ပါတီ မှတ်ပုံ တင်ရေးကို ဆန္ဒရှိကြတယ်၊ ထည့်သွင်းစဉ်းစား နေကြတယ်လို့ သတင်းများ ကြားသိနေရပြီး ဒေါ်အောင်ဆန်းစုကြည် ပြန်လည် လွှတ်မြောက်လာချိန်မှာ ပါတီတခု အဆင်သင့် ရှိနေစေဖို့ ဆိုတဲ့ ဓါတ်ပြားဟောင်းကြီး ဖွင့်နေကြပြန်ပါပြီ။

ဒေါ်အောင်ဆန်းစုကြည်ကို ဗမာပြည်သူ အားလုံးက လူထုခေါင်းဆောင်အဖြစ် သက်မှတ်ထားပြီးသားပါ။ နဝတ-နအဖတင် မကပါဘူး ဗမာ့နိုင်ငံရေး ပြဿနာကို အမှန်တကယ် ဖြေရှင်းချင်သူများ အားလုံးက အလေးထား ဆွေးနွေး နေရာပေးရမယ့် ခေါင်းဆောင်ဆိုတာကို သိချပ်ဖို့လိုပါတယ်။ အတွေးချော် လမ်းမှားလို့မရတဲ့ ဒီလိုအချိန် အခါမှာ ပြည်တွင်း ပြည်ပက ဒီမိုကရေစီ လိုလားသူများအကြား စိုးရိမ်မှုတွေ တိုးလို့လာနေတာသာ တွေ့ရပါတယ်။ ဒါပေမယ့် ဘာဖြစ်လာရင်၊ ဘယ်လိုလုပ်ကြမယ်ဆိုတဲ့ ပြင်ဆင် သံတွေ ပျောက်နေတာ တွေ့ရပါတယ်။

အမျိုးသားဒီမိုကရေစီအဖွဲ့ချုပ်က သူ့ပါတီအရေးကိစ္စကို ဒီမိုကရေစီ နည်းလမ်းတကျ လုပ်ကိုင် ဆောင်ရွက် သွားပါ့မယ် လို့ဆိုပါတယ်။ တကယ်လို့ အဖွဲ့ချုပ်ကို ပါတီမှတ်ပုံတင်ပြီး ၂၀၁၀ ရွေးကောက်ပွဲ ဝင်မယ်လို့ အဖွဲ့ချုပ် ဗဟိုဦးစီးအဖွဲ့သစ်က ဆုံးဖြတ်လိုက်တယ် ဆိုကြပါစို့ ကျနော်တို့ ပြည်တွင်း ပြည်ပက ဒီမိုကရေစီ လိုလားသူများက မဲပေးသူများ၊ ထောက်ခံ ပံပိုးပေးကြရသူများ ဖြစ်ကြတာနဲ့အညီ အမျိုးသားဒီမိုကရေစီအဖွဲ့ချုပ်ရဲ့ ဒီဆုံးဖြတ်ချက် အပေါ်မှာ ဘယ်လို သဘောထား တုံ့ပြန်ကြမှာလဲ။

သေချာပေါက်နီးပါး ဖြစ်နိုင်တာကတော့ အမျိုးသားဒီမိုကရေစီအဖွဲ့ချုပ်သာ ၂၀၁၀ ရွေးကောက်ပွဲကို ဝင်ခဲ့ရင် ဒီမတရားတဲ့ ရွေးကောက်ပွဲဟာ နိုင်ငံတကာ မိသားစုက အစဉ်တစိုက် တောင်းဆိုနေတဲ့ အားလုံးပါဝင်တဲ့ အများ လက်ခံနိုင်တဲ့ ရွေးကောက်ပွဲတခု အလွယ်တကူဖြစ်သွားနိုင်တာပါ။ ဒီကတဆင့် ဖြစ်ပေါ်လာတဲ့ တရားဝင်မှုအပေါ် မေးခွန်း ထုတ်ရန်ခက်မယ့် ဒီမိုကရေစီ မကျတဲ့ အစိုးရတရပ် အပေါ် ဘယ်လို ဆန့်ကျင် သွားကြမလဲ။ အလေးအနက် စဉ်းစားကြ ဖို့လိုပါတယ်။

အမျိုးသားဒီမိုကရေစီအဖွဲ့ချုပ်သာ ၂၀၁၀ ရွေးကောက်ပွဲ ကိုဝင်ခဲ့ရင် ကျနော်တို့ အားလုံးလည်း မလွှဲမရှောင်သာဘဲ ဒီလမ်းကြောင်းကို လိုက်လျှောက် ရတဲ့ဖြစ် ရောက်လာပါတော့မယ်။ ဒီလို သဘောထားကို ပြည်သူ့လွှတ်တော် ကိုယ်စားပြုကော်မတီ အတွင်းရေးမှုး ဦးအေးသာအောင် ကလည်း သဘောထား ထုတ်ပြန်ထားပြီးသားဖြစ်ပါတယ်။

ကုန်ခဲ့တဲ့အနှစ် နှစ်ဆယ်ကလိုပဲ ဒီမိုကရေစီ တိုက်ပွဲရဲ့ ဦးဆောင်အလံကိုင်ပါတီ၊ ဒီမိုကရေစီ လိုလားတဲ့ ဗမာပြည်သူပြည်သားများကို ကိုယ်စားပြုတဲ့ သင်္ကေတ အဖြစ်ဆက်လက် လက်ခံ ထားနိုင်ပါသေးရဲ့လား။ အဖွဲ့ချုပ်လိုပဲ ရွေးကောက်ပွဲကို ဝင်ကြမယ့် အခြားပါတီတွေ၊ တသီးပုဂ္ဂလတွေ အပေါ်မှာရော ဘယ်လို သဘောထား ကြမှာလဲ။ ဘယ် အဖွဲ့ကို ဒီမိုကရေစီ တိုက်ပွဲရဲ့ ဦးဆောင် ပါတီအဖြစ်ရွေးချယ်ပြီး ပြည်သူလူထုက ထောက်ခံလာအောင် ဝိုင်းဝန်း ပံပိုးပေး ကြမှာလဲ။

၁၉၉၀ ရွေးကောက်ပွဲတုန်းက အမျိုးသားဒီမိုကရေစီအဖွဲ့ချုပ်ကို ဒီမိုကရေစီ တိုက်ပွဲရဲ့ ဦးဆောင် အလံကိုင်ပါတီအဖြစ် ရွေးချယ်ပြီး အဖွဲ့ချုပ်လူငယ်၊ ကျောင်းသားသမဂ္ဂများနှင့် လူ့ဘောင်သစ် ပါတီဝင်များရဲ့ သုံးချောင်းထောက် လူငယ်လှုပ်ရှားမှု့များနဲ့ မဲမကွဲရေး ဆောင်ရွက် ခဲ့ကြတယ်။ ဒီလှုပ်ရှားမှုက အတိုင်းအတာတခု အထိတော့ အမျိုးသားဒီမိုကရေစီအဖွဲ့ချုပ်ရဲ့ ရွေးကောက်ပွဲ အောင်နိုင်ရေး အပေါ် အထောက်အကူ ဖြစ်စေခဲ့ပါတယ်။

ဒီတခါကော အဖွဲ့ချုပ်ကိုပဲ ရွေးချယ်ကြမှာလား။ ဒေါ်အောင်ဆန်းစုကြည် ပါဝင်ဦးဆောင်ခြင်းမရှိတဲ့ အဖွဲ့ချုပ်နဲ့ ဘယ်အတိုင်းအတာ အထိ လက်တွဲလို့ရမလဲ။

ပြီးခဲ့တဲ့ အနှစ် နှစ်ဆယ်ကိုပြန်လည် ဝေဘန် ဆန်းစစ်ပြီး ရှေ့လျှောက်ရမယ့် လမ်းမှာ လမ်းပိတ် ထိုင်မယ့်သူ၊ ပွဲလန်းတုန်း ဖျာဝင်ခင်းဖို့ ကြံနေကြတဲ့သူတွေကို မရွေးပဲ၊ ပြည်သူကို အမှန်တကယ် မျက်နှာပြုမယ့် သူတွေဖြစ်ပါမှ နှောင်မှာပေါ် ပေါက်လာမယ့် လွှတ်တော်တွင်း၊ လွှတ်တော် ပြင်ပ တိုက်ပွဲတွေကို ဦးဆောင်နိုင်ကြမှာပါ။ ဒီတိုက်ပွဲက ရေရှည်တိုက်ပွဲပါ။ ပြည်သူအပေါ် သစ္စာမရှိတဲ့သူတွေဟာ စစ်အုပ်စုက ဝယ်တဲ့နောက် အလွယ်တကူ ပါသွားမှာပါ။

၁၉၉၀ ရွေးကောက်ပွဲမှာ ပါတီတခုကိုတည်းကို မဲပေးခဲ့တဲ့အတွက် နဝတ-နအဖရဲ့ ခွဲခြားဖမ်းဆီးမှု့များရဲ့ အောက်မှာ ဗမာပြည်သူလူထုအတွက် အကျိုး မဖြစ်စေခဲ့တာ၊ ဒီမိုကရေစီ တိုက်ပွဲ အနှစ် နှစ်ဆယ်ကျော် ကြာခဲ့ရတာက သက်သေပါ။ ရွေးကောက်ပွဲ လမ်းကြောင်းကို လိုက်လျှောက် ရတော့မယ်ဆိုခဲ့ရင် ပါတီကိုရွေးတာထက် လူကိုအဓိက ရွေးတဲ့ ရွေးကောက်ပွဲ ဖြစ်သင့်သလား၊ မဲမကွဲအောင် ပါတီတခုတည်းကိုပဲ ပေးသင့်သလား မသေချာပေမယ့်၊ သေချာတာ တခုကတော့ ဗမာလူမျိုးဟာ အမှားတခုကို နှစ်ခါမှားမိမှာ သေမတတ် ကြောက်တတ်တာပါ။

တကယ်လို့ အမျိုးသားဒီမိုကရေစီအဖွဲ့ချုပ်က ပါတီမှတ်ပုံ မတင်ဘူးဆိုပါစို့ နအဖက အဖွဲ့ချုပ်ကို ဖျက်ဖို့ ကျိုးစားမှာ၊ ခေါင်းဆောင်အများစုကို ဖမ်းဆီးထောင်ချမှာ မြေကြီးလက်ခတ် မလွှဲပါဘူး။ ဒါပေမယ့် အရင်တုန်းကလိုပဲ အကုန်မဖမ်းဘဲ လိုအပ်သလောက်ပဲ ဖမ်းပြီး နအဖကြိုးဆွဲရာ ကမယ့် ရုပ်သေး- အမျိုးသားဒီမိုကရေစီအဖွဲ့ချုပ်ကို ပါတီ မှတ်ပုံတင်ခိုင်းပြီး ရွေးကောက်ပွဲ ဝင်ခိုင်းတာမျိုးလည်း ဖြစ်လာနိုင်ပါတယ်။ ဒီလိုအခြေအနေတွေ ဖြစ်လာရင် ဒီမိုကရေစီ လိုလားတဲ့ ဗမာပြည်သူပြည်သားများက ဘာလုပ်ကြမလဲ။ ကိုယ်နီးစပ်ရာ အစုအဖွဲ့များနဲ့ အရေးတကြီး တိုင်ပင်ဆွေး နွေးကြဖို့ လိုနေပါပြီ။

ကိုယ့်အချင်းချင်းကြား အမြင်ခြင်းဖလှယ် တိုင်ပင်ဆွေးနွေးပြီး ဆရာဦးဝင်းတင် ပြောသလို “မကြောက်တရား လက်နက်၊ သွေးစည်း ညီညွတ်ရေး လက်နက်၊ စစ်အာဏာရှင်စနစ် ဆန့်ကျင်ရေး ရည်မှန်းပန်းတိုင် တခုတည်း ချမှတ် ရှေးရှု ရင်ဆိုင် ချီတက်ရေး လက်နက်” ဆိုတဲ့ လက်နက်သုံးရပ်ကို ကိုင်ဆွဲပြီး ဘယ်သူ အလံလှဲလှဲ ကိုယ်မလှဲဘဲ စုပေါင်း တိုက်ပွဲဝင် သွားကြဖို့ အရေးကြီးပါတယ်။

အဖွဲ့ချုပ်ရဲ့ ဒီမိုကရေစီ စံနှုန်းများက ပြည်သူ့ဆန္ဒနဲ့ အမှန်တကယ် ကိုက်ညီခြင်း ရှိမရှိ ဆိုတာကတော့ မဝေးတော့တဲ့ ကာလမှာ အထင်အရှား မြင်ကြရတော့မှာပါ။

သတင်းမှတ်တမ်း ။ မူရင်း “ မိုးမခမျက်မှောက်ရေးရာ - ခွဲခြမ်းစိတ်ဖြာ


အပြည့်အစုံသို့ ...

Rest of your post

Real Mandalay Thar


Real Mandalay Thar from chanmyasoe on Vimeo.


မန္တလေး နှစ် ၁၅၀ ပြည့် ပွဲတော် အထိမ်းအမှတ်ပွဲတွင် တစ်ခန်းရပ်ပြဇာတ်အဖြစ် တင်ဆက်ခဲ့သော မန္တလေးသား စစ်စစ်ကြီး တစ်ခန်းရပ်ပြဇာတ်။

“ ဒီတခန်းရပ်ပြဇတ်လေးက မြန်မာ့ယဉ်ကျေးမူ သမိုင်းဝင် အမွေအနှစ်ရှိရာ မန္တလေးမြို့ တော်ကြီးအား နိူင်ငံခြားသား ၀င်ရောက် လွမ်းမိုးသွားသည့် အခြေအနေကို ထင်ဟပ်ပေါ်လွင်စေသည့်အတွက် အလွန်ပဲ စိတ်မကောင်းဖြစ်မိပါတယ် ”

ဗီဒီယို မှတ်တမ်း ။ မူရင်း vimeo.com , by chanmyasoe

မြန်မာပြည်ကိုလွမ်းသည်။

မိမိချစ်သော အမိမြေကို အကြောင်းအမျိုးမျိုးကြောင့် ခွဲနေကြသူများအတွက် အမိမြေအမှတ်တရ . . .Youtube ရုပ်သံ( pukiw2h )

Saturday, March 20, 2010

ဆန္ဒပြသူများ နယူးဒေလီ မြန်မာသံရုံးကို တိုက်ခိုက် ။

19 March 2010


မတ်လ ၁၉ ရက်နေ့က အိန္ဒိယနိုင်ငံ (India) နယူးဒေလီမြို့ (New Delhi) မှာရှိတဲ့ မြန်မာသံရုံးကို မြန်မာ့အရေး လှုပ်ရှားဆောင်ရွက်သူတွေက ဆန္ဒပြရင်း သံရုံးဝန်းတံခါးနဲ့ နံရံတွေကို ဆေးသုတ်ပြီး ဖျက်ဆီးခဲ့ပါတယ်။ နိုင်ငံရေးအကျဉ်းသားတွေကို လွှတ်ပေးဖို့နဲ့ မတရားတဲ့ ရွေးကောက်ပွဲ ဥပဒေကို ရုတ်သိမ်းပေးဖို့ ဆန္ဒပြသူတွေက တောင်းဆိုခဲ့ကြတာပါ။ မြန်မာသံရုံးကို တိုက်ခိုက်ခဲ့တဲ့အတွက် ဆန္ဒပြသူ လူငယ် (၇၀) နီးပါးကို လုံခြုံရေးတပ်ဖွဲ့ဝင်တွေက ထိမ်းသိမ်းခဲ့ပါတယ်။ အပြည့်အစုံကို မအေးသန္တာကျော်, က တင်ပြထားပါတယ်။



PNS-Japan
သတင်း ဗီဒီိယို မှတ်တမ်း ။ VOA News


အန်အယ်ဒီ နှစ်ခြမ်းကွဲမှာ စိုးရိမ်မှုများ ထွက်ပေါ် ။


ဖနိဒါ သောကြာနေ့၊ မတ်လ ၁၉ ရက် ၂၀၁၀ ခုနှစ် ၂၀ နာရီ ၁၄ မိနစ်

ချင်းမိုင် (မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ် အနေဖြင့် ပြန်လည် မှတ်ပုံတင်သင့်၊ မတင်သင့် အဆုံးဖြတ်မှသည် ပါတီနှစ်ခြမ်းကွဲသွားမည့် အရေး စိုးရိမ်ပူပန်မှုများ ထွက်ပေါ်လာနေသည်။

အဓိက အတိုက်အခံပါတီကြီး၏ ဥက္ကဌ ဦးအောင်ရွှေက ယခုလ ၁၅ ရက်နေ့တွင် ရန်ကုန်မြို့ ရွှေဂုံတိုင်လမ်းရှိ ပါတီဌာနချုပ်တွင် ပါတီဆက်လက်ရှင်သန်နိုင်ရေးအတွက် ရွေးကောက်ပွဲကော်မရှင်တွင် မှတ်ပုံတင်ဖို့ စဉ်းစားရန် အဆိုပြုခဲ့သည်။

မှတ်ပုံတင်ခြင်းမှသည် ရွေးကောက်ပွဲ ဝင်ပြိုင်သင့် မပြိုင်သင့် ပါတီဝင်ခြင်း အကြိတ်အနယ် ဆွေးနွေးပွဲများက ပါတီအောက်ခြေတွင်လည်း ဖြစ်ပေါ်ခဲ့သည်။

“ဝင်ရေး၊ မဝင်ရေးမှာဘဲ နှစ်ခြမ်းကွဲသွားနိုင်တယ်။ နအဖနဲ့လည်း ညှိရမယ်။ ကိုယ့်အချင်းချင်းလည်း ညှိယူရမယ်။ ခေါင်းဆောင်ပိုင်းတွေက မှန်မှန်ကန်ကန် ဆုံးဖြတ်နိုင်ပါစေလို့ ယုံကြည်တယ်” ဟု ပဲခူးတိုင်း အမျိုးသမီးလုပ်ငန်းအဖွဲ့ အတွင်းရေးမှူး ဒေါ်ခင်ညွှန့်မူက ပြောသည်။

သူမကတော့ ရွှေဂုံတိုင် ကြေညာစာတမ်းကို ထောက်ခံသူဖြစ်ကြောင်း ပြောသည်။

အန်အယ်ဒီတွင် ပါတီဝင်ဦးရေ ၁၂ သန်းကျော်ရှိသည်ဟု ပါတီပြန်ကြားရေးဌာနက မဇ္ဈိမကို ပြောသည်။ မတ်လ ၁၇ ရက်နေ့မှသည် ရက်ပေါင်း ၆ဝ အတွင်း လက်ရှိ နိုင်ငံရေးပါတီများလည်း အသစ်ထူထောင်မည့် ပါတီများနည်းတူ မှတ်ပုံတင်ရန် ကော်မရှင်က ထုတ်ပြန်သော နိုင်ငံရေးပါတီများ မှတ်ပုံတင်ခြင်းအက်ဥပဒေတွင် ဖော်ပြထားသည်။ လက်ရှိတွင် ၁၉၉ဝ ခုနှစ် ရွေးကောက်ပွဲမှသည် ကျန်ရစ်သော နိုင်ငံရေးပါတီ ၁ဝ ခုရှိရာ အန်အယ်ဒီလည်း ပါဝင်သည်။

အင်းစိန်ထောင်တွင်းမှ သန္ဓေတည်ခဲ့သော ဒီမိုကရေစီလိုလားသော အတိုက်အခံများ၏ ရပ်တည်ချက်မှာ အန်အယ်ဒီ၏ ရပ်တည်ချက်ဖြစ်လာခဲ့ပြီး ရွှေဂုံတိုင်ကြေညာစာတမ်းဟူ၍ ခေါ်တွင်ခဲ့သည်။

ရွှေဂုံတိုင်စာတမ်းတွင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွှတ်ပေးရန်၊ ၂ဝဝ၈ ခုနှစ် ဖွဲ့စည်းပုံ အခြေခံ ဥပဒေအား ပြန်လည် ပြင်ဆင်ရန်၊ ၁၉၉ဝ ရွေးကောက်ပွဲ ရလဒ်ကို တစုံတရာ အသိအမှတ်ပြုရန်နှင့် အမျိုးသားပြန်လည် သင့်မြတ်ရေးအတွက် တွေ့ဆုံဆွေးနွေးပွဲများ ကျင်းပရန် စစ်အစိုးရကို တောင်းဆိုထားသည်။

၁၉၉ဝ ခုနှစ်များ အစောပိုင်းကာလက ထောင်တွင်း နိုင်ငံရေးအကျဉ်းသားများအကြား အကြိတ်အနယ်ဆွေးနွေးပြီး စု-လွှတ်-တွေ့ ဆိုသော နိုင်ငံရေး ရပ်တည်ချက်မူကို သဘောတူညီမှု ရခဲ့ကြသည်။

ဒေါ်စုနှင့် နိုင်ငံရေးအကျဉ်းသားများ ခြွင်းချက်မရှိလွှတ်ပေးရန်၊ ၉ဝ ခုနှစ်ရွေးကောက်ပွဲက ရွေးချယ် တင်မြှောက်လိုက်သော ပါလီမန်အမတ်များ လွှတ်တော်ခေါ်ယူရန်နှင့် ဒီမိုကရေစီ အတိုက်အခံ အင်အားစုပါတီ ၁ဝဝ ကျော်က လုပ်ခွင့်အာဏာအပ်နှင်းထားသော ပုဂ္ဂိုလ်နှင့် စစ်အစိုးရဘက်မှ အဆုံးဖြတ်ပေးနိုင်သူ ပုဂ္ဂိုလ်တို့ တွေ့ဆုံဆွေးနွေးရန်ဖြစ်သည်။

ပါတီဗဟိုအလုပ်မှုဆောင်အဖွဲ့ဝင်တဦးဖြစ်သူ ဦးခင်မောင်ဆွေကမူ အချုပ်နှောင်ခံနေရသော ဒေါ်အောင်ဆန်းစုကြည် လွတ်မြောက်လာပါက ပါတီရှိနေမှ နိုင်ငံရေးစင်မြင့်ပေါ် ဆက်လက်ဦးဆောင်နိုင်မှာဖြစ်၍ မှတ်ပုံတင်သင့်သည်ဟု ပြောသည်။

“ဝင်ရေး မဝင်ရေး ယတိပြတ် မစဉ်းစားသေးသော်လည်း ပါတီပြန်လည်တည်ထောင်ရေးက သိပ်ကို အရေးကြီးတဲ့အချိန် ဖြစ်နေတယ်။ ဒါကြောင့်မို့လို့ ဒေါ်စုနဲ့ ကျနော်တို့ တထပ်တည်းရှိတယ်ဆိုတာကို လက်ခံရင် ပါတီရှိနေဖို့ လိုတယ်။ ဒေါ်စုပြန်လာရင် သူပြန်ရောက်လာမှာပါ” ဟု ဦးခင်မောင်ဆွေက ပြောသည်။

ပါတီထိပ်ဆုံးခေါင်းဆောင် အဖွဲ့ဝင် ၂ဝ ဦးပါ ဗဟိုအလုပ်မှုဆောင်အဖွဲ့တွင်လည်း ဥက္ကဌ ဦးအောင်ရွှေ၊ ဦးခင်မောင်ဆွေ၊ ဒေါက်တာသန်းငြိမ်းတို့ခေါင်းဆောင်သော အစုက တဖွဲ့ဖြစ်ပြီး ဦးဝင်းတင်၊ ဦးဥာဏ်ဝင်း၊ ဦးအုန်းကြိုင်တို့ ခေါင်းဆောင်သော အဖွဲ့က တဖွဲ့ဟူ၍ သဘောထားများ ကွဲပြားနေကြသည်ဟု ပါတီတွင်းသတင်းရပ်ကွက်များက ပြောသည်။

ဗဟိုအလုပ်မှုဆောင်ကော်မတီက ဆုံးဖြတ်ချက်မချနိုင်ဖြစ်နေသော ပါတီရှေ့ရေးအတွက် မတ်လ ၂၉ ရက်နေ့တွင် အဖွဲဝင် ၁ဝဝ ပါ ဗဟိုဦးစီးအဖွဲ့က ဆွေးနွေးဆုံးဖြတ်ကြရန် ရက်သတ်မှတ်ထားသည်။ ဗဟိုဦးစီးအဖွဲ့ဝင် ၁ဝ ဦးမှာ အကျဉ်းကျနေဆဲ နိုင်ငံရေးအကျဉ်းသားများဖြစ်သည်။

နှစ်ပေါင်း ၂ဝ ကျော်ကြာ ရပ်တည်နေခဲ့သည့် ပါတီ အဖွဲ့ချုပ်ခေါင်းဆောင်များက ရွေးကောက်ပွဲ ဝင်မည်ဆိုပါက လုံးဝ ရှုတ်ချကြောင်း မကွေးတိုင်းအမျိုးသမီးလုပ်ငန်းအဖွဲ့မှ တာဝန်ခံ ဒေါ်ခင်စောဌေး ကပြောသည်။

“စီစီကို အရေးတကြီးဖွဲ့လိုက်တဲ့ ရည်ရွယ်ချက်တချို့ကို အန်တီတို့က စိုးရိမ်တယ်။ ရွေးကောက်ပွဲ ဝင်ဖို့ မဝင် ဆုံးဖြတ်ဖို့ မဲခွဲတဲ့အခါမှာ စီစီတိုင်းက သတ္တိရှိဖို့ လိုတယ်။ သူတို့က အဖမ်းခံရမှာ ကြောက်ပြီး ရွေးကောက်ပွဲဝင်တဲ့ဘက် မဲပေးမှာ အန်တီက ကြောက်နေတာ။ စစ်အာဏာရှင်စနစ် မပေါ်ပေါက်ရေး အတွက် အန်တီတို့ကတော့ ရှုံ့ချတာဘဲ” ဟု သူက ပြောသည်။

ယနေ့တွင် မန္တလေးတိုင်း မိတ္ထီလာမြို့နယ် အန်အယ်ဒီအဖွဲ့ဝင်များက ပါတီအနေဖြင့် မှတ်ပုံတင်ရေး မတင်ရေးကို လျို့ဝှက်မဲပေးသည့် စနစ်ဖြင့် မဆုံးဖြတ်ဘဲ ဗြောင်မဲပေးသည့်စနစ် ကျင့်သုံးဖို့လိုသည်ဟု ဗဟိုသို့ စာရေးသားပေးပို့လိုက်သည်။

“နိုင်ငံရေး ရပ်တည်ချက်ကို လုပ်ဆောင်ချက်က ပြတ်ပြတ်သားသား ပေါ်တင် ဆန္ဒထုတ်ဖော်ပါ။ ပြောင်ပြောင်တင်းတင် ပြောဆိုဖို့ တောင်းဆိုမယ်။ ” ဟု ပါတီဝင် ဒေါ်မြင့်မြင့်အေးက ပြောသည်။
သူမမှာ ပါတီတွင်း စည်းကမ်းဖောက်ဖျက်မှုကြောင့် ဖေဖော်ဝါရီလအတွင်းက သာမန်ပါတီဝင်အဖြစ်သို့ အဆင့်လျော့ခံထားရသူဖြစ်သည်။

လက်ရှိကြုံတွေ့နေရသော ပါတီအကြပ်အတည်းသည် ယခင် ဗဟိုအလုပ်မှုဆောင်အဖွဲ့က ကြိုတင်ပြင်ဆင်မှု မလုပ်ခဲ့ခြင်းကြောင့်ဟု သူမက အပြစ်တင်လိုက်သည်။

မကြာမှီ နေအိမ်အကျယ်ချုပ်မှ လွတ်မြောက်လာသည့် ပါတီ ဒုဥက္ကဌ ဦးတင်ဦး၏ ပါတီ မှတ်ပုံတင်ရေး မတင်ရေး ရပ်တည်ချက်နှင့်ပတ်သက်၍ လူသိရှင်ကြား ထုတ်ပြန်မှုမရှိသေးသော်လည်း ပြန်လွတ်ခါစက ဒေါ်အောင်ဆန်းစုကြည်၏ ဦးဆောင်မှုအောက်၌ ရပ်တည်မည်ဟု ထုတ်ဖော်ပြောဆိုခဲ့သလို ရပ်တည်ချက် ကွဲပြားနေသော ဘက်နှစ်ဘက်လုံးနှင့် ရင်းနှီးသူလည်းဖြစ်သည်။

ရွေးကောက်ပွဲ ဥပဒေသည် ရှက်ဖွယ်ကောင်းလှကြောင်းနှင့် ပါတီကို စိန်ခေါ်လိုက်ခြင်းဖြစ်ကြောင်း ဒေါ်အောင်ဆန်းစုကြည်က မကြာသေးခင်က သူမ၏ ရှေ့နေများမှတဆင့် ထုတ်ဖော်ပြောကြားထားသည်။
ရွေးကောက်ပွဲဥပဒေက ထောင်ကျခံနေသူကို ပါတီဝင်အဖြစ် လက်မခံရန် ကန့်သတ်ထားသည်။

မမျှော်လင့်ထားသည့် အမေရိကန်က ရေကူး၍ ခြံဝင်းအတွင်း ဝင်ရောက်မှုကို ယာယီခိုလှုံခွင့်ပေးရာက နေအိမ်အကျယ်ချုပ် စည်းကမ်းချိုးဖောက်သည်ဆိုကာ ထောင် ၃ နှစ် အပြစ်ပေးပြီးမှ ဗိုလ်ချုပ်မှူးကြီးသန်းရွှေက လျော့ပေါ့ပေးမှုဖြင့် ထက်ဝက်ကို ဆိုင်းငံ့ထားပြီး ကျန် ၁၈ လကို နေအိမ်တွင် ချုပ်နှောင်ရန် ပြင်ဆင်အမိန့်ချခဲ့သည်။

ဒေါ်အောင်ဆန်းစုကြည်သည် ထောင်ကျခံနေရသူ မဟုတ်ဆိုသော ငြင်းခုံမှုအချို့တော့ရှိနေသည်။

မြန်မာနိုင်ငံ အကျဉ်းထောင်များတွင် အန်အယ်ဒီပါတီဝင် ၄၃ဝ ကျော်အပါအဝင် နိုင်ငံရေးအကျဉ်းသား ၂၁ဝဝ ကျော်ရှိနေသည်။

နိုင်ငံရေးပါတီများမှတ်ပုံတင်ခြင်း ဥပဒေအရ မှတ်ပုံပြန်တင်သည့် နိုင်ငံရေးပါတီများသည်၂ဝဝ၈ ဖွဲ့စည်းပုံ အခြေခံဥပဒေကို လက်ခံကာကွယ်ရန် ညွှန်ကြားထားသည်။


PNS-Japan
သတင်းမှတ်တမ်း ။ မူရင်း “ mizzimaburmese. News ”