Sunday, September 5, 2010

ကိုယ်စားလှယ်လောင်း စာရင်းက ပြောသော ရွေးကောက်ပွဲ

ထက်အောင် SATURDAY, SEPTEMBER 04, 2010

နိုဝင်ဘာလ ၇ ရက်နေ့တွင် ကျင်းပမည့် လွှတ်တော် ရွေးကောက်ပွဲများ အတွက် နိုင်ငံရေး ပါတီများမှ ကိုယ်စားလှယ်လောင်းများ တင်သွင်းခြင်း သြဂုတ်လ ၃၀ ရက်နေ့တွင် ပြီးဆုံးခဲ့ပြီဖြစ်သည်။ အလွန် တိုတောင်းသည့် အချိန်အကန့်အသတ်အတွင်း ပါတီများ ကိုယ်စားလှယ်လောင်း တင်သွင်းနိုင်မှု အခြေအနေက ရွေးကောက်ပွဲ၏ ပုံသဏ္ဌာန်ကို ပို၍ ပေါ်လွင်စေလာပါသည်။

ဧရာဝတီမှ ကောက်ယူရရှိသည့် စာရင်းများအရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP) နှင့် တိုင်းရင်းသား စည်း လုံးညီညွှတ်ရေးပါတီ (NUP)နှစ်ပါတီသာလျင် ပြည်သူ့လွှတ်တော်၊ အမျိုးသား လွှတ်တော်နှင့် ပြည်နယ်နှင့် တိုင်းဒေသကြီး လွှတ်တော်များတွင် နိုင်ငံတ၀န်းလုံး၌ ယှဉ်ပြိုင်နိုင်မည်ကိုတွေ့
ရ ပါသည်။

USDP နှင့်နီးစပ်သောအသိုင်းအ၀ိုင်းမှ ထွက်ပေါ်လာသည့် သတင်းများအဆိုအရ USDP သည် လွှတ်တော်အသီးသီးအတွက် တနိုင်ငံလုံးအတိုင်းအတာနှင့် နေရာမလပ် ၀င်ရောက်ယှဉ်ပြိုင်မည်ဖြစ်ပြီး ပါတီအနေနှင့် ကိုယ်စားလှယ်လောင်း ၁၁၀၀ ကျော် တင်သွင်းထားကြောင်း သိရပါသည်။

လွှတ်တော်အသီးသီး၏ မဲဆန္ဒနယ် အများစုတွင် USDP၏ အဓိကယှဉ်ပြိုင်ဖက် ဖြစ်လာမည့်ပါတီမှာ မြန်မာ့ဆိုရှယ်လစ် လမ်း စဉ်ပါတီကို အမွေခံထားသော၊ ၁၉၉၀ ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ်(NLD) ကို မဲအပြတ်အသတ်ဖြင့် ရှုံးနိမ့်ခဲ့သော NUP ဖြစ်ပါသည်။

“ပြည်သူ့လွှတ်တော် အတွက် ကျနော်တို့ပါတီက ကိုယ်စားလှယ်လောင်း ၂၉၄ ဦး၊ အမျိုးသားလွှတ်တော် အတွက် ၁၄၉ ဦးနဲ့ ပြည်နယ်နဲ့တိုင်း ဒေသကြီး လွှတ်တော်ကိုယ်စားလှယ်လောင်း ၅၃၇ ဦး ယှဉ်ပြိုင်ဖို့ စာရင်းတင်သွင်းထားပါတယ်။ အားလုံး စုစုပေါင်း ၉၈၀ ဖြစ်ပါတယ်”ဟု NUP ပါတီ၏ နိုင်ငံရေးဌာနကြီးမှူး ဦးအောင်ငွေ က ဧရာဝတီသို့ ပြောကြားပါသည်။

“ဒါတွေအားလုံးက ကျနော်တို့ အခုနောက်ဆုံး လက်ခံရရှိထားတဲ့ စာရင်းဖြစ်ပါတယ်။ ဝေးလံခေါင်းဖျားတဲ့ ဒေသတွေက ကိုယ် စားလှယ်လောင်း တင်သွင်းတဲ့ သတင်း အချက်အလက်တွေ ထပ်မံရရှိလာရင် ဒီထက်တိုးလာဖို့ ရှိပါတယ်”ဟု သူက ပြောပါ သည်။

USDP ကို လက်ရှိ စစ်အစိုးရ၏ ၀န်ကြီးချုပ်ရာထူး ယူထားသော ၀န်ကြီးချုပ် ဦးသိန်းစိန်က ခေါင်းဆောင်ပြီး NUP ကို မြန်မာ့ ဆိုရှယ်လစ် လမ်းစဉ်ပါတီခေတ်တွင် ဗိုလ်မှူးချုပ် အဆင့်ဖြင့် ဒုတိယ ကာကွယ်ရေးဦးစီးချုပ်(ကြည်း) တာဝန်ကို ထမ်းဆောင်ခဲ့ ဖူးသူ ဦးထွန်းရီ ဖြစ်ပါသည်။

ထို့အတွက်ကြောင့် USDP နှင့် NUP သည် ရွေးကောက်ပွဲတွင် ပြိုင်ဖက်ပါတီကြီး နှစ်ပါတီအဖြစ် ပေါ်ထွက်လာပါသည်။ ထိုပါတီ နှစ်ခုပြီးလျင် လွှတ်တော် ကိုယ်စားလှယ် တတိယ အများဆုံး တင်သွင်းနိုင်သော ပါတီမှာ အမျိုးသား ဒီမိုကရေစီ အင်းအား စု (NDF) ဖြစ်ပါသည်။

“ကျနော်တို့ပါတီအနေနဲ့ ပြည်သူ့ လွှတ်တော်အတွက် ၁၀၈ ဦး၊ အမျိုးသားလွှတ်တော်အတွက် ၃၄ ဦး နဲ့ ပြည်နယ်နဲ့တိုင်း ဒေသ ကြီး လွှတ်တော်အတွက် ၁၉ ဦး၊ စုစုပေါင်း ကိုယ်စားလှယ်လောင်း ၁၆၁ ဦး စာရင်း တင်သွင်းထားပါတယ်”ဟု ပါတီ ခေါင်း ဆောင် ဦးခင်မောင်ဆွေက ပြောပါသည်။

NDF ပါတီကို ခေါင်းဆောင်သူများသည် NLD ခေါင်းဆောင် ဒေါ်အောင်ဆန်းစုကြည်ကို လေးစားကြည်ညိုသော်လည်း NLD ပါတီက မှတ်ပုံမတင်ရေး၊ ရွေးကောက်ပွဲမ၀င်ရေး ဆုံးဖြတ်ခဲ့ခြင်းအပေါ် သဘောထားကွဲလွဲခဲ့ကြပြီး ပါတီမှ ခွဲထွက်လာကာ NDF ကို ထူထောင်ခဲ့ကြသူများ ဖြစ်ပါသည်။ NDF ပါတီက အဓိကအားထား ယှဉ်ပြိုင်မည့် ဒေသများမှာ ရန်ကုန်တိုင်းနှင့် မန္တလေးတိုင်း တို့ဖြစ်ပါသည်။

၎င်းပါတီ ၃ပါတီပြီးလျင် စတုတ္တမြောက် လွှတ်တော်ကိုယ်စားလှယ် အများဆုံး စာရင်း တင်သွင်းနိုင်သည့် ပါတီမှာ ရှမ်း တိုင်းရင်းသားများ ဒီမိုကရက်တစ်ပါတီ (SNDP) ဖြစ်ပါသည်။ SNDP သည် ရှမ်းပြည်နယ်လွှတ်တော်ကို အဓိကထားယှဉ်ပြိုင် မည်ဖြစ်ပြီး ရှမ်းပြည်နယ်နှင့် ကချင်ပြည်နည်အတွင်းရှိ ပြည်သူ့လွှတ်တော်နှင့် အမျိုးသားလွှတ်တော်တွင်လည်း ၀င်ရောက် ယှဉ်ပြိုင်မည် ဖြစ်ပါသည်။

ရှမ်းပါတီSNDP သည် လွှတ်တော်သုံးရပ်စလုံးတွင် ၀င်ပြိုင်မည်ဖြစ်ပြီး ပြည်သူ့ လွှတ်တော်တွင် ၄၅ ဦး၊ အမျိုးသားလွှတ်တော်၌ ၁၅ ဦး၊ ရှမ်းပြည်နယ်လွှတ်တော်တွင် ၉၇ ဦး စသည်ဖြင့် စုစုပေါင်း ၁၅၇ ဦး ပါဝင်ယှဉ်ပြိုင်သွားမည်ဟု ဗဟိုအလုပ်မှုဆောင် အဖွဲ့ဝင် ဦးစိုင်းလှကျော်က ပြောပါသည်။

ဝါရင့်နိုင်ငံရေးသမားကြီး ဦးသုဝေနှင့် ပါလီမန်ဒီမိုကရေစီခေတ် မြန်မာနိုင်ငံ၏ ၀န်ကြီးချုပ်နှင့် ၀န်ကြီးဟောင်းများ၏ သားသမီး များဦးဆောင်သည့် ဒီမိုကရက်တစ်ပါတီ (မြန်မာ)သည် လွှတ်တော်အသီးသီးအတွက် ကိုယ်စားလှယ်လောင်း ၅၀ တင် သွင်း နိုင်ခဲ့ပြီး ပဉ္စမမြောက် ကိုယ်စားလှယ်လောင်း အများဆုံး တင်သွင်းနိုင်သည့် ပါတီဖြစ်လာပါသည်။

တခြားတိုင်းရင်းသား ပါတီများသည် ၎င်းတို့ပြည်နယ်များရှိ ပြည်နယ်လွှတ်တော်များကို အဓိကထား ၀င်ရောက်ယှဉ်ပြိုင်ရန် ကိုယ်စားလှယ်လောင်း တင်သွင်းကြသည်ကို လေ့လာတွေ့ရှိရပါသည်။

ရခိုင်တိုင်းရင်းသားများ တိုးတက်ရေးပါတီက ကိုယ်စားလှယ်လောင်း စုစုပေါင်း ၄၅ ဦး တင်သွင်းခဲ့ရာ ရခိုင်ပြည်နယ်လွှတ်တော် အတွက် ၂၅ ဦး တင်သွင်းခဲ့ပါသည်။ ကရင်ပြည်သူ့ပါတီက ကိုယ်စားလှယ်လောင်းစုစုပေါင်း ၄၂ ဦးတင်သွင်းခဲ့ရာ တိုင်းဒေသ ကြီး အဆင့် လွှတ်တော်များတွင် အဓိကထားဝင်ရောက်ယှဉ်ပြိုင်ရန် ကိုယ်စားလှယ်လောင်း ၂၉ ဦး စာရင်းသွင်းထားပါသည်။ ၎င်းပါတီအနေနှင့် ရန်ကုန်တိုင်းနှင့် ဧရာဝတီတိုင်းကို အဓိကထား ၀င်ရောက်ယှဉ်ပြိုင်မည် ဖြစ်ပါသည်။

ချင်းတိုးတက်ရေးပါတီက ချင်းပြည်နယ်တွင် အဓိကထားဝင်ရောက်ယှဉ်ပြိုင်မည်ဖြစ်ပြီး ကိုယ်စားလှယ်လောင်း ၃၉ ဦး စာရင်း သွင်းထားပါသည်။ မွန်ဒေသလုံးဆိုင်ရာ ဒီမိုကရေစီပါတီကလည်း မွန်ပြည်နယ်ကို အဓိကထားပြီး ကိုယ်စားလှယ်လောင်း ၃၅ ဦး ယှဉ်ပြိုင်မည် ဖြစ်သည်။

စစ်အစိုးရ၏ အထောက်အပံ့ဖြင့် စီးပွားရေးပိတ်ဆို့မှုဆန့်ကျင်ရေး လှုပ်ရှားမှုများကို အဓိကထားလုပ်ဆောင်ခဲ့သူ ဦးအေးလွင် နှင့် ညီဖြစ်သူ ဦးရဲထွန်း တို့ခေါင်းဆောင်သည့် ပြည်ထောင်စုမြန်မာနိုင်ငံ အမျိုးသား နိုင်ငံရေးအဖွဲ့ချုပ်နှင့် ၈၈ မျိုးဆက် ကျောင်းသား လူငယ်များ(ပြည်ထောင်စုမြန်မာနိုင်ငံ)တို့က ကိုယ်စားလှယ်လောင်း စုစုပေါင်း ၄၅ ဦးနှင့် ၄၀ အသီးသီး စာရင်း တင်သွင်းခဲ့ ကြသည်။

“ကျနော်တို့ပါတီက ရန်ကုန်တိုင်းနှင့် မကွေးတိုင်းမှာ အဓိကထား ၀င်ရောက်ယှဉ်ပြိုင်မှာပါ။ ကော်မရှင်က ကိုယ်စားလှယ် လောင်း အမည်စာရင်း တင်သွင်းတဲ့ အချိန်ကို အလုံအလောက်မပေးတော့ ကျနော်တို့လည်း အချိန်လုပြီး လုပ်ခဲ့ရတယ်။ မဟုတ်ရင် ဒီထက်ပိုပြီး စာရင်း တင်သွင်းနိုင်မှာပါ”ဟု ကိုအေးလွင်က ပြောပါသည်။

အောက်တွင် ဖော်ပြထားသည့် ပါတီများ၏ ကိုယ်စားလှယ်လောင်း တင်သွင်းမှု ဇယားကွက်ကို လေ့လာကြည့်လျင် USDP နှင့် NUP ကလွဲလျင် တိုင်းရင်းသားပါတီများဖြစ်ကြသော ရှမ်း၊ ရခိုင်၊ ကရင်၊ မွန်နှင့် ချင်း တို့သည် ၎င်းတို့ဒေသများ တွင်သာ လွှတ်တော် အသီးသီးအတွက် ၀င်ရောက်ယှဉ်ပြိုင်ကြသည်ကို တွေ့ရသည်။ ထိုသို့ဝင်ရောက်ယှဉ်ပြိုင်ရာတွင်လည်း သက်ဆိုင် ရာ ပြည်နယ်လွှတ်တော်တွေကို အဓိကထားယှဉ်ပြိုင်ကြပြီး ပြည်သူ့လွှတ်တော်နှင့် အမျိုးသားလွှတ်တော်များတွင် ၀င်ရောက် ယှဉ်ပြိုင်မှု အားနည်းသည်ကို တွေ့ရပါသည်။

ရန်ကုန်မြို့တွင် အဓိကအခြေစိုက်ပြီး မြန်မာတနိုင်ငံလုံးတွင် ၀င်ရောက်ယှဉ်ပြိုင်ရန် မြန်မာများ ဦးဆောင်ဖွဲ့စည်းခဲ့သော ဒီမို ကရေစီ ပါတီများ၏ ပြည်နယ်များထက် တိုင်းများကို ပစ်မှတ်ထားကြသော်လည်း အများအားဖြင့် တိုင်း ၂ တိုင်းလောက်ကိုသာ အဓိကထား ၀င်ရောက်ယှဉ်ပြိုင်နိုင်သည်ကို တွေ့ရသည်။

ဒီမ်ုကရေစီပါတီများ ၀င်ရောက်ယှဉ်ပြိုင်သည့် တိုင်းများမှာ ရန်ကုန်တိုင်း၊ မန္တလေးတိုင်း၊ မကွေးတိုင်းနှင့် ပဲခူးတိုင်းတို့ ဖြစ်ကြပါ သည်။ ထို့ကြောင့် ကျန် တိုင်းနှင့်ပြည်နယ် ၁၀ ခုတွင် USDPနှင့် NUP နှစ်ပါတီသာလျင် စီးချင်းထိုးမည့် ရွေးကောက်ပွဲ ဖြစ်လာ နိုင်ပါသည်။

သို့ရာတွင် ပြည်နယ်များတွင် ထို ၂ ပါတီက အဓိကထားရင်ဆိုင်မည်မှာ သက်ဆိုင်ရာပြည်နယ်များရှိ တိုင်းရင်းသားပါတီများ ဖြစ်ပြီး ပြည်နယ်လွှတ်တော်အတွက် ပြိုင်ဆိုင်မှုသည် ပိုပြီး ပြင်းထန်ပါလိမ့်မည်။

ယခုလောလောဆယ် ဧရာဝတီမှ ကောက်ယူရရှိထားသော ပါတီ ၂၀ ၏ ကိုယ်စားလှယ်လောင်း တင်သွင်းမှု အခြေပြ ဇယား တွင် ပါဝင်သော ကိန်းဂဏန်းများသည် နောက်ပိုင်းတွင် အပြောင်းအလဲများ ရှိလာနိုင်ပါသည်။

နိုင်ငံရေးပါတီများ လွှတ်တော်အသီးသီးအတွက် ကိုယ်စားလှယ်လောင်းတင်သွင်းနိုင်မှု အခြေပြဇယား
Document 1
Copy from _ irrawaddy.org

0 comments: