ကောင်းကင်ပေါ်ကကြေငြာချက်များ

ရန်ကုန်မှာ ဒီမနက် ၆:၃၀ လောက်က သာသနာ့အလံတွေ နေရာတော်တော် များများက တက်လာ ပြီး အလံရဲ့ အလည်မှာ ကြေငြာချက်တွေပါတယ်သိရပါတယ်။အောက်တွင်ဖေါ်ပြထားသော ကြေငြာချက်များမှာ အစုံအလင်မဟုတ်ပါ။ရသလောက်သာဖေါ်ပြခြင်းဖြစ်ပါသည်။

်

ခေတ္တဂျပန်ရောက်အရှင်ထာဝရ(စက်တင်ဘာထာဝရ)ထံမှကူးယူဖေါ်ပြပါသည်။

မြန်မာရွေးကောက်ပွဲ ရေဒီယိုစကားဝိုင်း အင်ဒိုနီးရှားမှာ တိုက်ရိုက်ထုတ်လွှင့်

မြန်မာစစ်အစိုးရ ကျင်းပသော ၂၀၁၀ ရွေးကောက်ပွဲကို လက်ခံသင့်သည် ဆိုသည့်ဘက်မှ ဆွေးနွေးခဲ့သော ဥရောပ- မြန်မာရုံး ညွှန်ကြားရေးမှူး ဦးဟန်ညောင်ရွှေ။

(Photo: RFA)

2010-09-29

အင်ဒိုနီးရှားနိုင်ငံ ဂျာကာတာ မြို့တော်မှာ အခြေစိုက်တဲ့ ရေဒီယို KBR 68 လို့ အမည်ပေးထားတဲ့ FM ရေဒီယိုကနေ မြန်မာ ရွေးကောက်ပွဲနဲ့ ဆိုင်တဲ့ ဆွေးနွေးပွဲ စကားဝိုင်း အစီအစဉ်တခု ဒီကနေ့ တိုက်ရိုက် ထုတ်လွှင့်ခဲ့ပါတယ်။

အဲဒီအသံလွှင့် အစီအစဉ်မှာ ရွေးကောက်ပွဲ လက်သင့်ခံသင့် မခံသင့် အကျယ်အပြန့် ဆွေးနွေးခဲ့ကြတယ်လို့ ပါဝင်ဆွေးနွေးသူတဦး ဖြစ်တဲ့ ပြည်ပအခြေစိုက် မြန်မာနိုင်ငံ ဒီမိုကရက်တစ် အင်အားစုရဲ့ နိုင်ငံခြားရေးရာတာဝန်ခံ မခင်ဥမ္မာက ပြောပါတယ်။

“အဓိက ရွေးကောက်ပွဲနဲ့ ပတ်သက်ပြီးတော့မှ ပြည်တွင်းပြည်ပ ဒီမိုကရေစီနဲ့ တိုင်းရင်းသား အခွင့်အရေး လှုပ်ရှားနေတဲ့သူတွေ NLD နဲ့ တခြား ၉၀ ရွေးကောက်ပွဲ အနိုင်ရ ပါတီတွေနဲ့ အခု အားလုံးကနေပြီးတော့မှ ရွေးကောက်ပွဲကို ကျွန်မတို့ သပိတ်မှောက်ကြတဲ့ ကိစ္စ၊ ဘာကြောင့် သပိတ်မှောက်ရသလဲ ဆိုတဲ့ ဥစ္စာကိုလည်း ဒီမှာ သေသေချာချာ ဆွေးနွေး တင်ပြတာမျိုး လုပ်နိုင်ခဲ့ပါတယ်။ ဆိုတော့ အဓိကကတော့ ရွေးကောက်ပွဲကို ဘာကြောင့် သပိတ်မှောက်လဲ၊ ပြီးသွားတော့ ရွေးကောက်ပွဲဟာ အခွင့်အလမ်းတခု ဟုတ်လား ဆိုတဲ့အပေါ်မှာ အခြေခံပြီးတော့ ဆွေးနွေးတာတွေ ရှိပါတယ်။”

မခင်ဥမ္မာနဲ့အတူ ပါဝင်သူတဦး ဖြစ်တဲ့ ဥရောပမြန်မာရုံး ညွှန်ကြားရေးမှူး ဦးဟန်ညောင်ရွှေကတော့ ရွေးကောက်ပွဲကို လက်ခံသင့်တယ်ဆိုတဲ့ဘက်က ဆွေးနွေးခဲ့တယ်လို့ သိရပါတယ်။ ဒီအစီအစဉ်မှာ အင်ဒိုးနီးရှား နိုင်ငံခြားရေးရာဌာနက အရာရှိတဦးလည်း ပါဝင်ဆွေးနွေးတယ်လို့ ဆိုပါတယ်။

ဆွေးနွေးပွဲအပြီး မြန်မာလူငယ်တွေဖွဲ့စည်းထားတဲ့ Generation Wave မျိုးဆက်သစ် အစည်းအရုံးက လူငယ်နှစ်ဦးရဲ့ ၂၀၀၇ ရွှေဝါရောင်တော်လှန်ရေးနဲ့ မြန်မာပြည် လွတ်မြောက်ရေး ဟစ်ဟော့သီချင်း ဖျော်ဖြေရေး အစီအစဉ် ကျင်းပခဲ့ပါတယ်။

FM ရေဒီယို KBR 68 ကို ၂၀၀၃ ခုနှစ်မှာ စတင် ထူထောင်ခဲ့ပြီး အင်ဒိုနီးရှားဘာသာနဲ့ ထုတ်လွှင့်ခဲ့ရာကနေ အခုလက်ရှိမှာ အင်္ဂလိပ်ဘာသာနဲ့ထုတ်လွှင့်ချက်တွေကို အာရှတိုက်တလွှားရှိ ရေဒီယိုအသံလွှင့်ဌာနပေါင်း ၂၈၀ ကနေ အာရှတိုက်သုံးစကား ၁၀ မျိုးနဲ့လည်း ဘာသာပြန်ဆို ထုတ်လွှင့်နေတယ်လို့ သိရပါတယ်။

သတင်းရင်းမြစ် ။ rfa.org

အပစ်ရပ် “၀”နှင့် နအဖတို့ စစ်ဖြစ်မည့် အနေအထားသို့ မရောက်သေး

ဗုဒ္ဓဟူးနေ့၊ စက်တင်ဘာလ 29 ရက် 2010 ခုနှစ်

နယ်ခြားစောင့်တပ် လက်မခံသော အပစ်ရပ် “၀” ပြည်သွေးစည်း ညီညွတ်ရေးပါတီ UWSP နှင့် ၎င်းအဖွဲ့ ခေါင်းဆောင်များ ပိုင်ဆိုင်သည့် ပစ္စည်းဥစ္စာများအား ရွှေ့ပြောင်းအပ်နှံသည့် အရေးပေါ် အနေအထား မတွေ့ရသဖြင့် “၀”နှင့် နအဖတို့ လတ်တလော စစ်ဖြစ်မည့် အရိပ်အယောင် မတွေ့ရဟု လေ့လာသူများက ယူဆကြသည်။

ဆက်ဖတ်ရန်

ဘုရားသုံးဆူ နယ်စပ်သို့ တက်လာသော စစ်ကြောင်း အပစ်ခတ်ခံရ .

ဗုဒ္ဓဟူးနေ့၊ စက်တင်ဘာလ 29 ရက် 2010 ခုနှစ်

ဗျုဟာမှူးတစ်ဦး အပါအဝင် ဘုရားသုံးဆူ နယ်စပ်သို့ တက်လာသော စစ်ကြောင်း တပ်ရင်း နှစ်ရင်းအား ယနေ့နံနက်ပိုင်း၌ မိမိတို့ ပြောက်ကျားပစ်ခတ်ခဲ့ကြောင်း KNU က ပြောသည်။

“အထိအခိုက် စာရင်းတွေ အတည်မပြုနိုင်သေးပါ၊ ကျနော်တို့ တပ်ဖွဲ့ ပစ်ခတ်တာကတော့ သေချာတယ်” ဟု တပ်မဟာ (၆) ပြန်ကြားရေးဌာန တာဝန်ခံ ဗိုလ်ကြီး စောထဲနေ ပြောပါသည်။

ဆက်ဖတ်ရန်

အင်တာနက် လူမှုကွန်ရက်တွေမှာ ဘာတွေ ရှောင်ရမလဲ

100928 Bty Bur Facebook

ပေးပို့သူ - ကိုမြင့်လှိုင် (Burma Today)
source:မျိုးချစ်မြန်မာ
ကိုမျိုးချစ်မြန်မာfacebookမှရယူပါသည်။

တိုင်းရင်းသားတပ်များ စစ်ရေးပူးပေါင်းရန် ဆွေးနွေး

KNPP စစ်ဦးစီးချုပ် ဗိုလ်ချုပ် ဘီထူး (ဓာတ်ပုံ - The Nation)

သန်းထိုက်ဦး Tuesday, September 28, 2010 .

စစ်အစိုးရကို တိုက်ခိုက်ဆဲ လက်နက်ကိုင် အဖွဲ့များနှင့် အပစ်ရပ် တိုင်းရင်းသား လက်နက်ကိုင် တပ်ဖွဲ့များသည် စစ်ရေး စွမ်းရည် မြှင့်တင်ရန်နှင့် နအဖ စစ်တပ်မှ တိုက်ခိုက်လာပါက အချင်းချင်း ကူညီရန် ထိုင်းနိုင်ငံမြောက်ပိုင်း ချင်းမိုင်မြို့ တနေရာတွင် တွေ့ဆုံဆွေးနွေးခဲ့ကြောင်း သတင်းရရှိသည်။

ဆွေးနွေးပွဲတွင် အပစ်အခတ် ရပ်စဲထားသော ကချင် လွတ်မြောက်ရေး အဖွဲ့ (KIO)၊ မွန်ပြည်သစ် ပါတီ (NMSP)၊ ရှမ်းပြည် တပ်မတော် မြောက်ပိုင်း (SSA-N)၊ ကရင်အမျိုးသား အစည်းအရုံး (KNU)၊ ချင်းအမျိုးသား တပ်ဦး (CNF) နှင့် ကရင်နီ အမျိုးသား တိုးတက်ရေးပါတီ (KNPP) တို့ ပါဝင်ကြောင်း သိရသည်။

ဆက်ဖတ်ရန်

ဂျပန်နိုင်ငံတွင် အခြေချနေထိုင်ခွင့်ရသော ဒုက္ခသည် မိသားစုများ ရောက်ရှိလာ

ယနေ့ (၂၈-၀၉-၂၀၁၀)နေ့ နံနက် ၇း၂၅ နာရီတွင် ဂျပန်နိုင်ငံ တိုကျိုမြို့  နာရီတာလေဆိပ်သို့ဂျပန်ပန်အဲယား-JAL FLIGHT 718 ဖြင့် ထိုင်းနိုင်ငံမှ ကရင် ဒုက္ခသည်(၁၈) ဦးဆိုက်ရောက်လာခဲ့ပြီး လေဆိပ် အတွင်း ဂျပန် လဝက ဖြတ်ခြင်း ခေတ္တအနားယူခြင်းနှင့် ကလေးငယ်များ နေမကောင်းဖြစ်နေ၍ လေဆိပ်ဆေးခန်းတွင် ကလေးငယ်များအား ဆေးကုသမှုများ ခံယူပြီး နောက် မနက်(၉)နာရီတွင် လေဆိပ် အပြင်သို့ ထွက်လာခဲ့ကြရာ ဂျပန်နိုင်ငံရောက် ကရင်တိုင်းရင်းသား ဒုက္ခသည်(၃၀)ခန့် နှင့် ဂျပန်နိုင်ငံရောက် မြန်မာနိုင်ငံသား ဒီမိုကရေစီရေး လှုပ်ရှားသူ(၁၀) ဦးခန့် စုစုပေါင်း(၄၀) ကျော်မှ ကရင်ဘာသာ ဆိုင်းဘုတ်များ မြန်မာ အင်္ဂလိပ် နှစ်ဘာသာပါ မြန်မာစစ်အစိုးရ၏ ရက်စက်မှုကြောင့် ထွက်ပြေး လာရသော ဒုက္ခသည်များအား ဂျပန်နိုင်ငံမှ နွေးထွေးစွာ ကြိုဆိုပါသည်။

Refugees from Burma (Myanmar) under the junta are warmly welcome to Japan ဟူသော ဆိုင်းဘုတ်များ ကိုင်ဆောင်၍ ကြိုဆိုခဲ့ကြပါသည်။ ယနေ့ ဆိုက်ရောက်ရန် ရည်ရွယ်ထားသည်မှာ (၂၇) ဦး ဖြစ်သော်လည်း ကလေးငယ်များ နေမကောင်း ဖြစ်နေသောကြောင့် မဲဆောက်တွင် မိသားစုတစ်စု နှင့် ဘန်ကောက်တွင် မိသားစုတစ်စု ကျန်ရစ်နေခဲ့ပြီး People forum of Burma မှ Yamamoto San က ပြောပြသည်မှာ အဆိုပါ ကျန်နေခဲ့သော မိသားစုနှစ်စုမှာ မိမိ ထိုင်းနိုင်ငံသို့ သွားရောက်ခဲ့စဉ် ကသိရှိ မိတ်ဆွေ ဖြစ်ခဲ့သူများ ဖြစ်ကြောင်းနှင့် မိမိအနေဖြင့် ယနေ့ အဆိုပါ မိသားစုများနှင့် ပြန်လည် တွေ့ဆုံရန် အားခဲပြီးဘ ကြိုးစားလာခဲ့သော်လဲ ပါမလာ၍ အလွန် စိတ်မကောင်းဖြစ်မိပါကြောင်း ပြောကြားခဲ့ပါသည်။

လေဆိပ် အပြင်ဘက် ဘတ်စ် ကားပေါ်မတက်ခင်တွင် သတင်းစာ ရှင်းလင်းပွဲပြုလုပ်ခဲ့ရာ ပထမဦးစွာ

ဂျပန် နိုင်ငံခြားရေးဝန်ကြီးဌာနမှ အရာရှိတစ်ဦး က ရှင်းလင်းပြောကြားခဲ့ပြီး ပြန်လှန် မေးခွန်းထုတ်ခြင်းများ ပြုလုပ်ခဲ့ပြီး ယနေ့ ရောက်ရှိလာသော ဒုက္ခသည်များထဲမှ ကရင်လူငယ်တစ်ဦးနှင့် ကရင် အမျိုးသမီးငယ် တစ်ဦး တို့ နှင့်လည်း မိတ်ဆက် ပေးခြင်းကို ပြုလုပ်ခဲ့ပါသည်။

ယနေ့ နေ့ လည် (၃)နာရီခန့် မှစတင်၍ TBS News Birds တွင် UNHCR ညွှန်ကြားရေးမှူးချုပ် ဂျပန်လူမျိုး

မစ္စတာတာ ကီဂါဝါ မှရှင်းလင်း တင်ပြရာတွင်လည်း ဂျပန်နိုင်ငံသည် UNHCR မှတဆင့် ဒုက္ခသည်များ အတွက် ဒေါ်လာသန်း ပေါင်းများစွာ နှစ်စဉ် ပေးအပ်ခဲ့သော်လည်း ကမ္ဘာ့နိုင်ငံအများစု က ဂျပန်နိုင်ငံသည် ဒုက္ခသည်များကို လက်ခံလိုစိတ်မရှိ၍  ၄င်းအစားငွေများစွာ ပေးအပ်နေခြင်းဖြစ်ကြောင်း ရှုမြင်ပြီး မိမိ နိုင်ငံခြားတွင် UNHCR ဝန်ထမ်းအဖြစ် သွားရောက်လုပ်ကိုင်စဉ် အထင်သေးသော မျက်လုံးဖြင့် အကြည့်ခံခဲ့ရ၍ မိမိအနေဖြင့် အလွန် စိတ်မကောင်း ဖြစ်မိပါကြောင်း။ ယခုအခါ မြန်မာနိုင်ငံမှ ဒုက္ခ

သည်များကို မိမိတို့ ဂျပန်နိုင်ငံမှ စတင်လက်ခံခဲ့ရာ အာရှတိုက်မှ ဒုက္ခသည်များကို အာရှတိုက် နိုင်ငံတစ်နိုင်ငံက ပထမဦးဆုံး စတင် လက်ခံခဲ့ခြင်းဖြစ်ပြီး မိမိအနေဖြင့် အလွန်ဝမ်းမြောက် ဝမ်းသာ ဖြစ်မိပါကြောင်းနှင့် အမေရိကန်ပြည်ထောင်စု အနေနှင့် နှစ်စဉ် ဒုက္ခသည် သောင်းနှင့်ချီ၍ လက်ခံနေရာ အဆိုပါ အရေအတွက်နှင့် နှိုင်းယှဉ် ပါက ဂျပန်နိုင်ငံက လက်ခံသော ဒုက္ခသည် အရေအတွက်မှာ အလွန်နဲ နေသေးကြောင်း ပြောကြားခဲ့ပါသည်။ ယခုမှစ၍ နိုင်ငံခြားရှိ ဒုက္ခသည်များကို လက်ခံခြင်းနှင့် ဂျပန်နိုင်

ငံအတွင်း ဒုက္ခသည် လျှောက်ထားသူများကို ဒုက္ခသည်အဖြစ် လက်ခံခြင်း နှစ်မျိုးစလုံးကို အတူယှဉ်တွဲ၍ တိုးချဲ့ မြှင့်တင်သွားခြင်း ကိုပြုလုပ်ရမည် ဖြစ်ကြောင်း ပြောကြားသွားခဲ့ပါသည်။

ထို့ အပြင် ယနေ့ ရောက်ရှိလာသော ဒုက္ခသည်များ အများဆုံး စိုးရိမ်ပူပန်ကြသော အရာများမှာ ဂျပန်နိုင်ငံတွင် မည်ကဲ့သို့အသက်မွေးဝမ်းကြောင်း ပြုလုပ်ရမည်နည်း ဆိုသည်နှင့် ဂျပန်လူ့ အဖွဲ့ အစည်းအတွင်း မည်ကဲ့သို့ ဝင်ဆန့်အောင် လုပ်ရမည်နည်း စသည်တို့ ဖြစ်ကြောင်း ပြောကြားသွားပါသည်။ ထို့ အပြင် ဂျပန်နိုင်ငံသို့  ရောက်ရှိလာသော ဒုက္ခသည်များကို မည်ကဲ့သို့ ကူညီထောက်ပန့်မည်လဲ ဟူသော မေးခွန်းကို ပြန်လည် ဖြေကြားရာတွင် ဂျပန်နိုင်ငံသည် ကမ္ဘာ့ ဒုက္ခသည်များအတွက် ငွေကြေး မြောက်မြားစွာ ထောက်ပန့် လျှက်ရှိရာ အဆိုပါထောက်ပန့် ငွေ၏ (၀.၁)ရာခိုင်နှုန်းကို အသုံးပြုလျှင် ပင် လုံလောက်သည်ဟု မိမိထင်မြင်ကြောင်းနှင့် ဂျပန်အစိုးရက အမှန်တကယ်ပန့် ပိုးသင့်ကြောင်း ပြောကြားသွား ပါသည်။

ယနေ့ ရောက်ရှိလာသော ကရင်ဒုက္ခသည် များအတွက် ကရင်ဘာသာစကားပြန်အဖြစ် ဂျပန်နိုင်ငံရောက် ကရင်ဒုက္ခသည် တစ်ဦးဖြစ်ပြီး မြန်မာ့ဒီမိုကရေစီရေးကို လုပ်ဆောင်လျှက်ရှိသော ကရင်အမျိုးသား နိုင်ငံရေးအဖွဲ့ အစည်းတစ်ခုဖြစ်သောKNL-JAPAN ခေါင်းဆောင် ကိုစောဘလှသိန်းမှ ဆောင်ရွက်ပေးခဲ့ပြီး ယနေ့ ရောက်ရှိလာသော ကရင်ဒုက္ခသည်များကို (၆)လ ကြာသင်တန်းအမျိုး ပေးမည်ဖြစ်ပြီး အဆိုပါ ကာလအတွင်း ပြင်ပသို့ အဆက်အသွယ် လုပ်ခွင့်ကိုကန့် သတ်ထားမည် ဖြစ်ပြီး သင်တန်းကာလ(၆) လအပြီးတွင် မိမိတို့ ကြိုက်နှစ်သက်သလို ဂျပန်နိုင်ငံတွင် နေထိုင် လုပ်ကိုင် စားသောက်နိုင်မည် ဖြစ်ကြောင်း ကိုစောဘလှသိန်းမှ တဆင့်သိရှိ ခဲ့ရပါသည်။ သို့ ဖြစ်ရာ ကရင်ဒုက္ခသည်များ မိမိတို့ ခြေထောက်ပေါ် မိမိတို့ ရပ်တည်နိုင်ရန် ဂျပန်နိုင်ငံရှိ မြန်မာနိုင်ငံသား ဒီမိုကရေစီရေး အင်အားစု များအနေဖြင့် မိမိတို့ တတ်အားသရွေ့ အကူအညီ ပေးရန်တာဝန်ရှိပေသည်။

မြန်မာနိုင်ငံ ၏ဒုက္ခသည် ပြဿနာမှာ မြန်မာနိုင်ငံ အတွင်းယနေ့ အုပ်ချုပ်နေသော စစ်အာဏာရှင်

စနစ်၏ နောက်ဆက်တွဲ ဆိုးကျိုးများဖြစ်ရာ အဆိုပါ မြန်မာပြည်တွင်းရှိ နိုင်ငံရေးပြဿနာကို ဖြေရှင်းရေးမှာ အဓိကနှင့် အခြေခံ အကြောင်း အရင်းဖြစ်ရာ မြန်မာနိုင်ငံအတွင်း စစ်မှန်သော နိုင်ငံရေး ပြုပြင် ပြောင်းလဲမှုများ ဖြစ်ရန်အတွက် ဂျပန်နိုင်ငံ အစိုးရအနေဖြင့် အမေရိကန် ပြည်ထောင်စု အပါအဝင် ကမ္ဘာ့ ဒီမိုကရေစီ နိုင်ငံများနှင့် အတူလက်တွဲ၍ မြန်မာ စစ်အာဏာရှင်များ အပေါ်ပိုမိုဖိအားပေး လုပ်ဆောင် သွားမှသာလျှင် မြန်မာနိုင်ငံ ပြည်သူများအပေါ် အမှန်တကယ် ကူညီရာရောက်မည် ဖြစ်ပေသည်။

သတင်းမှတ်တမ်းနှင့်ဝေဖန်ချက်။ ။ ဘုန်းလှိုင်-FWUBC
ဗွီဒီယို-ANNnewsCH
ဓါတ်ပုံ-FWUBC

ဂျပန်သို့အခြေချခွင့်ရသည့် ထိုင်းနယ်စပ်မှမြန်မာဒုက္ခသည်မိသားစု ၃ စုသာရောက်ရှိ

Tuesday, September 28, 2010

ဂျပန်အစိုးရနှင့် နိုင်ငံတကာရွှေ့ပြောင်းနေထိုင်ရေးအဖွဲ့(IOM)တို့၏ စီစဉ် ဆောင်ရွက်ပေးမှုဖြင့် တတိယနိုင်ငံ(ဂျပန်)တွင် အခြေချ နေထိုင်ခွင့်ရသော ထိုင်း-မြန်မာနယ်စပ် မယ်လဒုက္ခသည်စခန်းမှ မိသားစု ၅ စု(လူဦးရေစုစုပေါင်း ၂၇ ဦး)အနက် ၃ စုသာ ဂျပန်နိုင်ငံသို့ ပထမဦးဆုံး အသုတ်အနေဖြင့် ရောက်ရှိ မည်ဖြစ်ကြောင်း သိရှိရသည်။

ဂျပန်နိုင်ငံသို့ လာရောက်အခြေချနေထိုင်ခွင့်ရှိသော ကရင်မိသားစုများ(ဓါတ်ပုံ-မျိုးမြင့်ဆွေ)

မူလအစီအစဉ်အရ မိသားစု ၅ စုစလုံး လာရောက်ဖို့စီစဉ်ထားသော်လည်း၊ မိသားစု ၂ စုမှာ နေထိုင်မကောင်းဖြစ်နေသောကြောင့် တပါတည်းလိုက်ပါလာနိုင်ခြင်းမရှိပဲ ကျန်ရှိခဲ့ခြင်းဖြစ်ကြောင်း သွားရောက်ကြိုဆိုရေးအဖွဲ့တွင် ပါဝင်သူတစ်ဦးဖြစ်သည့် ကိုမျိုးမြင့်ဆွေ၏ ပြောပြချက်အရသိရှိရသည်။

ဂျပန်နိုင်ငံသို့ လာရောက်အခြေချနေထိုင်ခွင့်ရှိသော ကရင်မိသားစုများ(ဓါတ်ပုံ-မျိုးမြင့်ဆွေ)

ဂျပန်သို့ လာရောက် အခြေချ မည့်သူများမှာ မယ်လဒုက္ခ သည်စခန်းမှ ကရင် မိသားစုများဖြစ်ပြီး၊ အဆိုပါ မိသားစုများကို ဂျပန် အစိုးရပိုင်းမှ တာဝန်ရှိသူများကလည်း ကြိုဆိုကြမည်ဖြစ်သည်။

ဂျပန်နိုင်ငံသို့ လာရောက် အခြေချနေထိုင်ခွင့်ရှိသော ကရင်မိသားစုများနှင့် ကိုမျိုးမြင့်ဆွေ(အင်္ကျီပန်းရောင်နှင့် အိတ်ကိုင်ထားသူ)

ပထမဦးဆုံးအသုတ်အနေဖြင့် ရောက်ရှိလာမည့် မိသားစု ၃ စုသည် JAL လေကြောင်းလိုင်းဖြင့် ၇း၁၀ တွင် ဆိုက်ရောက်၍ ကြိုဆိုရေးအဖွဲ့ တာဝန်ခံများစီစဉ်ထားသည့်နေရာတွင် နေထိုင်ကြမည်ဖြစ်သည်။

အခြေချ နေထိုင်ခွင့်ရသည့် ကရင်ဒုက္ခသည် မိသားစုများ၏ စားဝတ်နေရေးအတွက် ဂျပန်အစိုးရမှ (၆) လ သာ တာဝန်ယူမည်ဖြစ်ပြီး သတ်မှတ်ကာလာကျော်သွားပါက မိမိ အစီအစဉ်ဖြင့် ဂျပန်တွင် ရပ်တည် သွားကြရမည် ဖြစ်သည်ဟု သိရှိရသည်။

သတင်းရင်းမြစ် - www.moethaukkye.co.cc

ရွေးကောက်ပွဲဝင်မည့်သူများ မျှော်လင့်ချက်မရှိဟု ဦးဝင်းတင် ပြောကြား

ရဲရင့် / ၂၇ စက်တင်ဘာ ၂၀၁၀

နအဖပြုလုပ်မည့် ၂၀၁၀ ရွေးကောက်ပွဲကို ၀င်ရောက်ယှဉ်ပြိုင်မည့်သူများသည် သားသတ်ရုံသို့ အပို့ခံရသည့်နွားများနည်းတူ မည်သည့်မျှော်လင့်ချက်မှ မရှိတော့ဟု အမျိုးသားဒီမိုကရေစီအဖွဲ့ချုပ် ခေါင်းဆောင်တဦးဖြစ်သူ ဦးဝင်းတင်က ယနေ့ကျရောက်သည့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) တည်ထောင်ခြင်း (၂၂) နှစ်ပြည့်အခမ်းအနားတွင် ပြောကြားလိုက်သည်။

ဆက်ဖတ်ရန်

့မြန်မာနိုင်ငံ ဆိုင်ရာ ဥရောပ ကွန်ယက် ဆွေးနွေးပွဲ

မြန်မာနိုင်ငံ ရှေ့နေများကောင်စီမှ ဦးအောင်ထူး

ဂရိနိုင်ငံ အေသင်မြို့မှာ နှစ်ရက်ကြာ ကျင်းပတဲ့ မြန်မာနိုင်ငံ ဆိုင်ရာ ဥရောပကွန်ယက် European Burma Network အစည်းအဝေး ဆုံဖြတ်ချက်ထဲမှာ လာမဲ့ မြန်မာ့ ရွေးကောက်ပွဲဟာ ဒီမိုကရေစီ ပြုပြင်ပြောင်းလဲရေး မဖြစ်နိုင်တဲ့အကြောင်း ဒါကြောင့်မို့ ဥရောပ သမဂ္ဂ အနေနဲ့ စစ်အစိုးရရဲ့ စစ်ရာဇာဝတ် ကျူးလွန်မှုတွေအပေါ် အရေးယူနိုင်ရေး အတွက် စုံစမ်းရေး ကော်မရှင်ဖွဲ့ရေး ၀ိုင်းဝန်းထောက်ခံရေး ကုလသမဂ္ဂ ဦးဆောင်တဲ့ သုံးပွင့်ဆိုင် ဆွေးနွေး ပေါ်ပေါက်ရေး စတာတွေ ပါဝင်ပုံကို အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) ဥရောပ ဥက္ကဌ ဒေါက်တာ ၀င်းနိုင်က ဘီဘီစီ ကိုရှင်းပြပါတယ်။

မြန်မာနိုင်ငံ ရှေ့နေများကောင်စီ အထွေထွေအတွင်းရေးမှူး ဦးအောင်ထူးကလဲ ၂၀၁၀ ရွေးကောက်ပွဲဟာ ၂၀၀၈ ဖွဲ့စည်းပုံ အခြေခံဥပဒေကို အကောင်အထည်ဖေါ်ရန် ကျင်းပတဲ့အကြောင်း ဒီဥပဒေ ရဲ့ ပုဒ်မ ၄၄၅ မှာ စစ်အစိုးရက မိမိဖါသာ လွတ်ငြိမ်း ချမ်းသာခွင့် ပြုထားလို့ နိုင်ငံတကာ ဥပဒေ နဲ့ ဆန့်ကျင်ကြောင်း ဒါကြောင့်မို့ ကုလသမဂ္ဂ လုံခြုံရေးကောင်စီ အနေနဲ့ ၂၀၁၀ အခြေခံ ဥပဒေအရ ရွေးကောက်ပွဲဟာ ပျက်ပြယ်ကြောင်း ကြေငြာပေး လုပ်ဆောင်သင့်ပုံကို ဥရောပ သမဂ္ဂ ကပါ ထောက်ခံရေး တင်ပြခဲ့ကြောင်း ဘီဘီစီကို ရှင်းပြပါတယ်။

 ကုလသမဂ္ဂ လုံခြုံရေးကောင်စီရဲ့ ဆုံဖြတ်ချက် အမှတ် ၄၄၅ အရ ၁၉၈၄ ခုနှစ်က တောင်အာဖရိက နိုင်ငံရဲ့ ၁၉၈၃ ဖွဲ့စည်းပုံ အခြေခံ ဥပဒေ အရ ပေါ်ပေါက်ခဲ့တဲ့ ပြည်လုံးကျွတ် ဆန္ဒခံယူပွဲ ပျက်ပြယ်ခဲ့ပုံကို ဦးအောင်ထူးက အေသင် ဥရောပ အစည်းအဝေးမှာ ထောက်ခဲ့ပုံကို ပြောပြပါတယ်။

သတင်းရင်းမြစ် - ဘီဘီစီ

“မြန်မာ့မိတ်ဆွေများ” ဆွေးနွေးပွဲ မျှော်လင့်ချက် နည်း

နယူးယောက်တွင် ကျင်းပသော ကုလသမဂ္ဂ အထွေထွေညီလာခံ နားချိန် နေ့လည်စာ စားစဉ်တွင် အထွေထွေ အတွင်းရေးမှူးချုပ် ဘန်ကီမန်း ပြောနေသည်ကို နားထောင်နေသော အမေရိကန် သမ္မတ အိုဘားမား။ (ဓာတ်ပုံ - Getty Images)

ဧရာဝတီ Monday, September 27, 2010 .

စစ်အစိုးရ ကျင်းပမည့် နိုဝင်ဘာ ရွေးကောက်ပွဲနှင့် လတ်တလော မြန်မာ့အခြေအနေများကို ဆွေးနွေးရန် ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းနှင့် ၁၄ နိုင်ငံပါဝင်သည့် “မြန်မာ့မိတ်ဆွေများအဖွဲ့” တို့က နယူးယောက်မြို့၌ စက်တင်ဘာ ၂၇ ရက်နေ့ (အမေရိကန် စံတော်ချိန်) တွင် တွေ့ဆုံစည်းဝေးရန်ရှိကြောင်း သတင်းရရှိသည်။

ဆက်ဖတ်ရန်

မြန်မာ့ရိုးရာ သီတင်းကျွတ်ပွဲတော်ကြီးကို တိုကျိုတွင် ကျင်းပပြုလုပ်ခြင်း( သတင်း၊ဓါတ်ပုံ)

၂၀၁၀ ခုနှစ် အောက်တိုဘာလ(၂၆)ရက်။

မြန်မာ့ရိုးရာ သီတင်းကျွတ်ပွဲတော်ကြီးကို စက်တင်ဘာလ(၂၆)ရက်နေ့ တိုကျိုမြို့ HIBIYA ပန်းခြံ ၌ နံနက် ၁၀း၃၀ နာရီ မှ ညနေ ၅း၃၀ နာရီအထိ အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဂျပန်ဌာနခွဲ မှ တာဝန်ယူဦးစီး၍ စည်းကားသိုက်မြိုက်စွာ ကျင်းပပြုလုပ်ခဲ့ပါသည်။ (၁၁)ကြိမ်မြောက် မြန်မာ့ရိုးရာ သီတင်းကျွတ်ပွဲတော်နှင့် အမိ်ျုးသားဒီမိုကရေစီအဖွဲ့ချုပ် ဖွဲ့စည်းတည်ထောင်ခြင်း (၂၂)နှစ်ပြည့် အထိမ်းအမှတ် အခမ်းအနားကိုပါ ပူးတွဲကျင်းပပြုလုပ်သွားခဲ့ကြောင်း သိရှိရပါသည်။

ဆက်ဖတ်ရန်

တိုင်းရင်းသားခေါင်းဆောင်တွေ ထိုင်းနိုင်ငံမှာ လျှို့ဝှက် တွေ့ဆုံ

2010-09-25

မြန်မာနိုင်ငံ နယ်စပ်ဒေသတွေမှာ ရှိတဲ့ တိုင်းရင်းသား လက်နက်ကိုင်ခေါင်းဆောင်တွေ၊ စစ်အစိုးရနဲ့ အပစ်အခတ် ရပ်စဲထားတဲ့ တိုင်းရင်းသား ခေါင်းဆောင်တွေဟာ ထိုင်းနိုင်ငံ မြောက်ပိုင်း ချင်းမိုင်မြို့မှာ နောက်ထပ်တကြိမ် လျှို့ဝှက်တွေ့ဆုံ ဆွေးနွေးနေကြတယ်လို့ သိရပါတယ်။

ချင်းမိုင်မြို့မှာ စက်တင်ဘာလ ၂၄ ရက်နေ့က စလို့ ဆွေးနွေးနေကြတဲ့ အဖွဲ့တွေကတော့ နယ်ခြားစောင့်တပ် အသွင်ပြောင်းဖို့ ဖိအားပေးခံနေရတဲ့ KIO ကချင်လွတ်လပ်ရေးအဖွဲ့၊ NMSP မွန်ပြည်သစ်ပါတီ၊ ရှမ်းပြည်တပ်မတော် မြောက်ပိုင်း SSA-N နဲ့ စစ်အစိုးရနဲ့ အပစ်အခတ် ရပ်စဲမထားတဲ့ KNU ကရင်အမျိုးသား အစည်းအရုံး၊ CNF ချင်း အမျိုးသားတပ်ဦးနဲ့ KNPP ကရင်နီအမျိုးသား တိုးတက်ရေးပါတီ စတဲ့ တိုင်းရင်းသား လက်နက်ကိုင်အဖွဲ့ ၆ ဖွဲ့ ဖြစ်တယ်လို့ သိရပါတယ်။

ဆက်ဖတ်ရန်

ဦးဟန်ညောင်ဝေနှင့် Victor Biak Lian တို့၏ ဂျပန်ခရီးစဉ်နှင့် ပတ်သက်၍ ၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)မှထုတ်ပြန်ကြေညာချက်

နအဖ အတုအယောင် ရွေးကောက်ပွဲကို ထောက်ခံ နေသော ဦးဟန်ညောင်ဝေ

ဦးဟန်ညောင်ဝေနှင့် Victor Biak Lian တို့၏ ၂ဝ၁ဝ စက်တင်ဘာ (၁) ရက် ဂျပန်ခရီးစဉ်နှင့် ပတ်သက်၍

၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)မှ

ထုတ်ပြန်ကြေညာချက်

နေ့စွဲ - ၂ဝ၁ဝ ခုနှစ် စက်တင်ဘာ (၂၅) ရက်

(၁) နအဖ စစ်အုပ်စု၏ ၂ဝဝ၈ ဖွဲ့စည်းပုံ အခြေခံဥပဒေအပြင် ၎င်းတို့စိတ်ကြိုက် ဖွဲ့စည်းထားသော ရွေးကောက်ပွဲ ကော်မရှင်အဖွဲ့နှင့် ယင်းကော်မရှင်မှ ထုတ်ပြန်သော ဥပဒေ ပြဌာန်းချက်များသည် မြန်မာ နိုင်ငံသား တိုင်းရင်းသားပြည်သူများ၏ မျှော်လင့် ရည်မှန်းရာ ဒီမိုကရေစီ ဖယ်ဒရယ် ပြည်ထောင်စုနိုင်ငံ အဖြစ် တည်ဆောက်ပေးနိုင်မည့် ရွေးကောက်ပွဲအတွက် တရားမျှတမှုနှင့် ဒီမိုကရေစီစံနှုန်းများ မရှိ သဖြင့် အမျိုးသားခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်သည် အဆိုပါ ၂ဝ၁ဝ ရွေးကောက်ပွဲအား သပိတ်မှောက်လိုက်ကြောင်း ၂ဝ၁ဝ ခုနှစ် စက်တင်ဘာလ (၇) ရက်တွင် ဆုံးဖြတ်ချက် ချမှတ်ခဲ့သည်။

(၂) အမျိုးသားဒီမိုကရေစီအဖွဲ့ချုပ်နည်းတူ ပြည်သူ့လွှတ်တော် ကိုယ်စားပြုကော်မတီ အပါအဝင် အခြား နိုင်ငံရေးပါတီ အဖွဲ့အစည်းများ၊ တိုင်းရင်းသားကိုယ်စားပြု ဒီမိုကရေစီ ပါတီအဖွဲ့အစည်းများကလည်း နအဖ စစ်အုပ်စု၏ ၂ဝ၁ဝ ရွေးကောက်ပွဲအား သပိတ်မှောက်ကြောင်းး ဆုံးဖြတ်ခဲ့ကြသည်။

(၃) ဂျပန်နိုင်ငံရောက် မြန်မာတိုင်းရင်းသား လူမျိုးပေါင်းစုံတို့၏ ဒီမိုကရေစီ အင်အားစုများကလည်း ၂ဝ၁ဝ ရွေးကောက်ပွဲဆန့်ကျင်ရေးကော်မတီ(ဂျပန်)ကို ၂ဝ၁ဝ ခုနှစ် သြဂုတ်လ ၂၉ ရက်၌ တညီတညွတ်တည်း ဖွဲ့စည်းကာ နအဖ စစ်အုပ်စု၏ ၂ဝ၁ဝ ရွေးကောက်ပွဲအား စစ်အာဏာရှင်စနစ် သက်ဆိုးရှည်စေမည့် အတုအယောင် ရွေးကောက်ပွဲအဖြစ် သတ်မှတ်လျက် ယင်းကို ဆန့်ကျင်ကန့်ကွက်ကြောင်း ထုတ်ပြန် ကြေညာခဲ့သည်။

(၄) ၂ဝ၁ဝ ရွေးကောက်ပွဲ ဆန့်ကျင်ရေးကော်မတီ (ဂျပန်) တွင် ပါဝင်သော အဖွဲ့အစည်းများ အားလုံးသည် မိမိအဖွဲ့အစည်းများ၏ သီးခြားလွတ်လပ်သော ဆုံးဖြတ်ချက်များဖြင့် လက်မှတ်ရေးထိုးကာ ကော်မတီ၌ ပါဝင်ပူးပေါင်း လုပ်ဆောင်ကြခြင်းဖြစ်ပြီး ထိုသို့ဖြစ်စေရန် အခြားတဦး-တဖွဲ့၏ တိုက်တွန်းခြင်းနှင့် သြဇာ လွှမ်းမိုးခြင်းများ အလျဉ်းမရှိပါ။

(၅) ဦးဟန်ညောင်ဝေနှင့် Victor Biak Lian တို့မှာ နအဖ စစ်အုပ်စု၏ ၂ဝ၁ဝ ရွေးကောက်ပွဲကို ထောက်ခံ အားပေးသူများ ဖြစ်သဖြင့် သူတို့သည် ၂ဝ၁ဝ ရွေးကောက်ပွဲ ဆန့်ကျင်ရေးကော်မတီ (ဂျပန်)နှင့် ရွေးကောက်ပွဲ ရပ်တည်ချက် သဘောထားချင်း လုံးဝ ဆန့်ကျင် ကွဲပြားလျက်ရှိနေသည်။

(၆)၂ဝ၁ဝ ရွေးကောက်ပွဲ ဆန့်ကျင်ရေးကော်မတီ (ဂျပန်)မှ တိုင်းရင်းသား ကိုယ်စားလှယ်အချို့သည် ဦးဟန်ညောင်ဝေနှင့် Victor Biak Lian တို့၏ ၁-၉-၂ဝ၁ဝ လျှို့ဝှက် ဂျပန်ခရီးစဉ်အတွင်း အတူတကွ  လိုက်ပါသွားခဲ့ကြသော်လည်း နအဖ စစ်အုပ်စု၏ ၂ဝ၁ဝ ရွေးကောက်ပွဲကို ထောက်ခံ အားပေးသည့် ဦးဟန်ညောင်ဝေနှင့် Victor Biak Lian တို့၏ ရပ်တည်ချက် သဘောထားကို သဘောတူခြင်း အလျဉ်း မရှိပဲ ၂ဝ၁ဝ ရွေးကောက်ပွဲ ဆန့်ကျင်ရေးကော်မတီ (ဂျပန်)၏ ရပ်တည်ချက်အတိုင်းသာ ပြတ်သားစွာ ရပ်တည်ပါကြောင်း ၁၉-၉- ၂ဝ၁ဝ နေ့က ကျင်းပသော ၂ဝ၁ဝ ရွေးကောက်ပွဲ ဆန့်ကျင်ရေး ကော်မတီ (ဂျပန်)၏ အစည်းအဝေးတွင် ရှင်းလင်းတင်ပြခဲ့ပြီး ဖြစ်သည်။

(၇) သို့ဖြစ်ရာ ဦးဟန်ညောင်ဝေနှင့် Victor Biak Lian ၏ ၁-၉-၂ဝ၁ဝ လျှို့ဝှက် ဂျပန်ခရီးစဉ်အတွင်း ၂ဝ၁ဝ ရွေးကောက်ပွဲ ဆန့်ကျင်ရေးကော်မတီ (ဂျပန်) မှ အဖွဲ့ဝင်တချို့ဖြစ်သော တိုင်းရင်းသား ကိုယ်စားလှယ် အချို့အား အတူလိုက်ပါစေလျက် ဂျပန်အစိုးရ အသိုင်းအဝိုင်းသို့ ချဉ်းကပ်လုပ်ဆောင်သည့် လုပ်ရပ် များအား ကျွန်ုပ်တို့ ၂ဝ၁ဝ ရွေးကောက်ပွဲဆန့်ကျင်ရေးကော်မတီ (ဂျပန်)မှ လုံးဝ ရှုတ်ချ ကန့်ကွက် လိုက်သည်။

၂ဝ၁ဝ ရွေးကောက်ပွဲဆန့်ကျင်ရေးကော်မတီ (ဂျပန်)

(၂ဝ၁ဝ ရွေးကောက်ပွဲဆန့်ကျင်ရေးကော်မတီ (ဂျပန်) တွင်ပါဝင်သော အဖွဲ့အစည်းများ၏ စာရင်းကို ပူးတွဲ ဖြန့်ဝေပါသည်။)

1	National League for Democracy (Liberated Area – Japan Branch) အမျိုးသားဒီမိုကရေစီအဖွဲ့ချုပ်၊ လွတ်မြောက်နယ်မြေ၊ ဂျပန်ဌာနခွဲ
2	League of Democracy for Burma (LDB) မြန်မာ့ဒီမိုကရေစီ အဖွဲ့ချုပ်
3	Burma Democratic Action (BDA)
4	Democratic Federation of Burma (DFB)
5	All Burma Federation of Student Unions (Foreign Affairs Committee) (ABFSU-FAC) ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်  (နိုင်ငံခြားရေးရာ ကော်မတီ)
6	Democratic Party for a New Society (DPNS-JPB) လူ့ဘောင်သစ် ဒီမိုကရက်တစ် ပါတီ (ဂျပန်ဌာနခွဲ)
7	Burma’s Refugees Serving Association (Japan) မြန်မာနိုင်ငံသား ဒုက္ခသည်များ ကူညီစောင့်ရှောက်ရေး အသင်း
8	Save Burma
9	Peaceful Burma
10	Federation of Workers’ Union of the Burmese Citizen (in Japan) (FWUBC) မြန်မာနိုင်ငံသား အလုပ်သမားသမဂ္ဂ အဖွဲ့ချူပ် (ဂျပန်ပြည်)
11	Self-funding Committee International (SCI)
12	အလင်းအိမ် မဂ္ဂဇင်း
13	National Democratic Front (Burma) (NDF) Representative for Japan
14	Palaun National Society (PNS)
15	Arakan League for Democracy (Exile-Japan)
16	Chin National Community-Japan (CNC- Japan)
17	Hotel and Restaurant Worker’s Union of Burma (HRWUB) မြန်မာနိုင်ငံ ဟော်တယ်နှင့် စားသောက်ဆိုင် အလုပ်သမားများ သမဂ္ဂ၊ ဂျပန်
18	Seasfarers’ Union of Burma (SUB) မြန်မာနိုင်ငံ ပင်လယ်ပျော်များ သမဂ္ဂ၊ ဂျပန်
19	အဟာရ စာစောင်
20	Human Resource Development Program (HRDP)
21	Burma Campaign Japan (BCJP)
22	Karen National Union – Japan (KNU-Japan)
23	Kachin National Organization, Japan (KNO-Japan)
24	Karen National Community (KNC-Japan)
25	Karen National League (KNL-JP)
26	Punnyagari Mon National Society (PMNS)
27	Shan Nationalities for Democracy – Japan (SND-JP)
28	Kachin State National Congress for Democracy (Liberated Area-Japan) (KNCD)

မြန်မာ့ပြည်သူ့ရေးရာအဖွဲ့မှ (၁၄) ကြိမ်မြောက် နှစ်ပတ်အစည်းအဝေးနှင့် ၂၀၀၇ ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနား

၂၀၁၀ ခုနှစ် စက်တင်ဘာလ (၂၅)ရက်။

မြန်မာ့ပြည်သူ့ရေးရာ (People's Forum on Burma) အဖွဲ့မှ (၁၄) ကြိမ်မြောက် နှစ်ပတ်အစည်းအဝေး အခမ်းအနားနှင့် ၂၀၀၇ ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနားကို Kourakuen Bunkyo Civic Hall,5F တွင် ညနေ ၆း၀၀ နာရီမှ ၉း၀၀ နာရီ အထိကျင်းပ ပြုလုပ်ခဲ့ပါသည်။

အခမ်းအနား တွင် (People's Forum on Burma)မှ ဦးဆောင်ကော်မတီဝင် ပါမောက်ခ ဆရာ Kei NEMOTO မှ ၂၀၁၀ ရွေးကောက်ပွဲနှင့် ပတ်သက်၍ ရှင်းလင်းပြောကြားသွားရာမှာ ၂၀၁၀ ရွေးကောက်ပွဲသည် ၂၀၀၈ ဖွဲစည်းပုံကို အခြေခံပြီး ကျင်းပသည့် ရွေးကောက်ပွဲ ဖြစ်သဖြင့် ၂၀၀၈ ဖွဲ့စည်းပုံ အခြေခံ ဥပဒေ၏ အားနည်းချက်များကို ထောက်ပြ ဆွေးနွေးသွားပြီး မြန်မာနိုင်ငံသားများအတွက် မျှော်လင့်ချက် လုံဝမရှိသလို ဒီမိုကရေစီ ထွန်းကါးဖို့ မဖြစ်နိုင်သည့် အကြောင်းကို ထောက်ပြ ရှင်းလင်းသွားပါသည်။

ဆက်လက်၍ ၂၀၀၇ ရွှေဝါရောင် တော်လှန်ရေး မှတ်တမ်း ဗီဒီယိုကို ပြသသွားပြီး သည်နောက် International Burmese Monks Organization (Japan Branch) တာဝန်ခံ ဆရာတော် ဦးဓမ္မဇောတိ မှ ၂၀၀၇ ရွှေဝါတော်လှန်ရေးနောက်ပိုင်း ပြည်ပရောက်ရှိ သံဃာတော်များ စုစည်း၍ ပြည်တွင်း သံဃာတော်များ ကိုယ်စား လှုပ်ရှားမှုများ ပြုလုပ်နိုင်ရန် သံဃာအဖွဲ့အစည်းများ ဖွဲ့စည်းတည်ထောင်ခြင်းတို့ကို မိတ်ဆက်ပြောကြားခဲ့ပြီး ရွှေဝါရောင် ဦးဆောင်ဆရာတော် အရှင်ထာဝရမှ လက်ရှိ မြန်မာနိုင်ငံရေး အခြေအနေကို အကျယ်တ၀န့် ရှင်းလင်းပြောကြား ပြီးသည့်နောက် ၂၀၁၀ ရွေးကောက်ပွဲဟာ လွတ်လပ်ပြီး တရားမျှတသည့် ရွေးကောက်ပွဲ မဖြစ်နိုင်ကြောင်း ဒေါ်အောင်ဆန်းစုကြည်၊ တိုင်းရင်းသား ခေါင်းဆောင်များ ကျောင်းသားခေါင်းဆောင်များ အပါအ၀င် နိုင်ငံရေး အကျဉ်းသားများတို့ကို ဆက်လက် ဖမ်းဆီးထားဆဲ ဖြစ်ကြောင်း ရဟန်း ရှင်လူ ကျောင်းသား ပြည်သူများ တို့က နအဖ စစ်အုပ်စု၏ ရွေးကောက်ပွဲဟာ တရားမျှတမှု မရှိသည့်အတွက် နအဖ စစ်အုပ်စုကို ဒီထက်မက ဆန္ဒပြမှုတွေဟာ ပိုမိုပြင်းထန်လာမည့်အကြောင်းနှင့် ဂျပန်ပြည်သူများအနေဖြင့် မြန်မာနိုင်ငံတွင် ဒီမိုကရေစီ ပေါ်ထွန်းလာရေးအတွက် ထိရောက်သည့် ပံ့ပိုးကူညီမှုများ ကူညီပေးရန် တိုက်တွန်းပြောကြားသွားပါသည်။

သတင်းမှတ်တမ်း။ Mai Kyaw Oo(PNS-Japan)
မှတ်တမ်းဓါတ်ပုံ။ Lian Khan Sum(CNC-Japan)/Myo San Oo (BDA)

ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် ဘာသာပေါင်းစုံ ဝတ်ပြု ဆုတောင်းပွဲ အခမ်းအနား(တိုကျို)

546+

ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနား ဘာသာပေါင်းစုံ ဝတ်ပြု ဆုတောင်းပွဲ အခမ်းအနားကို ကို ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ ဦးစီးကျင်းပ၍ တိုကျို Shibuya UN အဆောက်အဦးရှေ့တွင် ယနေ့ ညနေ ၄း၀၀ မှ ၅း၀၀ နာရီ အထိ ကျင်ပ ပြုလုပ်ခဲ့ကြပါသည်။

ယနေ့ ဆုတောင်းမေတ္တာပို့သသည့် အခမ်းအနားတွင်နအဖ စစ်အာဏာရှင်ခေါင်းဆောင် ဗိုလ်ချုပ်မှူးကြီး သန်းရွှအား ဂျပန်နိုင်ငံရောက် မြန်မာ့ဒီမိုကရေစီ အင်အားစုများ၏ သဘောထား ထုတ်ပြန်ချက်ကို ဖတ်ကြား ထုတ်ပြန်ပြီးသည့်နောက် အခမ်းအနားတွင်  ၂၀၀၇ ရွှေဝါရောင် တော်လှန်ရေး၌ ကျဆုံးသွားခဲ့ကြသော အာဇာနည်အပေါင်းနှင့် ဂျပန်လူမျိုး သတင်းထောက် နာဂါအိ ခန်းဂျိစံ ကွယ်လွန်ခြင်း၃ နှစ် မြောက် ဆုတောင်းမေတ္တာ ပို့သခြင်း အခမ်းအနားကို ပြုလုပ်ကြပြီးနောက် ၂၀၀၇ ရွှေဝါရောင် ဦးဆောင်ဆရာတော် အရှင်ထာဝရမှ ရွှေဝါရောင်ဖြစ်ပေါ်လာပုံ သမိုင်းကြောင်းကို ရှင်းလင်း ပြောကြားခဲ့ပါသည်။ ထိုနောက် IBMO(Japan-Branch) တာဝန်ခံ ဆရာတော် ဦးဓမ္မဇောတိမှ အရပ် ၁၀ မျက်နှာ ဆုတောင်း မေတ္တာပို့သ၀ပြီးသည့်နောက် အခမ်းအနားကို ရုပ်သိမ်းခဲ့ပါသည်။  အခမ်းအနားတွင် ဂျပန်နိုင်ငံရောက် မြန်မာ့ဒီမိုကရေစီ အင်အားစုများ စုစုပေါင်း ၁၅၀ ကျော် တက်ရောက်ခဲ့ကြကြောင်း သိရှိရပါသည်။

သတင်းမှတ်တမ်း ။ Mai Kyaw Oo (PNS-Japan)
မှတ်တမ်းဓါတ်ပုံ ။ Lian Khan Sum(CNC-Japan)/ Myo San Oo (BDA)

ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် ဆွမ်းကပ် တရားနာ အခမ်းအနား(တိုကျို)

၂၀၁၀ ခုနှစ် စက်တင်ဘာလ(၂၅)ရက်။

ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနားအဖြစ် ဆွမ်းကပ် တရားနာ အခမ်းအနားအစီအစဉ်ကို တိုကျို Toshima-ku, Sugamo အရပ်ရှိ သာသနာ့ဥသျှောင် အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်- ဂျပန်ရုံးခွဲတွင် ယနေ့ နံနက် ၆း၀၀ နာရီ မှ ၁၄း၀၀ နာရီအထိ ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ ကျင်းပပြုလုပ်ခဲ့ကြပါသည်။

နံနက် ၆ နာရီ အာရုဏ်ဆွမ်း ကပ်လှူခြင်း အစီအစဉ်ကို BDA အဖွဲ့သားမှ သံဃာတော်များကို ဆွမ်း ကပ်လှူပြီး နေ့ဆွမ်းကို ဂျပန်ရောက် မြန်မာ့ဒီမိုကရေစီ အင်အားစုများမှ စုပေါင်း၍ ဆွမ်းကပ် လှူဒန်းခဲ့ကြပါသည်။ နေ့ခင်း ၁၂ နာရီ တွင် ရွှေဝါရောင်တော်လှန်ရေးတွင် ကျဆုံးသွားခဲ့ကြသော အာဇာနည်အပေါင်းတို့အား အမျှဝေ ရေစက်ချ တရားတော်နာခြင်း ကျင်းပပြုလုပ်ခဲ့ကြပြီးနောက်  ကြွရောက်လာကြသည့် ဧည့်ပရိတ်သတ်များတို့ကို ဆီချက်ခေါက်ဆွဲဖြင့် ပြန်လည်ကျွေးမွေး ဧည့်ခံခဲ့ကြောင်း သိရှိရပါသည်။

သတင်းမှတ်တမ်း ။ Mai Kyaw Oo(PNS-Japan)
မှတ်တမ်းဓါတ်ပုံ ။ Myo San Oo(BDA)

မကြာခင် ဖြန့်ဝေတော့မည့် “သံလွင့်အားမာန် ရေစီးသံ” ဗီဒီယိုဇာတ်လမ်းခွေ ပိုစတာကြော်ငြာ

Regional Commands of SPDC

Regional_Command_of_SPDC -

Copy from _ thawthikho.blogspot.com/

စစ်အစိုးရ ရဟတ်ယာဉ်ကို KIO က သတိပေး ပစ်ခတ်

မြေကတုတ်ကျင်းတွေ ပြင်နေတဲ့ KIA တပ်သားတွေ

KIO ရဲ့ လိုင်ဇာဌာနချုပ်ကို ချဉ်းကပ်လာတဲ့ နအဖ စစ်အစိုးရ ရဟတ်ယာဉ် တစ်စီးကို KIO ဘက်က ပစ်ခတ်ခဲ့ပါတယ်။ ကြာသပဒေးနေ့ နေလယ် ၁ နာရီလောက်တုန်းက လိုင်ဇာနဲ့ ၁၀ မိုင်လောက်ဝေးတဲ့ နမ့်စမ်ဆိုတဲ့ နေရာကို ချဉ်းကပ်လာတဲ့ အစိုးရ စစ်ရဟတ်ယာဉ်ကို KIO ဘက်က သတိပေးတဲ့ အနေနဲ့ ပစ်ခတ်တာဖြစ်ပါတယ်။ ချဉ်းကပ်လာတဲ့ ရဟတ်ယာဉ်ကတော့ တစုံတရာ မတုန့်ပြန်ဘဲ လှည့်ပြန်သွားပါတယ်။

ပြီးခဲ့တဲ့ နှစ်ပတ်လောက်ကလည်း စစ်ရဟတ်ယာဉ် တစ်စီး လိုင်ဇာနားကို ချဉ်းကပ် ပျံသန်း လာခဲ့သေးတယ်လို့ ဒေသခံတွေက ပြောပါတယ်။

ဒီကနေ့ အဖြစ်အပျက်နဲ့ ပတ်သက်ပြီး KIO ပြောခွင့်ရသူ ဦးဆင်ဝါးက ရဟတ်ယာဉ် ရောက်တယ် ဆိုတာကတော့ အတည်ပြုနိူင်တဲ့အကြောင်း ပစ်တာ ခတ်တာကိုတော့ အတည်ပြုချက် မပေးနိုင်သေးတဲ့အကြောင်း ဘီဘီစီ ကိုပြောပါတယ်။

အခုလောက်အထိ ရဟတ်ယာဉ် နီးနီးကပ်ကပ် ချဉ်းကပ်တာတော့ ဒါဟာ ပထမ ဆုံးအကြိမ် ဖြစ်တဲ့အကြောင်း ဦးဆင်ဝါးက ပြောပါတယ်။ ရဟတ်ယာဉ်ရဲ့ အနေအထားက ပစ်ခတ်ဖို့ လာတာ မဟုတ်လောက်တဲ့ အကြောင်းသတင်း ထောက်လှမ်းရေး သဘောလာတာ ဖြစ်နိုင်တဲ့အကြောင်း ဦးဆင်ဝါးက ဆိုပါတယ်။

ဒီဖြစ်ရပ်နဲ့ ပတ်သက်ပြီး စစ်အစိုးရဘက်က တစုံတရာ တုန့်ပြန် ပြောဆိုလာတာတော့ မရှိသေးပါဘူး။ နယ်ခြားစောင့် တပ်ဖွဲ့ရေးနဲ့ လက်နက်စွန့်ရေး ညှိနှိုင်းမှုတွေ မပြေလည်နိုင်ကြတဲ့ စစ်အစိုးရနဲ့ KIO ကြား ဆက်ဆံရေးမှာ စက်တင်ဘာ ၁ ရက်နေ့ နောက်ဆုံးထား သတ်မှတ်ပေးထားပြီး နောက်ပိုင်း ဒါဟာ ပထမဆုံး အကြိမ် သေနတ်သံကြားရတာ ဖြစ်ပါတယ်။

ဆက်ဆံရေးတွေ တင်းမာနေချိန်မှာ အခုလို စစ်ရဟတ်ယာဉ် ချဉ်းကပ်တာတွေ ရှိလာတော့ ဒေသခံ လူထုကြားမှာ သတိထားစရာတွေ ဖြစ်လာနေတယ်လို့ ဦးဆင်ဝါးကပြောပါတယ်။

သတင်းရင်းမြစ် - ဘီဘီစီ

သျှမ်းပြည်တပ်မတော်(မြောက်ပိုင်း) တပ်မဟာ ၁ က မိခင် အမွေဆက်ခံ

သျှမ်းပြည်တပ်မတော် SSA-N

Thursday, 23 September 2010 20:33

အပစ်ရပ် သျှမ်းပြည်တပ်မတော် SSA-N လက်အောက်ခံ တပ်မဟာ ၁ သည် မိခင်တပ်ဖွဲ့ သျှမ်းပြည်တပ်မတော် အနေဖြင့် ရပ်တည်သွားမည်ဖြစ်ကြောင်း ၎င်းအဖွဲ့မှ တပ်မှူး တစ်ဦး အပြောအရ သိရသည်။

အပစ်ရပ်သျှမ်းပြည်တပ်မတော်မှ ဗဟိုလုံခြုံရေးတပ် အပါအ၀င် တပ်မဟာ ၇ နှင့် ၃ တို့က ပြည်သူ့စစ်ဖွဲ့ရေး အဆိုကို လက် ခံထားပြီး ဗိုလ်ချုပ်ပန်ဖ ဦးစီးသည့် တပ်မဟာ ၁ က ယင်းအဆိုကို ငြင်းဆန်နေရာ စက်တင်ဘာလဆန်းမှ စ၍ တပ်မဟာ ၁ အစား သျှမ်းပြည်တပ်မတော်ဟု အမည် ပြောင်းလဲ သုံးစွဲနေကြောင်း သိရသည်။

ဆက်ဖတ်ရန်

ရွှေဝါရောင် တော်လှန်ရေး (၃)နှစ်မြောက် နှစ်ပတ်လည် အခမ်းအနား

ရွှေဝါရောင် တော်လှန်ရေး (၃)နှစ်မြောက် နှစ်ပတ်လည် အခမ်းအနား

၂၅-၉-၂ဝ၁ဝ တိုကျို၊ ဂျပန်

ဂျပန်နိုင်ငံရောက် မြန်မာ့ဒီမိုကရေစီ အင်အားစုများ၏ ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနားအဖြစ် ဆွမ်းကပ်လှူခြင်း၊ ဘာသာပေါင်းစုံ ဝတ်ပြုဆုတောင်းခြင်းနှင့် နှစ်ပတ်လည် အခမ်းအနား နိုင်ငံရေးလှုပ်ရှားခြင်းတို့ကို အောက်ပါအစီအစဉ်များအတိုင်း ကျင်းပမည် ဖြစ်ပါ၍ မည်သူမဆို ပါဝင်ဆင်နွှဲကြပါရန် လေးစားစွာ တိုက်တွန်း နှိုးဆော်အပ်ပါသည်။

အစီအစဉ် (၁)

သာသနာ့ဥသျှောင် အပြည်ပြည်ဆိုင်ရာ မြန်မာရဟန်းတော်များ အဖွဲ့ချုပ်- ဂျပန်ရုံးခွဲတွင် ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ အာရုဏ်ဆွမ်း ကပ်လှူခြင်း။ နံနက်စောစော ဖြစ်၍ အာရုဏ်ဆွမ်း ကပ်လှူခြင်းကို BDA အဖွဲ့မှ တာဝန်ယူပါမည်။

နေ့ရက် ၂၅-၉-၂ဝ၁ဝ (စနေနေ့)

အချိန် နံနက် ၆ နာရီ

နေရာ Sugamo ဘုန်းကြီးကျောင်း, Tokyo

အစီအစဉ် (၂)

အထက်ဖော်ပြပါ ရုံးခွဲတွင်ပင် ဂျပန်နိုင်ငံရောက် မြန်မာ့ဒီမိုကရေစီ အင်အားစုများမှ နေ့ဆွမ်း ကပ်လှူခြင်း။

မည်သူမဆို မိမိတို့အစီအစဉ်ဖြင့် ဆွမ်းတခွက်ကျစီ ချက်ပြုတ် ယူဆောင်လာပြီး ကပ်လှူနိုင် ပါသည်။

နေ့ရက် ၂၅-၉-၂ဝ၁ဝ (စနေနေ့)

အချိန် နံနက် ၁၁ နာရီ

နေရာ Sugamo ဘုန်းကြီးကျောင်း, Tokyo

အစီအစဉ် (၃)

ရွှေဝါရောင် တော်လှန်ရေး (၃) နှစ်မြောက် နှစ်ပတ်လည် အခမ်းအနားအဖြစ် ဘာသာပေါင်းစုံ ဝတ်ပြု ဆုတောင်းပွဲနှင့် နိုင်ငံရေး လှုပ်ရှားမှုကို အောက်ပါအစီအစဉ်အတိုင်း ကျင်းပပါမည်။

နေ့ရက် ၂၅-၉-၂ဝ၁ဝ (စနေနေ့)

အချိန် ညနေ ၄ နာရီမှ ၅ နာရီထိ

နေရာ ကုလသမဂ္ဂ အဆောက်အဦရှေ့ Shibuya, Tokyo

ပြန်ကြားရေး

မြန်မာ့ဒီမိုကရေစီ အင်အားစုများ (ဂျပန်နိုင်ငံ)

ဆက်သွယ်ရန်ဖုန်း - 090-4964-9718 (Ko Than Swe), 090-9831-7192 (Ko Mai Kyaw Oo), 080-4155-6099 (Ko Myint Swe), 080-5888-3925 (Lwin Aung Soe)