Saturday, April 24, 2010

ဒေါ်အောင်ဆန်းစုကြည်နှင့် နအဖ ဥက္ကဋ္ဌ တို့ အမြန်ဆုံးတွေ့ ဆုံဆွေးနွေးရန် တိုက်တွန်း တောင်းဆိုသည့် ဂျပန်အမတ်များလှုပ်ရှာမူ။



၂၀၁၀ ခုနှစ် ဧပြီလ ၂၃ ရက်။

ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် နအဖ ဥက္ကဋ္ဌ ဗိုလ်ချုပ်မှူးကြီး သန်းရွှေတို့  အမြန်ဆုံး တွေ့ ဆုံဆွေးနွေးရန် တိုက်တွန်း တောင်းဆိုသည့် လှုပ်ရှားမှုကို မြန်မာ့ဒီမိုကရေစီအရေး ထောက်ခံအားပေးသော အမတ်များ သမဂ္ဂအဖွဲ့ မှ ဦးစီး၍ ဂျပန်အမတ်များ၏ ထောက်ခံသည့် လက်မှတ်များကို ယနေ့  ဧပြီလ (၂၃)ရက်နေ့ တွင် စတင်ကောက်ခံခဲ့ပါသည်။

အမတ်များလက်မှတ် ကောက်ခံသည့် လှုပ်ရှားမူတွင် ဂျပန်ရောက် မြန်မာ့ဒီမိုကရေစီ အင်အားစုများတို့ မှ ပူးပေါင်းပါဝင်ခဲ့ကြပြီး အောက်လွတ်တော် အမတ်အဆောက်အဦး အမှတ်(၁)၊ အမှတ်(၂) နှင့် အထက်လွတ်တော် အမတ်အဆောက်အဦးတို့ တွင် အဖွဲ့ ၃ ဖွဲ့ ခွဲကာ အမတ်များ၏ ထောက်ခံ လက်မှတ်များကို ကောက်ခံခဲ့ကြပါသည်။

လက်ရှိမြန်မာပြည်၏ အခြေအနေနှင့် တိုင်းပြည်ကို ငြိမ်းချမ်းစွာ ပြောင်းလဲနိူင်သည်မှာ ရွှေဂုံတိုင် ကြေငြာစာတမ်း ပါသည့်အတိုင်း တွေ့ ဆုံဆွေးနွေးရေး နည်းလမ်းဘဲဖြစ်သည်။ မြန်မာပြည်၏ နိူင်ငံရေးပြဿနာကို ဖြေရှင်းသည့်နေရာမှာ ဒေါ်အောင်ဆန်းစုကြည်နှင့် နိူင်ငံရေး အကျဉ်းသားများအားလုံး အမြန်ဆုံးလွတ်ပေးပြီး ပါဝင်သင့် ပါဝင်ထိုက်သည့် ပုဂ္ဂိုလ်များဖြင့် တွေ့ ဆုံဆွေးနွေးဖြေရှင်းမှသာလျှင် မှန်ကန်သည့် နည်းလမ်းဖြစ်သည့်အတွက် ယခုလို ဂျပန်အမတ်များ ဆန္ဒသဘောထား လက်မှတ်များကို ကောက်ခံကာ နအဖ ဗိုလ်ချုပ်မှူးကြီး သန်းရွှေ ထံသို့  မြန်မာ့ဒီမိုကရေစီအရေး ထောက်ခံအားပေးသော အမတ်များသမဂ္ဂအဖွဲ့ မှ တာဝန်ယူပြီး ပေးပို့ သွားမည်ဖြစ်ပါသည်။

အမတ်များ၏ လက်မှတ် ကောက်ခံသည့် လှုပ်ရှားမူကို ဧပြီလ(၂ရ)ရက်နေ့ အထိ နောက်ဆုံး ကောက်ခံသွားမည်ဖြစ်ပြီး ကုလသမဂ္ဂ အထွေထွေအတွင်းရေးမှူးချုပ်ထံနှင့် လုံခြုံရေးကောင်စီ အဖွဲ့ ဝင်နိူင်ငံများထံသို့  ဆက်လက်ပေးပို့ သွားမည်ဖြစ်ကြောင်း သိရှိရပါသည်။

သတင်းမှတ်တမ်း ။ PNS-Japan

/span> ...

0 comments: