Sunday, December 19, 2010

ရန်ကုန်မှာ တပ်မတော်သားတွေကို ပြည်သူဘက်ရပ်ပေးဖို့စာတွေကြဲချ

December 18th, 2010

ရန်ကုန်မြို့ မြောက်ဥက္ကလာပ ၆ ကွေ မှတ်တိုင်မှာ လိုင်းကားတ စီးပေါ်က တပ်မတော်ကို စည်းရုံးတဲ့စာတွေ ကြဲချ သွားတယ်လို့ သိရှိရပါတယ်။

စာထဲမှာပါဝင်တဲ့ အကြောင်းအရာ တွေကတော့ “စစ်သည်တော် အပေါင်းတို့ တိုင်းရင်းသာ ပြည်သူ များအပေါ် အနိုင်ကျင့် ကျူးကျော်သော ထိုးစစ်များကို စွန့်ခွာခဲ့ပါ။ စစ်အာဏာရှင် စစ်ကျွန်မှ ပြည်သူ စစ်သည်တော်အဖြစ် ဘက်ပြောင်း ခိုလှုံကြပါ” စတဲ့ စာသားများ ပါဝင်ပါတယ်။



စာတွေကို တွေ့တဲ့ အနီးအနားက လူတွေက ကောက်ဖတ်ကြပါတယ်။ နောက်ပိုင်း ရဲ တပ်ဖွဲ့ဝင်တွေပါ ကောက်ဖတ်နေကြတယ်လို့ တွေ့ရှိသူတဦးက ပြောပြပါတယ်။

စာကိုဖတ်တဲ့ လူတချို့ကတော့ ဒီလိုစာတွေဖြန့်တာ ကောင်တယ်၊ ဒါမှ သူတို့တွေ အမြင် မှန်ရလာကြမယ် စတဲ့ မှတ်ချက်တွေကိုလည်း ပြောနေကြတယ်လို့ သိရှိရပါတယ်။

နအဖဟာ ၂၀၁၀ ရွေကောက်ပွဲပြီးနောက်ပိုင်း နယ်ခြားစောင့်လုပ်ခိုင်းလို့မရတဲ့ အပစ် ရပ်အဖွဲ့တွေရဲ့ နယ်မြေတွေကို ထိုးစစ်တွေဆင်ဖို့ စစ်ပြင်ဆင်မှုတွေရှိနေပါတယ်။ လက်ရှိမှာလည်း ၂၀၁၀ ရွေကောက်ပွဲနေကတည်းကစလိုက်တဲ့ ဒီအေဘီအေ အဖွဲ့နဲ့ နအဖ တိုက်ပွဲတွေဟာ ဒီနေ့အထိ တိုက်ပွဲတွေ တဖြည်းဖြည်းနဲ့ ပြန့်နှံ့ကျယ်ပြန့်လာ နေပါတယ်။

Copy from _ naytthit.net

0 comments: