Monday, April 12, 2010

နိုင်ငံရေးပါတီ ၁၉ ခုအနက် တအာန်း (ပလောင်) ပါတီလည်း မှတ်ပုံတင် ။



ပလောင်စော်ဘွား ခွန်ပန်းစိန်




Sunday, 11 April 2010 21:52 သျှမ်းသံတော်ဆင့်

၂၀၁၀ ရွေးကောက်ပွဲ ကော်မရှင်ထံ မှတ်ပုံတင်သည့် နိုင်ငံရေးပါတီ ၁၉ ခု အနက် တအာန်း (ပလောင်) ပါတီလည်း မှတ်ပုံတင် သည့် နိုင်ငံရေးပါတီအသစ်ထဲတွင် တခုပါဝင်ကြောင်း စုံစမ်း သိရှိရပါသည်။

“ပလောင်ပါတီလဲ ၈ ရက်နေ့တုန်းက မှတ်ပုံတင်တယ်၊ ပါတီဖြစ်မြောက်ရေးအတွက် ဥက္ကဌ က မိုင်အိုက်မုန့်”- ဟု ထိုင်းနယ်စပ်နေ တအာန်းခေါင်းဆောင် မိုင်အိုက်ဖုန်းက ပြောသည်။

ဧပြီ ၈ ရက်နေ့အထိ ရွေးကောက်ပွဲကော်မရှင်ထံ မှတ်ပုံတင်ထားသည့်ပါတီများတွင် သျှမ်းတိုင်းရင်းသားများ ဒီမိုကရက် တစ်ပါတီ နှင့် တအာန်း (ပလောင်) နိုင်ငံရေးပါတီသစ်ဖြစ်လာမည့် မိုင်အိုက်မုန့်ခေါင်းဆောင် Plaung National Party (PNP) တို့ပါဝင်လျှင် မှတ်ပုံတင်ထားသည့် နိုင်ငံရေးပါတီ ၁၉ ခု ရှိကြောင်း၊ ပါတီဟောင်း ၃ ခု နှင့် ပါတီအသစ် ၁၆ ခုတို့ဖြစ် ကြောင်း ကြားသိရသည်။

မိုင်အိုက်မုန့် ၆၃ နှစ် သည် သျှမ်းပြည်မြောက်ပိုင်း မန်တုံမြို့ ဇာတိဖြစ်ပြီး သျှမ်းပြည်တော်လှန်ရေး စတင်ချိန်မှ စ၍ ပလောင် ပြည်လွတ်မြောက်ရေးတပ်မတော်တွင် ပါဝင်လာခဲ့သူတဦးဖြစ်သည်။ ၁၉၉၁ အပစ်ရပ်စဉ် ဦးဆောင် သူဖြစ်သကဲ့သို့ ၂၀၀၅ လက်နက်ချရန်ဖိအားပေးခံရစဉ်ကလည်း အကြီးအကဲဖြစ်သည်။

“ မိုင်အိုက်မုန့် ဦးဆောင် နိုင်ငံရေးပါတီသစ်က အခုဘဲ မှတ်ပုံတင်ထားတယ်လေ၊ နိုင်ငံရေးပါတီ အဖြစ်အသိအမှတ်ပြု မခံရသေးတော့ သူတို့ရဲ့နိုင်ငံရေးရပ်တည်ချက်ကိုလဲ တရားဝင်ထုတ်မပြောသေးဘူး၊ ကိုယ်စားလှယ်လောင်းဘယ် နှစ်ယောက်၊ မဲဆန္ဒနယ် ဘယ်နှစ်နယ်ကနေ ၀င်ပြိုင်မယ်ဆိုတာ မသိရသေးဘူး” - ဟု ပလောင်အမျိုးသားလွတ်မြောက် ရေးတပ်ဦး PSLF ဥက္ကဌ မိုင်အိုက်ဖုန်း ကပြောပါသည်။

နအဖ ၏ ၂၀၀၈ ဖွဲ့စည်းပုံတွင် သျှမ်းပြည်မြောက်ပိုင်း နမ့်ဆန်မြို့နယ် နှင့် မန်တုံမြို့နယ် ၂ မြို့နယ်အား ပလောင်ကိုယ်ပိုင် အုပ်ချုပ်ခွင့်ရဒေသအဖြစ်သတ်မှတ်ပေးထားသည်။

ပလောင်အမျိုးသားများသည် ၁၉၅၉ ရှမ်းပြည် တော်လှန်ရေး စတင်ချိန်မှစ၍ သျှမ်းအမျိုးသားများနှင့်အတူ လက်တွဲ လာခဲ့၏။ ၁၉၆၂ ဗိုလ်ချုပ်နေ၀င်း အာဏာသိမ်းပြီးနောက် သျှမ်းတော်လှန်ရေးတပ်မှ ခွဲထွက်ပြီး အမျိုးသား တန်းတူရေးအတွက် ၁၉၆၃ ဂျန္ဖ၀ါရီလ ၁၂ ရက်နေ့က ပလောင်ပြည် လွတ်မြောက်ရေးတပ်မတော်အဖြစ် သီးခြား ရပ်တည်ကာပလောင်တော်လှန်ရေး နေ့ဟု အစွဲပြုသတ်မှတ်ခဲ့ပါသည်။

သျှမ်းပြည် လူထုခေါင်းဆောင်များနှင့် စော်ဘွားများ စည်းရုံးမှုရရေးအတွက် သျှမ်းပြည် စော်ဘွားများကောင်စီ ပလောင် စော်ဘွား ခွန်ပန်းစိန်က ဦးဆောင်ဦးရွက် ပါဝင်ခဲ့သောကြောင့် ဖေဖေါ်ဝါရီ ၇ ရက် သျှမ်းပြည် အမျိုးသားများနေ့မှ ၁၉၄၇ ဖေဖေါ်ဝါရီလ ၁၂ ရက် ပြည်ထောင်စုနေ့ဖြစ်သို့ တက်လှမ်းနိုင်ခဲ့သည်။

PNS-Japan
သတင်းမှတ်တမ်း ။ မူရင်း ( သျှမ်းသံတော်ဆင့် )



0 comments: